Archive for the ‘Religion’ Category

Ash Wednesday 2012

Wednesday, February 22nd, 2012

Ash Wednesday hi Christian te Liturgical calendar ah chuan Lent hun intan na ani . Easter hma ni 46 ah hman a ni thin.  Chanchintha Mathaia, Luka leh Marka ziah ah chuan Isua khan rawngbawlna a tan hma khan, thlaler ah ni sawmli leh zan sawmli chawnghei in a tawngtai tih kan hmu a. Kar thianghlim an tih Isua an mantir zan (Maundy Thursday) Good Friday leh Easter lo thleng tur atan a inpuahchah nan(ni sawmli chhung) khawvel pum a Christian te chuan hmasang ata tawh he ni hi an lo hmang thin a ni. Ash Wednesday leh Easter inkar ah hian ni sawmli(40) a awm thin a, Sunday a kar a tla hi chhiar tel a ni lo. Kum 2012 hian February ni 22 ah hman a ni.

Ash Wednesday tih a nih nachhan chu he mi ni hian chal ah emaw, lu ah vut (ash) an tat thin vang a ni. Vut intah hi sunna emaw, inchhirna leh inlamletna entir nan hman a ni thin a ni. Lent hi Isua thihna (Good Friday) leh thawhlehna( Easter) lo thleng tur atan inpuahchahna mai nilovin, a thihna leh thawhlehna tawmpui nan Christian hmasa te chuan an lo hmang thin a ni. Lent hun chhung hian hlimhlawp bawlna ang chi lak ah an insum thin a, ei leh in ah insum in chaw te an nghei thin a. Tin, tawngtai na pawh uar lehzual in an nei thin ani. Misual kan in zia in hre thar leh in, kan sual vang a inchhira, inlamlet a Pathian lam hawi leh nan he hun  hi an hmang thin ani.
(more…)

Posted in Event, Religion | 31 Comments »

Thupha an chawi lo

Monday, February 20th, 2012

Mizo pipute chuan sualna thuah chuan Pathian hnenah thupha an chawi ngai hauh lo nia! An sual avanga tawrhna lo awm chu an phu reng vanga Khua relah an ruat hmiah a, an chunga thil tha anga lo thleng te, thil tha lo anga lo thlengte chu khua relah an ruat hmiah thei a, Amaherawh chu an hriat lohvang leh loh theih lohna avanga an tihsual palh ah (entirna’n an eizawnna kawnga nungchate thihna an thlenah te) Pathian hnenah sual ngaihdam dilna leh thupha chawina inthawi an hlan thin a, chuti anga sual thupha chawina an hlan tawh hnu pawha an chungah tawrhna a la thlen fo chuan Khua relah an ruat hmiah thei a ni. Heng thil te han ngaihtuah hian a va ropui em.

https://hnamsakhua.blogspot.in/

Posted in Opinion, Religion | 36 Comments »

Chanvo rawngbawlna nge Pathian rawngbawlna?

Sunday, February 19th, 2012

Mihring kan nih miau avangin chau ṭhin, tlu ṭhin leh peih lo ṭhin kan ni. Chutiang hunah chuan kan thlarau nun a chhe vek tihna erawh a ni lova, chakna thar kan neih leh theih nân nasa lehzual zâwka Pathian kan auh a ṭul zâwk a ni. Kan peih loh châng leh ngui châng apianga Pathian rawngbâwl kan thlahthlam zêl a nih chuan kan thlarau nunin hnung tawlh lam a pan hret hret zêl a ni.

Piangthar kan tehna hi eng chen nge niang aw? Ṭhehnem ngai mang si lo, piangthar ṭha ber ber anga awm lawi bawk si te hi a awm theih a. Peih loh vang leh chhuanlam fahrah tê tê avanga rawngbâwlna kan hlen loh hian kan rawngbâwlpuite kan tihnual mai ni lovin, Pathian pawi kan sawi a, a pawi ber zâwk chu keimahni’n kan tuar hlauh hi a ni.

(more…)

Posted in Religion | 7 Comments »

Ka thian tha ber

Sunday, February 19th, 2012

Chu zan reh takah chuan ka kal thinna lui kam thing buk hnuaiah chuan ka thu kerh kerh a. Thla chu a eng nuam em em mai a, luitui che vel chuan thla eng chu a rawn en a, a tle suar bawk a. A boruak chu hahdamin a hmun chu nuam hle mahse chung hmun nuam leh lui luang ri her herte chuan zanina ka lungngaih zia leh rilru hah zia hi an hrethiam si lo. Hei hi a lo ni maw nun beidawnna ruam an tih chu tiin ka indawm kun ngawih ngawih a.

Heng ka chunga thil thleng zawng zawng hi ka thiam loh chu ni bawk mahse, ka thiante leh ka chhungte kha ka dem khawp mai. Pawisa lakluh dan ka hria a, thian ka ngah a, thian khawm pawh ka thiam khawp mai. Kei aiin ka thiante ka dah pawimawh a, an harsatnaah theih tawkin sum sengin ka chhawm dawl thin. Mahse hei tunah chuan ka lo tlachhe ta a, khang ka thiante khan min chhawm dawl chu sawi loh, diriam takin min kalsan zo ta chu a ni a.
(more…)

Posted in Religion | 20 Comments »

Zirlai leh Professor (Sunday Pual)

Sunday, February 19th, 2012

(Kar tawp lamah ka zinkual a, ka chauvin ka mut a chhuak hle mai a, Sunday Sermon tur a thupui ka rilrua awmsa pawh ka ngaihtuah ding hlei thei tlat lo. He thil lar tak hi ka rawn tarlang ve leh mai mai e. Kan tunlai dinhmunah hian a relevant riauvin ka hria).

Amah chu Professor thiam tak mai, Pathian awm ringlo leh chapo thar mai hi ani a, Pathian awm ring tlut mai ho te han hnial dan leh mi hmaa han tihzah vel hi nuam a ti thei hle mai a. A Class-ah pawh chuan naupang thenkhat Pathian a awm ngei nia ring tlat an awm nual tih a hria a; naupang zawng zawngte hriatlai ngeia han hnial dan a, tih zah a tum ta a. Hmeichhe naupang nungchang tha em em mai leh Pathian tih em em mai thin, class tan dawn leh Exam hall a tawngtai ching thin chu a han thlangchhuak ta chat mai a ni.

Professor : Ka fanu, Kristian i ni tiraw?

Hmeichhe naupang : Aw, ka pu.
(more…)

Posted in Religion | 39 Comments »

Sunday Pual – Numbers 4:6-a “Savûn țha mi” a tih hi “Eng Vûn Nge?

Sunday, February 19th, 2012

1. Introduction:

Tumkhat chu Sunday School-ah Numbers 4:6-na thu hi hriatchian ka duh avangin hetiang hian ka zawt a, “Thuthlung Bawm khuhna Savûn țha mi a tih hi eng vûn ber nge ni ang le?” tiin ka zawt a. Zirtirtu zinga pakhat chuan chhan pah-in min zilhhau hrep a, “Thlarau lam nun-a hlawkpuina tur awm lem lo Pathian thuhar buaipui vak vak chin hi a țha lo, sim hmak a țha zawk,” tiin.

He zirtirtu zahawm takin thu min rawn hi zawm harsa ka ti a, ka sim lo chiang khawp mai. Pathian thuhar leh ziak dik lo leh lehlin dik lo nia kan hriatte hi a chhan hriat theih ni vek zawk se ka ti hle a ni. Ka thiam tawk leh hriat phak tawk tete-in ka chhui ve ta a, ka duhthu a sam lo nasa sia, chhiartuten in hriat zawng apiang lo belh-chhah ve teh u.

2. He Savûn țha mi hi Eng vûn ber nge ni ang le?

Mizo Bible-ah chuan “Savun tha mi” tiin a dah a (Numb.4:6). English chuan “porpoise skin” or “badger skin” or “hides of sea-cows” tiin a ziak thung. Porpoise leh Badger hi chu “Zâwngdulinu” tia lehlin a ni tlangpui a. Tichuan, Savun țha mi a tih hi Zâwngdulinu vûn ni-awm takin a lang ta a. Sea-cow hi chu tuia cheng chi-ah pawh, hnim pet/ei chi an ni a, tunah chuan hmuh tur an awm tawh lo. Chuvangin, Savûn țha mi a tih hi Zâwngdulinu vûn a tihna a ni thei mai ang em?

(more…)

Posted in Ask | Help | Suggest, Religion | 18 Comments »

Ka Testimony

Saturday, February 18th, 2012

Thuziak mi ka ni lo va, ka ngaihtuahna puangchhuak turin engmah ka ni lo tih pawh ka hria; mahse, mi pakhat chauh tal pawhin a hlawkpuina a lo neih ve takin tiin beiseina nen ka ziak ve tawp a ni. Ka ziah dik loh tam tak a awm chuan chhiar liam mai lova min hrilh turin ka ngên a che u.

He khawvel zinkawng zawh ve turin he khawvel leilung hrehawmnaa khat chu ka lo rap ve ta. Engmah ngaihtuahna pawh nei lovin ka zinkawng chu ka zawh chho ve det det a, harsatna pawh hre chang lovin ka hun leh ni te chu ka chhiar liam ve ṭhin chu a lo ni reng mai.

Thing delh loh lung delh loh na na na chu hun leh ni a liam ang bawkin kei pawh ka ṭhanglian chho ve zel a. Kum 4 ka nihin ka nu leh pa, u leh naute chu kalsanin khawpui lama zirna run bel turin ka kal a, chhungte bula awmna tur ka neih loh avangin kân sikul hostel-ah ka awm tawp a, chhungte ka neih ve loh avangin visiting day-ah te hian kantu ka nei ve ngai lo. Naupang të ka nih avangin rualawh a lo na bawk si, ka nu leh pa bulah ka vui hial ṭhin a, mahse, engmah min tihsak thei si lo. An rilru a hah ve ṭhin ngâwtin ka ring. Kei lah chuan naupan ât lai a ni bawk nen engmah ka hrethiam ve der si lo. Tun hnua ka ngaituah let hian ka va inchhir ṭhin tak em!
(more…)

Posted in Advice, Luangliam, Religion | 22 Comments »

Hringnun hi…

Friday, February 17th, 2012

(Lei hringnun hi, a ho leh beidawng zawnga thlirtu tan engmah-lo-mai a nih laiin; Lalpa ringa nghaktu te tan erawh, thlemna leh harsatna, beidawnna leh tahna te hi chakna min siamtu, prialral nawmna min tem tirtu a ni lawi si! Engtinnge hringnun i hman ve thin?)

Turnipui sensa hnuaia’n
Chawhnuthlangher hret a ni tawh a, nisa vawl vawl hnuaiah, inkhawm turin hmahmawh ang reng takin ka kal hlawk hlawk a. ‘Uih zawn ang mai’ tih ka thiante hnen atang in hlawh fo thin; kal hlawk hlawk mi hi ka ni a. ‘Garden City ti hiala hriat, boruak nuam leh thiang a an sawi thin: Bangalore pawh ka tan zawng eng-teh-ual a lo nih loh hi a…’, ti rirlu rauh rauh chung in kawng sira thil awm chu ka thlir pah zel a.

An kawngpui zau tak KL Liana’n, ‘Rulngan pa ang zar’, a tih ai pawh a ngil leh hnum tha ah chuan ka awm ve tih pawh hre map loin chak zet zetin in lirthei changkang tak tak te chuan min tlan pel ang fua fua a. Lirthei heti zat awm si ah hian ka ta pakhat mah a la awm lo zui!!! Ka kal thui deuh hnu phei chuan ka thlan a tla ta hial…

(more…)

Posted in More than words, Religion | 23 Comments »

Twitter-a a thil tweet vangin thih phah maithei!

Wednesday, February 15th, 2012

Tunlai chu information hi a tha tawh khawpa internet khawvelah hian thil post leh tawngkam tehi fimkhur a ngai khawpmai. Kan thil tarlan tehi keinin kan ngaih serious vakloh aiin mi hian an lo ngai serious viau thei a. Saptawng a nih loh pawhin mizo comunity chhungah pawh hian mi tana offensive thei deuh kan tarlan chuan kan va offend tekhan an lo hmu ve vat dawn ani tih hriat a tha, an mahni related anih chuan thiante atangin emaw eng tin tin emaw anlo en ve vat mai ang. hehe

Hmanni ah pawh Dr.Rebeka in mi a bawl ngawt a FIR te an thehluh mai kha. Misual member zingah Rebeka i bawl tawh engzat nge awm ang aw. :P

Chuan he pa Hamza Kashgari(K-23) pawh hian a thil tweet in muslim ruh ho a chhaih kawlh ani ber mai. Muslim lam comunity ah chuan tun kar vel khan alo hot viau ani awme he chanchin hi. A identity an chhui chhuah hnu ah New Zealand a tlanchhiat tumin Saudi Arabia atangin a thlawk chhuak a mahse Malaysia police ten anlo man a, Saudi Arabia ah an thawn kir leh ani. A future a bright lo khawpmai. Fimkhur phah nan lo hmang deuh rawh u. hehe

Hei a link

 

Posted in Blog, Information, Internet, News, Religion, Whatever | 37 Comments »

Nick Vujicic an nupui a nei!

Wednesday, February 15th, 2012

misual.com ah pawh a ma chungchang Sunday Pual a lo post tawh a ni [Harsatna tamtak hnehtu Nick Vujicic a chanchin tlem]. Nick Vujicic a, khawvel a motivational leh inspirational speaker tha tak zet mai, Kristian tha lutuk ni bawk chuan Feb 12 khan nupui a nei ta e.

Nick-a hi kan lo hriat tawh theuh angin, kut leh ke neilova piang a nia, mahse Pathian hnenah a in pe em em a, a nupui tur pawh hi Pathian in min pe mai ang a ti thin a ni. Nimin piah a nupui a neih thu hi khawvel hmun hran hrana amah ngaisangtute chuan kan lawmpui hle a ni! A nupui hming chu Kanae Miyahara a ni e.

Hetah a chhiar zawm theih e: The Gospel Herald: Limbless Nick Vujicic’s Marriage – A Valentine’s Day Gift to the World

Thlalak:

(more…)

Posted in Lifestyle, Religion | 66 Comments »

« Older Entries
Newer Entries »