Archive for the ‘Whatever’ Category

Sawi niah nuah!

Wednesday, June 27th, 2012

Bawkbawn case:

India ram aá¹­anga ramdang a chhuak ta, Bawkbawn hi English a koh dan a mak hlawm ngawt a nia. India ramah hian English angin “Brinjal” tiin kan sawi mai á¹­hin. English ho chuan “Aubergine” an ti daih thung. “Aubergine” chu French á¹­awng ani leh lawi si! American ho ve thung erawh chuan English tak siin, “Eggplant” anti hlauh lawi a! British ho English dictionary ah chuan “Aubergine is the fruit of an Eggplant,” a inti ve hlauh bawk a… a mak hlawm teh e.

Mizo á¹­heuh á¹­heuhah pawh Lusei á¹­awng hmang hovin Bawkbawn kan tih laiin Lai holh (Pawi á¹­awng) hmangte chuan “Bawnbawk” an ti leh hlauh thung a. Hmar, Ralte, Paite ten-in “Manta” an tih laiin Mara (Lakher) ho lah chuan “Babao” anlo ti leh heu bawk a. Bawkbawn hi alo bawkbawn em a ni e hairehai :P

Thâu liangluang case:

Khawvelah hian mihring thau tak tak an tam tehlul nen, khawvel a mihring thau chuangbang tam zawk hi America (USA) ah hian a awm roh pek a. UN leh WHO lamin an tarchhuah danin khawvel ah hian 17 million tons vel chu thau uchuak (overweight) a ni an ti mauh mai. America hian khawvel mihring 6% zat chauh hen mahse, thau zawng zawng hmun thum a á¹­hen a hmun khat a chang lawi si a ni. Hahdam tawh lutuk vang niberin puh mithiam zingah an tam hle.

(more…)

Motor ke!

Tuesday, June 26th, 2012

Kar hmasa khan hnalam a ka boss chuan a haw kawng aá¹­angin min rawn kova. A motor ke (tire) a thêp thu sawiin , a motor insurance (triple A) a koh thu a sawi nghal bawk a. A sawi zel dânin, a motor chu khalh tamlo mahse, a kête chu an rei tawh vangin an chhe tawh hle tih anlo hrilh thu a sawi tel bawk a. A ke-pâi (spare) nen chuan a thlak ta vek nghe nghe a ni.

Engpawh nise, hetiang a motor ke-in damchin a neih hi kalo hre ngai rêng rênglo pek a. Thawhá¹­anni alo thlen chuan hunawl remchangah motor ke (tire) chungchang chu ka tum lawk angin ka zawt belh ta ngê ngê a.

Motor ke hi a tlangpui thuin, siam anih aá¹­anga kum 5 anih hnuah lei duh loh a á¹­ha tih thute chu ka hriat belh ta zel a. Motor lam hriate phei chuan kum 3 aia upa anlo lei duh ngailo fo tihte thlengin ka hreta zel a ni. Fimkhur zual deuhte phei chuan an motor ke leinate hnenah an motor keah emaw a damchin (expire) tur an chhinchhiah tir á¹­hin hial alo ni awm a. Tin, a motor a zirin a ke tih puar (pump) tur zat inziak ngaih pawimawh a á¹­ha ber awm e.

(more…)

Sek nazawng an ‘luck’ kher lo!

Thursday, June 14th, 2012

University of Southern California-a mithiam Brad Foley-a leh a hote chuan thil dangdai deuh, tûnlai mite (a bîkin tlangvâl dul kiar, thau lêng lung leh mâm pel pul) tâna thu lâwmawm tak an hmuchhuak ta tlat mai le! An zir chianna aá¹­anga an thil hmuh chhuah chu eng dang ni lovin “Sek nazawng an ‘luck’ kher lo” tih hi a ni!

Mipa, inkhai thli thlerh thlawrh, muk leh sek á¹­ha tak ringawt hian hmeichhia an hip hrân lêm lova, an luck kher lo a nih chu! Hetih lai hian pian thiam vak lote pawhin hmeichhe chhe lo tak tak an thur leh nawlh nawlh á¹­hin. Rilru paukhauh leh ‘pa’ tak mai hi hmeichhia te sawi ber a nih laiin, a dik takah chuan an thlan te chu an sawi ang mi an lo ni vek lêm lo! Mihring chu sawi loh, tho (housefly) á¹­henkhat pawh hian insual huai leh ‘pa’ deuh ai chuan nun nêm leh ze zawi ve tak te hi an thlang zâwk fo tih hmuh chhuah a la ni ta zêl a.

(more…)

Mawlmang tak a ngaihtuahna!

Wednesday, June 13th, 2012

“Pathianin mihringte a siam dan,” tih fiamthuin:

Tlaklei a sawk a, mihring riruang a siam a a ur (bake) ta vut vut mai a. An thur chhuah meuh chuan alo kang dum huam mai a, MIDUM alo chhuak ta a.

A vawihnih nan tiin an ur (bake) á¹­ha leh a, a thur tlai lutuk ang tih a hlau a a thur hma leh ta si a, VUN-Var alo chhuak a.

A vawithum naah chuan, “Ka tisual tawh lovang,” tiran-in uluk takin aman a vil a a ur leh ta vut vut mai a. Chu meuh erawh, a uluk bawk a, a hun takah a thur ta a, ASIA mi (Asian Indian, brown skin nilovin) nitur alo chhuak ta a, a lawm ta em em a,” tiin sawi fiamthu a ni á¹­hin. :P

(more…)

DAWNTAWI VALA (True Story)

Friday, June 8th, 2012

THUHMA:      Han ti tehchiam ila, he hla hril hi Aizawla ka thianpa pakhat, tlangval tuaitir, insual hrat ve tak maiin zankhat a thiltawn min hrilh behchhana 16 November 2011 daih tawha ka phuah kha a ni a. Amah chu nu leh pa fapa neihchhun, duat sual, lehkhathiam rilru chak zet, mahse lehkha zir aia Bike racing leh insual (fair fight) nuam ti zawk, zu in zeuh zeuh, huaisen leh chak zet mai, nula lamah pawh ‘luck’ ve tawk tak, duh apiang nei thei (an tih ang chi), mahse nun tuihal ru ve tak thin a ni. Hemi zan erawh hi chuan a sawi danin a harhfim veka, amah pawhin thiam a inti khawp, mahse tlangval thalai thisen lum huam huam, thinrim tawh laklawhin a thil khawih pawi theih erawh chu hmeithai awmnem deuh leh gospel tuinung luia lo inchiah zawr ve tawhte tan phei chuan ‘suangtuah phak bak’ a ni fo thin.

Engpawhnise chawtak khuka khukpui vak tlak chu a ni lo naa, mi(sual).com ti misual tu atan ka rawn chhawpchhuak ve mai mai a ni e, ngaihdan tawk in lo thiam aniang chu :-)

 

Khai aw….
(more…)

Jail ah Pastor?? (Lectern?)

Tuesday, June 5th, 2012

Sunday a ka inkhawmnaah TKP ten District Jail a rawngbawlna neih an tum thu ka han hria a. TKP te hi an inbuatsaih ve hle a, present pek tur  bench eng emaw zat leh dawhkan te an siam ve a, heng ka hmuh hian ka rilru ah ngaihdan a lo piang ta a, chu chu ka han sawi chhuak ve reng reng anga, misual ho hian enge ngaihdan kan neih ve dawn? Kohhran hruaitu te pawh kan awm ngei anga, bawhzui tlak a ni em tih chu mahni ngaihdan nise….

Jail tin ah hian Pastor (Ordained Minister) pakhat awm theuh se, chu chuan tuk zanin Jail tangte zingah rawngbawlna nei thin se tha hle turah ka ngai a ni. Pastor hi sorkar in hlawh pe in chenna tur te pawh pe ve sela, he Pastor hian Jail chauh hi enkawl se la, hlawh lam chu kohhran in a pek ang zat tho hmu ve sela. Jail a thawk tur Pastor hi kohhran in thlang thin se, Bial enkawltu ang thovin term neiin enkawl ve se, Pastor enkawl tu chu Kohhran nise, hlawh petu ah sorkar hi awm ve ta se, Jail tangte tan a tha ngei ang.

Jail hi in hremna nilovin in siamthatna hmun a chang thei dawn a ni. Jail chhungah Evangelist te leh kohhran thalai pawl ten rawngbawlna an nei thin a, Jail tangte tan a lawmawm hle thin ang, an rawngbawlna avanga piangthar ta pawh sawi tur a tam ang chu, mahse rawngbawl tute an tin a, enkawl zuitu an awm loh avangin rei lo te ah  ngai an awh leh mai a, Jail atanga an lo chhuah chuan an nun hlui bawk ah an let leh thin a ni. Jail hi insiamthatna hmun a nih theih na tur chuan Evangelist leh kohhran te rawngbawlna hlawhchhuah chu enkawl zuitu a ngai a ni. Hemi ti tur hian Pastor rawih thin nise tha hle tur ah ka ngai a ni.

Le in sawi ve ni a ni ta. Comment lamah ka lang lo a nih pawhin ka ngaihdan ka sawi tlang ta a, Bawh zui tlak a ngai leh bawh zui thei chuan mahni tha tih dan dan a ni mai……

“Mizo Kan Ni” ti ta ila !!!

Saturday, June 2nd, 2012

Mak tihhmel deuhin, “Khawi atang nge inlo kal ? China…???” a han ti he haw a. Kan inmelh kual deuh hnu chuan kan zinga pakhat chuan nui deuh titih chungin, “ Aw, ni e“ a han ti ve mai a, kan nuiho dar dar a, a ni pawh chu a nui ve mai a. Thildang min zawt tawh lemlo chuan a kal kiang ve mai a , keini pawhin zawhna thutak lemlo tak nia kan ngaih avangin kan ngaihtuahzui tawh lemlo bawk.

A hmun kan thleng ta bawk a, tuipui fawn hlup hlup lamah chuan rilru kan han dah vang vang a, hmuhnawm titakin kan thlir thap a, mit a hahdam ngei mai. Tlailam boruak chuan tuipui chu a timawi a , a kam vel boruak leh leilung pawh a lang thianghlimin a felfai tha hle a ni.

Mahse, chutianga foreign atanga kal kan nih takah chuan rinloh takin hmelhriat ngailoh te chuan min duhsakin min ngaihsak a, duhtawka tui dai an phal a, kan bula awm nuam anti a, min be deuh sek bawk. Chumai nilovin thla te min lakpui ta zel a, rinloh takin ‘milar’ chu kan nita der mai. A nuam kan titlang bawk a niang, darkar reilote chhung mah nise kan duhthawh tlang hle a ni.

Duhthusam leh suangtuahna a puitling a, beisei phak bak hmuna min hruailuttu ber erawh kan ngaihtuah pha ta hauhlo thung.

Kan piah lawkah chuan nichina zawhna min zawttu khan lokal thar, puitling zahawm hmel tak takte hnenah, “Foreign atang lokal annih saw !!“ ti ni awm takin alo hrilh zel a, kan lam chu a rawn kawk zauh zauh reng bawk a, dawt kan hrilh tih a hre silo . Chu thil han hmuh chuan rilru a kam ru reuh ta ngei mai. Thuphachawia va hrilh that a chakawm hial a, mahse a hun leh a hmun in a zir tawhlo.

(more…)

Animation

Friday, June 1st, 2012

Mizote hi Animation lamah hian kan la hniam em em a, a zirna man a to vang emaw ngaihsanna chang kan hriat loh vang te pawh a ni mahna. Animation lamah hian hna a tam em em a. India ramah ringawt pawh a thiam tan thawh sen loh a awm a ni. Naupang lawm mai mai kan tih ang hi a ni ngawt lova, a phenah hian sum tam tak a awm a ni :) .

Mizote hi hnam dang (vai) ho aiin art lamah hian kan sang zawk in ka hria, kan lemziak thiam tak tak te hi Animation industry ah hian lut se hi ka ti thin, Lemziah thiam tak tak, a nachang hriat loh vanga awm mai mai ka hmu hian an thiamna ka lo ui pui thin. Mi thenkhat hian creative a ngai e mai, bakah lemziah ka thiam silo hi an ti ngawt a, amaherawh chu taima tak a zir a thiam theih chi a ni. Tin, lemziah hi thiam a ngai kher lova, lemziah ngai lo chi peng hrang hrang hi tam tak a awm a ni.

A zirna hmun a kal theih chu a that rual rual in mahni a in zir pawh hian sang tak a thlen theih a ni. A pawimawh ber chu Portfolio/showreel tha tak siam a nimai. Certificate in awmzia a nei thui lo khawp mai. India ram a Animation zirna tha ka hriat Whistling woods, Maya Academy of Advance Cinematic, Picasso Animation, Frameboxx, ZICA leh a dang tam tak ah te hian zir chur chur te u, Doctor, engineer etc line ringawt zir lo hian :)
(more…)

Friday woohooooo

Friday, June 1st, 2012

Sandman-a style in  ;-)
https://www.youtube.com/watch?v=at41Yr8uszg&feature=related

https://www.youtube.com/watch?v=RSqTPEx07JA&feature=fvwrel
(more…)

Filler

Monday, May 28th, 2012

Fur tui a tla Å£an ang a, ruah sur loh zanah chunglam han hawi chho i la, van boruak thiang tak karah Chhohreivung a lo eng sât ang a, Hmar lam han thlir i la Hmar Arsi in a rawn chhuk melh ang a. I han hawi zau deuh ang a, Hrangchhuana leh Chawngmawii in di i han hmu ang. Chutah meuh chuan “Chung siar khi kawp ten an mal len e” ti a i faifuk rut rut a nih pawhin ‘luck lo zia’ an ti bik lo vang che!

He thil hi Mizoram a i awm chuan a takin i tawnhriat ve tawh ngei ang le. Vai ramah zawng van te pawh hi a paw ang phut a, a ţial ang ruan a. Arsi lang chhun pawh hi Kumara ha nawh zawh hlim ni awm vel hian a de ve sét sét a. He tih hunah hian a ni kan ram riang te hi ka ngaih zual thin ni!

Ruah thimpui a rawn hawng dawn a, kawlkilah Å£ek a rawn de zuai zuai a. Rangva inhnuai ngei maiah khan ruah mal hmasa nghakin rizai chhahpui mai han inlu khuh tlat mai i la. Rangva inchung a rawn ri Å£hang Å£hang ta maw tih ah khan automatic khan lungruk a lo vei ruk em em kha rizai chhungah a rawn zam lut chem chem ang a…..
(more…)