«
»

Si-âr thlir nân!!

June 28th, 2012 3:00 pm by Henry Vangchhia

Hetiang hmun hi ka kal châk em emna ani fo ṭhin. Ka phâktâwk chuan a ang hnaih theiber awm tur, Mizoram thingtlang leh ramhnuai nuam ka ti viau ṭhin bawk!

International Dark-Sky Association chuan English Channel a thliarkar pakhat, “Sark” chu “Dark Sky Island” hmasaber a ni tih an puang. An puanna chhan hian awmzia a nei viau mai lehnghal.

Vanah khian arsi billion tam lutuk an awm tih kan hre ṭheuh ang a, amaherawh chu, in leh khawtual eng a nasat (light pollution) vangin tlemte chauh kan hmu thei ṭhin a ni.

Mihring te’n zanah/thimah engmah kan hmuh theihloh avangin êng (light) kan mamawh a, mahse, International Dark-Sky Association chuan chho zawng a êng pelo deuh chi chhi hram hram turin fuihna a tichhuak ṭhin. Hetiang chho zawng a êng pechhuak chi hi UK ah leh US ah hian a nasa zual em em mai a, chutiang vang chuan 2/3 US mite hian Thlasik kawng (milky way) pawh an hmuve thei ngailo rêng a ni. Chutiang chuan US mipui 99% te chu mithiam ten “Light polluted” an tih hmunah an khawsa an ti.

Chutih karah chuan Arizona state a Flagstaff khua chu kum 2001 khan khua hrim hrim a dark sky certified hmasaber alo ni tawh a. Hetiang deuh hian van arsi-te leh thla êng mawina thlir duh vangin street light dah duhlo khua an awm nawk mai bawk a.

Tichuan, tunah English Channel a thliarkar tetakte chuan an hnung a zui veleh ta a ni. He thliarkar, “Sark” hi England aṭangin mel 80 bawr vel a awm a ni a. Sark thliarkar hian England lal hnenah Lalnu Elizabeth 1 an pek ṭan ata tawh tun thleng chhiah anla pe reng a. An chhiah pêk zat pawh tun hma kum 400 liamta ami ang zat, $2 ala ni fan!

Sark thliarkarah hian street light a awm miah lova, motor tlantir khap tlat anih bakah, modified feudalism hmanga rorel ala ni a. Tunah chuan Mr.Bowman chu an hotu niin, hmanlai ang deuhin, mi tupawhin tuipui kamah emaw thil chhar sela, Mr.Bowman hnenah thu an thlen hmasaber anga, aman a duh loh chuan a chhartu emaw khan a nei thei chauh anih chu.

La Coupée, lei rêk (isthmus)Sark leh Little Sark inzawm tirtu:

An thliarkarah hian mi 600 an khawsa mek a, ram neitu mi 40 te chu chawplehchilh (automatic) in member of parliament anni nghal bawk. Thliarkar mawi leh enkawl thinghlim tak mai anihna leh, hetiang a zan thengthaw nuam tak mai kar a arsi leh thlaêng mawi takte thlir theihna hmun hi tlawh ve theih a chakawm ngawt nia!

Motor luh lohna ṭheuh ṭheuh:

Chhiar belh duh tan:
https://www.guardian.co.uk/uk/2011/jan/31/sark-first-dark-sky-island

Similar Posts:

Recent Posts:

This entry was posted on Thursday, June 28th, 2012 at 3:00 pm and is filed under Information, Lifestyle, Opinion, Travel. You can follow any responses to this entry through the RSS 2.0 feed. You can leave a response, or trackback from your own site.

20 Responses to “Si-âr thlir nân!!”

  1. 1
    houdini Says:
    June 28th, 2012 at 3:03 pm

    Chh1ar hmain a ngaihnawm ring lâwk phawt teh ang. :-D

    Report this comment

  2. 2
    houdini Says:
    June 28th, 2012 at 3:08 pm

    Va nalhin a va dangdài angreng ve. Ram ringrëk khi kal a va hlauhawm hmèl ve, a vawnchhan a sàn lutuk loh phei chuan.

    Report this comment

  3. 3
    Dr Mahminga Sailo Says:
    June 28th, 2012 at 3:10 pm

    A va’n nawm hmel tak em (Y)

    Duthu han sam ta ila, Nupui fanaute nena khawsak nan ka awt hle mai… :-)

    Report this comment

  4. 4
    Kawhterenga Says:
    June 28th, 2012 at 3:10 pm

    A va nuam hmel tak em (Y) Keini ang Van lam chanchin tuimi tan chuan khitiang tluka hmun duhawm khi a vang ngawt ta ve ang (H)

    Report this comment

  5. 5
    Kawhterenga Says:
    June 28th, 2012 at 3:15 pm

    Kan pi leh puten Arsi hming tam tak phuah a an lo hriat em em nachhan pawh kha khitiang ai maha duhawm zawk Zan boruak an hman ṭhin vang a nih ka ring. (H) Zan lama mit lo chhun vai tur dang an neih loh avang khan Arsi hlawmkhawm leh a mal tam tak kha chiang takin an lo hmu thei dawn zu ni reng a. :-D

    Report this comment

  6. 6
    Kawhterenga Says:
    June 28th, 2012 at 3:41 pm

    “Si-ar sing sang sawmsarih lak ngai mah se”, kan tunlai zan boruak eng paw ruai hnaui aṭang chuan Sing pawh kan hmu tling thei ta meuh lo a nih hi! :-D :-P

    Report this comment

  7. 7
    chhangteval Says:
    June 28th, 2012 at 3:49 pm

    Buaipui lam hi a inang lo thei bawk sia.. :-O

    Report this comment

  8. 8
    Mx Says:
    June 28th, 2012 at 4:01 pm

    (Y)

    Report this comment

  9. 9
    lrpa Says:
    June 28th, 2012 at 4:11 pm

    Arsi vel sawi takah chuan arsi hrang hrang tlawh kual zung zung thei ila..ka chak ber pawl ani. Pathian ropui zia nen hian ka ngaihtuah pawlh thin a!! A ropui ani.

    Report this comment

  10. 10
    H.Vangchhia Says:
    June 28th, 2012 at 5:11 pm

    lrpa #9 Hemi ang hian Stargate awm sela kal zung zung mai ila tiraw? hairehai :)

    https://www.youtube.com/watch?v=6mDnftAsIGc

    Report this comment

  11. 11
    mama Says:
    June 28th, 2012 at 5:43 pm

    chu thliarkar loliama paradise a awm thei dawn em ni, an inlungrual awm sia, misual an awm lo bok anga, ei tur ilo an siam thiam awm bok sia a nuam ang chu awwww.

    Pu HV, zana Arsi thlir nan chuan kan khua hi a tha ltk, pollution free, light pollution phei chu khoi lamah a ni ringawt.

    Hmanlaia thlan laih thuk zia an sawi nan chhun pachangah pawh arsi a lang thei an tih thrin kha chu k awih thei mang hlek lo nia :D

    Report this comment

  12. 12
    chhangte_ll Says:
    June 28th, 2012 at 6:06 pm

    ‘Light Pollution’…. :-O :-P :-D …Generator kan off vel chiah. “Hlawng Hlif HNEEPKHAW (I) (I) :-[
    Roti, Makaan, Kapda <—- Rasta, Bijli, Gas, Jaal etc etc telh belh chi ani ta e… :(

    Report this comment

  13. 13
    Chhuaklinga Says:
    June 28th, 2012 at 7:12 pm

    Thim hlutna (Y)

    ṭen ṭen

    Report this comment

  14. 14
    sheldon Says:
    June 28th, 2012 at 8:08 pm

    Arsi te hi an mawi in an ropui teh meuh mai a. Kei hi chu ka dawih bawk a, zan rei tawh lama mahni a van lam thlir vung vung te hi ka duh vak lo, a ropui rapthlak riau a.. Nia, tui zawng hi a inang lo teh e.

    Report this comment

  15. 15
    Charice_mizo Says:
    June 28th, 2012 at 9:24 pm

    chutiang hmun te chu alo la awm a ni maw, han zin ve a van chakawm ve aw!

    Report this comment

  16. 16
    H.Vangchhia Says:
    June 28th, 2012 at 9:26 pm

    Charice_mizo, keipawh ka zin châkna zawng tak mai ani asin. (B)

    Report this comment

  17. 17
    Charice_mizo Says:
    June 28th, 2012 at 9:27 pm

    a picture ka hmu ve thei chiah, a van mawi tehlul em! khitiang hmunah te khi chuan cheng ve ila keini ang takngial pawhin nitin poem kan phuah maithei a ni.. :-)

    Report this comment

  18. 18
    H.Vangchhia Says:
    June 28th, 2012 at 9:49 pm

    Charice_mizo#17 Thlaeng mawi zan takin phul-ah mut a vanlam thlir mai mai pawh a nuam ngawt ang le…music nalh deuh kha tiri riai riai bawk ila :)

    Rilru a hahdam thei viau mai tur asin! :-)

    Report this comment

  19. 19
    malsta27 Says:
    June 28th, 2012 at 10:40 pm

    Hetiang hmun hi nawm duh hmel riau a sin, zeldin thu in ka ziak tawh tiang deuh hi…. :-) :-) . Dr Mahminga sitail deuh in Ukulele pawh kan naupan lai hriat dan ngei in :-D .

    https://misual.life/2010/10/.....-thla-eng/

    Report this comment

  20. 20
    H.Vangchhia Says:
    June 29th, 2012 at 5:18 am

    malsta27 #19 i ziak ngaihnawm khawp mai. (Y)

    Report this comment

Leave a Reply

You must be logged in to post a comment.