mi(sual).com

Wai Wai Running Cup For Inter Constituency Football Tournament 2006 a hnai : Tie Draw neih fel a ni ta

Wai Wai rim a nam ta huam huam mai. Kan sawi mek leh kan la sawi zel tur 1st Wai Wai Running Cup For Inter Constituency Football Tournament 2006 Tie draw chu nimin khan Aizawl Press Club-ah neih a ni ta. Zone tin aiawh, chanchinbumi leh milote pawh an kim hle. Engkim a chiang tawh a, Mizoram chhim leh hmar, chhak leh thlanga kei ka ni inti chinte, Mizoram aiawha vawi tam fehchhuak tawh leh mahni veng/khua tana vawi khat fehchhuahna tur chauhte, han zir deuh se chuan a beiseiawm ang mawle… tih tur leh beiseiawm lo ve tak tak; football khalh aia bawng khalh thiam zawk awm tak takte, thluak aia tihrawl ngah, bula tu rawh tiha tu pawp chi leh mahni hma hun thlir ran a, he hun hi an tan hun rangkachak; football khawvel a an hma hun awmdan tur tichiang tu tur a nih hria a theihtawp chhuahte nen he football khawmpuiah hian mipuiten thlir tur kan nei dawn a ni. He tournament hi August ni 24-ah tan a ni dawn a, chu chu karleh ningani khi a ni e.

Competition sang Zoram pum huap

Mizoram pum huap inelna a nih a vangin he tournament hi a sang khawp mai. Tehna hran a awm chuang lova, Europe-a Champions league an khelh nen khuan a in ang viau. Mahse he tournament hi chu match hmasa ber atangin knockout round a ni nghal dawn a, chak lo a piangten puanthuah an tel zel dawn a ni. Mizorama MLA bial 40 atangin team 33 an tel dawn a, Constituency tina player thate indap lawrin bial ai an rawn awh dawn a nih chu. Bial thenkhat erawh bial aiawha chhuak turin khua/veng an rawn thawhchhuak thung a, Aizawl khawpui chhunga zone tinte chuan Zone tournament siam vekin hemi atana inbuatsaihna an nei a, player tha an thlangchhuak mek a ni.

MLA Team an ni lo

MLA Constituency tinte inelna a nih laiin MLA team erawh an ni lo. Hetihlai hian MLA thenkhat erawh chuan an bialte phurpuiin hma an lakpui nasa hle a, selection chungchangah pawh tihpui thlapin an kalna tur senso leh mamawh engkim tumsak an huam mek a, a lawmawm khawp mai. MFA lam chuan bialtu MLA-te tibuai lo thei ang bera che turin Contituency tinte a ngen a, Contituency inlena ni lovin contituency ramri remchanga hmangin rampum huap football inelna an buatsaih zawk a ni. MFA-in a tum ber chu Mizoram puma Football-a harhtharna kan chan theih nan leh hma kan sawn theih nan tih a ni. Hetiang hi buatsaihtute tum dan a ni a, hetihlai hian tel tur thlan chungchangah erawh party thil inrawlh lo se tih chu MFA lam duhdan a ni bawk. Veng/Zone/khua \henkhatah chuan party hruaitu/Block hruaituten hma an la tih hriat a ni a, zone hruaitute tih tur niawm tak a nih laia hetiang thil hriat a ni hi chhanna hriat a chakawm hle. Engpawh nise thahnemngaihna thilah ngai phawt ila, thil dik lo a inphum a nih erawh chuan kan la hre tho turah ngai ang.

Buatsaihtute

He tournament bul tumtu(sponsore tu) te hi Wai Wai Company(M/S Chudhuri Group(Nepal) Pvt.Ltd. leh Mizorama an agent Mosia Agency, Lower Chanmari an ni a, Mizorama Football hmasawn nan an sponsored a ni. Running tura ruahman a ni nghe nghe a, Mizoram Football Association chuan a organise thin dawn a ni

Sum a tam

Kan beisei a phak nge phak lo chu kan hre lo. A buatsaihtute chuan lawmmanah Rs.81000/- zet an sem ral dawn a, hemi bakah hian Trophy, medal leh certificate a la awm bawk dawn. Champion-ten Rs 40,000 +Trophy+Medal+Certificate an dawng ang a, pahnihnain Rs 20000/- +Trophy, Medal, Certificate an dawng bawk ang. Hetiang hi lawmman dang ruahman dan a ni bawk

Fair play – Rs 3000/- + Trophy, Best Player-Rs 2000/- +Trophy, Top Scorer- Rs 2000/-+Trophy, Best defender-Rs.1000/+ Trophy, Best Striker-Rs.1000+Trophy, Best Goalkeeper-Rs.1000/-+ Trophy, Best Midfielder- Rs.1000/- + Trophy.

Tel turte-

Team 33 an tel dawn a, Pool A leh B-ah \henin Seeded team te chu Pool A-ah Champhai leh Serchhip an ni a, Pool B-ah Aizawl East II leh Kolasib an ni.

Pool A

Champhai, Aizawl North I, Mamit, Vanva, Sangau, Hnahthial, Aizawl West I, Lunglei North, Zawlnuam, Tlungvel, Aizawl South II, Sateek, Lungpho, Kawnpui, Aizawl East I, Aizawl North II, Serchhip

Pool B

Aizawl East II, Chawngte, North Vanlaiphai, Saitual, Aizawl West II, Khawzawl, Lawngtlai, Kawrthah, Bilkhawthlir, Lunglei South, Tlabung, Suangpuilawn, Aizawl South I, Tawipui, Ratu, Kolasib.

Fixture

Pool A

Champhai Vs Aizawl North I / Mamit24.Aug.11:00 AM
Vanva Vs.Sangau 24.Aug.1:00 PM
Hnahthial Vs. Aizawl West I 24.Aug.3:00 PM
Lunglei North Vs. Zawlnuam 25.Aug.10:00 AM
Tlungvel Vs. Aizawl South II 25.Aug.12:00 Noon
Sateek Vs. Lungpho 25.Aug. 2:00 PM
Kawnpui Vs. Aizawl East I 26.Aug.10:00AM
Aizawl North II Vs. Serchhip 26.Aug.12:00 Noon.

Pool B

Aizawl East II Vs. Chawngte 24.Aug. 2:00 PM
North Vanlaiphai Vs.Saitual 24.Aug. 12:00 Noon
izawl West II Vs. Khawzawl 25.Aug.10:00 PM
Lawngtlai Vs.Kawrthah 25.Aug.12:00 Noon
Bilkhawthlir Vs.Lunglei South 25.Aug. 2:00 PM
Tlabung Vs. Suangpuilawn 26.Aug.10:00 AM
Aizawl South I Vs. Tawipui 26.Aug.12:00 Noon
Ratu Vs. Kolasib 26.Aug.2:00 PM

He tournament hi September ni 2-ah final khelh tura ruahman a ni a, Pool B First round match hi Ramhlun Sports Complex-ah khelh tur a ni dawn a, a bak zawng hi AR ground-ah khelh tur a ni ang.

Inkhelh hun chhung hi quarter final thleng minute 80(40+40) khelh tur a ni a, half time-ah minute 10 chawlh tur a ni ang. Semi final atangin minute 90 khelh a ni ang a, half time minute 15 chawlh a ni bawk ang. 1st round atanga quarter final thlengin inhnehtawk(drawn match)-ah extra time pek a ni dawn lova, tie braeket hmanga chak zawk zawn nghal zel tur a ni ang. Semi final atangin drawn match-ah extra time 15+15 pek tur an ni ang a, heta an la in draw cheu chuan penalty mark hmangin chak zawk zawn a ni ang. Golden goal leh silver goal hman a ni dawn lo. Thil dangah chuan MFA technical rules hman a ni ang.

Similar Posts:

• Manchester Premier Cup 2008 ah Mizoram che tha zel
• A vawi nga na atan Mizoram champion thei a ngem?
• Mizo Aw Sports :: 25 Aug
• Final round khel turin Mizo naupang
• Mizo Aw Sports :: Aug 26

Recent Posts:

• IRONY OF THE FACT
• Mizo Society hian lal a hrawt em?
• MPSC hnuaia Mizoram Engineering Service tlingtharte
• Ka tawn vang a ni lo ania
• Mizo Technical Graduate-te (Veterinarians)

This entry was posted on Thursday, August 17th, 2006 at 1:53 pm and is filed under Sports & Games. You can follow any responses to this entry through the RSS 2.0 feed. You can leave a response, or trackback from your own site.