Archive for October, 2012

HACHIKO

Wednesday, October 31st, 2012

Hnunga kawl-ek thai
Khawvel changkanna ka umphak ngailoh ang bawkin, ka tawnhriatte pawh hi a hnukhawi lam a ni fo. Kekawrtlang arh an uar laiin leina sum ka neih zawh loh avangin kekawrtlang parallel ka ha a. Kekawr arh ka lei ve theih hun meuh chuan a tlangzuih an uar leh ta bawk si. Chuvangin thuamhnaw ka neih chhun chhun ka ha lawr mai a. Tunlai mi te’n fashion an tih hian ka tan awmzia reng a nei ngailo.

Chutiang zelin, mi fate’n lemchan hmuhnawm tia an sawi vul chuk pawh, an sawi peih tawh loh hnuah ka’n en ve thei chauh a. En hmasa ber niawm fahranin ka’n tlangaupui lehnghal chiam thin a nih hi. ;-)

Ui fing leh rinawm
Ka thuziak pakhatah Hachiko, Akita Inu breed (chi), ui fing leh rinawm chungchang hi ka ziak lang tawh a. A pu tana a rinawmzia ka hre ve, mahse chuti teh ualin ka ngaihven lem lo.

Kar hmasa lawk khan ka naute pahnih, Office atanga Dasara sweet ka hawn ei turin ka room an rawn leng hlauh mai a. Uite buaipuia, an tana nun leh hun hmang tih takah, ka room banga ui chi hrang hrang (breed-chart) ka tar chu an en vat a. Hachiko lemchan (film) hmuhnawm tak chungchang an sawi chhuak a; lemchan en tur a neih thu min hrilh bawk. Tin, chu ui fing leh rinawm tak avanga a mittui a tlak hial thu min hrilh bawk. :-)

(more…)

Ringlo Atheist kan awm em?

Wednesday, October 31st, 2012

Hnialna leh inti Pathian thuawih tak tak ho chuan min bei nasa viau ang. Mahse fiahna awm lo, constructive taka discussion ni lo leh rinthu ringawta min beitute chu ka delete zel ang. Kristian Pathian hi a awm emaw ka ti thin a. Ka harsatna leh mangannate Isua hnenah ka lo thlen thin a. Min chhang nge chhang lo pawh ka hre lova. Hriat theih a ni bawk lova.

Pathian tel lo chuan nun hian awmzia a nei dawn lo emaw ka lo ti thin a. Tunah chuan ka rilru ka thlak chiang ta hle ani.
Bible pathian ka zirchian hian, a nunrawn zia, thisen a lawm zia, chibing thliar a hrat zia, a rilru a ngheh loh zia, khawngaihna a neih loh zia, mipui tam tak chunga harsatna thlen a chin zia, hleih a neih zia, inchhir a chin zia leh thil dang dang ka hmu a. Pathian, hmangaihnaa khat, engkim hria leh ti thei ni hian ka hmu thei lo.

Engtiklai pawha min hmutu, ka suangtuahna sual avang pawha min hrem theitu leh ka nunna hial la thei pathian hi chawtak khuka khuk pui chi a lo ni miah lova.

Pathian tel lo hian mihring hi an fel thei thova. Thil tha ti turin Pathian hi a lo ngai miah lova. A chungah engmah beisei nei lovin leh engmah bat ka neih loh zia ka hriat hian ka nun hi a kim zawk daih ani.

(more…)

Mizoram a Political Party hrang hrang te !

Wednesday, October 31st, 2012

Mizoramah Political Party hrang hrang 1946 atanga hriat theih te i lo tarlang ang u. [Source : District Councils in the Mizo Hills (updated) – H.C.Thanhranga]

1. Mizo Union (M.U) :– 9th April 1946-ah Mizo Common People’s Union hming pu in din a ni a. Mizo Commoners Union ti a thlak a ni a, a tawpah chuan Mizo Union ti a thlak a ni ta a, kum 1974-a Congress Party nen an in fin thleng khan Mizo Union hming hi a pu a ni.

2. United Mizo Freedom Organisation (UMFO) :- Mizo Union a din veleh an mahni eptu Party chu 5th July 1947-ah UMFO hmingpuin a lo ding ve a. Burma lam zawm sawi mawi pawl an ni a, 2nd October 1957 thleng khan Eastern Indian Tribal Union lo pian hma thleng khan a ding a ni.

3. Tribal Union (T.U) :- Political Party pathumna chu Lawngtlai lamah kum 1950 khan Tribal Union hmingin din a ni a. An dinna bial hi kum 1953 khan Pawi-Lakher Region Council-ah puan a ni a. Kum 1963-a Mara Freedom Party leh Chin National Front a pian thleng khan a ding a ni.

4. Eastern Indian Tribal Union (EITU) :- Mizo Union kha rei lo teah khan an phel ta mai a, UMFO ho leh a phel ho chu an in dawr a, 2nd October 1957 khan EITU hi an din ta a ni.

5. Indian National Congress (INC) :- 11th April 1961 khan din a ni a. An OB hmasate chu Pu te A.Thanglura (President), Lalsawia (Vice President), Lalthankima(Gen Secy) leh Hrangchhuana (Treasurer) te an ni. New Congress Party chu 20th December 1967 ah din a ni.

6. Mizo National Front (MNF) :- 28th October 1961-ah Mizo National Front hi a lo piang a. A hming hmasa (Kum hmasa-a a hming) chu Mizo Famine Front a ni a, tahrik ni kan sawi tak ah hian Political Party ah an inlet a, a hming pawh MNF tiin an thlak a ni. An OB hmasate chu Pu te Laldenga (President), Lalnunmawia (Vice President), S,Lianzuala (Gen Secy), P.B.Rosanga (Asst. Gen Secy), Rochhinga (Treasurer), Lalkhawliana (Fin Secy) te an ni.

(more…)

EL SHADDAI HI ALMIGHTY GOD A NI EM?

Wednesday, October 31st, 2012

Pathian hi engkim hrevek a kan ring hi Bible zirtirna a ni em?

Hrevek mai pawh ni lo, thil la thlenglo, kan la tihtur zawng zawngte pawh a hrelawk vek in kan ring em? Bible ah engtinnge a inziah? Pathian hian thil la thlenglo hi hrelawk vek ni ta se, Setana a siam dawn khan Setana hi a lak ah a hel dawn tih a hre lawk vek tihna a ni em? Hre lawk ni se, engatinge a siam tho si? Setana’n sual kawng a zawh hi pawi a ti ang em? Pawi ti ni ta se, a hre lawk a nih chuan engatinge a hnu a pawi a tih leh na tur chu a siam si? Zawhna hlir,zawhna hlir a inchherchhuan chho tup tup mai asin. Chhanna kan neilo a, ‘chutiang ngaihtuah tur kan nilo’ kan ti ta mai thin. Til ropui tak nih hmel si, Pathian pawi sawina a ni thei zawk ang em?

Hmm…..kristiante chuan Bible a engkim siamtu Pathian chu engkim tithei, engkim hrevek, thil lo la thleng lo te pawh hrevek, kan ngaihtuahna te pawh hrevek, chumai ni lovin, kan la ngaihtuah loh te pawh hre lawk vek ang in kan inzirtir a maw? A nihleh kan duhthlanna te hi a hrelawk vek tihna a ni em? Hrelawk vek ni se, kan duhthlanna hi a lem a va ang dawn ta ve? Duh kan thlang e kan tih pawh hi kan thlan hma a a hriatlawk si chuan engetinge min hrem si? Kan pianhma in chu chu a hrelawk a nih phei chuan boral tur a kan pian chu a phal tihna em ni? Misual tur pawh a hrelawk em? A hrelawk a nih a, chu chu a dang silo a nih chuan amah zawk chu a diklo tihna a ni zawk dan asin.

Heng ngaihtuahna te hi i nei ve ngai em? I neihlo  anih chuan i ngaihtuah ngamlo tihna a ni em? Ngaihtuah ringawt pawh i hlau em ni? Thlarau diktak neitu ah chuan hlauhna reng reng a awm tawh lo tih ziak a ni si a? Thil diklo chu in hmuthiam tan tawh mai em le???

Sap tawng a ALMIGHTY leh OMNICIENT, Pathian Engkimtithei leh Engkimhrevek tih hi tawng bul ah chuan El Shaddai (heb.) tih a ni a, chu chu Greek Septuagint ah Pantakratos(Gk.) ti a lehlin a ni a, chumi hnu ah Latin Vulgate ah Omnipotens(Latin) ti a lehlin a ni bawk. A bul ret kan en dawn chuan Hebrew hi i lo chik dawn teh ang le.
(more…)

Harsatna tuar turin ka tling ve a -2

Wednesday, October 31st, 2012

Ka tlai deuh avangin admision ka tihfel meuh chuan ka batchmate ho chu thlakhat dawn tep class an lo kal tawh a. Keipawh ka mamawh turte ka lei fel hnu chuan hostel lamah ka insuanlut ve ta a.

Class ni hmasaber: College kal hmasak ber ni hi chu tupawhin kan theinghlih bik lo ang.. Keipawh ka la hrechiang khawp mai- chawhma lamah theory class kan nei a, teacher in thil min zirtir chu ka hre thiamlo khawp mai..ka thil hriatthiam ve erawh chu ka thiante ho in zawhna chhan tuma ban an phar sek chu ka hrethiam ngei mai.Chawhnuah disection class kan nei a, ka rilru ah chuan ‘chawhma ai kha chuan ka hrethiam tawh ngei ang’.. Class kan tan ta- miss chuan min ko chhuak ta nawlh mai, zam ru deuh chung chuan kan disection hall lian taka kan miss thutna chu ka pan ta a. Thil min zawt tih chu ka hre thei mahse enge a sawi ka hrethiam theilo.. Hrelo satliah mai ka ni lo,.. English nge a hman hindi tih pawh ka hre hrang manglo.. Mizo tawng niawm taka a rawn tawng chhuah changte pawh ka hrethei .. Bo tak ka ni.. Tih ngaihna a hriat loh hnu chuan mi pakhat chu min zirtir turin a ko ta ringawt mai a. Ka hriat chiang hnu chuan ka awmloh laia an lo zir kha min lo zawt ni reng in..

Ragging chu: Ragging la tur hian seniorte ho hi zan lam dar 12 hnu lamah hian an lo kal thin a, dar 2-3 vel chu kan mut theih hun ani thin.. A tuk a class kal chu hahthlak ve thin khawp mai..

Ragging anthem: Senior tuemaw in ‘ragging anthem’ tia a au tawh hi chuan kan partner tur zawngin kan phiruai mai thin ani. Ka partner hi feet 6 chuanga sang ania a bulah chuan ka lang lian lo khawp mai. Anthem kan sak hma hian kut veilam kan phar chuak a kut dinglam chuan mipa thil bik, chu kan in vawn sak a. Chutia kan inpeih fel hnu chuan ‘ya dosti’ tih hla kha ring tawkin kan sa a. Anthem kan sak chhung hian kut dinglam chu a rang thei ang berin tih chet tur ania, theitawp a rang chuan thianpa thil chu ka han sawi nawk nawk thin a. Anthem a zawh chuan ngil taka din tur ania, ngaihtuah na chak deuh, timai ang, chungho chu an ding kawt tha thei khawp mai. A lum sia, thlan tlaphung in ding kawh reng mai ani..
(more…)

Ka thi

Wednesday, October 31st, 2012

Puitea Tuallawt
KA THI (Cotober 26, 2012: 11:30 am) – ‘THU NGAIHNAWM HUANG’ Fb group atanga lak.

THUHMA
Vawiin October 26, 2012 hi ka tan chuan theihnghilh theih loh ni rapthlak leh hahthlak ka dam chhunga ka la tawn ngai reng reng loh thil ka tawnna ni a ni. Mahni mualphona tur pawh ni se, sawi zel mai hi thuziak mite tih tur chu a ni si.

Ka dam lo va, ka ke vei lam hi tun hmain ruihhlo avangin a chhe tawh a;mahse, vanneih thlak takin kum 2009 khan ka malpui vun la thlain hmun li laiah an bel leh a, a him tha viau a, tharum thawhna lam chi hna reng reng thawk tam lo tur hriattir ka ni.

Tun hnai thla khat liam ta vel atang khan ka ke vei lam artui chung chiaha an belna a rawn khawk tlat mai.A na ngar ngar hle a, kal pawh ka kal tha thei ta lo a ni ber. Hmun dangah erawh tha lo pawh a awm lem lo.

Damdawi Brufen ka ei a, ka vun belna rawn chhe leh lai chu uluk takin ka dressing a, hma pawh a sawn leh tan deuh niin ka hria. Tha se ka tih luat avangin hmu tha chawp pawh ka ni thei e. Eng pawh nise, tuna ka thil sawi tur hi dawt a ni lova . Ka mumang mai lah a ni hek lo.

A na a rawn chuah chuan ka thral a rawn thoh a, ka khawsik hian namen lovin min tuam nghal a, ka tlun a, a buaithlak ve duh ang reng thin. Heti thleng hi thuhma chinah dah ta ila.

HRIAT LOH KARIN
Damdawi chak tak tak ka ei avang leh ka chaw ei a tui thlawt bawk si loh avangin ka chau hle a, chuta chhapah zan ka muhil thei mumal bawk si lo. Kan in hi a chhawng a ni, a chungberah keimahin thawl fein ka awm a, a hnuai (Kawng ân)-ah ka nu pindan, chawieina pindan TV enna leh sitting room hran pa te reuh te tein kan siam ve diat diat a.

Zan ka mu thei ngai lo tih a hriat avangin ka nu hian zing lamah hi chuan chaw tur pawhin min kai tho ngai lem lo, kan in ep chiahah hian ka nu Lalhleii’n, dawr a siam ve a, chhang, hmunphiah, thingfak leh bawlhhlawh ruhna, mei hawl thuk, êm, chemte, chempui leh adt. a zuar a, ka nu nen chauha chaw ei hi chu a nuam kan tih loh thin avangin zing tukthuan kilpui atan kan sawm thin; tukin pawh dar 10 rik dawn ruaiah ka tho chhuak ve chhak chhak a, ka nu chu ka nu Lalhleii dawrah a lo thu a, min rawn hmu a, kut zaizirin, chaw in ei tawh em? ka ti a. A lu a thing a.
(more…)

Mizoram hi Armed Forces (Special Power) Act, 1958 in a la huam em?

Tuesday, October 30th, 2012

Post kal liam ta Thuampui Burning tih ah khan Mizoram leh Armed Forces (Special Power) Act, 1958 (28 of 1958) chungchang sawi lan zuai a ni a. Zaninah Facebook lama group pakhat ah NE ah chuan Manipur ah chiah hman a nih tawh thu kan police lam ten an rawn sawi tak ah chuan kei pawh ka in ringhlel deuh a. Pu HV-a uisathiam Google ka han ruai nghal a, chhanna mumal ka hmuh loh avangin he zawhna hi ka rawn chhawpchhuak e!

A dan bul tanna chu:

ACT 28 OF 1958
The Armed Forces (Special Powers) Bill was passed by both the Houses of Parliament and it received the assent of the President on 11th September, 1958. It came on the Statute Book as THE ARMED FORCES (SPECIAL POWERS) ACT, 1958 (28 of 1958)

He dan (AFSPA, 1958) hi Mizoram state a lo nih khan hlip ta ni a sawi ten an tan chhan chu THE STATE OF MIZORAM ACT, 1986 No.34 OF 1986 hi a ni a. He Amending Act Part VIII na section 40 ah chuan…

Amendment of Act 28 of 1958
“One and from the appointed day, in the Armed Forces (Special Powers) Act, 1958, in the long title and in sub-section (2) of section 1, for the words “Meghalaya, Nagaland and Tripura and the Union territories of Arunachal Pradesh and Mizoram”, the words “Meghalaya, Mizoram, Nagaland and Tripura and the Union territory of Arunachal Pradesh” shall be substituted.”

Ka hriatthiam ve dan chuan Union Territory of Mizoram tih kha Mizoram tih in an substitute mai a ni.Tin, he Amending Act hmun dangah AFSPA chungchang sawi lanna ka hmu lo bawk. He dan hi an hlip tihna ni thei dawn em ni? Chuti a nih si chuan he AFSPA, 1958 a para pathumna… (more…)

Foreign club nen kan inkhuainuai!

Tuesday, October 30th, 2012

Mite angin chanchin ropui tak sawi tur nei ve lo mah ila heite hi chu ka chhuang ve tlat thin. Kum tam a liam ta, heti taka thalaite’n Football kan tuipuia, MPL hial an buatsaih  takah chuan; sawi chhuah lova up tawih mai atan chuan a pamhmai lua deuhva ka hriat avangin ka han thlasik mauchang puah pui ve phawng ang e.

International football tournament!

Chapchar awllen lai ani a, kan khaw thenawm atangin tournament khel tura sawmna kan dawng nawlh a. Kan phur kher mai. Hetianga khawdanga inkhelh hi chu a nawm dan hi a dang ve riauva, a chhan pawh inhrethiam maiin ka ring. Khaw hrang hrang thalai, mipa,’kei ka ni ‘inti chin thah kan fuan khawm a, a thlengtu branch lam paw’n nuam an ti na rawh! Kan vaiin team 12 kan ni a, mite tih dan hre vein Group 12-ah kan inthen a, ‘league system’ an ti emaw ni? , te khan kan han khel kual ve a. Kan group-ah chuan foreign club pakhat an rawn lang ve nawlh mai a, chu chu a ni kan sawi tur chu..

Foreign club chu..

He foreign club ka tih hi eng dang ni lovin, ‘Tiauchhun FC, Myanmar’te an ni a. Tiauchhun hi Mizoram leh Burma in-rina Tiau lui chhak lawka awm a ni a. Thingtlang khaw tak te a ni a, Sakawrin an rawn kal! Kan tawng hman pawh ala inzul hle mai a, tin hnam incheina thlengin inang a la tam hle.

Entry fee aiah kurtai fun..

Entry fee tur an neih rem chan loh avangin kurtai fun 10 vel zet an rawn phur thla a. Tie draw zanah club tina aiawh 2 theuh kan kal khawm a. Entry fee kurtai leh thingpui sen hang kan in ho dar dar a, KFC kan ngai lo!

(more…)

Ni hman nuam vek u!

Tuesday, October 30th, 2012

Zing tina ni thar kan hmu hi dan pangngaia ngaih a awm khawp mai. Mahse, hmu ve ta lo tam tak an awm si a, a hmu ve zinga kan awm hi a vanneihthlak takzet a, a vannei pawla kan tan avangin kan vanneihzia lah hi kan hre si lo.

Dam taka ni chhuak kan hmu leh thei ringawt pawh hi a lawmawm em em a, malsawmna hlu tak a ni a, malsawmna dang kan dawn lehna tur hnarkaitu a ni bawk. Chuvangin vawiin na na na chu duhsakna inhlanna ni atan i hmang ang u hmiang. Misualdotcommer te hi kan nick hminghmerhin ni tha duhsakna i inhlan chur chur teh ang u. Post tin maiah duhsakna i inhlan tawn sek mai ang u.

Bul ka’n tan ang e, hminghmerhin. Kan nihna a rei deuh tawh a, tuma thîk awih loh. Miss Aduh, ni tha tak i hman theih nan duhsakna ka hlan che a, awmna apiangah rinawmna vawng dun zel ang aw…!

aaaa

CULTURE –HNAM PUMKHATA MIN SIAMTU

Tuesday, October 30th, 2012

S.K.Sanga(Lalsangluaia Pa)

British hovin min hruaina kha Mizo te tan chuan BORALNA LAMTLUANG  a tih theih hial awm e. Tun thlengin he thu hi thil inthup ala ni a, tunah thangthar te’n kan hailing tan ta a ni. A hmasa in sakhuana in min han hneh phawta chumi hnuah kan pipute min awmtleina Culture leh nunzia te bansan turin min ti a, ihe lovin kan hnam rohlu leh zahawmna te chu kan bansan ta kha a ni a, mahse kum 100 alo liam leh meuh chuan kan thangthar te nunah kan hnam rohlu Culture chu a hlutzia hriain chawimawi lova hun kha leh chen kan lo hluihhlawn tawh chuan chawimawi a rawn hlawh tan leh ta mek a, a lawmawm e.

British khan thiltha tak min hnutchhiah an nei a, chu chu zirna hi a ni. Amaherawh chu, he zirna min hnutchhiah pawh hi a lo la tha tluantling lo fova, High School kan zir thlen chu an phal leh si lova, an dang leh ta tlat mai a nih kha. Hun reitak hnuah kan mi hmasate beih hahna avangin High School kan nei thei hram a ni. He zirna hi tha hle mahse behchhana an rawn hmanzia leh he zirnaah hian thangvalh a awm reng a ni tih chu tunhnu hian kan hre chhuak ta mek a nih hi. Mizo te pumkhata min siamtu Culture a bo chiah khan kan hnam pawhin kawng a bo ve nghal a, hei vang hian alawm Sap(hnamdang) an kan chak em em tak chhan chu. Kan thangthar te hming phei hi chuan kan Mizo hming a luahlan ta mek a nih hi. Mizo thlah leh Mizo chhul apiang ngei te pawhin Sap hming kan chawi a, kan tu leh fate pawhin min phatsan zo ta. Hmeichhe hming nge mipa hming tih pawh hriat a harsa ta viau mai. Mahni chhungte leh mahni chipuite hming pawh kan ziak dik theilo dawn dawn ta mai chu anih hi. An hming kan chawi Sapho hian min hmu sela, an mi hmuh tum dan ang chu kan ni hauh dawnlo a ni. Kan hming atang ngawt chuan, sam buang deuh thar, mit pawh pawl deuh ram mai, vun ngo tak leh London tuallaia leng ve niawm takah min ngai dawn si a, kan in thelh tlang hle ang le. Heta tang pawh hian lem kan chanzia alang chiang viau a ni, lemchanga kum 100 kan lo hman liam takzia leh kan bo chian zia chu kan hre thei ang.
(more…)