Ratu Bialah Mizoram Dil Lian Ber Leh Lalruotmawi Tuikhur
Zoram Nationalist Party chuan thuchhuah siamin Ratu bialtu MLA Pu Lalduhoma, ZNP President chuan August 22 – 26 chhung khan Ratu bial khaw hrang hrang a tlawh a, N. Tinghmun khaw bulah Mizoram a Dil lian ber tur ‘Sinlung Lake’ siam nan cheng nuai khat a pe an ti.
Pu Lalduhoma hian Zohmun khuaa MUP ten Lalruotmawi tuikhur an siam mek chu a enpui a, Zohmun leh N.Tinghmun inkarah Lalruotmawi tuikhur dang siamna tur pawisa a pe bawk. N.Tinghmun ah hian tunlaiin natna chi hrang hranga damlo an tam hle a, Sakawrdai atanga doctor te hruaiin he khuaah hian nileng bakah zan thlengin a thlawna inentirna (free clinic) a buatsaihsak bawk niin ZNP thuchhuah chuan a tarlang bawk.
An thuchhuah chuan N. Tinghmun khuaa Mizoram Dil lian ber tur siam tan mek hi mipuite pawhin an phurpui hle a, bul tan nana cheng nuaikhat a pek bakah hian tihpuitlin a nih ngei theih nana theihtawp chhuah zel a tum thu Pu Lalduhoma hian a sawi a. Dil hming atan hian ‘Sinlung Lake’ a phuahsak nghal a ni an ti bawk.
Bawlhhlawh atanga leitha siamchhuah tum
Inrinni khan Pu H. Vanlalauva, Minister, LAD chuan Tuirial kama Dumping Ground thlanga Solid Waste Management Centre hmun tur buatsaih mek chu a tlawh.
He Solid Waster Management Centre-ah hian khawpui bawlhhlawhte awmze nei zawka sawngbawl tum a ni a, a hmun tur zau tak laihzawl tawh a ni. Bawlhhlawh atanga leitha Organic Manure siamchhuahna khawl puitham tak bun tum a ni a, chung leitha chu thlai chingtute tan thil tangkai tak a nih a beisei thu leh Centre sira mimal ram thenkhat chu lak belh tum mek a nih thu Minister chuan a sawi a. He Centre hi tihpuitlin vat a nih theih nan Karnataka Compost Development Corporation, Bangalore chu Mizoram sorkarin a ruai tawh a, a hmun laihfel veleh chah chhuah an ni ang a. Centre buatsaihna sum hi Finance Commission ruahman anga sorkar laipui pek a nih thu leh hma la zel turin Mizoram sorkar pawhin High Level Steering Committee a din tawh thu Minister chuan a sawi bawk.
Zemabawk thlanga bawlhhlawh bunlawkna tur Transfer Station siam mek chu Inriini hian Pu. H.Vanlalauva chuan a tlawh bawk a, he hna hi 80% thawh tawh niin,. zawh a nih veleh Mobile Garbage Trailer engemawzat Aizawl khawpui chhungah dah a ni ang a, chung chu private contractor-in lakhawmin bunlawkna hmunah an dah ang a, chuta tang chuan Development Motor-in Solid Waste Management Centre/Dumping Ground-ah paih ve thung tura ruahman a ni.
RTI Act Hi Mipui Hman Tur A Ni : Hmang Tangkai Turin Hriatchian A Ngai
Aizawl August 29: Press Information Bureau, Aizawl huaihawt Public Information Campaign ni 5 awh tur kal zel nimin khan ni 3-na Reiek Community Hall ah chhunzawm a ni a. Right to Information thupuia neia inkhawmah khual lian State Chief Information Commissioner Pu Rober Hrangdawla chuan mipuiin an chanvo dik tak an hriat theih nan India sawrkarin Right To Information hi India sawrkarin a siam a ni a ti a, sawrkar officer-te tan a ni lova, mipuiin an hman tur a ni a ti. A tangkai thei ang bera hman thiam a tul thu sawiin Pu Hrangdawla chuan he dan hmang tangkai tur chuan a kaihhnawihte nen a dan hi hriat chian a ngai a ni a ti.
Sawrkar laipuiin mipui tan ruahmanna leh hmasawnna tur kawng hrang hrang a siamte chu a kalphung leh a tangkainate zirchianna atana Public Information Campaign PIB Aizawl-in an buatsaih chu mipuiten an hlut thiam ze a duh thu a sawi bawk..
Governor-in Lunglei A Thleng
Governor Lt. Gen. (Retd) M.M.Lakhera chuan chhim lam bial tlawh turin nimin khan Lunglei a thleng a, Lunglei Circuit House-ah Lunglei DC Pu C.Thanchhuma, Tlawmngai pawlte leh mi pawimawhten an lo hmuak. Officialte nen inkhawmna neiin Governor chuan Mizoram chu ziak leh chhiar lamah pahnihna a ni mekin rei lo teah pakhatna a niha beiseiawm a ni a ti a. Ziak leh chhiar thiam chauh ni lovin thang tharte chu All India Service hrang hranga tling thei tura chher a tul a, sawrkar hnaa chauh innghat lova, mahni intodelh thei tura siam an ngai a, he mawhphurhna hi zirtirtute-ah chauh innghat lovin mi zawng zawng mawhphurhna a ni a ti a. Sawrkar hnathawkte chu mahni hna theuhah taimak chhuaha tihtakzeta thawk turin a chah.Governor hian Lunglei District Village Council hrang hrang hruaitute, tlawmngai pawl hruaitute leh zirlai pawl hruaitute hmuin an harsatnate a ngaihthlaksak a, mimal tan interview hun pawh a hawng bawk. Governor hian vawiinah Chawngte leh Lawngtlai a pan ang.
Hun thenkhatna ZONET Cable TV Director Pu R.K. Lianzuala kaihruaiah State Chief Information Commissioner chuan Right to Information Act hian sorkar department-te hmalakna chauh ni lovin sorkar atanga tanpuina sum dawng tawh phawt NGO, Societies leh private farm thlengin a huam a, chuvang chuan State Public Information Officer la nei lote pawhin a ranglama neih vek tur a ni a ti.
Pu Hrangdawla chuan State Information Commission hi sorkar leh mipui inkara thawk, tan bik nei lo, langtlang thei ang bera hnathawhte a kal theihna tur atana thawktu a ni a, ro an rel ang te chu thu tawp leh cholet theih loh a ni a ti.
Hun thenhnihna ah hian SSA hmalakna chungchang School Education Director Pi Malsawmthangi leh State Project Director Pu V. Ralliana ten an sawi a. Zawhna leh chhanna hun hman a ni a. Hun then thumnaah khual lian bialtu MLA Pu Lalthlengliana leh PWD, RD etc. hotuten an hnathawh kalhmang leh ruahmannate an sawithung a ni.
He Public Information Campaign hi vawiinah Reiek-ah bawk chhunzawm leh tur a ni a. Mipuiin an hlutin an lo lawm thiam hle a ni.
Governor-in RTI hmang tangkai turin mipui duh
Nimin khan Mizoram Governor MM Lakhera chu Lunglei ah Lunglei District Congress Committee hruaituten kawmna hun an nei.He hunah hian LDCC chuan MNF sorkar hnuaia sorkar hmalakna diklo hrang hrang leh mipui tana hna leh thil dang hrang hrang sem kawngah MNF party mite duhsakna hleihluak taka neih thin anih thu Governor hi hrilhin thilawmdan an sawipui.Governor chuan sorkar thil tih dik loh hrang hrangte chhui chhuah nan a Right to Information Act Mizoramah hman ani chu lawmawma tih thu sawiin, Mizoram mipui te chu he RTI Act hi hmang tangkai tur leh sorkar hmalakna hrang hrangah dik lohna a awm leh awm loh chhuichhuah nan a he RTI hi hmang tangkai tura a duh thu a sawi.
Serchhip leh Champhaiah Rajiv Gandhi Rally
Nimin khan Serchhipah Rajiv Gandhi Akshay Urje Diwas Rally neih a ni a, YMA memberte leh naupang thahnem tak an tel. Serchhip Bazar leh IOC atanga tlan tanin Field Number 2-ah an intawkkhawm a, tlante hnenah pen leh sahbawn, YMA hruaitute hnenah T-shirt pek an ni. Nimin vek khan Serchhip-ah hian Middle leh High School zirlai thlanbikten essay leh lemziak intihsiakna DC Conference Hall-ah an nei a, naktukah result puangin lawmman sem a ni ang. Champhaiah pawh inrinni khan rally an nei a, skul naupang, YMA leh MHIP memberte an tel a. seminar neiin renewable energy chungchanga mi thiamte thuziak an an ngaithla a, an sawiho.
Taxation Office Hnawk An Ti
Nimin khan Myanmar ramri Tiau kam Zokhawthara vantlang inkhawmah khaw chhak atanga bungrua lo lutah sawrkarin chhiah a lak avanga harsatnate sawiho a ni a, hetianga Taxation department-in chhiah an lak tan leh tak avang hian Myanmar atangin bungrua a lo lut lova, bungrua hlanga inhlawh, Zokhawthara chhungkaw tam zawkte chuan an eizawnna tawpah an ngai a ni. He vantlang inkhawma telte hian Melbuka Taxation department office chu nuaibo an duh thu an sawi a, September ni 2 hma ngeia sawrkarin nuaibo tura an duh thu an sawi.
2nd IR Constable 29 leh Driver 3 Ban
2nd Indian Reserva Battalion constable 29 tun thla ni 21-a an training camp Lailapur atanga tlan chhuakte chu August ni 24 atang khan an hna atanga ban vek an ni a, anni bakah hian 2nd.IR driver pathum an training laia tlan chhuakte pawh August ni 25 atang khan an hna atanga ban an ni bawk. Heng constable leh driverte hi ban an nih hma hian suspend-a dah an ni.
Motor dinna hmun thar
Kar liam ta Zirtawpni khan Superintendent of Police, Aizawl District chuan thupek chhuahin mipuite him zawk nan leh that tlan zawkna atan a hnuai a mi ang hian Bawngkawn-Sairang inkara 407 leh Onetonner Stand a siam danglam. Town Tipper Stand tawp Pu Rochama building zawn kawng ko lam atangin Sairang road Company peng lamah Fishery Ice Storage and Coll Plant building thleng. L-200 mts = 27 nos. 407/Onetonner (approx.) Tin, Lunglei road-a 407/One tonner Stand a lo pek tawh cancel in, a chunga mi ah chauh khian an ding tawh ang. Heng thupekte hi order chhuah ni atanga hman tan tur a ni.
Lunglei Zone aiawh tur
Mizoram Presbyterian Church ram pum huap Zaipawl intihsiakna tur atana Lunglei Zone aiawh tur in Chanmari Kohhran, Lunglei leh Saiha Kohhrante chu thlan anni a. Hemi atana Lunglei Zone zaipawl intihsiakna hi Chanmari kohhran Lunglei ah August 26 & 27 khan neih a ni.
The Dixie Dregs evolved from an Augusta, Georgia band called The Dixie Grits featuring Steve Morse, Frank Brittingham, Johnny Carr and Andy West in the late 1960’s. Carr was later replaced by keyboardist Mark Parrish. Morse, West, Parrish, Brittingham and Frayer performed briefly as a quintet, continuing to call themselves The Dixie Grits. After Frank Brittingham left in 1972, Morse, West, Parrish, and Frayer remained: thus, the “Dregs” of “The Dixie Grits”.
in va lut...
