mi(sual).com

Left Behind: Eternal Forces is a video game based on a wildly successful series of novels about the struggles on earth after true believers ascend to heaven.

The video games has sparked calls for a boycott from groups who say it is “training for religious warfare”.

Thanks to 3x who brought us the news.

Source: BBC News

Bullet Club tia sawi, Aizawl Thunders member tinte hian Krismas dawn apiangin an thla hlawh atangin sawma pakhat chanhai te tan an dah hrang thin a, chung pawisa tlingkhawm bakah anmahni pawl ho vek hian inhlawhna neiin leivung thlengin an lo lai tarh tarh tawh thin.Midang tana an inpekna hlu tak hi hriain mi engemawzatin an ken tur sum leh pai bakah thuamhnaw engemawzat an pe mek zel bawk ani. Tun ah hian member 200 vel an awm.

Aizawl Thunders kaltlanga khawngaih rawngbawl hna thawk duh tan kawng a la inhawng mek zel ani. Naktuka an ken tur thuam hnaw hlui emaw, sim leh pai mirethei tana hlan duh tan heng no. 9436143671/9436194429/9862360883-ah te hian inhriattir theih a ni.

Mizoram Sawrkarin PIL Thubuai A Nei Ta : PRISM Thehluh PIL High Court-in A Pawm
Aizawl, Dec 21 : Mizorama Corruption dotu pawl zinga pakhat People’s Right to Information and Development Implementing Society of Mizoram (PRISM) chuan kum 2001 atanga 2005 thlenga Mizorama Police tihhmasawn (modernisation) nana sawrkar laipuiin pawisa pek zinga Rs.17,89,65,421.00 hman danah thil dik lo leh eirukna a awm nia hriain Central Bureau of Investigation (CBI) chhuitir dilna Public Interest Litigation (PIL) Guwahati High Court-ah an thehlut a, Guwahati High Court chuan ngaihtuah tlak tiin a lo pawmsak.
He PIL an thehluh chungchangah nimin khan PRISM hruaitute chuan an President Pu Vanlalruata leh adviser-te nen Aizawl Press Club-ah chanchinmite an kawm a, Pu Vanlalruata chuan kum 2001-02 khan Police modernisation atan hian Rs.1,93,04,261, 2002-03-ah Rs. 4,23,81,922, kum 2003-04-ah Rs. 7,16,47,438 leh kum 2004-05-ah Rs.3,56,31,800 a vaiin Rs. 17,89,65,421/- hmanral a ni tih Right to Information Act hmangin hriat a ni a ti a. Heng pawisa hmanga bungrua leite hi sawrkar thupek leh inkaihruaina ding lai anga tender ko lova (bawhchhiain) supply tir a niin supply tawh hnuah Departmental Purchase Board chuan a pawm hnuhnawh a ni a ti a. Heng pawisa hmanna RTI Act hmanga sawrkar record ngei an dil chhuah atanga thil zir chian a nih chuan manto uchuak tak taka bazar rate aia a let tam taka to zawka supplier-ten an supply tih hmuhchhuah a ni a. Hengte hi High Court enpuia CBI-in chhui turin PIL an thehlut a, Dec. ni 14-a PIL thehluh chu Dec.ni 19 khan Guwahati High Court chuan ngaihtuahin ngaihtuah zui zel tlakah a pawm a, PIL Number pawh 82/2006 a ni a ti.
PRISM President chuan Tuirial Hydel Project Compensation pek dan chungchangah pawh PIL an thehlut bawk tih sawiin hei hi chu admit a ni lo a, mahse, hnawl a ni lo a ti a. Thil la tih famkim ngaite a awm vang niin an hriat thu a sawi. PIL thehluhna tur dang pahnih pawh an la hual bawk tih an sawi a, chu chu Rural Development (RD) leh Baffacos-ah te a ni a ti.
PRISM-in PIL an thehluhah hian mobile toilet van pakhat Rs.6, 30,000-a lei te, mawza leh silpauline manto taka lei te, kel pal lei chiam chiam te a tel a. Chung zingah chuan kum 2003-04-a Police Modernisation atana thil 47 lei zingah mawza 900 lei a ni a, heta tan hian Rs.14, 40,000 sen a ni a, kum 2002-03 khan mawza 100 lei nan Rs.1, 60,000 hman a ni bawk a ni.
Press Conference-ah hian thu sawiin PRISM Adviser Pu Lalmanzuala chuan Public Interest Litigation hi a hming angin tute emaw tihchhiat leh tute emawin hmingthat leh vantlanga inpholan an tumna avanga hman chi a ni lo a, a hming ang hian ram leh hnam leh vantlang huap thil siamthat nan a ni a ti a.Ram leh hnam thatna tur a nih chuan thu dik leh diknaah chuan mimal mualpho leh hmingchhiatna tur pawh ni se kalpui ngam hi Mizoram mamawh ber a ni a ti.
PRISM press conference hi Adviser zinga mi Pu Lallianchhunga, Lecturer, MZU chuan a kaihruai a, Secretary General Tv.Lalrinzuala Chawngthu chuan an pawl hma lak tawhnate report a pe a, he an pawlah hian member 23 an awma, an induhthawh vak lo niin a sawi.

Excise-in Zu An Man Hnem : Kuminah Rs.5,18,805 An Lalut
Mizoram sawrkar Excise department chuan Dec. ni 18 thleng khan kuminah zu an man pahin bel ringawt 2,153 an man a, hetianga bel a neitu awm lo (unclaimed) hi lilama hralh thin a ni an ti a, a neitu awm erawh chu court-ah thawn zel a ni an ti. Bel an lilam atanga an pawisa hmuh zat chu Rs.5,120 a ni a. Nov. ni 30 thleng khan IMFL um puitling 5,730 an man a, um chanve 2,354 an man bawk a. 180 ml. um 332, beer (650 ml) um 147, foreign imported liquor um 422, foreign imported beer um 5, foreign imported tin 5 an man bawk a. Heng sapzu kan tih mai man thubuai tihfel tawh atanga Excise department pawisa lakluh chu Rs.5,18,805/- a ni.
Kumin November thleng khan MLTP Act hmangin Excise chuan 3,293, police-in mi 1,290 an man a, Excise-in thubuai 2,927 an siam a, police-ten thubuai 823 an siam bawk a. Excise thubuai siam atanga thiam loh chantir chu 79.41% a ni. Heng thute hi Excise department atanga hriat vek a ni a, kumina an thubuai siamah 79.41% Excise-in an hneh a, mi an convict tir a nih chuan zu thubuaia mante an chhuak leh mai thin tia puhna awm thin chu a dik tawk lo hle tihna a ni thei awm e.

Middle School Exam Titha Zingah Mipa An Lang Pha Lo
Thla hlui November thlaa Aizawl district chhunga Middle English leh Middle School Leaving Certificate leh Primary School Leaving Certificate Examination neih result chu nimin khan exam buatsaihtu District Examination Committee chuan a tichhuak a, Exam Centre tinte chu vawiinah an hnuaia naupang-te marksheet la vek tura tih an ni a, result chhuahr hnua suject pakhat aia tam loa chhanna paper ennawn dilna chu fee Rs.50 nen February ni 1, 2007 thlenga pawm a ni ang.
MSLC Examination-ah 4,307 an inlan a, mi 3,078-in pass-in, pass percent chu 71.46 a ni a, MESLC Examination-ah mi 3,145 inlanin mi 2,590-in an pass a, pass percentage 82.35 a ni.PS Examination-ah mi 3,734 inlanin mi 3,057 ten an pass a, pass percentage 90.45 a ni.
PS Examination-ah hian a sang 10 thlan chhuahah PC Girls School atanga Zorinsangi d/o T.Zoramthanga pakhatna a ni a, a sang 10 zingah hian PC Girls atangin 2 an awm.
MESLC Exam-a top ten mi 11 an awma, an zavaiin hmeichhia vek an ni a,Royal Standard School atanga Esther Lalrinawmi d/o Lalthanchhunga chuan a titha ber a, mi 11 zingah hian Royal Standard atangin (1st.& 6th.) leh English Congregation atangin 2 (2nd. and 3rd.) leh Centenary Dawrpui atangin 2, (5th.& 8th) an awm.
MSLC Exam-a top ten-ah mi 12 an awm a, hmeichhia vek an ni a, a sang ber chu Prisilla Lalduhsaki d/o Lalramthara a ni a, top ten mi 12 zinga 6 chu PC Girls School atangin (1st – 4th.7th & 9th) an ni.

Congress Lakah MNF An Insawifiah
Judiciary dahhran chungchangah MPCC press release-in Chief Minister leh Law Minister chu kohluihna aw hria a, Guwahati High Court Chief Justice hmu tura loh theih lohna avanga kal anga a sawi chu chhangin MNF chuan “Mizoram sawrkar chuan separation of judiciary tihfel thuai thuai a duh dan a ni a, mahse, High Court nen ngaihdan in-ang lovah High Court hmin a duh avangin Chief Minister chuan Chief Justice hova judge-te nen Guwahati hmun ngeia sawihona neih chu a rawt chawp liau liau a ni an ti a. Guwahati hmuna sawiho tih pawh hi an hman loh thin em avanginan awmna hmun pan chilh mai tha zawkin Chief Minister-in ngaihdan a neih vang a ni an ti.
Nimin khan press release chhuahin MNF chuan beisei ang ngeia an sawiho hnuah Mizoram Judicial Services Rules 2006 chu High Court thuneituten an pawm tlang thei ta a, MJS Rules 2006-ah hian Mizo thang tharte hnuh khawih hial thei thil pawimawh a awm avangin Mizorams awrkar chuan a ngai pawimawh em em a ni an ti. MJS Rules hi Gazette-ah pawh chuah a ni tawh a, judiciary hi a nih dan tur taka puitling tur erawh chuan thil tamtak process phawt ngai a la awm a ni an ti.

MP Hminga Lo Haw
Pu Lalhmingliana, MP chu krismas hmang turin Aizawl a lo haw a, nimin khan Ex-MNA Association chuan an member a nih angin Lengpui Airport-ah an lo hmuak. MP hian Ex-MNA hruaitute Delhi kalin sawrkar laipuia an thu thlen a bawhzui dan te sawiin Home Minister leh Pi Sonia Gandhi ten hma an lakpui dante a hrilh a, Ex-MNA hotute chuan MP chunga an lawmthu an sawi.

MSU-in Lawmthu Sawi
Mizo Students Union (MSU) chuan kum 2006 chhunga zirlai leh ram leh hnam tana hma an lakna kawng hrang hranga thlawptu leh tawiawmtu zirlai leh Mizoram mipuite chungah lawmthu an sawi a, mipui hriata an chanchin puanzarsaktu press mite chungah lawmthu an sawi bawk. Kumin atana an pisa kharna inkhawm an neihah an adviser mual liam ta Pu R.Vanlawma leh Pi Lalsangzuali Sailo sunna an nei a, an pawl hma lak tawhnate an thlirho. Kum thar ni 7-ah an pisa hi an hawng leh ang.

Result Mizo Aw-ah
Nimina tihchhuah MESLC, MSLC leh PS Examination Result chu a chipchiarin Mizo Aw Press, Zarkawtah en theih a ni a, pisa hun chhunga en theih a ni.

Zanin Zonet Nite
ZONET Cable TV Network chuan zanin dar 7:00-ah Millenium Centre chung zawlah Zonite Nite 2006 an hmang dawn a, hetah hian Aizawl Civil Hospital-a damlo rethei tanpui ngaite tana thawhlawm tling khawm ‘Zonet Krismas Carol’ chu Civil Hospital hotute hnenah hlan a ni ang a, Mizo thalaite leh mipui tana entawntlak khawpa mahni kalna kawnga hlawhtlingte hnenah Zonet Award hlan a ni dawn bawk.He Zonet Nite thupui hi ‘Tho la, ding ta che’ tih a ni a, Pu Vanneihtluanga’n a sawi ang a, Mizorama zaithiam langsar ber ber, mimal leh band lar tak takten hun an hmang ang a, en man chawi lovin mipui a duh apiangin en theih a ni ang.