On the southern part of Mizoram, alongside on the NH54, between Pangzawl and Hnahthial
He ramhuai Liam kawn hi Mizoram chhimlam, NH54, Lunglei kawngpui, Hnahthial leh Pangzawl khaw inkarah a awma. Thla la lovin kalpel a harsa ka ti a, ka chuanna atanga chhukin thla chu ka la ta a. Ka motor chuanpui te chuan hetiang hian a chanchin min hrilh bawka. Helai hmun hi kum 15 bawr vel a hrang tawha, accident tamtak a thleng tawhin, zana tlan thin motor te chuan kalpel an hreh a, passenger muhil te pawh an kai harh thin ani awm e.
Tawngtaina hmun angrenga an hman hun pawhin a hrang hi a reh thei chuanglo a. 1999-2000 inkar khan helai hmuna chengte chuan sakhaw chi hrang hrang chhinchhiahna Christian, Hindu leh Muslim te chhinchhiahna phunin hunserh an hmang a. mombati an chhi reng thina, a reh ta niin an sawi. Helai hmun hi hrang tawhlo mah se, a chengte chuan ngaihthat nan tiin mmbati an chhi renga, khualzin te pawhin an tlanpelh dawnin mombati chu a thi anih chuan an va chhi-tha mai thin.
Helai hmun hi nipui ah pawh a vot duap renga, chhuna tlan kan ni a, mahse a lum lem lo ani. (He thla ka lak lai hian thli a thaw nasa a, bati hi a thi zela, lungphun phenah hian bati chhitloh a thar 4 a awma. Bati khualzin, ramkal tur leh midangten an dah thina, a kal remchangin a thi an hmuh chuan an chhi thin. Tihdan mak tak ani a, mahse an ti miau si a. Kan christianna nen a inmil vak lemlo a. mahse chhan leh vang tha a awm niang e. ….
(He thlalak ka lak zan hian ka mutui vaklo a, engemaw vangin ka meng ker reng tih erawh ka hria)
Similar Posts:
- Bombati mawlh kha!
- Dhaula Kuan rape! (Self-investigation)
- Janpath
- Kan Himna Kulh
- Hringchar ah Mizo kidnap
once again 
Post pui...
February 14th, 2008 at 3:48 am
Ramhuai leh phung , thlahrang tih vel ai chuan…thimtham kar atang hian misual tu emaw hian min rawn vit thawih ang tih ka hlau daih zawk…
Report this comment