Mizoram People Forum chuan Mizoram mipuite hriat turin hetiang hian thuchhuah an siam:
“Kan ramah rorelna tha a awm theihna tur te, inthlanna thianghlim, dik leh fel fai tak a awm theihna turte in Mizoram People Forum chuan theihtawp a chhuah chhunzawm zel a. A hmalakna ah Zoram mipui te, Political Party te leh Pawl hrang hrangte tawiawmna leh thawhpuina tha leh duhawm tak a dawn zel avangin lawmawm a ti hle. Chutih rual chuan ram leh hnam siamthat duhna rilru pu, kil tin atanga thiltha leh hmasawnna duhtu an lo pen chhuak mek zel hi lawmawm a ti a; ram leh hnam siamthatna hmanraw pawimawh leh tangkai tak an nih chhoh zel a beisei a ni.
“Rorelna dik leh fel kan neih theihna tur te, hlemhletna laka kan zalenna tur te, Zoram in hmasawnna kawng chak zawka a zawh theihna tur leh Ram siamthatna kawng hrang hrang ah te Mizoram People Forum chuan hma a la a. Hemi kawngah hian sorkar tawiawm leh tanpui te, mipui kaihhruai leh zirtir hnate theihtawpin a thawk chho mek zel a ni.
“Roreltu tha nei turte, inthlanna thianghlim, dik leh fel fai nei tur chuan mipuite hian mawhphurhna sang tak kan nei. Chu kan mawhphurna hlenchhuak tur chuan kan inbeisei a ni. Chumi atana pawimawh tak pakhat chu – politics tui nu lak atanga inthiarfihlim hi a ni a. Mipuite chu Political Party ngheng lova zalen (neutral) taka awm turin leh kan chhia leh tha hriatna fimtak hmang thiam turin Mizoram People Forum chuan a duhin a beisei a ni.
“Mizoram People Forum hi Political Party tinten zalen tak leh dik taka politics an khelh theihna tur leh mipuite pawhin huai tak leh dik taka an zalenna hmanga vote an thlak theihna tura thlei bik nei lova hma latu a ni a. Political Party te chu mipui zalenna nekchep lo tur leh vote lei lo turin a ngen a, Mautam Tam leh retheih denchhena mahni hmasial taka hma la lo turin a beisei bawk a ni. Chutiang bawkin chhungkua, mimal leh pawlhote pawh kan vote hlu tak hralh tur zawng leh chumi avanga Political Party te hnena inzuar leh intulut lo turin a ngen bawk a ni.
“Ram hruaitu leh roreltute thlang turin, kan ramin Inthlanpui a hnaih leh ta hle a. Inthlanpui kan hmachhawn turah hian Political Party te chu fimkhur takin, mi hmingtha, dik leh rinawm, Pathian tih mi Candidate atan thlang theuh turin MPF chuan a beisei a ni. Inrikrapna leh tharum thawhna lam hawi thei thil hmang lo tur leh uchuak taka inchirhthehna lam hawi thusawi leh candidate mimal nun tilang bawrhbang thei lam tarlan te pawh pumpelh tum theuh ni bawk se.
“Ram rorelna tha tak kan neih theihna tur te, Mizoram mipuite zahawm tak leh zalen taka kan khawsak chhoh zel theih nan theihtawp i chhuah tlang theuh ang u,†tiin.
Source : Vanglaini
Similar Posts:
- “Mipui sorkar dik tak” din turin in hawng hle
- MTP thlawpna Y4M-in hnukdawk
- MIPUI TANGRUAL PAWL Press Release
- Zalenna
- Synod-in Press Conference Ko
hairehai
March 6th, 2008 at 5:22 pm
Mizo Pa Fel in ti ho,politics a zuang lut ngam chiah si lo ho ,kohhran a lan mawi tum ho…ka nuih an ti za harrrrrrrhaaaaaaarrrrrrrrrrr!!!!!
[Report abuse]
March 6th, 2008 at 5:46 pm
Mipui te chuan zalen takin vote an thlak thin reng emaw ka tia?! Hlei nei lovin pawlitic a awm thei dawn em ni? A lutuk in an ti mai thin pawh a.
ranjitsailo: i hming chu ka type duhlo tep a ni lol…a vaingalsin tiah tiah
Pawlitics an luh tan dan alawm. MZP te YMA te pawh an nih hi….Kan lehkha zirlai te khan Shillong ah MZP thenkhat sikul a pawlitic muvmen nei ho kha ekzam an phal loh vang te khan, ” Mizo zawng zawng ekzam an phal lo” ti te khan thu Mizoram ah an theh darh a…Mizo zirlai te kha kawng ah dangin, ekzam lo tur khan an nawr a…khang te kha a nia, a hnu a minister ta te kha….from MZP to ministry.
[Report abuse]
March 6th, 2008 at 5:47 pm
pawlitik tih zawk tur
[Report abuse]