mi(sual).com

Mizo tawng hi pianpuitute zingah a thiam lo ber pawl ka nih ka ring. Tin, keimah ang bawka tawng thei viau si ziak dik hleithei lo kan awm zut niin a lang. Chutiang nula/tlangval te chu aizawl khawpuia seilian ngei ngei zingah pawh an tam ta hle mai. Mizofate mizo tirtu pakhat chu kan Tawng dik taka ziah theih hi a ni. Internet hmang hian thil tam tak kan sawiho thin, mahse a rah chhuah hmuh tur awmchhun tlemte zingah “Mizo Tawnga hmasawn” hi a taka kan hlawkpui chu a ni.

Internet kaltlanga Mizo Tawng nalh taka ziak thei ta zingah hian Kei, Pu Sandman leh Benjamin te hi kan ni lehzual mai thei. Kum 2003 vela kan Mizo Tawng ziak leh tuna kan Mizo Tawng ziak chu danglam tak a ni tawh. Hma kan sawn nasa kher mai. Kan la sawn belh zel turah ngai ila. Internet kaltlanga thiam kan ni hlawmin ka hria. Keimahni ang bawka thiam sa lo kan ni zut hlawm ngei ang. Hawh u, kan ziah dik loh te, kan hriat dik loh te, kan hmandan dik lo te i infinchhuah sak ang u hmiang. A thiamten Mizo Tawng upa te pawh min han hrilhfiah thin se la, Tin, Internet kaltlangin Pu Buanga Dictionary (Mizo-English) pawh chhiar theihin a awm. I bih zauh zauh ang u.

Entirna:
1. Em ni? tihna turah “A mi” ti kan tam ta hle mai. Hna i thawk dawn em ni? tih tur a ni.

2. Ang Em? tih turah, “A ngem, Angem etc.” ziak kan awm thin. I hna i kal ang em? tih thin tur a ni.

3. Na? hmanna hi chihnih kan nei. I na (Dam lo) em ni? i na em? kan tih laiin, Hmangaihna, rualawhna, suahsualna, etc.. ang chiah hian zawm thin tur a ni. Kan ziak hrang chawk hi a dik lo.

4. Ziah zawm tur kan zawm loh hian kan sawi tur hriatthiam a har phah thin a. Ziahzawmna(A thu sawi tur a zirin “Ziah zawm” emaw “Ziahzawm” tih hi ziah hran tur a ni a, “na” belh a nih chuan “Ziahzawmna” tia dah tur a ni) tur leh zawm lohna tur ang chi pawh hi kan zir deuh a ngai. eg: Tunlai in i zirna i tluang maw? tihna turah, Tun lai i zir na i tluangmaw? etc.. ti kan awm fo.

5. ah, in, tih, etc.. hi kan hmandan kan uluk deuh a ngai bawk. Entirnan; Vawiinah, Kan khuaah, Kan vengah, Chutiang zelin, dik takin, hrilhfiahin, tihtheihna, tihluihna, tihtirna etc.. ang chi ah hian, ah, in, tih hi kan dah hrang daih thin a, hei hi a dik lo va, ziah zawm thin tur a ni.

Tawng hi a nihna ang taka kan ziah a, kan hman dik hian a zahawm bik a, thang leh thar lo kal zel turte tan pawh entawn tur tha tak kan lo nih theih nan, kan hriat ang ang te thawh khawmin, i infinchhuah hlawm teh ang u khai. A thiam lo ten tlawmah la mai lovin, thiam tum ila, a thiam sa ten nuihzat mai lovin, finchhuah tum bawk ila, hma kan sawn ngei ang. A hrana Mizo class lak theih a ni tawh thin si lo.

Similar Posts:

• Zo tawng ziakdan tlem
• Mizo Day 2010 Amerika lamah
• The Case for Mizo Wikipedia
• Zirna sikul hi
• SMS leh Mizo tawng

Recent Posts:

• MIZO HNAM SAKHAW DIK PHOCHHUAHNA – IIby. Rorelliana
• MIZO HNAM SAKHAW DIK PHOCHHUAHNA ~ Iby- Rorelliana
• Ngaihtuahna
• ‘Remna’ Palai Bâwngte
• Misual vangin!

This entry was posted on Friday, September 5th, 2008 at 9:07 am and is filed under More than words. You can follow any responses to this entry through the RSS 2.0 feed. You can leave a response, or trackback from your own site.