Lehkhathiam tam takte beidawnna khura hnuklut thei tur khawpa thil pawi chu Political fitness hi a ni. Kan ram kal sual mekna a ni ti ila a sual awm lo ve. Eng party mai pawh hian kan party puite an nih chuan tiin, eng thilah pawh kan lain kan dah duh zel mai si a, hei hian kan ram hi a la khawih buai lo vang tih sawi har tak a ni.
A bik takin ti teh ang, Education lamah hian duhsak neih hi thil pawi tak a ni, Political fitness avanga zirtirtuah te kan lo tling a nih chuan Zoram Education system quality ti che theitu kan ni tih hi in hre reng ang u.
Tam takte hi chu Political fitness a vangin Zirtirtuahte kan tang a, kan kal tha leh peih tak tak si lo va, aikalte kan la a, a kal duh duh kan chhawr a, thil fello tak a ni. Thawh ve duh si, thawk tha leh peih si lote hian, aikalte an la a, mi tam tak thawk tha duh, duhsaktu nei si lote rilru a na in, nghawng nasa tak pawh a nei thei a ni.
Kan sawrkarte leh sawrkar leh turte pawh hian eng hnaah pawh hian duhsak bik nei lo ila, a tling ate chauh hi la tawh thin ila a tha khawp mai, eng hnaah pawh mai hian Block leh Unit tak ngial atang pawhin thu neih hi an tum emaw tih tur hian Unit leh block hruaitute hming sign keng tawk lah an bo ngai lo, Political fitness hi a awm chhung chuan, Zoramah hian diknain lalna a la chang lo tihna a ni.
Zoramin Sipai kan la deuh reng a, kan lak danah erawh chuan in enchian kan ngai thin khawp mai, a bik takin Written test result-ah hian rilru a na zual duh deuh bikin a rinawm, Class VIII pass ve chang changte leh BA val hoten Question thuhmun an han chhang a, BA val, in chhang tling lo an awm thin laiin, Class VIII pass ve chang changte an han in ziak tling thei bikte hi thilmak a thleng kan tih dawn chuan a ni bawk chiah si lo, mahse tu emaw thiamah thil a awm thin a ni ang tih thawm a tam thei khawp mai.
Harsatna tam tak lehkha thiam te`n an pum pelh theih nan Political Fitness hi dah bo a hun ta hle a ni.
– Mahminga, Lunglei
Feedback – 9863177868
Similar Posts:
- Yoga leh Christianna
- Zirlai te tan thil hriat tur pawimawh zual te
- Ram hruaitu te ka khawngaih
- Dan Lova lakte dah ngheh tum?
- Zofa zinga mi hmasa thenkhat
hairehai
September 24th, 2008 at 4:06 am
A reh tk2 thei dn ami…. political fitness avnga tling te hian zhna chng lh cu an se der mai thn lo lhnghl a, bkah mipui te hian tianga politics a tlaktum avnga tlingte h hmusit ngam ila, hrhom an thna tr khpin siam ila a zia deuh lo mo, tuna kn dinhmunah h cuan a teuh c lova hmust cu soi lh kn gaisang letling zk zl a buaithlk a n, eiru ho ph cuti tho, an eiruk kn soisel a an eiruk atnga an poisa thoh te cu kn duh lh em2 tho a hetiang rngt h cuan thl t sualtute h an huang tau telh2 mai dn niin a lngin k hria
[Report abuse]
September 24th, 2008 at 6:39 am
I rawn sawi ho khi thilthar ani lo, kan hre vek Mizoram mipuite hian. khiti tihbo a hun ti tawp lo khian tihbo dan kawngte i ziak lang thei lawm ni. Hetia website velah Tihbo a hun rawn tih leh tawp thin mai. internet a online chin hi chuan kan ram dinhmum chu kan hre chiang khawp hlawm.
[Report abuse]
September 24th, 2008 at 7:15 am
Political fitness tihbo tihte chu mumangah pawh in mang pha em ni? Mizoram politic-ah khan thiltha a chhuak thei hlei nem? Zoramthanga leh Lal Thanhawla bawk kha thlang leh ula, policy tha tak tak an sawi tlawr dup anga mipui thleng phak hamthatna erawh vanarah ang a ni leh anga, mipui chu inchawh leh tlawk tlawk anga a ni mai a lawm. Tikhan phun phun ula inphun lungawi leh mai ang, thiltha phunchhuak tak tak si lo khan.
[Report abuse]
September 24th, 2008 at 10:19 am
Nia pawi khawp mai hei kan tuar mek a ni. kan la tuar zeldwn ni in a lang e. Engtia tih chi nge maw ni dawn ni. thalai te lah hi kan la reh thiap ,ai si a in thlan a hnai tual tual leh nghal, tun tum election hi kan tihsual vaih chuan Mizo te hi in siam tha leh tur chuan beih fe a ngai ang le.
[Report abuse]
September 24th, 2008 at 10:39 am
An la in sawi thei zawk maw le, mizoramah te chuan eiru thei thei hi ang ngai sang a, thingtlang ah phei chuan eiruk hrat zual BDO, Forest RO, Storekeeper, PWD leh PHE ho JE ang te hi an han ngaisang vet vet khawp ah. Zirlai te rilru ah pawh an chak ber chu khitiang ang sawrkar hnathawh a eiru thei dinhmuna din khi ani awm e.
Chuan, tlema a intifing fal deuh chuan IAS, MCS lampang hi nih an chak leh a, sawrkar hna hi an ngai sang vet vet ania!
Mahse, sipai lak dawna BA aia class VIII tling ti a i sawi khi, in test a zir te pawh aniang chu, psychometric test ang chi anih chuan BA aikhan Class VIII khan a tihtha daih pawh nise a awm lo lem lo. BA mawl tak tak an tam em mai.
keini pawh hna dil dawnin lehkha kan keng tel thin, mahse party hotute letter nilovin kan work experience letter kan employer hnuhnung ber ziak te, reference a tan. Min ruaitu tur te hian kan reference letter hi phone in an confirm deuh kher thin bawk.
[Report abuse]
September 24th, 2008 at 11:10 am
Thil tihbo chi a ni lo. Tihtlem erawh a theih mahna. Kohhran thleng hian hetiang politics hian bu a chhep tan nghe nghe asin. Chuvangin he thil hi chu a bo kumkhua dawn lo, khawvel a nia, khawvel thil hian min kiansan thei hrih lo lawm. Khawi hmunah pawh a awm vek, Mizoram chauh a ni lo, khawthlang leh khawchhak khawvel ram tin ah hian hetiang hi sawi tur a awm vek, a nasat dan erawh a inang lo. India ram rau rau ah phei chuan kan State hi hetiang kawng ah hian kan zia ber ang tih theih a ni.
[Report abuse]
September 24th, 2008 at 12:09 pm
Kan ram hi kawng hrang hrangah in todelh ila sawrkar hna hi chu kan hmu hniam viau ang. Political fitness pawh a bo ve mai ang.
[Report abuse]
September 24th, 2008 at 12:27 pm
sorkar ringawt behchhan lovin, mahni intodelhna kawng te pawh hi zawh tum ila. Sorkar hna lo hi hnathaw tur tam tak a wm tih hriattur
[Report abuse]
September 24th, 2008 at 12:28 pm
Hmanni kan veng pa pakhat ASI tling ve pawh Tlanghmingthanga Quota an ti tlat mai.. an ngaisang hlawm teh chiam lo
[Report abuse]
September 24th, 2008 at 12:43 pm
ramdangah pawh political appointment hi chu a awm, mahse heng political appointee ho hi sawrkar tlak rual rualin an bang ve leh tlang pui thin, entirnan minister leh a secretary, a aide, adviser ho ang te, agency hrang hranga an chief/chairman ang ho te.
Lalthawnhawla leh Zoramthanga hian public debate nei ve ngam se ka ti. mahse mipuiin an hriat chian an hlau zawmah ani awm sia. lol
[Report abuse]
September 24th, 2008 at 1:04 pm
Keipawh hun ka tihna a rei tawh mai!! Politics hi chu sawrkar hna loah pawh a awm vek,private company ah pawh hotute tlawn peih na na na chuan promotion pawh an hmu chak thei viau. Ngaia neiha,mena thlak a har duh phian lehnghal.
Enghna pawh kan dilin kan tlinglo anih chuan a chhan leh a vang hriat ngei tum ila,feedback pawh min interview tute atang khan la ngei ila,an lak taka kan tluklohna laitak nen hriat kilh kelh tum a tha.Tin,thil inthup,midang tihmualpho duhloh avanga kan ngawihbopui hi atam lutuk niin ka hre bawk.Thildiklo a awm anih chuan, expose ngam ila.Kan expose loha ngawi renga kan thut mai mai chuan political fitness kan promote tihna a ni mai.
[Report abuse]
September 24th, 2008 at 1:28 pm
Political Fitness tihbona tur pakhat ka rilrua awm reng thin leh article paragraph 3-na chhanna ni bawk chu hnaruak hnawh khahna tura a dil zingah a tehna siama tling ngei leh thawk tha peih tur zingah chuah duhsak zawngte thlang chhuak thin ila a thain ka hria. Thiante zingah pawh duhsak bik kan nei theuh ang hian mi tinin duhsak zawng kan neih chu a thiang. Mahse, kan duhsaka te chuan duhsak an phu reng em tih kan chian phawt a tul hle tawh niin ka hria.
[Report abuse]
September 24th, 2008 at 1:38 pm
aizawl chanchin bu khoiberah emaw ni ah hmanni khan mipa pahnih hna hmu tura tih vek tawh Education Minister approved ngaih vanga a hnena an thawn hnua tling leh ta lo an rawn chhuah kha…..political fitness an nei lo ani ngei ang. an khawngaihthlak khop mai.
[Report abuse]
September 24th, 2008 at 1:59 pm
Hna? haha, gas bur khat la tur pawn Political Fitness neih ngaih chang a awm nia
[Report abuse]
September 24th, 2008 at 2:03 pm
A thupui khi a taka thleng thei nisela oo…. diktak cuan sawipui tur/tihpuitu nei lo tan sawrkar hna dil in omzia a nei hlol lo… k hreciang thokhat ve cuan k hria..
kan venga Minister vua leh vang pakhat om tha duhlo poh an sorkar tirh lampang khan SI nge ASI emoni ah a thun a, a bang leh a, eng dept. ah emoni computer operator ah a thun leh a chu pawh thok tha peih lovin a bang leh a nih cu… thei ve pap2 khop mai… soi tur a tam lutuk ka soi seng lo
[Report abuse]
September 24th, 2008 at 2:40 pm
BA val, lehkhathiam in ti, mahse “political fitness ka neilo” tih chhuanlam a chhungkua chu sawi loh, mahni pawh inchawm zo lo chu kei ka ngainep khawp mai. Enge sawrkar hna kher a tulna?
Hei vang hi alawm Mizo te kan pachhiat em em. Engkimah ‘sawkar’ kan ti zel a.
[Report abuse]
September 24th, 2008 at 3:56 pm
Suggestion ka han rawt chhin ange: Sawrkar hna reng reng chu a hniam emaw a sang emaw Public Service ani a, Mizoram Public Service Commission (MPSC) kan nei a, chuvang chuan hnalak tur reng reng hi anni hian an conduct ngei ngei tur ani. Tin, hnalak dan chungchangah hian unfair means a awm loh nan written test hi a endik tur thlang chawp zel sela, personal interview hi visual record in awm vek bok se, kan ziaawm ka ring tlat ani.
Chumi bakah contract hna reng reng 1 lakh and above ang chi hi chu tender koh vek nise, tin, selection committee hi bial tinah awm vek bok se, a member turin rorel lai mi leh sa ni lo te bakah prominent citizen te dah tel thei ngei bok se, hma kan sawn ka ring bawk.
A bak chu a har viau ang eg.gas bur khat lak nana minister lehkha tih vel hi. Publicly a mipuite’n kan dem luai luai a, a zahthlak zia an hriat a ngai ani.
[Report abuse]
September 24th, 2008 at 4:07 pm
lol lo in puang ve ta mai mai ila, kan chhungten bawngchaw lei an duh a Minister (K Sangthuama ani ta in ka hria) hnenah lehkha permit nge, sawipuina an dil! :mrgreen:
OMG :!: , bawngchaw lei turin minister lehkha dil angai a maw? what a waste of time and resources for the people and the minister himself! Khatiang ang bawngchaw lei theihna power mai mai te chu he tah a hnuai hnuai hnuai leh ami te hnenah delegate daih awm.
[Report abuse]
September 24th, 2008 at 4:24 pm
hramtea_pa khi a full pawpin ka support e.
[Report abuse]
September 25th, 2008 at 1:04 am
Mizoram-a ka awm ve laiin Sorkar hna min offer ve a, mahse ka thawk duh lo. Hlawh tur zat ka chhuta eiruk ka duh dawn loh avangin ka intodelh ngawr ngawr dawn emaw a ni anga, khatiang anga damchhung hman ka peih loh avangin ka thawk peih ta lo a ni.
Mizoram-ah khan Sorkar hna lo intodelhna tham thawh tur a awm a ni tih chu ka sumdawnna tawnhriat atangin ka chiang khawp mai. Political fitness hi kei chuan ka mamawh ve lo. Zoramthanga Ni fapa ka ni a, mahse hna emaw hamthatna emaw beiseiin vawikhat mah ka va pan ngai lo.
[Report abuse]
September 25th, 2008 at 12:02 pm
nia, ft. 2 pawh zuang thei lo tur tih hriat reng reng te pohin Hnam Run an zuan khum miau thin avangin an PASS leh mai thin… A lutuk chin hi chu ram leh hnam tana thil pawi thlentu a ni thei. Fimkhur a tha mang e… ti leh top mai ang. Eng kan ti thei si lo a.
[Report abuse]
September 25th, 2008 at 1:20 pm
BA val, lehkhathiam in ti, mahse “political fitness ka neilo†tih chhuanlam a chhungkua chu sawi loh, mahni pawh inchawm zo lo chu kei ka ngainep khawp mai. Enge sawrkar hna kher a tulna? Hei vang hi alawm Mizo te kan pachhiat em em. Engkimah ’sawkar’ kan ti zel a.
****Tete, ni e ti raw mahni pawhin chawm zo lo chu an ngaih san awm loh khawp mai,kan ram-ah hi chuan kut hnathawktute tan hian eizawnna tling tak tak a awm thei si lova, industry lian private a hna han thawhna tur a la awm bawk si lo nen, sawrkar hna hi kan tan chuan a la tha ber awm chhun chu a ni tlat. sawrkar hnathawh aia tha hi a vang em hrih a lawm.
[Report abuse]