Mizote hi zirna/thiamna lamah hma kan sawn ve zel a, tuantul leh zirna a avangin khaw hran hran leh ram hran hranah kan darh ve nuk a. Hnam dang tawng dang karah tawng dang zirin tawng dang kan hmang hlawm a. Thangthar tamtak chuan kan tawng pawh kan hre mumal tawh lo a, awlsam taka kan tawng kan zir theihna tur leh kan en fiah theihna tur hi kan mamawh hlein ka hria.
Tun lai IT hunah hian kan Zofate zingah pawh IT lama mithiam kan nei ve nuk tawh a, English pawh thiam tak2 kan tam tawh a, Mizo to English leh English to Mizo dictionaries a tharin siam thei ila, Mizo tawng a lam rik leh English a lam rik dik takin CD-ROM-ah khung vein a dictionary-ah hian tel nghal ve thei se.
Tin, elecronic dictionary te hi nei ve thei tawh i la, awlsam tak in Mizo leh sap tawng kan hriat loh leh a lam rik diktak kan zawng chhuakin kan en thei nghal zung zung ang a,” I sap tawng lamrik dan a dik lo!” tih a kan in hnial kan inhnial te pawh a lo reh tawh ngei ang. (USA leh UK lam rik dan hi tel ve ve bawk se)
Thing leh thlai, pangpar, nungchate leh Mizote kan thil hman ho hmingte hi hre kim hi kan awm meuh ang em maw? Chuvangin thang leh tharte tan tuna kan hriat ang ang te hi thlalak nen khawnkhawm a picture dictionary kan nei hi tul ta hlein ka hria.Tin, thil hming kan la neih lote pawh kan Zohnahtlakten an lo neih chu hmang ve nghal zel i la, an lo nei ngang lo a nih leh hming thar te pawh phuah ve i la, Mizo tawng hi a lo hausain hnam ro tling kan lo neih ngei ka beisei.
Heng thilte kan lo neih theina tur leh a hlawhtlinna tur chuan Mizoram lam atang ahma lak hi a awl berin ka ring a. Arts & Culture lam te khian hma han la se awl deuin ka ring. Nge misual ho hian funding kan siam a nga hma ka la ho daw? Kan mithiamte khan in ngaidan le thil tha tur chu han sawi ho te u!
Similar Posts:
- Mizo Dictionary
- Infrastructure!?
- Kan zain i bei ang u
- Mizo Dictionary software
- Mizo Dictionary bawk kha !!
kawrek mai rawh
October 23rd, 2008 at 12:43 pm
A dik lutuk, tunlai thangtharte hian mizotawng hi kan thiam tawh lo lutuk a, mizotawng thiam loh hi thenkhat chuan changkanna emaw zu ti tlat a mawle!! He thil hi ka veina a rei tawh a, mizotawng hi a lam dan mai bakah a ziak dan thleng hian ka inzir a ngai nasa a. Helam kawnga hma kan lak vat loh chuan kan tawng neihchhuh hi a ral mai ang tih pawh awl zate a ni.
[Report abuse]
October 23rd, 2008 at 12:47 pm
mahni tawng thiam lo hi changkanna ani lo, tih hre lo hi kan ka kat nuk mai.
[Report abuse]
October 23rd, 2008 at 12:52 pm
An la mawl vah vah hle a nih chu.
[Report abuse]
October 23rd, 2008 at 12:59 pm
ni e a dik alawm.. mahse hmundanga, hnamdang bula lehkha zir, naupan lai atanga zir, Mizo bula awm tlem te hi…enge in ngaihdan, anmahni emaw an chhungte emaw thiamloh ani dawn em ni le?
[Report abuse]
October 23rd, 2008 at 1:03 pm
an thiamlohna kha an in tih changkanna anih loh phot angai.
theitop a thiam an tum ve tho angai tihna ani mai.
[Report abuse]
October 23rd, 2008 at 3:06 pm
Ram danga seilian leh hnamdang bula lehkha zir mizo tawng thiam fe fe an tam mai, Mizo tawng thiam leh thiam loh chu nu leh pa zir ani mai.
Hmanlai chuan Mizo tawng thiamlo hi changkang an tia tunlai chuan Mizo tawng thiamlo hi thing anti tawh
[Report abuse]
October 23rd, 2008 at 3:15 pm
jemi leh mr right in tidik lutuk.
[Report abuse]
October 23rd, 2008 at 3:21 pm
Mr Right sawi para hmasa khi kei pawh ke thiah bal tak chunga ka ngaihdan ve mai mai a ni…
Ka partner hi Mizoram pawna pianga seilian a nia, mahse kei aiin a thiam zawk thil tam tak zingah Mizo tawng hi a hmatawng a ni awm e
Nu leh Pa zir chu a lo ni khawp mai.
[Report abuse]
October 23rd, 2008 at 3:25 pm
kanidar, ‘partner’ i tih tak hi a gay lingo vel latuks!! gay ho hian an kawppui te hi ‘partner’ tih an hrat
[Report abuse]
October 23rd, 2008 at 3:40 pm
@Bmw: Kanidar partner chu Lalwonder
lol
[Report abuse]
October 23rd, 2008 at 3:53 pm
@bmw, aha, nawhreh nawhreh… mahse rubber band te pawh rubber kan ti lawl lawl tho alawm
@amanda : partner ah min duh lovang, ka dul a kiar em mai
[Report abuse]
October 23rd, 2008 at 4:17 pm
Hmun dang & ram dang a awm ho hlei2 tan hian a nia tun a mi ho hi tangkai tur chu.
Mizo to English dictionary te pawh CD-ROM nen a lamrik dan thleng a a tel chuan computer-ah kan download a nga awlsam takin kan en thei mai dawn a, a lamrik thlengin kan ngaithla thei dawn a ni. Hnamdang pawn Mizo tawng an lo zir duh a nih pawn an tan aa awlsan dawn a ni.
Tin, electronic dictionary te hi hnam tin tehian an nei fur hlawm tawh A, keini hian eng tikah nge kan nei ve ang aw? ka lo ti roh2 thin a. Mizo to English & English to Mizo hi kawp nghal ngei se a lamrik pawh tel thlapin. Kutphah tiat lekah kan tawng zawng2 leh sap tawng zawng2 kalna a piang a kawr ipte a ah then thei mai a kan neih ve hun hi ka va nghakhlelh tak em.
Thingkung hming, rannung hming, sava, ramsa, Mizo thil hman chi hming,etc ..te hi a lem nen Mizo & Sap a ziak ngei(picture dictionary) nei ve i la chuan thangtharte khawpui a awm leh ramdang a awm te pawn ka tawng hi awlsam takin an zir thei a nga, thil hming pawh sap emaw, vai emaw tawng asawi2 tawh loin keimahni tawng ngeiin an lo sawi ve thei tawh ngei ang.
[Report abuse]
October 23rd, 2008 at 4:24 pm
chepahakhata sawi khi bawhsui tlak tak leh mithiam ten an tih makmawh ah ka ngai. Tun lo haw lose, he website comment chhiar atang ngawt pawn Mizo tawng kan thiam tawh loh zia leh kan English – Mizo Dictionary neih vete a hlui tawh zia a hriat theih…eg: Pu Buanga Dictionary tih vel te kha ania hairehai. Rocket hi Mizo tawngin, Meithallawn a ni tih hria pawh kan tam tawh in ka ring lo tlat. Tun hnu a silai ti a kan koh tak, gun te hi Mizo tawng a a hming dik chu Meithal tih pawh kan hre tawh kher lovang le. Chutiang zelin, sipai (vaingalsin tawng) te hi Mizo tawng chuan, Ralkap an ni si a.
[Report abuse]
October 23rd, 2008 at 4:33 pm
gothica: hnamdang zinga seilian, Mizo tawng thiamlo te hi maw…an nu leh pa te thiam loh a ni ber ang chu. Pu KC Lalvunga fate hi han thlir ula, Mizoram hi a chuan pawh zeuh tih loh chuan an rawn chuang chhuak khat viau asin…Mizo tawng an thiam dan hi, Christabel phei hi chu fiamthu, thu maksak tak2 hi a rawn phawrh thei reng asin. A ni phei hi chu an awmna khua ah a mah chauh hi Mizo a ni zui in ka hria. Lehlam ah ve thung chuan, ramdang ah rau rau, Mizo awmkhawm tam na ber pawl a mi te hi an fa te Zawngrang tawng a tawng tawlh tawlh, Mizo tawnga biak pawh a, Zawngrang tawnga min chhang daih emaw, hre miahlo an awm nual lawi a.
Ka ngaihdan chuan, ram dang entirnan, sapram kan tih ang ah te hian an pian a emaw, an seilen chuan thiam loh tir pawh tum mah ilang, Zawngrang tawng ( English) hi an thiam dawn tho tho. Chuvangin, kan tawng, mi tlemte in a kan hman, Mizo tawng hi roh thiam in kan ziritr ngei tur ah ka ngai. Hetiang te atang hian alawm hnamdang te hian an hnam chawimawi an zir chhoh (ka hmuh dan chuan). An ram lui chhe ve tak te hi hla ah an phuah a, a awmzia hre manglo ten naupang atangin kan lo sak ve bawi bawi thin ni. Kan tawng hi i chawimawi in i chhuang ila, i roh hle ang u.
[Report abuse]
October 23rd, 2008 at 4:59 pm
Mahni pian pui tawng (mizo) pawh ni se, pian leh murna, sei lenna hmunin a zir ngang loh chuan lo thiam lo pawh ni se a hriatthiam awm!
Christabeli pawh hi han belhchian chuan a tawng lam dan (accent) hi a pai deuh lo maw te ka tia… Mhs, an pianpui tawng an thiam hrim2 hi an fakawm thlawt tho mai.
[Report abuse]
October 23rd, 2008 at 5:31 pm
sillyBoy: Nu leh pa te nen a khawsa ho case ah chuan kei chuan ka hrethiam ngai lovang. Pian leh murna lam a nilo, in lamah hian Mizo tawng hmanpui ila an thiam mai. Mizoram pawn a awm an nih vangin kan hrethiam turah ka ngai hauhlo. Hetiang a thil kan laksam et thin avang te hian alawm kan kal dik loh chhoh zel. Kristian ram kan nia tih vanga hremngai hrem loh te, an awmna ram in a zir lova thiamlo mahse, ka dem hran lo tih ang chi te hi. Sapram ah nu leh pa te nen an khawsa ho reng a, an mahni tawng an thiamlo ta daih mai hi chu ka hrethiam hlawl lo. Zirtir loh pawn, Zawngrang tawng hi an thiam dawn hrim hrim. Mizo tawng chu taima a zirtir te pawh an ngai ang, biak chauh tal pawn.
[Report abuse]
October 23rd, 2008 at 5:55 pm
Pu HV ka rawn sawi tum tak zawk chu naupang entirnan primary vel atanga hmundanga an chhungte’n hmundang Mizo tawng hman ngai lem lohna ah, future hmu lawk ran inti in dah ta se la… a college kal thleng ka tihna anih chu… hetiangte hi chu an thiamloh pawh ani dawn em ni leh a eng lam party zawk pawh ni ta se? Tawng kha a thiamloh hulhual theih dawn hleihnem…alo pai pawh ani thei a
[Report abuse]
October 23rd, 2008 at 6:15 pm
Mahni chauh a hostel a awm a seilian pawh nise, Mizo tawng hman na hmun ah holiday hmangin Mizo te hi kan kal thin tlangpui. A tlangpui thu ah chuan, thiam loh kan tum talh a nih ngawt loh chuan naupan laia lo hman thin tawng hi chu theihnghilh a har khawp mai. Ka han hrilh che khi chu nia, nu leh pa awmpui si a thiamlo ho hi a nia mahse, heta ka han sawi leh ang deuh hian, naupan lai atanga lo hman thin, a tam zawk a hman tak loh pawh nise, sikul chawlh, college chawlh ten kan haw tlangpui, Mizo te hi. Tum luih loh chuan a har khawp in ka ring…Mizo tawng han thiamloh tlat mai chu. Nulat thleng a Mizo tawng hmang, hnamdang pasal nei a, pai ta tlat te pawh ka hria…ka awihlo bawn tawp. Vai ang maia, Mizo tawng titi na kar a, tul lem miah si lova English hman ching te hi…asswipe ka ti mai. huh hairehai
[Report abuse]
October 23rd, 2008 at 6:34 pm
@pu H.V & @ gothica, in inhnialna nen in milh deuh debate thupui hi lo chhiar chhin teh u.
https://www.zoin.info/vantlang-hmaa-inhnialna/
[Report abuse]
October 23rd, 2008 at 6:34 pm
Partner lolz….kan nui phawts ang e
Chepa: I rawtna hi a tha ka ti khawp mai. A chhawrtangkai tur pawh keimahni mai ni lo,kan tu leh fate thlengin a ni tih a lang chiang khawp mai.Hetia CDa kan siam thei anih chuan Mizo tawng thiam lutuk lo,tawng an pai chang apianga kan nuihzat thin ho pawhin an thiam chak khawp ang chu.
Misual ho hian buaipui dawn ta ila heti hian rawtna kan siam teh ang:
US Accent i/c= Pu HV-a
Australian Accent i/c=Aryan
UK Accent i/c=Kanidar
Chinese Accenti/c=Sekitea(a tul chuan)
Tha tak chu kan siam thei hrim hrim.
[Report abuse]
October 23rd, 2008 at 6:36 pm
https://www.zoin.info/vantlang-hmaa-inhnialna/
@Pu H.V & gothica a chhung a mi hi lo chhiar chhin teh u.
[Report abuse]
October 23rd, 2008 at 6:56 pm
@irre Indian accent te pawh ti tel ve la… Hlimloh lai a ngaihthlak atan
[Report abuse]
October 23rd, 2008 at 7:25 pm
talking dict kan ti maia electronic dictionary chu chinese ho leh thai ho hian an uar. An nei deuh vek maiin ka hria.
Mizo tawng chu ka pai lo (ni in ka inhria), mahse word erawh ka theihnghilh then tial tial. Thing leh thlai thenkhat ka mitthla theih si, an hming ka lamchhuah theih tawhlo a awm nual, chuan Upa tawng (idioms & phrases) ho hi theihnghilh ka ngah tawh mai. Vangchhia rawnsawi Meithal =Silai tihna atih khi, khi lo pawhkhi Silai sawina chu a awm chiang ani, mahse ka ngaihtuah chhuak zo tawh lo. chengrang?
[Report abuse]
October 23rd, 2008 at 7:46 pm
School kal laia kan zirdan hi a tawk chiahlo nge ni,mizo tawng hi chu ka thiam lutuk,mahse a ziahdan ah hian ka buai tlat.A inzawm tur leh turlo hi ka hre thiam lo,ka duh duh ka inzawmtir vel mai mai zel. Kan tawng hausak tawkloh vang nge ka hriat tlem vang ka hre lo,han titi tak tak te hian sap tawng telh tlat ngaihna hi a awm leh thin,tu thiamloh nge maw ni,keimah nge school a kan zirlai nge,kan tawng hrim hrim hausak loh vang…?????
[Report abuse]
October 23rd, 2008 at 8:29 pm
@Irre, Tamil accent chu @myself hian duh se chuan a hneh rem rem khawp ang… mahse min nuih deuh tut in ka hria
pawi lo, melh rum ai chuan ka la thlang fe zawk tho mai…
@wonder khian assamese accent hi chang sela, kei te chu UK (Uikawng tih loh) vawi khatmah la hmu ve lo tan chuan lo inthlahrun der vel pawh kha a zahthlak
partner.. haha, bmw vang vek!!
[Report abuse]
October 23rd, 2008 at 8:32 pm
kanidar, pi finali hi pu finala a lo ni reng a nge!!! ‘ka vantirhkoh final’ i tia, vantirhkoh mipa an awm tho sia!!
[Report abuse]
October 23rd, 2008 at 8:34 pm
@aryan chenrang em ni?
@kanidar UK chu upper khatla accent alawm i ngai foren ruih zel a..
tin, kar hmasa weekend kha in sawifiah a ngai
[Report abuse]
October 23rd, 2008 at 8:36 pm
@bmw, pem tharah chingal rawn leih teh suh…. a thip tawh nak laia
[Report abuse]
October 23rd, 2008 at 8:39 pm
@wonderboy, mail kha tuin emaw a rawn forward che emaw ka tia… ka thiam lo a ni, sawi vak ngaihna pawh ka hre lo, a ngaihna ngang a awm lo a ni… 27/10 hian Rajasthan, chuan Nov 4 ah ngei ngei tawh ang….
[Report abuse]
October 23rd, 2008 at 10:39 pm
Ka pawm khawp mai kan thusawitu sawi ho khi. Mizo Tawng hi tiboraltu leh tihmasawn theitu awmchhun chu keimahni MIZOFA te ngei mai hi kan ni a. Kan rilru putdan leh kan tawng kan hman uar a zirin he Mizo Tawng hi a ropuiin thei a, a boral thei bawk. Kan harh a hun hle mai. Mahni tawng hi thiam nal hmasa ber ila, a dawtah hnam dang tawng.
[Report abuse]
October 24th, 2008 at 5:03 am
Aryan: Chenrang hi hla thu a hman deuh bik niin ka van hre em, ka sawi sual maithei bawk.
[Report abuse]
October 24th, 2008 at 8:41 am
Pu Zorunpuia zarah Mizo e-dictionary chu a awm thuai turah ngai ang…
[Report abuse]
October 24th, 2008 at 11:36 am
HV, hla thua hman thin a ni e, chenrang nilovin chengrang a ni zawk. Kan sawiho hi tih hlawhtlin theih nise ka va han ti em! Ka tangkai ve chuan ka tlanchhe hauh lovang. Mizo hnahthlak tawng hrang hrang atanga Mizo tawng tihhausak hi ka dream a ni reng mai.Engtia tihhlawhtlin chi nge niang? Sawiin rawtnate pawh siam ho ila.
[Report abuse]
October 24th, 2008 at 11:42 am
Thing leh thlai lamah chuan Pu R.Rozika (fam) ziak, Ramhmul Damdawi ah hian a thlalak nen a awm tha khawp mai.Tin, MZU lama Deptt of Forestry lam ho hi an pawimawh khawp ang.Anni hian a thlalak nen thlap an nei turah ka ngai. Dr.JH.Ramnghinglova hian a hre khawp ang.
[Report abuse]
October 24th, 2008 at 11:43 am
Banga? :?:
[Report abuse]
October 24th, 2008 at 12:02 pm
@Aryan and HV – Chengrang tih chu Silai sawina ni tho e, Hla thu atan bik an hmang. Thenkhat (Dr Laltluangliana Khiangte) -te chuan Hlarua an ti bik.
Val Uangthlawn tih hla-ah pawh khan ti hian a awm-
Chengrang chawiin a chhuak thanhawl nan
Ian a tum hmana Chawngbawla bawl bawl bawl…
[Report abuse]
October 24th, 2008 at 6:06 pm
Zorunpuia: typing mistake a nih kha..min rawn correct a, ka lawm e. Mizo tawng thumal hman vak lovah hi chuan ka type uluk viau thin emaw ka tia, ka lo fimkhur tawklo a nih kha. Ngaidam ngaidam.
[Report abuse]
October 24th, 2008 at 10:54 pm
Ti hlawhtlin ata atha tak tur ani hi, kan mizo tawng thiam ho khan han tise..a chhawr tangkaitu-ah lo tangila..mahse, kan Mizo tawng hriat hi inang lo a awm nual tawh lo maw ????
[Report abuse]
October 25th, 2008 at 2:08 am
A dik hlawm khawp mai,electronic dictionary mai bakah ,mizo zirlaibu kan hman te pawh hi upgrade dan ngaihtuah tel thei ila a tha law maw te ka ti deuh,a bul atanga a fuh loh chuan a buaithlak tawh thin.Theih phei se chuan class 11&12-ah hian mizo subject hi compulsory nithei se a tha lehzual ang,zirlai har tak a ni chuang lo bawk a.
[Report abuse]
October 25th, 2008 at 2:26 am
crocs: Mizo tawng dik chu chi khat chauh a awm…a zulzui/ a hrang deuh hlek te hi chu, Mizo tawngin, Awze tawng an ni.
[Report abuse]
October 25th, 2008 at 12:26 pm
Kum 2006 atang tawh khan he Mizo Tawng dictionary hi online atanga keuhawn theih turin leh kan thuduh lai awlsam taka zawn hmuh thuai a nih theih nan buaipui mek a ni a. Rin aiin a awlai lo va, a hautak deuh avangin beisei angin kan la zo fel thei lo a ni. A buaipuitu kan pu “mizo” hian tlemin a hun han pe deuh thei se, youthim website-a Baibul Zawnawlna ang hian Mizo Tawng thumal kan hriat duh lai kan zawng ang a, Sap tawngin min rawn hrilhfiah ang a, Sap tawng thumal kan hriat duh pawh Mizo Tawngin min rawn hrilhfiah mai dawn a ni. Hei hi pending mek a ni e.
Tin, Mizo Tawng a lo hausak nana Zohnahthlak hrang hrang te dialect (Not language) fawmkhawm chu thil tha tak leh kan tih ngei tur pawh a ni. Tunah pawh hian a ni sa reng tawhna chen a awm a. Hmanlaia duhlian emaw Lusei emaw dialect ngialngan tak kha tuna kan Mizo Tawng kan tihah hian hman loh a tam em em tawh a, R.Vanlawma phei kha chuan Mizo tawng hi Duhlian dialect a ni lo ve, a ti hial a ni. Pu Buanga pawhin Duhlian chu hmanlaia Lusei first class ho dialect a nih thu a sawi ve bawk.
Chuvangin Mizo Tawng hi a lo hausak zel nen, Zo dialect hrang hrang atangin lawrkhawm ila, a kimchang lo lai leh siam that ngai laiah bel hmiah hmiah ila. Tuna Mizo Dress tia kan sawi theih Lai, Mara,Lusei,Paite,Zahau etc.. Dress kan hman pawlh vek ang hian ropui takin kan Tawng hi kan tihausa theiin ka ring.
[Report abuse]
October 25th, 2008 at 4:57 pm
thudik a ni…ang
[Report abuse]
October 25th, 2008 at 7:44 pm
@Pu Zorunouia&Pu Mizoa teh in hnathawh chu a va ropui tak em. In zawh hun a va nghahleh awm tak em. In hnathawh Lalpan malsawm mawlh che u rawhse.
[Report abuse]