*Kumthar te kan lo thleng leh dawn ta a, Pathian ina min kaihhruaina te hre reng chungin lawmthu i sawi zel ang u. Sual hle mah ila Pathian hnenah lawmthu sawi tal hi chu i theihnghilh lovang u. He kumthar lo thleng turah hian.
Pathian hian fak a lawm, tih i ngaihtuah ngai em? Thil tam tak min pek rual hian dil belh pawh a la inhuam. He kan Pathian hian mi zawng zawng hi mal min sawm a, fak let turin min duh. Ram min pe a, hnam min dinsak a, nunna min pe a, thil tam tak min dinsak a, inkhawm nachang hre chung si hian lawmthute pawh sawi nachang hre ve se min ti.
Mahse Pathianin a fapa min pek chunga kan lawmthu bak hi chu thilpek hlu dang dawng ta lo angah kan inngai hmiah a, khuangpu tam tak hian kutbul an ni lo chu tu vang nge tih an ngaihtuah chhuak khât khawp ang! Leilung chu a duh ang angin lo insingsa sela, lei nun inher danglam zelah hian lubuk hun leh kawn hun lo thlengin, sum leh thluakte chu vir vel mup mup mah sela, a bul leh a tawp chu Pathian tho a ni.
He article tha tak chhiar zawm zel duh tan vanglaini.org hi han tlawh teh u.
Similar Posts:
- Kan khuaa krismas
- Kumthar Chibai mp3(with permission)
- Kan Kawngte hi…
- Lalpa I hmangaih ang chiah khan Lalpa’n hmangaih ta che se la!
- Ngai teh kumhlui..
hairehai
December 29th, 2008 at 2:07 am
Engkima lawmthu sawi thin hi a tul reng a ni.
Tunhma chuan Pathian hian duhsak bik neiin ka hre thin. Tunah chuan hmana ka lo hriat dan kha dikin chu mi a duhsakte zingah chuan ka telve tih ka lo hre ta. Lalpa chu fakin awm rawh se.
[Report abuse]
December 29th, 2008 at 10:13 am
Pathian malsawmna kan dawn zozai hi kan hre thiam lo mai mai thin a lawm, A duh loh zawng kan tih theihna te pawh hi a malsawmna kan dawn vang leh dam leh hrisel taka min awmtir avang chauha kan duh duh dan a awm thei chauh kan ni tih hi kan inhriat reng ava tul em!!! Chuvangin sual lam kawng zawh lovin mal min sawmtu Pathian lam hi hawi tum hram teh ang u.
[Report abuse]
December 29th, 2008 at 11:48 am
Harsatna han tawh chiah hian kan nitin nun hi malsawmna nun anih zia a chiang thin. hahrnasatna hmang khera zirtir ngai ni lo tura tan lak a tulin ka hria.
[Report abuse]
December 29th, 2008 at 12:03 pm
Dik chiah, harsatna kan tawh loh lai hi chuan kan tih theih ve reng emaw kan ti fo thrin,harsatna leh manganna kan tawhin Pathian kan au leh ruai tho si,hrisel tha taka kan awm lai te hian hriselna min petu Pathian hriat renga a hnena lawmthu sawi fo a tha.
[Report abuse]
December 29th, 2008 at 12:53 pm
Pathian thilsiam ringawt pawh hi Pathian hmuhna tham maw le. A ropui em avanga Pathian siam nia ring thei lo ho leh a awmzia ring lo ngam tak tak lo tena Pathian a awm lo an ti lui talh te hi a ropuizia tilang chiangtu a ni zelin ka hria. Mifing ber nia inngai leh Pathian a awmlo tia ngaihdan fing ber nei nia inngaite siamtu pawh kha amah Pathian tho hi a ni si a.
[Report abuse]
December 29th, 2008 at 5:10 pm
Amen
[Report abuse]
December 29th, 2008 at 6:23 pm
Halleluiah!!
[Report abuse]
December 29th, 2008 at 6:32 pm
Zing kan thawh veleh atrang hian Pathian hnenah lawmthu sawi na tur hlirin a khat tlat,zingkara tha tak harsatna awm miah lova kan han e ham ham thei te hi lawm awm deuh asin.
Ka nu u, salvation officer hian an ekin bangah”Lalpa tha taka e thei a min siam avangin ka lawm e” tih hi,hmazawn takah a tar a,kan chhiar ngei ngei a,tha ve khawp mai.
[Report abuse]
December 29th, 2008 at 8:06 pm
misual dot com-a aryan kan hnial rawn laih laih theite hi Pathian malsawmna a va ni chiang em! chabetkaia a ngaihawm hle mai, a rau thla tal kan zingah a la tel ve ém ang chu…
[Report abuse]
December 29th, 2008 at 9:11 pm
Inhnial hi nuam a ti sia site dangah chuan an hnial dang zung2 zel a!
[Report abuse]
December 29th, 2008 at 9:43 pm
H. Vangchhia pawh — a nupui a hritlang hret a, Pathian hnenah tawngtaiin a nupui chu a hlan ta a, “Aw Lalpa, hei kan nu hi a hritlang a, hritlang han tih lemah han THAW TRUP TRUP chu a ni hran lo va …” a ti ta duah a nih kha. (Just kidding). An nu a rawn leikang ta chu a lawm khawp mai a. “God is good, my wife is better,” a tih tak hmiah kha!
Ngai kawi duh suh, Pathian aia an nu a that zawk thu lam a ni leu! An nu a lo leikan tak deuh avanga Pathian trhatzia a tarlanna a ni zawk e.
[Report abuse]
December 29th, 2008 at 11:09 pm
off topic vangin poi sorry MAHSE KA MISUAL PUITE I TRANPUINA KA MAMAWH EM A NI, MANIPUR KAL THEIHNA VISA HI FOREIGNER TANA DIL THEIHNA MIN LO HRILH TEH U, A HRIA KAN AWM CHUAN NI 31 HMA HIAN MIN LO HRILH TEH U KHAWNGAIHIN
[Report abuse]
December 29th, 2008 at 11:16 pm
littlerascal – A hmasa berin Capital vek a rawn ziah hi kan khap tih ka hriattir duh che.
Manipur hi India ram ani a, India visitor visa nei chuan manipur atan visa a trul lo. Amaherawhchu permit chu a ngai ve mai thei ani. Visa tiin mi zawt lo la, permit tiin mi zawt la, chhanna i dawng hma zawk mai thei ani.
[Report abuse]
December 30th, 2008 at 12:03 am
Engkima lawmthu sawi hi ringtu dik tan chuan tih theih tur niawm tak a ni.Mahse,a va’n har si em.He lawmthu sawi reng theihlohna hian ka hringnun hi a tihrehawm fo thin,mahse,chu ka hrehawmna chu Pathian min hnaihtirtu a ni thung.
[Report abuse]
December 30th, 2008 at 1:11 am
A dik khawp mai. Rinna nunah chuan struggle kan neih hian min tathriamtu a ni thin. Dan leh khawngaihna awmzia pawh hi a hriata hriat fiah ai chuan a chana chan fiah chi chauh niin ka hria. Famkimalo keimahni ngei pawhin kan famkim lohzia kan hmuh chuan Pathian famkim phei huan a va hmu nasa dawn em! Dan chu kan chungah lek sela eih pawh kan ti hman kher lovang le.. Mahse Mosia dan famkim lohna chu Lal Isua khawngaihna dan hmangin a rawn tifamkim ta a, a lawmawm teh zawng anih hi le..
[Report abuse]
July 27th, 2011 at 3:20 pm
ÑÃÎÑ ÇÄÀÃÈÉ ÃÃ…Ã’Ã…ÃÃÓÃÃ…
minny…
[Report abuse]