A phu vang a ni ngei ang, ‘Krismas’ hi kan lawm tawh chuan ruai a tel deuh zel mai. Hmun hrang hranga kan inbuatsaih dan erawh a inchen lo hle a ni. Ring lo mai bakah, ringtute intite pawhin lawm a nihtirh atangin ngaihdan thuhmun lo tak kan nei nghal a…!
Krismas hi kum zabi pathumna (AD 354 vel) atang khan lawm tan a ni a. Sakhaw thila duh khermeina avangin Puritan-ho chuan lawm a nih dan chu duh loin, ruai theh chu sawi loh, kum 1645 khan Krismas ni chu chaw nghei nà (fasting day)-ah an puang tlat mai thung a ni. [Puritan-ho hi kohhran siam thatna hun (kum zabi 16-na vel)-a zirtirna lo chhuak, kohhran siam that a nih duh tawk lova Anglican Kohhran atanga zirtirna thar rawn pawchhuaktute an ni. Anmahni hminga kohhran kal zel chu a awm lo nain, kohhran thenkhat chuan an zirtirna hi an chhawm zel].
King Charles II khan krismas lawm chu rawn tithar lehin, kum 1660 khan lawm tan a lo ni leh ta a. Kristiante chuan kan awmna hmun theuhah, a remchan angin ruai nen kan lawm ta zel mai. Thil mak erawh a ni hran lo, krismas awmzia atang rengin a huatthlala lo em a ni! Tin, ruai hrim hrim hi sakhaw thila serh leh sang atan te, champhaphak lawmnaah te, inremna entir nan leh lawmthu sawi nan te bakah, hriat rengna thil atante theh a ni thin. Bible atanga kan hmuh dan tlem azawng i’n tarlang teh ang.
Thuthlung Hlui lam atangin
Isaaka khan Palestina lal Abimeleka nena inremna thuthlung an siam khan ruai a buatsaih a. Jakoba leh Rakili te inneih khan ruai theh a ni. Pathianin Mosia kaltlanga a mite hnena Sinai tlang atanga thu a thlun khan hriat rengna leh lawmna ruai a din a. Aigupta saltang chhuah lawm nan pawh ruai theh a ni. Hlimna leh chanvo inthawn tawnna, thilpekna ni, hnehna ni leh ruai theh ni atan Purim Kut pawh an lo hmang tawh thin a ni. Lal Solomona pawh khan Bawkte Kut laiin Jerusalem Temple pawh Pathian hnenah a hlan a nih kha.
Thuthlung Hlui leh Thar inkar atangin
Isua pian hma kum zabi 2-na (2nd Century BC)-a Israel-te’n mahnia ro inrelna hun an chan zawk chhung, Makabia hun an tih bawk lai khan, Juda-te’n anmahni leh Temple te pawh Pathian hnenah hlanin, ruai an theh a ni tih kan hria.
Thuthlung Thar lam atangin
Isua kha kûtnaah te tel vein,rawngbawlna remchang takah a hmang thin a. Inneihnaah te pawh Uain tipungin a tel a nih kha. Krista leh a hnathawh hriat reng nan te, a thisena thuthlun thar nan leh lawmthu sawi nan Lalpa Zanriah kan kil bawk thin. Tin, vanram pawh lawi chaw nen tehkhin a nih kha.
Ringtu nun leh krismas ruai
Ruai theh hi thatna lam leh lawmna lama tih a nih thin tlangpui avangin khap tum ngawt chi a ni lo; inen chianna tur erawh kan nei ang. Khawvel amah vanga kan dam theihna tura Krista khawvela a lo pian champhaah kohhranhoten Pathian Thu leh a fakna hlatea inpawl khawmin lawman ruai kan theh thin. Hetiang hun hi mi tin deuhthawin kan nghakhlel a. Kan hla sak tam ber pawh,
Isu, vawiinah hian kan thinlung bawng inah,
Lo piang thar leh la, nang kan chatuan Lal turin…
Isua chu kan au a, kan sawm nawn fo thin. Mahse, Bethlehem ran ina nau a lo pian khan, kha ran inbawlhhlawh leh thianghlim lo kha then fai leh then thianghlim a ni tih kan hria. Isua hi kan thinlunga lo piang thar a, kan Chatuan Lal atana kan sawm tak tak a nih chuan, kha ran in then fai leh then thianghlim a nih ang khan, kan thinlung hi kanthen fai leh then thianghlim ve a tul a ni. Initsikna leh sawi chhiatna te, duhamna leh huatna te, thinrimna leh rawngbawlpuite huphurh tlatna te, lar leh lansarh duhna, tha lo leh thianghlim lo te, uirena thinlung, rinawm lova min siamtu hrang hrang bakah, Krista leh a kohhran min hmelmaktirtu zawng zawng keimahnia sual awm thin hi kan thian fai lo a nih chuan, Isua chu sawm eng ang mah ila, kan thinlungah a piang thar dawn lo reng reng.
Amah chu kan Chatuan Lal a ni thei lo ang a, keimahniah a ram a kin tihna a ni bawk ang. Chutiang a nih vaih chuan krismas lawm nan a ruai pawh thehin ei teuh mah ila, pumpui hnawh puarna satliah mai bak a ni lo tihna a ni ang. Amaherawhchu, hun kal tawh thil vanga tumah indawm kun mai lovin, mahni insiam tha chungin hlimna leh lawmna ruai chu theh ila; Kohhran programme pawh ngaipawimawh zel ang u. Pathian hawisanna leh milem biakna remchanga hman chu a tha lo ve. Krismas ruai tak chauh i theh ang u.
Kristian Thalai
By CMS Dawngliana
Sihphir Tlangveng
hairehai
December 23rd, 2008 at 12:12 pm
Masi chibai vek ule…!!! kan official tour in shillong kan han tlawh tel zuai a, an lo chei mawi in lung a ti leng hle mai…
[Report abuse]
December 23rd, 2008 at 12:56 pm
Inrinni khan clong ah ka han bazar e ka tia, an chei mawi chhuai2 khawp mai!
[Report abuse]
December 23rd, 2008 at 2:57 pm
Ruai theh va chakawm tawh ve aw. Ei hnem em em lo mah ila, a theh ve hrim hrim hi a nuam
[Report abuse]
December 23rd, 2008 at 6:55 pm
Wonder, Father, mirage, chhiar hlei lo hian comment ve leh ngawt mah ta che un. Thu tak a ni khi. Ka hlap hrep mai ang che u. Tifiam. Khimat chibai u auh.
[Report abuse]
December 23rd, 2008 at 7:02 pm
Keini pawh vawksa rep ngatin ruai kan theh dawn
masi ruai eitui vek u le….
[Report abuse]
December 23rd, 2008 at 8:04 pm
Pu H.v, Keini pawn vawksa rep in kan threh ve dawn
[Report abuse]
December 23rd, 2008 at 8:52 pm
wonderboy: i ei hmuah hmuah aniang chu…. House a thawk te kha min lo biak vek hlawm dawn nia…i nau Tawi-a sipisial in.:)
[Report abuse]
December 23rd, 2008 at 9:36 pm
Thuthlung Hlui-a Birthday lawm ka hriat ve chhun chu Egyptian Pharaoh; a chhiahhlawh pakhat zawk tihhlum a ni. Thuthlung Thar-a Birthday lawm ka hriat ve thung chu Heroda —Herodi lam thiam lawmmanah Baptistu Johana lu kha thlengin an rawn chawi! Pagan-hovin birthday a lawm thin ni berin a lang.
Berampute khan birthday zan celebration lam ni lovin, Lal thar Chibai buk tur an rawn hmu chiang a; Khawchhak mifingte pawhin nausen leikan tawh hnuah, chenna ina Mari leh naute Isua an rawn hmu a, a birthday lawm ni lovin, an rawn worship a. Egypt-a an tlanchhiat pawha an rual-awh lutuk loh nan rangkachak kha thilpek pathumte zingah an telh a nih kha.
Hmanlaia Mosian Israel mipuite a hruaichhuahna thlaler kawng ngaiah tho khan Josefa leh Mari leh naute te chuan Aigupta an pan ta hneng hneng a; kawnglaka suamhmang TITA an tawh thute hi chu FICTION mai mai a ni tawh zawk e. Bible-ah a chuang tel ve lo.
Thawnthu pakhat ka chhiarah chuan THAWNTHU MAI MAI chu ania! Aigupta rama an tlanchhia kha Rom sipaiten Heroda tirhin an um a, buh hi an lo seng a, tiin ziak a ni a. Chu thawnthuah chuan, buh an phun zo chiah kha seng theih a ni ta mai a, thilmak a thleng a, tih a ni kher a. Rom sipaite chuan naute leh a nu leh pa an lo hmuh leh hmuh loh an lo zawt a; anni chuan an hmuh thu an lo hrilh a; engtikah nge an hmuh an han zawh chuan, “He buh kan phun tirh lai hian” tiin an chhang a; Rom sipaite chu beidawngin an kir phah ta a, tih hi Shillong-a Motinagar EVERGREEN-a ka khawsak laiin ka chhiar tawh. Mahse a bu ka tibo palh tawh, Google atangin related story i zawng hmu thei thovin ka ring.
Shakespeare-a thawnthu ziak, “The Twelfth Night” pawh hi Christmas December 25 atanga zan sawm leh zan hnihna … chu chu January 6 Epiphany hun sawina a ni ru reng tih hai suh ang che. December 25 hi Isua pian hun dik tak a ni hran chuang lo va; January 6 hmangho pawh an awm bawk. A saisa nuai mai!
A pian hun chu ka hria, Bengali ang deuh ka ni a, ka hrilh che chuan i hre ve riau riau ang e. LOL
[Report abuse]
December 23rd, 2008 at 10:27 pm
vawiin ah ka Russian hnenah Krismas in lawm ve dawn em ka ti a,an ni chuan”January ni ruk ah a lawm khrismas te chu an lo ti deih nia.Mak ve khawp mai.
[Report abuse]
December 23rd, 2008 at 11:27 pm
Bengvar thlak thin hle mai. Maipawl put tawrh ai chuan misual.com chhiar hian a bengvar theih zawk anih hi. Kan naupan lai kha chuan SA ei a khat bawk a, “Thla tinin Krismas awm se” tiin duhthu kan sam thin. Mu ang, mu ang, a tlai ta. Duhleh tlaivar ru. Mangtha vek ule.
[Report abuse]
December 23rd, 2008 at 11:55 pm
Isua chu kan au a, kan sawm nawn fo thin. Mahse, Bethlehem ran ina nau a lo pian khan, kha ran inbawlhhlawh leh thianghlim lo kha then fai leh then thianghlim a ni tih kan hria. Isua hi kan thinlunga lo piang thar a, kan Chatuan Lal atana kan sawm tak tak a nih chuan, kha ran in then fai leh then thianghlim a nih ang khan, kan thinlung hi kanthen fai leh then thianghlim ve a tul a ni. Initsikna leh sawi chhiatna te, duhamna leh huatna te, thinrimna leh rawngbawlpuite huphurh tlatna te, lar leh lansarh duhna, tha lo leh thianghlim lo te, uirena thinlung, rinawm lova min siamtu hrang hrang bakah, Krista leh a kohhran min hmelmaktirtu zawng zawng keimahnia sual awm thin hi kan thian fai lo a nih chuan, Isua chu sawm eng ang mah ila, kan thinlungah a piang thar dawn lo reng reng.
[Report abuse]
December 24th, 2008 at 4:42 pm
RUAIIIIII!!!!!!!!! CHAK OM VE LEEEE!!!!!!!!
khoiah nge ka ei ve donnnn??!!!!
[Report abuse]