Chiahpuam Vrs Stock Market
Aizawl pa pakhat hausa ve tawk takin Ramhlun North ah In a sa (build) dawn a, a ma sum in a daih loh avangin pawl thenkhat leh mimal hnen ah ‘in pawisa ron thawh ve ula, tichuan a hlawkna kan insem dawn nia’ a ti a. affidavit satliah nilo RBI emaw Mizoram sawrkar hriat pui na in engkim an ti vek a. A hlawkna awm thei tur ang hi chu dawr luah tu tin hnen atanga luah man(rent) kha ani mai a. Mimal leh pawl ten an sum thawh tam dan a zira a hlawkna percentage a insem turin an ti bawk a. Hetiang deuh hian company hian a share a zuar thin a ni.
Stock market thil ah re re Company in projec t(hnathawh tur) a neih hian a ma sum in daih mah se 25% hi mipui hnen ah an duha an lei theih turin a offer ngei ngei a ngai a, amaherawhchu an nei daih lo tlangpui avang hian 25% aia tam pawh a offer thin. An thawh tam dan azira a hlawk na insem tur anni. Company hian he a project atanga a hlawkna hi a pumbilh thei bik lo. Tichuan mipui leh pawl(institutional investor i.e banks etc) chuan an share offer chu an han lei a. An lei atanga reilo te chhung hian Stock market ah an register ngei ngei tur a ni a offer tu company te hian a offer share a kha. Hetia stock market-a a register na chhan chu an share lei tu te khan anlo hralh leh duh thei, a nih loh pawn lei duh tu dang an offer laia lei ve hman lo ten anlo leih theih nan a register ngei a ngai a ni. Miin company share a leiin a leina company te hnenah a thleng/hralh let leh thei tawh lo, a neih let leh theihna awmchhun chu an dividend sem atang a ni tawh mai, chutah an dividend hi kumtin/thla tin sem tur tih pawh a nilo, an hnathawh atanga hlokna an neih leh neih loh ah a in nghat deuh top a ni. A duh a nih chuan Stock market ah a hralh mai tur a ni, heta Stock market-a a hralh dawn hian a leina zat ang chiah khan anlo leisak duh kher lo thei, a nih loh pawn a leina aia sang pawn an lei duh reng thei bawk. Hetia a leina aia sanga lei duh tu an awm reng hian stock market chu a lo sang ta maia, chutiang bawkin a leina aia hniam chauh a anlei sak duh chuan stock market chu a tla hniam mai a ni.
Company stock reng reng hi lei duha hralh duh tu an awm reng a, entirnan – reliance share hi voiin a aman(Price) chu Rs.1200 a ni a, hemi zat hian lei duh tu an awm tam zawka, hralh duh tu aiin. Chuan Rs.1250 a nih pawn lei duh tu an la tam zok zela, hetia hralh duh tu aia lei duh tu an tam zawk zel chuan share value chu a lo sang zel a, share value a san chuan an registerna Stock Market chu a lo sang mai a ni. Hetiang chiah hian Rs.1200 a lei duh tu aia hralh duh tu an tam zawk chuan Stock market chu a lo hniam mai a ni. Stock market hi company in register te share price san leh san lo ah a in nghat, a mahin engti kawng mah in a sang theilo.
Share price san leh hniam na chhan hi a tam khawp mai a, share nei tu mipui leh Institutional investor (Banks, Foreign intitutional investor, Insurance company, mutual fund company etc.) ten an share lei lai hian return a nei tha dawn riau a an hriat chuan lei belh an duh zela( Nangpoh han ngaihtuah teh, thirchhia Kg.1 Rs. 5 ni thin kha tun atanga thla 1 /2 vel ah Rs.7 a lo ni dawn a, in thenawm tlangval lo khawlkhawm sa kha Rs.5 a I lei theih don chuan lei teuh I duh ngei ang, hetia I lei hian an inhnuaia a khawlkhawm sa kha I va put truih2 angai kher lo, an inhnuai atang khan I hralh chhuak leh mai ang :P). Sawrkar in Tax emaw thildanga company a chawi tir thin a tih hniam don te hian an share value khan a lo san phah thei em em a ni. A chhan chu an tax pek a tlem chuan a hlawkna kha a tam belh lo theilo a ni. Chutiang bawkin Interest rate a tih san/hniam te hian share value chu a effect em2 bok a ni. Tunhnai Dt.3.1.09 khan sawrkar laipuiin Stimulus pakage(company tlahniam tur dawm kanna tur) a pass thara, Heta a hman ral tur chu Rs.20,000 Crores lai a ni. Hemi hnu hian Stock market chu 2% chuangin a sanphah mai a ni. Chutah Satyam Computers chu World bank in a barred a, hetia a barred hian Satyam share value hi 50% dawnin a tlak hniam phah a ni. A chhan chu world bank hi satyam contract neih lenna ber pawl a ni a, chumai bakah company management ah thil fel lo a awm tih a lang bawk a, management ber a dik tok loh chuan engtiang in nge an share lei tu(share holder) te return (dividend) tha a pek theih teh lul ang. An share lo lei tawh sa kha Stock market ah hralh daih a ni mai lawm ni?
Stock market a company share che vel lo hlawk pui theih dan hi a tam khop mai a, mahse tun atan chuan hmun(space) in a daih tawh loh vang ni hran lo in nidang atan kan dah mai a niang chu. Amaherawhchu engkim hi a zira zir ngai vek hi a ni a. Isua te khan a hlawk theih dan formula lo hmuchhuak se heti hrep hian kan buai lo tur, vaipa hmuh chhuah ai chuan pawm pawh a nuam zawk ngei ang le.
(Spelling & Grammar a ilo buai a nih chuan I thu thu le. Tin, Chiahpuam ka telhna chhan chu a ti Hot ve riau a. hehe..)
.
Similar Posts:
- Black Monday Part IV
- Oil man khuahkhirh loh kan tawrh dan tur
- Sensex
- Stock market investment
- Ui Sa Company Part I
January 6th, 2009 at 11:23 pm
Ka invest ve duh si a, Aizawl om ka ni a, Investment hi Mizo zingah hre fe fe ka lo tawng nual ta mai a. Engtin nge hma ka lak tak ang.
Stock market chanchin chu ka theih ang ang in chanchinbu ah leh internet ah ka chhiar ve tawh a, Aizawl atangin engtin nge hma ka lak ang? A chanchin ringawt ni lovin, share neih ve chu ka duh a, a tih dan min han hrilh ve teh u, thriante u. Broker te engtin nge ka biak pawh ang, Aizawl ah hian?
Report this comment
January 6th, 2009 at 11:25 pm
A chanchin chu ka chhiar hne hlui tawh, a tih dan tur ZOPA takin min han hrilh thei ula ka va ti em..
Report this comment
January 6th, 2009 at 11:54 pm
A bengvarthlak hle mai.
Report this comment
January 7th, 2009 at 12:06 am
Hlua, guwahati through-a Broker thawk chu ka hria, SBI Aizawl branch kaltlangin a thawk thin, lo ngaihven mai mai ta che.
Report this comment
January 7th, 2009 at 12:17 am
Mutual fund chiah a theih, share a theih loh.
Report this comment
January 7th, 2009 at 12:24 am
A bengvar thlak hle mai
Report this comment
January 7th, 2009 at 12:54 am
pehtreh…. share ka lei ve duh tih ngawt te chu a. an cha duai thei a sin. heheh
tak2 in aizawl atang i duh chuan trading account( intraday delivery, cash delivery, F&O) i hawng thei a lawm. India ramah hian brokers satliah ah open miah loh tur, reputation nei tha ve deuh thlan tur. nangman i research thiam loh emo hman loh chuan anmahni research ah i innghah top a ngai don a chuvangin thlan fimkhur a tha khop mai.
Cheque/online fund transfer in sum i thawn mai anga, i document zong2 nen, tin PAN Card(Permanent account number) i neih ngei a ngai bok. aizawl atang khan i nei thei reng bok PAN Card hi.
Keima lo reserach ve toh na ah chuan Angel broking Ltd. hi an charge chu a hniam bera, kum khat ah account maintenance atan Rs.700 chauh a ni.
Amaherawhchu tun dinhmun ah chuan Kotak securities hi Asia ah brokers tha ber anni hrih, an charge eroh a sang deuh, thlatin Rs.500 a ni vah mai. tin Brokerage charge a an lak hnem chuan service tax etc a san phah thei bok. Kotak securities hian 0.060, ICICI Direct : 0.090, Angel broking: 0.010. Engkim hi probability ah in nghat vek a ni.
hriat chian leh zual che hi ka va chak em i la ti cheu a nih chuan mawia.mizo@in.com ah min ron mail don nia. mahse ka reply ran em2 che chu beisei suh. heheh
Report this comment
January 7th, 2009 at 1:51 am
Lily_parmawia…. PAN card chu ka nei ve ran mai. Mahse heng broker ho: ICICI Direct, Angel broking Ltd & Kotak securities ho hian hian “Aizawl mi tan kan tih sak sak thei lo, branch kan la nei lo. A hnai berah Guwahati Permanent address i neih a ngai” an ti chheu mai!!!!
I ron post hi a ngaihnawm ka ti thlawt, mahse Local daily newspaper a kan chhiar tam tak ang maiin Vana rah ang a va la nih hmel ve. Leh i ron post chhiar tam ber tu hi Mizoram atanga chhiar kan nih ka ring a, bengti var leh tu satliah mai a ni thei mai angem. he he
Aizawl ah heng broker ho hi branch ron hawng thei tura i nawr theih chuan, i tha hah man chu ka chawi ngam. i account ah online fund transfer in a ron lut nghal thruai mai ang. he he
Report this comment
January 7th, 2009 at 9:00 am
Ka thil tum rilruk mek in rawn phawrh a, lawmawm hle mai. Misual ho te ka rawn rawn dawn che u mawni ka lo tia. Kolkata stockbroker lian ve tak, India ramah pawh hmun hrang hrang a branch neiin Aizawlah Branch hawng turin kan in be mek a, Tunlai chiahpuam vel vang hian miin an lo ngaihsak lo viau ang tih ka hlauthawng viau a. A that in ring em le?
Report this comment
January 7th, 2009 at 11:12 am
@Jervis Nghaka.. Hlauthawng duh hran suh. Chiahpuam avang hian a chi zawk daih alawm.
Mizote financially-in kan thangharh ve tan tawh turah ka ngai asin. Chiahpuam tuartu (Chiah tawihtute) ka khawngaih loh vang ni lovin, Mizo hnam pum tan Lession tha deuh pakhat chiahpuam khan min pe a, lawmawm ka ti. Kha thil vang khan, Media lam atang pawn zirtirna hrang hrang kan chhiar tam phah tawh khawp mai. Mizote hian sum peipun kan duh vein hlawk kan duh ve a, him si hlawk si, kan duh a ni. Mahse, a lo awlsam em em hran lo tih kan zirchhuak tawh a. Thluak hmang chunga, risk lak a ngaih ziate pawh kan zirchhuak tawh. Thenawmpa ka rin zawng takin ‘a rinawm, a him’ a tih vang leh a tawngkam thiamna vang ringawta him a ni lo tih te thlengin kan hre ve tan ta a tih theih.
Englekhawle, Chiahpuam hian min ti dawi khawlo vek ang tih a hlauhawm ve tho a, mipui nawlpui rilru hi hnam rilru a ni lo thei si lova. Intihthaih zawng ringawt leh a pawi theih tur zia, a negative side lam chauh inkawhhmuh reng hi a him ber lo. Chu chu kan hriat tel ka duh khawp mai.
Khai a!! Ka ti duah dawn… Ka duh tawk rih teh ang. Then khatin min lo khak ve palh riau riau ang.
Report this comment
January 7th, 2009 at 11:38 am
@Kawnga, lawmawm e, fuihna vangin. Mizoram-a han tih ve dawn tak tak chuan publicity leh in zirtirna hi beih nasat a la ngai dawn lutuk a. Englekhawle, han tum zel phawt ila.
Report this comment
January 7th, 2009 at 11:48 am
Jervis Nghaka… Sub broker in i awm dawn a ang hle mai, engzat nge brokerage i lak ang. Broker thren khat hian .5% chauh te an la thrin a, tiang chuan i ti ve thei angem?
Report this comment
January 7th, 2009 at 12:00 pm
@Pehtreh, sorry, tunah chuan engmah sawichian hleihtheih pawh a la ni lem lo a, plan siam fel hunah kan la in hrilh zel dawn nia auh.
Report this comment
January 7th, 2009 at 1:47 pm
Heipui en mah te u… Stock Market chu risk anih zia chu. voiin ah India ram brokers tha zong2 leh CNBC TV18 chhuan tawlawl Udayan Mukherjee ten a positive don anti a. tunah hian as a whole in 4% velin a tla toh. kei ngei pon Rs.3000 chuang ka loss.
Amaherawhchu brokers ho hian an advice ziah nitin. an advice accuracy chu 800% chuang a ni yearly basis in.. ni khat chhung lekin brokers hi teh tur anni lo. an kumkhat accuracy emo quarter emo monthly emaw a teh tur. an advice zong2 hi 70% vel a dik tlangpui. engtik lai mahin 100% tur ah beisei suh. a
an advice hi 70% a dik chuan trade voi 10 i ti anga, i gain theihna chance chu voi 7 a ni. chutiangin i loss theihna chance chu 30 a ni. hetiang a nih chuan…. Brokers making Money yaaar.
Report this comment
January 7th, 2009 at 4:21 pm
dear pehtreh , PAN card i nei a, ICICI ah account hawng la, Aizawl ah an awm tawh a, Demat account apply la, Internet banking apply bawk la, Internet connection pawt bok la, share chu i thut hmun a tangin i lei mai thei ang a, study chiang la, blue chip company lei tum ngei la. Tin i hratlak chuan future trading te hi i tui zek mai thei a, tihfuh chuan “chiahpuam” a ni mai within a day a. Ti fuh loh erawh chuan chuti hlauh chu. Govt policy te hriat a ngai a, news viua te a ngai a. All the best.
Report this comment
January 7th, 2009 at 4:25 pm
Tin CNBC tv18 te hi en thin la, inti fing pui pui in thu an soi a nga, an soi hi a dik vek lem lo a, mahse a zia khop mai. Bengali tlangval mukherji te hian thu an soi reng a, hre zek a, India ram share king, junjunwala pawh lehkha thiam a ni bik hlei nem, a ti fuh ve a, a hausa zek mai. All the Best.
Report this comment
January 7th, 2009 at 10:34 pm
hmanni a ka post Satyam bawk kha, news a siam leh tawh, tum tum chu an company in an chhiat bawih phah dawn hmel khawp mai. World Bank in an barred bakah an chairman in a fate company tluchhe lek lek to uchuak deuha hmani lawka lei tum kha hei tunah chuan Accounting fraud an commit thin thu a in puang leh ta zut zut mai! Indian IT an van ti hmingchhe tak em!
NEW DELHI, India (CNN) — The chairman of India’s fourth-largest software-services provider resigned Wednesday after confessing to inflating the company’s profits for years with “fictitious” assets and non-existent cash.
The news sent stocks of the Hyderabad-based Satyam Computer Services into free fall. Stocks plummeted more than 70 percent within hours after the revelation. https://edition.cnn.com/2009/BU.....index.html
Report this comment
January 7th, 2009 at 10:38 pm
OMG unbelieveable kan company PwC in an audit leh nghal!!! A van zahthlak leh pek dawn ve le!
Report this comment
January 7th, 2009 at 10:47 pm
Vawiina Bombay Stock Exchange tlak thut nachhan pawh kha Satyam ho vang lek chu zuk lo ni in! (comment non deuh zot zot ila :mrgreen:)
Report this comment
January 7th, 2009 at 10:50 pm
He thu hi ka post mek e… voiin dar 11:15am khan a resign a, Raju hian. Minute 5 in ka tlai a, Rs.3000 ka lost keuh. Tin an share a tlahniam don tih hriat anih hian short selling ti chuan i hlok pui thei company share tla hniam hi.
Report this comment
January 8th, 2009 at 6:09 am
Beng var thlak e…ka thianpa in Aizawl a sum investna tha chu LIC (Life Insurance Corporation.. ?) hi a ni e a ti a , a rei lo ber ah kum thum dah a ngai a, kumthumah stock market a that chuan a letin a pung thei a tia, dah ve turin min sawi hmuh a …kala bel chiang lo a…hei hi hrechiang in om em min han bengvar teh un….plz
Report this comment
January 8th, 2009 at 9:06 am
hltau.. a lawmawm hle mai, ICICI ah chuan an la pe thei lo. Aizawl atang hian kawng a ping khawp mai
Report this comment
January 8th, 2009 at 9:09 am
Internet banking ringawt chu SBI, IDBI,AXIS leh ICICI ho pawn an pe tawh a lawm, mahse Demat A/C chu an pe thei lo. “A enkawl tu tur mihring kan awm lo” an ti zel. Aizawl atang chuan a ping khawp mai
Report this comment
January 8th, 2009 at 11:10 am
vai nula ho hian an expert khawp mai heti lam hi chu he he ….broker etc..
Report this comment
January 8th, 2009 at 1:05 pm
@Zohmaa:
Insurance ah chuan stock market i hlok pui theihna scheme chu ULIP(unit Link Insurance Plan) a nia, I lost tur a ven pui thei lo che a, rokhawlhna thilah a cover chauh ang che. Tin, Insurance nen i lei kawp dawn avang hian a man pawh a to fe zawk(Bcoz risk i insure tel tlat a lawm)
A la that loh na leh chu.. Kum 3 lock in period a nih vang hian. I duh duh hunah i hralh thei don lo, englekhawle kum 3 i nghah a ngai ngei2. chu ai chuan Mutual Fund(SIP:systematic investment plan) ah thlatin daih theih hi a him hrih ber. tun lai hi share value tlak hniam lai ber a nia, a san erawh a sang muang deuh ang. kum 3 vel chu nghak zawk la MF ah hian i ti fuh zawk ang. Investment ngawr2 i aim chuan, mahse nangma Life i insure tel duh bawk chuan ULIP a tha zawk daih thung. Invest/Insure re2 hi kan mamoh dan a zir zel hian scheme a awm vek a ni. I thianpa sawi/lak kha ilo mamoh ve kher lo thei tih han ring phot mai teh.
Report this comment
January 12th, 2009 at 2:23 pm
@pehtreh a va buaithlak tak ve aw ! an pek theihna atangin address proof i neih theih chuan dilta la, Internet a awm tho chuan chuti chuan operate mai ta che, i tui hmel ve ang reng si a.
Report this comment