Dt 15.6.2009 a misual.com a ka post “Thing phun a hun leh ta” tia ka ziak chu a thupui (headline) ti danglamin Lunglei daily newspaper lar tak pakhatah Dt 16.6.2009 khan a thu ngai ngaiin chhuah a ni a. Hetianga kan thuziak mawlmang tak, mitena an hlut pawh ka rin miah loh, min lo hlutsaka min chhuah sak hi a lawmawm ka ti a. Mahse, an chhuahna hmun hi editorial a ni tlat mai si a, chuti anih chuan keima irawm atanga chhuak chu editor ziak leh phhuah chhuah ah a chang ta daih mai anih ber chu. Source tal chu ziak lang tel sela a tha tur a nia.
Ka ngaih ve dan mai mai chuan misual.com a thuziak post reng reng hi misual.com ta a ni a, copyright pawh anmahni ta a ni mai tur ah ka ngai.Chhuah chhawn anih chuan source ziah lan ngei ni taw rawh se. Mizo website pakhatah pawh an thuziak copy emaw chhuah chhawn anih dawn chuan source tihlan ngei a tul thu a inziak tlatin ka hria. Misual.com ka hmelhriatna hmasa ber chu Lunglei Tribune a an chhuah atangin a ni a. He newspaper ah hi chuan source misual.com a inziak tel thin. Hetianga source a inziah lan tel hi chuan he website la hre ve lo te pawhin luh an chak phah em em thin. Misual.com a lo lar zual zel theih nan, chanchinbu mi te’n thuziak an chhuah chhawng duh anih pawhin a hnuaiah emaw a chungah emaw “source: misual.com” tiin ziak lang tel tawh rawh se.
Admin Note: Â A van zia lo ve chutia an lo chhuah ringawt chu a source pawh sawi lovin. Chubakah an editor ziah ang ten an lo chhuah leh sia. A ethical lo deuh nih chu mawle. Hemi chungchang ah hian hman deuh khan topic kan rawn chhuah tawh kha. https://misual.life/2009/03/30/thuchhuah-chhawn-chungchang/ . An lo chhiar meuh lo niang. Chumi chanchinbu editor chu contact dan te awm em?
Similar Posts:
- Rawtna tawimâwl
- Thuziak hi
- Mizo á¹awnga pachhia — Mizote!
- Zaliana ru bova sawisatute man kim
- Saptawng a thuziak
June 18th, 2009 at 10:23 pm
Thudang alai chuan…kan topic ah hian lut leh lawk teh ang.
Caribou hi ka tan tlat. Thuziak te hi kawmthlanga lawh mai theih a ni lo va. Miin ngaihtuahna nasa tak seng chung leh a tawnhriat hrang hrang atanga a rawn au chhuahpui te a ni ve thei a. Credit a chan loh hian ngaihzam mai2 theih chi ah ka ngai vak lo.
Mizo leh Mizo kan intia, kan in ngaidam zel zul thin avang te hian a nia, corruption kan hnawh bo theih loh a, ram kan siam that theihloh thin ni. Ram danga plagiarism an ngaih pawimawhzia leh hremna a turu zia te pawh hre lo bik kan ni lova… Mi thawhchhuahsa lo chhuh luihsak ang chauh ah ka ngai.
Ka ngaih ve dan ka sawi miau a. ::grin::
[Report abuse]
August 28th, 2010 at 2:18 pm
Plagiarism ava nih duh hmel ve
[Report abuse]
March 24th, 2012 at 7:57 pm
Hei pawh.
[Report abuse]