June thla a ni a, ruahtui tlak tam a hun leh ta a. Thing tiak phun a hun leh ta. Veng tin, khaw tinah thing tiak i phun leh chur chur mai ang aw. Kan ram hi furah chauh a hrin thin loh nan thing phun uar zel a tha khawp mai. Khawpui chhunga kan thing tiak phun dan hi awmze nei deuh hleka kan phun chu a hun ta riauin ka hria. Kum tinin thing tiak tam tak kan phun a, mahse a puitling lo fo thin. A then a thang tha thei lova, a then chu a dam khaw chhuak lo hrim hrim bawk a. Kan phun tam tawh ngaihtuahin thing puitling a tam lo riau. Thing kan phun dawn reng rengin heng te hi zawm theih hram ni se:
• Thing tiak phunna tura khur kan laih atangin lei chhia leh lung te paih chhuak vek ila, khur ah chuan compost emaw ranek hlui tawh leh lei a zat leh zata in chawhpawlh in hnawh khat ila. Chutah chuan thing tiak chu phun a tha.
• Khur ah bawngek hring emaw eng ran ek pawh, a hringin phum tell oh tur a ni.
• Phun hnu ah thli leh ruahin a chhem chet reng loh nan do kalh emaw, a bula hmawh vih phun emaw thin tur a ni.
• A kung bulah tui a tling anih chuan a zung a tawih thuai dawn a, chuvangin a kung bul tlema tih pawn hlek tur.
• Thing tiak phun tur thlan dawnin sang leh ria lutuk aiin sang vak lo, a kung chum tha deuh thlan hram hram tur a ni.
• Motor kawngpui hnaih lutuka phun thin hi sim a hun tawh khawp mai.
• Khawpui chhunga phun tur a nih chuan thing kung lian lutuk lo chi thlan a tha. A par mawi tak ni thei se a duhawm lehzual.
• Thing tam tak phuna, enkawl that leh si loh ai chuan, nung puitling ngei turin, enkawl zawh tawk leka tam phun a tha zawk.
• Hung ngei a tha.
• Hmun awih tlan deuh laiah kan phun dawn anih pawhin, a phunna tur khur kan laih hmain tlem tal laih zawl hmasak hlek tur a ni. A hnuah enkawl a nuam a, thing tiak pawh a than a tha duh zawk.
• Chaw leh tui tel lovin thlai te hi an nung tha thei lova, an thang tha theilo bawk. Chuvangin thal khawro hunah thla khatah tui vawi khat tal, hneh taka kan leih huh theih chuan, leh thlai chaw (compost or manures or fertilizers) kum khatah vawi khat tal kan pek theih chuan, tuna kan thing tiak phun te hi an puitling ngei ang.
• Khawpui chhunga kan thing phun te chu khawpui chei mawitu atan phun nise, chutiang tur ngei thing tiak thlan thin tur a ni. Ngiau, char, bung, etc, khawpui chhunga phun leh ringawt thin hi a tul lo khawp mai. Kan kit / nawr chhe leh tho zel.
Duh aiin ka ziak sei ta. Thing phun uar turin kan inzirtir thin a, a tha viau. Phun tawh sa enkawl dan te pawh hi inzirtir a tul khawp mai. He ka post mawl mang tak hi a sei lutuk dawn si a, ka cut mai ang e. Thing phun dan tha leh a enkawl zawm dan chung chang tha zawk rawn thawh chhuahpui ve teh u.
.
Similar Posts:
- Khawpui ti mawitu thingkung te.
- Teak
- Kan inphum zel dawn em ni ang – Engtin nge thlanmual?
- Balhla
- Thlan laih hi
kawrek mai rawh
June 15th, 2009 at 7:10 am
Nia thingphun tam ai ah phun nun lam a kan in el a tul tawh .Israel ram ah chuan mipakhat in a dam chhungin thing panga a phun nung tur a ni an tia .mi nuai 60 nen puntir ta ula , Israel ram thlaler leh ler lo hi thingin a la khat thei mai ang.
Keini Israel ram ai a tlem a lian zawk mah kan nia, phun tam lam ah hian kan in el em em a , tha tak a enkawl zui hi a awm thin lo.
‘Khawvel ah hnuchhiah tur sum leh ro hlu i nei ve lo a ni thei e, thingphun in thangthar te i ro chun tir mai ta che ‘
[Report abuse]
June 15th, 2009 at 8:22 am
Hei YMA Day denchhenin tukin zing atrangin kan phun leh mek e. Caribou i ron sawn ang khian zawm a thra khawp mai
[Report abuse]
June 15th, 2009 at 8:24 am
*sawn=sawi
[Report abuse]
June 15th, 2009 at 9:39 am
Thing phun turah chuan a rah nei chi uar theih hram nise,ran,sava leh misual ho ei theih turin..
[Report abuse]
June 15th, 2009 at 9:49 am
@Ditto
ka support e. thing hi kan han phun vaka in tihhlim nan te kan hmang, enkawl loh chuan an nung duh lo teh ania. Crusade a sawi nghek zawm zawh loh tur, brian wash deuh rohin an kal leh daih zaithiam ho nen, kan ro leh ngawih ngawih mai, kan tlu leh dual ang hi a ni thei em :?:
Phun hi chu puitling tura enkawl thei lo chuan phun buai lo law law ila.
Ramngaw siam a trul zia te; a awmsa humhalt a truuuulll zia te; kan ramngaw a chereu mek dan te hi, vei vanga hlawk tur nise, ka va han vei triah triah em
[Report abuse]
June 15th, 2009 at 11:33 am
Lo OT zuai teh ang
Happy YMA Day to you all
[Report abuse]
June 15th, 2009 at 12:12 pm
khawchung a phun atan chuan Far (pine)a zum chi.! hi a tha .. a hnawk lo ber ang.. chuan Ashoka poh hi a hnawk lo veau..Aizawl tual nen a in hmeh ngot ang…
kopang ziah fai kuarh hi a SIPAI mah2 k ti… hring dup se..green mizoram kan promote animai
[Report abuse]
June 15th, 2009 at 12:43 pm
Thing phun atan chuan evergreen ho ni thei se.Chawmzil, Laui,Herhse etc,te hi a tih chi phian. Duat taka enkawl zui hi an phu teh mai ania.Caribou rawn sawi hi zawm hram nise.
[Report abuse]
June 15th, 2009 at 7:30 pm
Thingphunnaah hian ka tel zing ve tawh a; pawisa donate hial pawhin Rs 1,500 vel emaw min donate-tirte zinga mi ka ni. Phun hi kan han ti hluai a; phun sa zozai engkawl nung si lo hian —a phun ni hian ei leh in —pawl pawlin kan sengso em em zel bawk a, kan vil ngun zui leh chuang si lo va … project thar zawkah chuan enkawl zui zel hi season inchhawp chhova assignment thar atan a trha tawh zawk ngawtin a rinawm.
Falkawn Referral Hospital kiang hmun tinah te, New Capital kaweng kam zawng zawngah, Aizawl-Sairang Road Mini Zoo-ah, Berawl Tlangah … ka tel ve kim ve viau tawh … kan phun hnem ang huin, kan phun nung tlem si hi (duat taka enkawl zui lamah kan trhahnemngai leh bar si lo) —lesson thar kan zir belh a ngai tawh zawk bawkin a hriat tlat!
Israel ram in rawn sawi a ngaihnawm hle mai; thlaler tivul turin zawlnei Isaia pawh khan a lo hrilhlawk tawh reng a; Israel-ten JF Kennedy an hriatrengna building pawh thingbul (stump) ang chiah shape-in an din a; mihring hi thing anga an tehkhin tlat avangin, mi a lo thihin —thingkung chhumbung (stump) angin, USA-a state 50+ a awm angin, arsi zat zung-hrual 50 neiin an sa hial a, a mawi danglam hle. Zawlnei Daniela pawhin Nebukadnezzar-a kha thing sang tak, a stump chin dar-kual (brass-ring)-a preserved angin a hmuh hial kha!
Mizote leh Beaver hi kan fin dan a inchen tawk viaua hriatna achang chuan ka nei vuai trhin; beaver pawh hian thing sang pui puite hi tam tak tak a kit riah ruah mai thrin a; a lem chin a tlem tham vei nen! Kan ram leh a mipui —a lian a tein, BEAVER HOMELAND inti hial tawh ila, kan inhmeh tlatin a lang! NOI!
[Report abuse]
June 15th, 2009 at 7:58 pm
Ka va hlau em, a dik ang tih ka hlau, ka rap bawk, mahse thilawm thei a ni si BEAVER HOMELAND
[Report abuse]
June 15th, 2009 at 9:34 pm
Ka experience pakhat —Forest Check Gate bulah thing ka phun tawh a; tui pawh ka pe zui ngat ngat a. Kan in atranga Km 7 vela hlaah a ni.
Ni khat zet chu —tui ka pek leh dawnin a lo awm ta hauh lo mai a … banner tarna tur ban khur atan an lo chawh hnan a, banner pawh an lo zar phe hlap hlap a, thingphun uar tura infuihna thu phei zawng a ni a. Thing ka phun ka hungna pawh kawng chhak lamah a lo let vei rim rem a. An banner chu ka han chhiar ngial a, ka ei lo ang reng khawp mai a! A thla ka la ta hial a; mahse, tunah hian ka kawl lo hlauh!
Kum 5 a liam fel ve leh ta! Pawt phawi lo mial se, a chawr ve ngoh tawh ngei ang chu!
[Report abuse]
June 17th, 2009 at 3:30 pm
[…] 15.6.2009 a misual.com a ka post “Thing phun a hun leh ta” tia ka ziak chu a thupui (headline) ti danglamin Lunglei daily newspaper lar tak pakhatah Dt […]
[Report abuse]