Tlawmngaihna tih hi chapo el awl tak a ni. A literal meaning (ka ngaihdan mai) ni a ka hriat chu ” mahni nihna aia in phahhniamna atanga mite tanpui” tihna lam deuh a kawk in ka hria. Â Mizo nih chuan mitthi lumente, thlan laihte etc., te hi tlawmngaihna atanga chhuak kher ni lo in, kan tih tur ve reng, social duty an ni. Mahse tunah chuan kan society a kan tih tur nisa tam tak te hi tlawmngaihna nen a tih tur ah kan ngai ta vek mai. Hei hian kan tlawmngaihna hi kan chhuang over ta ni tlat in min hriattir a ni.
‘An tlawmngaih peih loh avang in kan thalai tam tak hi an thatchhe khawp mai, ka tlawmngai peih vel lo e ti in‘ mahse midang tanpui duhna te, manner tha te, mihring felna hrim hrimte, taimakna te etc., te lo inzirtir in tlawmngaihna hi lo ngaihlu lo deuh zawk ta ila kan ti fuh zawk a ngem te ka ti mai mai thin. Hmun dang leh ramdang mi te hian ‘tlawmngaihna’ an hre hran lo, mahse tanpui kan ngaih chuan min tanpui mai. Chuvang chuan tlawmngaihna ti chuk lo hian mihring felna hrim hrim hi lo in zirtir nasa zawk ila kan society hi a mawi zawk ka ring ta tlat mai.
-lrpa
Similar Posts:
- Tlawmngaihna
- Tlawmngaihna hi a tlahniam em?
- Chawimawi duh Tlawmngaihna
- Hai ang tho r’u “Tlawmngai Val rual”
- Mizo Tlawmngaihna hi a Kristian ka ti!
in va lut...
June 23rd, 2009 at 8:14 am
Mizo custom ah dah ila, tlawmngaihna hi chu voluntary thil ani, eng hnam pawh hian an nei an sawi an sawi lo, kan ropui bikna pawh a awm chuang lo, kan priority a hrana, kan practice dan a inanglo ni maiin ka hria.
Tsunami leh Cyclone ah te khan vai ho tawn ang hi tawng ila kan tha zawkin ka ring lo :!: Mother Teressa te tih ang ti peih leh inpe pumhlum ang chi phei hi chu kan vang pharh mai ang. Mite hmuh mang lovah phei chuan kan activity hi a tlahniam viau mai thei ani.
[Report abuse]
June 23rd, 2009 at 8:37 am
Felna in zirtir leh tlawmngaihna in zirtir chu a in ang reng lawm ni? ( tlawmngai chu mifel an ni deuh zel) mi an fel chuan tlawmngaih hun an hria a, mifel tak te chuan tih awm hi an hre mai thin lo zawk a ni mai lo maw?? @olterandy ka ngaihdan chuan hnamdang te pawh hian tlawmngaihna chu nei ve tho mahse a nawlpuia Mizote ang a, tlawmngaihna ngaipawimawh hnam hi chu an awm vak ka ring lo,khatiang Tsunami natural desaster ang ah kha chuan tu pawh vai, Zo Sap thinlung a khawih a, mahni tih theih tawk te te kan ti theuh mai a, mahse vai rama awm rei tawh chuan vai ho a nawlpui an tlawmngaihlohzia hi chu a chiangkhawp mai.Mother Teresa te ang mi danglam hi chu tu nen mah tehkhin chi a ni lo ang.Tlawmngaihna hi vawnnun zela in zirtir zel hi kan tih tur a ni, kan aia naupang tlawmngaih nachang hre miah lo te hi hrilh ngawng ngawng zawk turah ka nai kei chu.
[Report abuse]
June 23rd, 2009 at 8:41 am
Chuan Pu lrpa i zawhna tlawmngaihna kan chhuang over em?
Chhuang over lo.. ka tlawmngai peih vel lo e tih ching hi chu mahni hna, zirna lamah pawh mi thatchhia an ni ngei ngei an mahni kha an over bon top zawk in ka hria, ka ngaisang thlawt lo kei chuan.
No offence
[Report abuse]
June 23rd, 2009 at 8:42 am
Ka comment chak khawp mai, mahse office kal a hun tlat, tlailamah ka comment ang.
[Report abuse]
June 23rd, 2009 at 8:46 am
Keipawh kan lo comment ve….
[Report abuse]
June 23rd, 2009 at 11:50 am
Mi thenkhatte hi chuan kan chhuang over/chapo pui deuh chu a ang tho mai. Lan sarhna hmanruaah te kan hmang em? Tin, midangte phut ran chunga tlawmngai te pawh hi a awm thei dawnin a lang deuh roh! Eng pawh nise mitin te hian tlawmngaihna chhawm nung zel tur hian tan kan lak a ngai hle mai.
[Report abuse]
June 23rd, 2009 at 11:56 am
Kan sawi vul chuk ang hian kan thiltihah a lang chhuak tak tak tawh lem lo. Thalai zingah phei chuan tlawmngaihna awmzia, a mik a mak pawh hre lo tam tak an awm ta
[Report abuse]
June 23rd, 2009 at 1:00 pm
Tlawmngaihna hi kan chhuang vul teh chuk a… ! Ka ti ve fo thin. Tlawmngaihna tello pawha tih theih reng pawh hi tlawmngaihna tello chuan a tih hleih theih tawh loh. Tlawmngaihna kan lo nei kher kher a tin a ni. Mithi lumen te, khawharin riah te, chak lo zawk te tanpui te hi tlawmngaihna huanga kan khung vek anih dawn chuan Vai kan tih hote pawh hian an lo nei ve khawp mai. Ni 7 kan in riahpui laiin a then chuan thlakhat te an inriahpui a. Ka sawi tam hman lo. Tlawmngaihna hi kan patent a nih ngawt loh chuan hnam dangte neih ve loh tih chhen hi chu a rem lo. Chuti a nih loh chuan tlawmngaihna awmzia hrilhfiah that a ngai ang!
Thil dang daih… TLAWMNGAI leh TLAWMLA tih hi kan hmang dik lo fo mai! Min rawn hrilh fiah teh u!
[Report abuse]
June 23rd, 2009 at 1:27 pm
Chhuang over lo ti la, kan sawisual deuh mai thei, comment 7-na khi ka thlawp khawp mai, khi khi ka rilru a lo awm ve chiah a ni a, a sawi lamah chuan kan tlawmngai pawh a ni thei, amaherawhchu, a tak takah chuan tunlai mite hian kan nunpui tawh lem lo ni hialin a lang, hmanlai ang kha chu pha tawh lo mah ila, tunlaia tlawmngaihna hi chu a nep ta deuh tlat, A Thu erawh chuan kan sawi vul khawp mai.
[Report abuse]
June 23rd, 2009 at 1:32 pm
TLAWMNGAI tih leh TLAWMLA tih hi thil thuhmun anga lang, hrang daih si a ni a. Tlawmngai hi Tlawmla ang hian kan ngai tlat zel hi a fuh lo. Tlawmngai chu mahni inphata midangte tana inpe phal, hnathawh na ah pawh midangte phutna nei lova, thawk mawlh mawlh mai, phut letna nei lova, midangte tana inpe, sawi tur tam tak a awm ang. TLAWMLA hi chu tu emaw nen inel a, a chak lo zawka tana, rilruah erawh tlawm chuang miah lo, ka hneh tho ang, tih lampanga la invaupum chhar chhar hi ti ila a fiah mai thei.
[Report abuse]
June 23rd, 2009 at 3:27 pm
Tlawmngaiin in rawn comment tliar tliar a, a lawmawm e!!! Nge niang, in rawn comment tliar tliar a, in fel hlawm hle mai!
Ti daih ila, Mizo, Ireland a awm in hre mial lo maw? kan ti daih teh ang.Han zawn chhuah te ka duh deuh a.
[Report abuse]
June 23rd, 2009 at 3:30 pm
@Mahminga: I hrilhfiahna chu ka pawm tep a ni! Amaherawhchu Tlawmngai hi Tlawmla ang hian kan ngai tlat zel hi a fuh lo tih lai tak hi kei chuan Tlawmla hi Tlawmngai ang hian kan ngai tlat zel hi a fuh lo ka ti ve thung a. A dik zawk em aw?
[Report abuse]
June 23rd, 2009 at 4:17 pm
Tlawmngaihna chu midang te tana phut let beisei lova thil tha tih hi a ni mai ang chu …chhuan tlak pawh a ni a..nun pui tlak pawh ani ang…Hetiang nun ze mawi nen a kan hnam nun kan sawi tel thei hi chu a chhuanawm tak zet. Over lam erawh chu…thil lutuk (over)re re tha awm lo.
[Report abuse]
June 23rd, 2009 at 4:19 pm
Khawtlang/veng hnatlan dawn a, tlawmngai tura mike emaw a in auh chhuah kan ngai ta hi…
[Report abuse]
June 23rd, 2009 at 4:22 pm
Taitesena kha mi tlawmngai thei tak a ni a, ai a upa leh naupang pawh nise an duh zawng leh an it zawng kha tlawmlak nei miah lo khan a tih sak thin a. Mizo tlawmngaihna kan sawi chuan a ni hi sawi lan loh theih loh a ni.
“Tlawmlakah Vanzema a thi“, upaten an lo ti thin a. Mahni aia mawl zawk leh hniam zawka kan ngaihten min hmusit khanglan chuan a tlawmlak thlak a, mipa tih awm tur tak chi-ah hmeichhiain keini ai a an tih theih zawk te hian mipa tan a tlawmlak thlak hle thin bawk. Nula-in mipa zawk ei leh in an khilai fo a mipa thenkhat chu tlawmlak nachang hre lo an awm nia.
VaiVa, tikhan Tlawmngai leh tlawmla hman dan ka thiam tawkin ka ziak a, i hrethiam tawh ngeiin ka ring.
[Report abuse]
June 23rd, 2009 at 4:37 pm
OT daih zela, kan vengah chuan mi tlawmngai deuh min an faka an bawlphawn lek lek hi a awma; mahse zuk ngaisang em em miah lova :!: a chhan chu ama hna kha a thawk trha si lova, khawtlang leh hnatlang thilah a inpe em em ringawta, ram tana a trangkai dan kha a balance lo tlat. heihi engtia tih chi nge fak tur nge dem tur :?:
Tlawmngai kan fak luatah hian a over chhelam a awm ve thei ka tihna mai ania, NOI
[Report abuse]
June 23rd, 2009 at 4:53 pm
Fak duh vang leh hmingthat duh vang mei mei a tlawmngai hi ka ngisang vak lo. Mahse mi te tana inpe tak tak erawh an dang deih. Mutchhuak toh e mei kal hmaks ang
[Report abuse]
June 23rd, 2009 at 5:27 pm
Ka awmna ramah hian mi tlawmngai tak tak chu an tam khawp mai. Bus chuan te hian upa & rualbanlo ho hu sawi ngai loin an kiang zung zung a, mahse nula erawh an kiang ngai lo. Tin, hmeichhia leh mipa inangkhat/tluktlanna uarna ram a nih vangin nula ho pawn kian mah ila an thu duh chuang lo.
NGOs ho reng reng hi OB chin full-time a thawk ho hian hlawh an nei a, an rawngbawlna pawh a sawt duh a, midang in volunteer hoin an hman a piang an tawiawm a, an hnathawh a hlawk hle a ni. Mizo te pawh hi NGOs hotu lam hi chu full-time-in thawk tir law law ila, hlawh siam sak i la; tun ai hian hma kan sawn zawk ka ring tlat.
[Report abuse]
June 23rd, 2009 at 5:33 pm
Tlawmngaihna, kan chhuang ‘over’ em? ka chhan chak zawng a ni tlat mai le he zawhna zet chu! Kan chhuang Over lo a, chhuanna chang kan theihnghilh tran mek zawk a ni! Hei ai hian chhuang in ngai ropui theuh ila chuan Zoram nuam zo nunze mawi kha a chhuak leh ngei ang.
A dik khawp mai! Chapo ara in tanpui hi chu tanpuina dawng tu tan pawh thil nuam a ni ngai lo. Nun tlawm tak atang a tanpuina erawh a hlu em em thung.
Social duty ang a i sawite pawh hi tunah chuan “ka duty ani e” ti kan awm ta mang si lova, Tlawmngaihna atang bawk a tih ngai ava ni thei mai awm ve! Tlawmngaihna nun hi ngaisang leh zualin mi tlawmngai ni theuh ila chuan i sawi ang zawng zawng midang tanpui duhna te, manner tha te, mihring felna hrim hrimte, taimakna te etc.zir ngai lovin kan nei zawk mai lawng maw!
[Report abuse]
June 23rd, 2009 at 5:56 pm
Khawtlang/veng hnatlan dawn a mike kan hmang hi inhriattirna hmanrua tana kan hmang a nih chuan a a tha…lo hriat ve loh palh te thil awm thei a nia..mahse thawk chhuak tur in hmuh zawh loh vang a mike hmang a in kar chhuah kher kan ngai thin ta hi chu a pawi khawp mai…tan lak a ngai khawp mai.Tin tlawmngaihna,rinawmna,inngaihtlawmna ,etc te hi hrilh fiah tum poh leh ngaihdan hrang a tam a..nun pui mai hian mahni a a thawh danah a chiang thei ber ang.
[Report abuse]
June 23rd, 2009 at 7:31 pm
VaiVa, i dik zok mai thei, khalai thu takah kha chuan ka tang tung lem lo. i titha lutuk e.
[Report abuse]
June 23rd, 2009 at 8:19 pm
@Chepahakhata: I ti lawmawm khawp mai. Kan fiah tlang turah ka ngai. Ka lo ngaimawh thin a. Tlawmla tih tur a tlawmngai an ti tlat thin hi vawiin zan tih nen a danglamna ka hre lo ta thin a.
Amaherawhchu, vawiin zan tih te pawh tawngkam ti hausatu ah an pawm ti tih tawh a, zanin kan nei lo tep tawh a ni. Hetiang hian nangni tawng thiam te hian min han hrilhfiah zel teh un!
[Report abuse]
June 23rd, 2009 at 8:30 pm
Tlawmngaihna te pawh hi khawvel her danglam ang zelin hrihfiah thar zel a tul khawp mai. Hman deuh khan tlawmngaihna chungchang hi article ka ziak a, Aizawl-ah hian documentary film-ah an siam nghe nghe. Tah khan ka ngaihdan chu ka tarlang..lo en mai teh un..:)
[Report abuse]
June 23rd, 2009 at 8:35 pm
ka article hming chu “THANGTHARTE THLENGZO TLAWMNGAIHNA” Central YMA chanchinbuah 31st October 2003)ah chhuah tawh a ni.
[Report abuse]
June 24th, 2009 at 2:02 am
Keini chu “tlawmngaihna” tih thumal kan nei nanga, ka experience ah chuan, mi tlawmngai chu kan ni bik hran lo.
[Report abuse]
June 25th, 2009 at 4:29 pm
Kan sawi tlur dup dup a, Tlawmngaihna tak tak hi thangthar te hian an hre tawh lo e a. Ai a upa zah nachang pawh an hre tawh hlawm lo bawk. Keini aia Tlawmngaihna hmang nasa zawk hnam hi an tam daih zawk.
[Report abuse]
March 2nd, 2010 at 2:02 pm
Tlawmngaihna hi chhuan over chi a nilo.kan chhuang over lo bawka.kei,ka hmuh ve dan chuan tlawmngaihna chu,’Chhungril lam thatna,midangte tana lanchhuahtirna,mite tana malsawmna nihna a ni.’
[Report abuse]