Week End kan lo thleng leh ta a, hlim tak leh zangkhai taka kan hman theih nan tiin mahni tui zawng ka rawn chhawp chhuak ve leh tawp mai. Tawng (language) lamah hian tui viau e tilo chuan ka thiam em em chuang bawk si lo. Amaherawhchu, mahni tui zawng lam post erawh ka insum duh der chuang bawk si lo a nih hi.
Tui zawng chi hrang hrang kan neih hlawm avang tak hian a nia misual dot com hi a hlut leh zual ni. Lily_parmawia leh lahratla te ho business lama tui viaute, xaia thlalak ropui tak takte,chawnghilh Engkimhriaa te, Ka vaibel tikhawpa Mizoram hrechiang leh vision awmze nei pai tun mai Pu mzvision te, mkima trinitarian/unitarian vangte , adventure sports lama tui leh US lam news rawn chhawp thin H.Vangchhia te, Kawnga thawnthu leh midang tam tak contribution (KFC leh ZFC tiamin!) sawi sen lohte avang hian ka hlim thin.
Chuvangin, inthlahrung lo taka Mizo tawng Idioms & phrases, inhriatsiak atana ka rawn chhawp chhuah pawh hi inthlahrung hauh lovin i han hrilhfiah hlawm ang u hmiang.
1. Ngunte thi ang
2. Khawivah lawi
3. Chemhrah lal
4. Chumchi
5. Parva zai
6. Za chham lak
7. To lutuka kawldai buka riak
8. Lusei vawk talh hun.
9. Van ni sal
10.Hmeithai rai rual.
Chhang chur chur rawh ule..
Similar Posts:
- Zakhua kan rawi e!!
- Mahni hnam tawng thiamloh a zahthlak
- Mizo Dictionary software
- Mawi tak takin i han chhamchhuak teh ang
- Hnam damna a pawimawh
hairehai
September 19th, 2009 at 11:41 am
Pu mzvision a te In a kal hma hian kan rawn risk ve zuai
9. Van ni sal – Hei chu solar eclipse a nih duh hmel. Van a ni khi sal angin a tanga, a thim vek mai, tihna ni awm tak.
5. Parva zai – Hmanlai pasaltha, ramhnuaia a in tih nat palh chuan, zai te a ngai thin a, chuan zai a ngaih chuan pasaltha sawi bawn nan “parva zai” ang mai mai a ni an ti thin a…
(mahse zai – “sing”, zawk a nih chuan a dang vek)
4. Chumchi – Pa pakhat lian deuh, thau deuh, “chum” kan tih mai hi, bathroom a “a in khawih” a, “a tih tlak” chuan, chu a tih tlak chu chumchi an ti thin…
A bak chu nakinah ka rawn risk ang
[Report abuse]
September 19th, 2009 at 11:59 am
10.Hmeithai rai rual: Mipa, rawlthar, puitling tan tir lam sawina?
A dang zawng chu pass hmaks.
[Report abuse]
September 19th, 2009 at 12:03 pm
Keipoh risk ve mai mai te’ng..
1. Ngunte thi ang: Tupa va hriat lemloh a thi ve ringot.
2. Khawivah lawi: Hmeichhe mal
3. Chemhrah lal: Mi nunrawng sawina niawm tak ani.
4. Chumchi: Bawlhhlawh leng vel..intauh palha thil leng chum chum ang hi
5. Parva Zai: Zaithiam lo lutuk/parvatui ho zai dan
6. Za chham lak: Theihtawp chhuah..
9. Van ni sal: Chhe chham
10. Hmeithai rai rual: Rawlthar,tlangval tantir
Awm ang ve hlawm fu chuan ka hria..:-)
[Report abuse]
September 19th, 2009 at 12:21 pm
beethugs2 a sawi khi a dik vek.
[Report abuse]
September 19th, 2009 at 12:38 pm
2. Khawivah lawi-Hmeichhe mal tawp kap chho vel
[Report abuse]
September 19th, 2009 at 12:42 pm
Pu Xaian a hre vek ang :0
[Report abuse]
September 19th, 2009 at 12:47 pm
Goldmember chu min rawn tiphur riau mai a…risk belh leh te’ng..
7. To lutuka kawldai buka riak: To lutuk vanga lenna ber pawh hre lova,leng vel mai mai.
8. Lusei Vawk talh hun: Zanlamah naupang mut tawh hnu a vawk talh..
Ka chiang chiah lo na a,a dik loh pawhin a ang ve thawkhat chuan ka hria
[Report abuse]
September 19th, 2009 at 1:14 pm
Ka lo thawhbelh ve:
[Report abuse]
September 19th, 2009 at 1:34 pm
In thiam dawn e, han chhang zel ru.A subj in sawi tho chuan OT pawh pawi lo:) Week end zangkhai taka hman pah a ni mai lawm!
[Report abuse]
September 19th, 2009 at 2:03 pm
weekend hman pah in han chhang dawn i la:
01. Hriat hlawh viau mahse t tak han belhchian a hlutna nei mang si lo sawina a va ang ve!
02. thawm tamna leh a buk lama tawngpawng lawi ve tawp.
03. tawrawt tak leh rawng taka Lal.
04. chaichim u aniang.
05. lungkuai deuha thluk ngai a hla sa reng sawina.
06. target tlin tuma a mawi leh mawilo pawh sawilo a hmuh theih zawng zawng la hmiah hmiah sawina.
07. mahni induh leh inhlut luatah chantawka lungawi loa a tawp a hnawng der sawina a va ang ve.
08. che chhuak hma lo tak tihna a ni ta ve ang.
09. mihring sawina. he he.
10. rawlthar, tir pawr aw rehlam, sexually mature ho tihna a ni ngai e.
weekend hman nuam le
[Report abuse]
September 19th, 2009 at 2:32 pm
A va har hlawmin in va han risk ngaihnawm thiam lawi si e, khawivah lawi ril taka hrilhfiah tu ho kha Hmeithai rai rual an nih ka ring!!!:-)
[Report abuse]
September 19th, 2009 at 3:34 pm
Risk ve te’ng :
Za chham lak :Sarthi,thih dan pangngai lo deuh a thi.
Hmeithai rai rual:Rawlthar(tir)
Lusei vawk talh hun:Zan,zan lai.
A bak chu mi tih entawn in kan la chhang zel ang :lol:
[Report abuse]
September 19th, 2009 at 3:43 pm
Hmeithai rai rual chiah hi ka hriat chhun a nih hmel mange. Hei erawh hi chu, Tleirawl tihna a ni mai a.
[Report abuse]
September 19th, 2009 at 4:12 pm
A post tupa ang hian a BU inchhawp ve ila chuan ka hre khawp ang.
Ka thiamloh hlir i rawn thur chhuak anih hi.
Van ni sal: Van a ni leh thla leh arsi zawng zawngte hriatpuiin ka sawi e.
[Report abuse]
September 19th, 2009 at 4:17 pm
caribou, Van ni sal i hrilhfiah na hi a dik chuan, a van nalh vele.
[Report abuse]
September 19th, 2009 at 5:18 pm
Ka hriat a va tlem e!!
Ku muantea zarh Mizo trawng kan hriat belh leh dawn a ni hi.
[Report abuse]
September 19th, 2009 at 7:53 pm
Van ni sal ni lovin, van ni chhal ni zawk ta se, te ka tia
kan lo her rem chawp thuai mai dawn em ni hairehai 
[Report abuse]
September 19th, 2009 at 11:05 pm
In thiam hlawm khawp mai.Week end a la zo lo bawk a, 1-5 chauh hi ka han sawifiah ange:
1.Ngunte thi ang : Hmeltha eng ser mai sawina a ni. Ngunte thi hi hmanlai Thi-hna hmingthang eng ser mai a ni
2. Khawivah lawi:Khup chung malte vawng tir lai
3. Chemhrah lal: Lal na, Lal hrawt. Hmanlaiin huaisen vang leh chem sen len vanga Lalte hi an nunrawng deuh thina niang,an khua leh tuite hmangai lem lova lal hrawt vak mai an ching thin.
4. Chumchi: mit vai, Laiking bel rawh anga mita lang phe mer mer. kawngchilh hlai tak, a tlang tluana dar sin khai phe neuh neuh. (Pawi hnam nulate kawngchilhah hian dar sin phe neuh neuh an khai thin a, chu chu chumchi tih a ni. Hetianga tle neuh neuh vitvai anga lo awm sawi nan pawh hman a ni.Hla thu a nih chuan ‘chumchi leng’ an ti)
5. Parva zai: Hla thluk nem leh lenkhawmzai a hla sak hi. (Tawngkam upa lem lo a ni a, Parva hram ‘bakbur’ hliah hliah hi tehkhin nan an hmang mai a ni)
A dang ho hi han chhang leh deuh ula kan la sawifiah leh ang chu!
[Report abuse]
September 19th, 2009 at 11:12 pm
Parva zai, hmmm tawngkam upa lo tho aw.
Zohminga zai (Azl mi): Tlawk taka zai tihna hairehai
M-a Azl haw tum ang: Thil ni tura sawi, thlengthei silo sawina hairehai
[Report abuse]
September 20th, 2009 at 12:36 am
@HV: Thu lak tlak deuh hlek lo post san daih teh. Hetiang thu ho lutuk, hmanna awm lo, a post tupa lah “thaibawih kan awm tawh hleinem” ti reng ringawt. “Ka su fai dawn reng alawm” a ti pawr huar zel ringawt.
[Report abuse]
September 20th, 2009 at 12:40 am
Lalcaribou, i thiam loh vang anih kha, ngawi mai mai teh!!! Naute an harhte chuan Pa ber chu kan muhil der mai alawm, i muhil der ve ngam lovin zan reiah misual i rawn tlawh duk duk fo mai, prime time te hian rawn lang ngam ve tawh teh!!
[Report abuse]
September 20th, 2009 at 1:06 am
He he he …. Muante, Chawke ni rui ang mai, kan mu-meng kar mai alawm. Nang pawh “zawh dawra suk rawlh ang” tih thu hi han hrilhfiah dawn chhin teh.
[Report abuse]
September 20th, 2009 at 3:42 am
caribou, i van duh len sak ve hairehai
[Report abuse]
September 20th, 2009 at 7:07 am
In lo chhâng hnehsawh hle tawh mai —keimâ mimal hriat ve pakhat chiah ‘hmeithai rai rual’ tih chiah ka hmu ve —ni ve ouh tawh, a bikin mipa sawina a ni.
[Report abuse]
September 20th, 2009 at 11:32 am
@sandman
i lo haw lai han MI nei ang u kan boss ber nang chief guest of MI ah i trang anga i prog min han hrila la.
Lusei vawk talh chu zing dar 2 velah khawvar hma-in an ei zo vek midang hriat loh turin an khai jeih zel
[Report abuse]
September 20th, 2009 at 11:14 pm
@caribou te leh ngawt ngawt hi a..Zawh dawra suk rawlh ni lovin ‘Zawh dawra suk tin’ an ti ngai!!
In chhang dik kim hlei thei lo tlat. Ka mi rin pawl thianpa HV leh chawnghilh pawh an hul der mai a. Ka sawifiah bak hi ka han thlur leh ange, HV leh Chepa-ten an lo tangkaipui tak mialin. Week end te pawh a zo dawn ta bawk a, kan nau Sawmtei music video pawh an lo post bawk nen, comment tlangkawmna ni pah fawmin heti hian aw:-
6. Za chham lak: Nat lawkna nei lem lova thi thut
7. To lutuka kawldai buka riak: Thil tih tur emaw tam luat avnga tih chin tur bik hriat loh.(Hmanlaiin tlangval to lutuk hi nulate’n riak turin an sawm nasa lutuka riahna tur ber a hriat loh avangin Kawldai bukah a riak ngawt e an ti!)
8. Lusei vawk talh hun: Zan thim hlim arsi lan hun
9. Van ni sal: Vanduai, ham tha lo,dam reilo.eg: Ramri kham sawn ruk ching chuan van ni an sal duh ngai.
10.Hmeithai rai rual: Hei hi chu kan hre viau mai. Rawlthar tihna mai a ni e.
Ka lawm e
[Report abuse]