«
»

Saikhuma Hrilhlawkna – Zoram hnuk vei phakte tan

September 19th, 2009 10:42 am by zo_pa

SAIKHUMA HRILHLAWKNA

‘ZORAM THUTHLUNG’

(1962 — 1965)

“Heng zawng zawng hi kei chuan ka hmu ve lo vang, Lalpa’n min thukru dawn a ni.” – Saikhuma (L)

…………………………………………..

RAM LEH PATHIAN INKAR  -  TLUKSANNA

  1. Zoram sualna hi a nasat tawh em avang leh ramin Pathian a helsana, a tluksan tawh  avangin Pathianin kan ram a hawisan ang a, kan ram leh Pathian inkar chu ‘Sakeiin mihring a seh’ ang hi a ni ang.
  2. Kohhran-te hi Pathian Thlarau hruaina tel lo va an kal chuan ram chhiatna leh tlukna-ah mawh an phur ang. Thawhlawm thawh te, Kohhran pawl anga kal dual dual hian ram a siam tha pha lo vang.
  3. Ringtu nung an vang hle ang.
  4. Tun hi nuih hun a ni lo va, hlim hun a ni hek lo.
  5. Zoram sualna hi a nasat tawh em avangin Pathian thinurna kan tawng baw tawh a. Chuvang chuan Pathianin kan ram hi a thianfai dawn a, tuman kan pumpelh dawn lo. Pumpelh tuma bihruk emaw, tlanbo tum emaw awm mahse, hriin emaw a umzui ang a, an thi tho tho ang.
  6. Nimahsela, Pathianin Zofate hi a hmangaih em em si a, a hmangaihnain min tungding leh dawn a, khawvel hriatah min pholang dawn a ni.
  7. Tuna pawimawh ber chu ‘Thlarau dana awm hi a ni. “Lalpa hming lam apiang…” tih ang khan.

Hetiang hi Lalpa min hmuhtir, kan ram awmdan a nih vangin Zoram hian HUN PUI THUAH THUM a tawng ngei ngei dawn a:

1.   HUN THIM   -   THUAH KHATNA

2.   HUN THIM   -   THUAH HNIHNA (A rei lo vang)

3.   ZORAM KHAWVAR   -   LEI ZION

1. HUN THIM THUAH KHATNA

He hun thim thuah khatna hun chhung hian Zoram chu hetiang hian a awm ang:

(i) Thisen a luang ang.

(ii)  Ar lawi angin an lawi ang che u ang a, Ar chhuah angin an chhuah leh ang che u.

(iii)  Lehkhathem var in nei ang a, chu chu in hmang tangkai khawp ang.

(iv)  Lui tuite hi in la chawiin, in la tlan ang.

(v)   Ringtu leh ringlotute chungah he thim hi inang rengin a thleng ang. Mi lian leh khawsa thei, thiltithei tan chuan a ziaawm deuh mahna.

Khing a sawite khi keini chuan hetiang hawizawng hian kan hmehbel a. ‘Hun Thim Thuah Khatna’ a tih hun chhung hi Zoram buai intan 1st March 1966 atanga buai reh 1986 hun chhungah kan dahsak a. Heng hun chhung hian Zoram dung leh vangah ‘Thihna’-in thla a zar a, mi engemawzat, pawisawi lo thlengin nunna an chan a, thisen a luang a ni. Tin, “Ar lawi ang…” tia a sawi pawh hi Sipaiin khua sawikhawmin Grouping Centre-ah min dahkhawm a. Grouping Centre tinte hi hung vek an ni. Check Gate-te siamin zalen takin kan paltlang thei lo va. Tin, ‘Lehkhathem var’ a tih pawh hi Identity Card/Movement Permit-ah kan belsak a, Identity Card/Movement Permit keng lo chuan khual khuaah pawh kan kalin kan zin mai mai thei lo va a ni. Tin, Sipai hlaua himna zawngin ramhnuaiah mi tam tak kan tlanchhia a, lui tui awmna kan pan ber a, lui tuite chu kan chawiin kan tlan ta ngei bawk a ni.

Hetiang hi thil awm dan a lo nih takah chuan, “A thu puan lawkte nen khan a inmil riau mai, heng hi Zoram hun tawng tur ‘Hun Thim Thuah Khatna’ a lo tih thin kha a lo nih dawn hi kan ti ta a ni.

2.         HUN THIM THUAH HNIHNA (A rei lo vang)

He ‘Hun Thim Thuah Hnihna’ Zoramin a tawng dawn a ni tih a sawi hian a ngai pawimawhin, a la runthlak em em a. “Lalpa’n min hmuhtir dan chuan” a ti mauh mai si a. “Lo thleng ngei ngei tur, kan pumpelh hauh loh tur” a ti bur mai!

‘Thim Thuah Hnihna’ a hrilhfiah dan chuan “Thim tak, thim chhah tak” tih bakin he Thim Thuah Hnihna hi a sawifiah lo. Chu chuan Zoram hi a khuh dawn a ni. Mihrinna thilah chuan pumpelh chi a ni dawn lo. Eng thil mah pumpelhtir thei emaw, chhan thei tur emaw an awm lo reng reng.

Amaherawhchu, “He Thim Thuah Hnihna hi pumpelh emaw, pal tlang theihna emaw kawng khat chauh a awm a, chu chu Lalpaa a tak taka innghattute chauhvin he Thim Thuah Hnihna hi an paltlang ang.” a ti a ni.

A sawi zel dan chuan he Thim Thuah Hnihna hian Lalpa chu tunge a nih? Kan Pathian chu a nung a ni tih a tilangchiang em em dawn a, tin, Lalpaa a tak taka innghatute nihlawh tur thu uar takin a sawi thin.

He Thim Thuah Hnihna chungchangah hian ‘Thuchah’ pawimawh a tih em em, a chah ngun em em chu “Lalpaah hian a tak takin lo innghat tlat rawh u” tih hi a ni.

‘Thim Thuah Khatna’ tia a sawi thu-ah kha chuan han ngaihbel tur leh hmehbel tur kan nei ngei mai a. Amaherawhchu, he ‘Thim Thuan Hnihna’ a tih, hun pawimawh a tih em em chu Zoram-in kan la tawn loh leh ka la hmuah thlen lohah kan dah ringawt mai a, eng tak ni maw!

Thim Thuah Hnihna chu hetiang hian a sawi:

“Khawchhak lam atangin ‘Hnam Kawlh’ an lo kal ang a, in Ui leh Ar, ei theih thil zawng zawng an ei buan buan ang a, sakhaw nei lo an nih avangin in hmeichhiate an pawngsual mai mai ang a, nangmahni erawh chu an tipawi lo vang che u. Hlau suh u, kan ram thianfaitute an ni e”

Heta khawchhak atanga ‘Hnam kawlh’ lo kal tur a tih hi Zoram chhim lam atanga lo kal/lo lut tur angin a sawi bawk. Keini erawh chuan a ngaihna kan hre lo hle. Han ngaihbel emaw, han tinzawn tur ang chi kan hre lo, kan bo hle a ni. Tin, “Hun Thim Thuah Khatna nen chuan tehkhin chi a ni lo,” tiin a sawi tel bawk.

3. ZORAM KHAWVAR – LEI ZION

Zoramin khawvar a thlen huna Zoram awm dan tur leh hmelhmang a sawi hian a hmelah pawh lang thei khawp hian a hlimin a sawi tui thei em em thin a.  Thim thuah Hnihna a sawi lai hmel leh ‘Zoram Khawvar’ hun thu a sawi lai hmel chu danglam tak a ni. Tichuan, “Zoram Khawvar Hun – Lei Zion-ah chuan hetiang dinhmunah hian Zoram chu Lalpa’n a dah tawh dawn” a ti” Hetiangin:

1.  Lalpa’n Zoram hi ‘Milem Ban Sawm Nei’ lak ata a lachhuak dawn.

2.   Zoram hi ‘Changkha ang mai’ tiin sit suh u. Lalpa’n Zoram lei hnuaiah hian  hausakna namen lo a phum a sin. Lunghlu, Rangkachak, Lungalhthei, Tuialhthei te hi namen lo Lalpa’n Zoram lei hnuaiah a dah a, heng hi haichhuah a ni ang.

3.  Zoram leihnuai hausakna Lalpan a thuhruk hi ‘Milem Ban Sawm Nei’ hnuaia Zoram a awm chhung chuan Lalpa’n haichhuah a phal lo, a hunah haichhuah a ni ang. (A thusawi/thupuan hi a ngai ngaiin ka han tilang a ni.)

4.  Zoram lei chung hausakna leh malsawmna pawh hi Lalpa’n min hmuhtir dan chuan sawi hian a siak lo. Buh vuite hi Sakawr mei buk tiat tiat an ni ang a, sawntlung el khatah mai pawh hian nau rual chhung tlai tlai an thar dawn a ni. Tin, Alu te hi lungthu tiat tiatin a thar ang a, Balhla bu te hi Dawrawn tin thum dawng aia lian lian an ni ang a, a kungte chu in do tek tuk ang. Dai vel di hmun leh phul hmunah te hian Buh, thlai leh thei chi hrang hrang te hi an la hmin tiar tuar ang.

5.  Bedsury ram saw Zoram buhzem tur a nih saw. (Bedsury ram hi Chhimtuipui District huamchhunga awm a ni.)

6.  Khawvel Sorkar lian liante hian Zoram hi an intlawnsiak dawn a ni. Ram lo ding tur chu khawvel sorkar dangte hian an rawn tanpui rawn ang a, hmasawnna leh malsawmna a luang lut dur dur dawn a ni. ‘Tarsis Lawngliante’n hmakhalh an inchuh ang khan khawvel Sorkar liante hian Zoram dawr tur hian hmakhalh an la inchuh dawn a ni.

7.  Tlang leh tlang inkarahte hian thirhrui hi a inzam tuk a, chung thirhruiahte chuan Tawlailir hi an in tlan pel zut zut a ni. Sangha manna len hi khawmualah dah ila, a ziain chhim leh hmar, chhak leh thlang a hawi ang hian Zoram dung leh vangah hian Tawlailir kawng hi a inzam tuk a ni.

8.  Lui dung leh lengkir kham hnuaiahte hian khawl ropui tak tak leh thil ti thei tak tak te hi an inbun fer fur bawk ang.

9.  Zoram hmun tam takah hian Thlawhtheihna tum hmun a awm fer fur ang.

10. Zoram kawngpui kawtchhuah hi ‘Hmar lam’ ni tawh lo vin, ‘Chhim lam’ a ni tawh zawk ang. Hmar lam kawtchhuah kawngpui hi a la ping ang. Zoram khawvel kawtchhuah hi chhim lam a nih tawh dawn avangin, sawng ‘Akyab’lawngchawlhnate saw in la hmang tangkai em em ang.

11. Zoram hi ‘Ram ni eng’ Malsawmna — Lei Zion a ni tawh ang

12. “HENG HI THLASIK ANGA KHEL LO VIN A LO THLENG NGEI NGEI DAWN, LO NGAI RENG RAWH U”

13. Heng zawng zawng hi kei chuan ka hmu ve lo vang. Lalpa’n min thukru dawn a ni. (A  sawi lawk ang ngeiin 18th May, 1965 khan kum 54 mi niin a boral ta a ni.)

KHAWVEL PUM HUAPA ZOFATE MAWHPHURHNA LEH RAWNGBAWLNA

1. Sap-ho hmangin Lalpa’n Zofate hi Chanchin Tha min pe a, chu bak chu Lalpa’n Sap-ho khu Zofate chungah mawhphurhna a pe lo.

2. Khawvela Krista Chanchin Tha hrilh darhna hna hi Lalpa’n Sap-ho (British) kut ata Zofate kut-ah a dah/hlan a ni.

3. Khawvel hmun hrang hrangah Zofate hian Krista Chanchin Tha hi Thlawhtheihna hmangin  an la hril dawn a ni.

4. Khawvela natna khirhkhan tak tak, Doctor-te pawhin a ngaihna an hriat loh tih dam theiha an ngaih tawh loh te chungah pawh, Zofate’n damlo te chungah Isua hmingin an kut an nghat ang a, an dam zel ang. Zofate chil hi Lalpa’n damdawi tha ber atan a hmang a ni. Eng Company siam mahin a tluk lo.

5. Zorama meichher te te hi Lalpa’n hmun khatah a telkhawm tawh dawn a ni. (Hei hi Kohhran a ni)

6. He meichher telkhawm hi ‘Eng tak’ a ni ang a, khawvel hmun hrang hrangah chhit en a ni ang.

ISRAEL FATE CHUNGA ZOFATE MAWHPHURHNA

1. Israel fate khu thlarau lama kaiharh tur leh tiharh turin Lalpa’n Zofate hi a ruat tlat a ni.

2. Israel fate khuan Zofate hi an la thik em em dawn.

3. “In pi leh pute’n an khenbeh tak Isua kha in nghah Messia chu a ni e” tiin Zofate hian Israel   fate hnenah an la sawi dawn a ni.

4. “Chia sawi tham lohte chu hmangin ka thiktir ang che u a;

Chi fing lote chu hmangin ka tithinur ang che u,” (Rom 10:19)

leh Deuteronomy Bung 28 te hi Zofate chunga Lalpa thu a ni.

5. Pathian thuthlung kan zawm phawt chuan, hnam zawng zawnga ‘Hnam chungnung ber’ah leh ‘A mei lam’ ni tawh lo vin ‘A lu lam’ ah Lalpa’n Zofate hi a dah dawn a ni.

6. Luka 15 thua Fapa Tlan Bo, a pain ‘Puan tha ber, pheikhawk leh zungbun tha ber bertea’ a chei ang khan Lalpa’n nasa takin Zoram hi a cheiin a thuam dawn a ni.

SOUTH VANLAIPHAI KHAW CHUNGCHANG BIKA A SAWILAWKTE

(i)         “Tuikhura tuite hi in chawi tawh lo vang a, khawlai-ah tui in chawi tawh zawk ang.”

Hemi a sawi lai hunah hian a thu puan lawk hi mi tumahin an awih lo va, an nuihzat hle zawk a ni. Mahse, hemi a sawi atanga kum 20 vel hnuah PHE Deptt. chuan khawlaiah ngei tui chu an rawn pe ta a ni.

(ii)        “Khuaah hian buh ‘Faisa’ an rawn dah ang a, chu chu in ei tawh mai dawn a ni.”

Hei pawh hi khang hun lai, a sawi lai hun kha chuan tumah, awih a ram an awm lo. Thenkhatte phei kha chuan fiamthu thawh nan an hmang mai mai a ni. Zoram khawi hmunah mah Ration Buhfai (Faisa) sem a la ni ngai lo va, Buh deng khawl pawh a la awm hek lo. Chuvangin, he thu pawh hi a hun lai kha chuan rin harsa tak tur a ni reng a ni. Amaherawhchu, kum tam a liam hmain Retailer kaltlangin Sorkar atangin Buh ‘Faisa’ a lo thleng ta mai a ni.

(iii)       “Hetah hian Tawlailir kawng a la kal ang a, Buh te hi in chhip phurh tawh lo vang.”

Hei hi South Vanlaiphai leilet kam hrul zela Motor kawng lo awm tur a sawilawkna a ni. Keimahni leilet kam ngeiah pawh ding chunga kawkin,”Hetah hian Tawlailir kawng a la kal ang” tiin a sawi. He a thusawi pawh hi Mihlim rui, ‘a let der’ tawh thu sawiah ngaih mai mai a ni. Mahse, a thu puan lawk atanga kum 10 dawn hnuah, a kawhna hmun chiahah chuan PWD te’n kawng an lai tlang ta a ni.

(iv)       “Hnahchang lui tui hi in la tlanin, in la chawi dawn a ni.”

He “Hnahchang lui tui” a tih hi South Vanlaiphai khaw bula awm a ni. Khatia 1966-a Mizoram a buai takah khan Sipai hlaua tlanchhiatna hmun atan he lui kam hi hman a ni a. Hnahchang lui tui chu kan tlanin, kan chawi ta ngei a ni.

(v) “Darzo khuaah hian Lalpa’n ‘Ban kaw ruak’ min hmuhtir a ni.”

Darzo khua hi South Vanlaiphai khaw thenawm a ni a. S.Vanlaiphai atang hian Mel 5 vela hla a ni. Darzo leh S.Vanlaiphai (Leilet) hi Lal (Mizo Chief) pakhat awpna hnuaiah an awm thin a. Pu F.Lalkhama, Fanai lal chuan he khaw pahnih hi a awp thin a ni. Khatia ram buai vanga khuate sawikhawm (Grouping) an han nih khan, Darzo khua pawh hi S.Vanlaiphai Grouping Centre-ah sawikhawm a ni a. Tichuan, Darzo khuain an in an rauhsan takte chu Sipaite khan thiat vek turin an ti a. Tin, an In-te chu luah leh mai theih loh turin Ban-te thlengin an phawitir vek a ni.

(vi) “Saibuchhuah hi hmun pawimawh tak a la ni ang a, khawl ropui tak pawh bun a la ni ang”

Saibuchhuah tih hi hmun hming a ni a. Chhimtuipui (Kolodyne) kam, Rotlang ‘E’ (Lunglei District) ram zawna awm a ni. He thu a sawi atanga kum 35 dawnah he Saibuchhuah ram panna kawng hi laih a ni a, Saibuchhuah hi Balu tha tak lakna hmun a lo ni ta a ni. Khawl ropui erawh chu bun a la ni rih lo.

Engpawhnise, keimahni khua leh a chheh vel khuate’n heng a thupuan leh hrilhlawknate hi kan hre zing mawlh mawlh tlang vek a. A lo sawi lawk ang ngei zelin “a thleng dik” tih tur leh chung chu kan mit ngeia kan hmuh bawk si avangin “A lo mak hle mai” kan ti ta a ni.

CHAKMA CHUNGCHANG LEH PHAWNGPUI TLANG

1.  “Chakma-te khu Lalpa’n Zoram atangin ABOR ramah a thiar chhuak a nih khu, a la bang tlem te pawh khu nakinah chuan in la buaipui ang.”

2.  “Phawngpui Tlang hi Zorama tlang sang ber a nih angin ‘Hmun Pawimawh’ takah buatsaih a la ni ang.”

NOTES and COMMENTS:

Rambuai (1966) leh S.Vanlaiphai chungchang thu Pu Saikhuma’n a lo sawi lawk zawng zawngte kha a thlen dik em avangin ‘Thim Thuah Hnihna’ leh ‘Zoram Khawvar’ lo thleng tur a sawilawkte pawh hi a lo thleng dik leh ngei ang tih hi a rinawm hle a ni. Pu Saikhuma hnena Lalpa’n ‘Thim Thuah Hnihna’ a hmuhtir ang hian, khawchhak lam atanga Hnam Kawlh/Ral lo lian tur hi Pastor chhawna leh Pu Chawngkhupa te pawhin an lo sawi ve ngei avangin a rintlak lehzual a ni.

1. Pastor Chhawna: “Khawthlang diar khim leh khawchhak diar khim hnuaian kan ram a lut dawn ngei a, chumi chuan kan ram hmel fel liah puin a talchhuak dawn tih ka nghak reng a ni. Zoram, i ke chu Lalpa chungah nghat tlat rawh” tiin. Khawthlang diar khim a tih te hi Vai-ho khu ni ngeiin a rinawm a, tin, khawchhak diar khim a tih te pawh hi China-ho khi an nih ngei a rinawm. India leh China inbeihna nasa tak hnuaiah Zoram a lut ngei ang a, chumi zarah chuan kan ram hi mak tak leh felfai takin India awpbehna lak ata a talchhuak hlauh dawn niin a lang.

2. Pu Chawngkhupa : “Ngawi teh u, nizan chu ka mumang niin ka hria, thenkhat chuan ‘Inlarna’ an ti ang. Khawchhak lam atang khian ‘Zawng Hmaisen’ hi lei vang dapin an lo chhuk thla chiam mai a, an vir em em a, ei tur reng reng hi an ei duak duak mai a, ka kuta ei tur ka ken pawh chu min dil zel mai a”

Tin, anni bakah hian khawchhak lam atanga ral lo lian tur hriattirna dawng hi midangte pawh an awm nual bawk. Tunhma hma deuha ‘Khawchhak Lungpui’ lo lum tur hlauva insaseng ta ‘Pu Lalzawna Pawl’ te hlauh pawh kha Lungpui tak tak ni lovin, he huna thil lo thleng tur hi a ni zawk mai lo maw tia ngaite pawh an awm bawk a ni.

Mi thenkhat hnena Pathianin Zoram ‘Thim Thuah Hnihna’ lo thleng tur chungchang, ‘Khawchhak Ral’ lo lian tur a hmuhtir hi mi thil chik mite chuan ‘China’ an nih an ring ber. India leh China hi khawvel sumdawnna lamah nasa taka thang lianin, an iner nasa  hle a, tin, ramri chungchang thu avang hian an inkarah, chhungril takah boruak rit tak a inmung ru reng bawk. A bik takin Jammu and Kashmir leh Arunachal Pradesh chungchangah hian China rilru hi a za ru hle tih hi khawvel hriat a ni. Tin, tunhnai hian China sipaite hi an huangtau sawt riau a, ramri rawn pelin India tana ngaihmawhawm deuh taka khawsak an ching viau a ni tih tunlai Chanchin Thar-ah an puang ta zeuh zeuh bawk.

Tin, Indian Defense Review Editor, Bharat Verma phei chuan kum 2012 hma ngeiin China hian India hi a beih a ring a, he thu hi Internet-ah chhiar tur a tam hle a, inhnialna pawh a chawkchhuak viau bawk a ni. China hian India a beih chuan ram hrang hrang a nghawng ngei ang a, chu chuan Indopui III-na a chawkchhuak mai ang tih hlauthawng ru tam tak an awm bawk a ni. Engpawhnise, Bharat Verma thuziak hi Pathian hnen atanga a dawn a ni nge ni lo tih kan hriatpui loh vangin a kum thu — 2012 hi chu rin bur tura han tarlang ka ni lo va, thleng dik thei, thleng dik lo thei a ni. Amaherawhchu, ‘Thim Thuahna Hnihna’ lo thleng tur Pu Saikhuma hrilhlawkna-a ‘Khawchhak Hnam Kawlh’ tih kan hmuh te, Pastor Chhawna’n ‘Khawchhak Diar Khim’ a sawi te leh Pu Chawngkhupa’n ‘Khawchhak atanga Zawng Hmaisen’ a tihte hi ngun taka han ngaihtuah khawm hian Bharat Verma thuziak pawh hi a dik ngeiin a rinawm a ni. Tin, “2012 hma ngeiin” a tih pawh hi kan sawi theih piah lam nimahse, ngun taka tunlai India-China Defense News han thlir hian kei chuan lo hnawl ngawt chu finthlak berin ka hre lo.

Engpawhnise, Zoramin rinna leh thlarauva mi ropui kan neih, Pu Saikhuma leh Pu Chawngkhupa leh Pastor Chhawna te hnena hriattirna thu inang petu kan Pathian hian dawt thu ringawt chu a hriattir hauh lo vang. “Dik takin Lalpa PATHIAN chuan a rawngbawltu, a zawlneite hnenah a thuruk hrilh lovin engmah a ti lovang.” (Amosa 3:7) tih ziak ang khan Zorama ‘Hun Thim’ lo thleng turah hian mipuite kan inralrina, kan lo inpuahchah thiam theih nan a lo hriattir lawk zawk a nih a rinawm hle. Chuvangin, he ‘Hun Thim’ hmachhawn tur hian rinna leh thlarauva lo inbuatsaih hi kan tih tur pawimawh tak a ni ta!

Pu Saikhuma hnena Pathian hrilhlawkna lo thlen dikzia chu Rambuai (1966) leh S.Vanlaiphai chungchangah kan hre ta a. Tin, thil mak leh ropui tak dang leh chu ‘Look East Policy’ a lo hmu lawk vek hi a ni kan ti thei ang. Kan hriat theuh angin India Sorkar chuan a innghahna ber, USSR chu a lo kehdarh tak avangin khawchhak lam ram, South East Asia ram (ASEAN)-te nena insumdawn tawnna tur Policy ropui tak, China ram economics pawh nghawng lawih phak ‘Look East Policy’ chu a duang chhuak a. India hmar chhak ram hi sumdawnna atan inkalpawhna tur ringawt ni mah ila, thil kal fuh dan azirin kawng tam takah hma kan sawn phah thei a ni.

Look East Policy avang hian India hmarchhak ram State hrang hrangah Airports, Railways leh Kawngpui tha zawk siam lamah India Sorkar chuan nasa takin hma a la mek a. South East Asia ram hrang hrangte nena insumdawn tawnna lian tak kalpui tur a nih avangin Pu Saikhuma’n, “Zoram kawngpui kawtchhuah hi ‘Hmar lam’ ni tawh lo vin, ‘Chhim lam’ a ni tawh zawk ang…..” tia a lo sawilawkte hi a dikzia a lang chho mek zel a ni. Rambuai (1966) hma lam daih tawh atanga Mizo pa-in India Look East Policy lo piang tur a lo hmu lawk vek mai hi a makin a ropui hle a ni.

Aw le, engpawhnise, Chanchin Tha hian Zofate hi min au nasa tawh hle a ni. A bik takin India ram leh South East Asia lam atangin kohna/sawmna leh mamawhna a nasa sawt hle. Sap/Mingo ho hi Asia rama Chanchin Tha hril tak tak turin an tuitla tehchiam tawh si lo va (chu chu anni pawhin an hai lo).

Amaherawhchu, Chanchin Tha pechhuak tak tak tur chuan Zoram hi thenfai leh tihthianghlim kan ngai a, chu tak chu kan mamawh ‘Thim Thuah Hnihna’ lo thleng tur chu a ni ta! A rei tawh lovang. Lalpa-ah kan inbuatsaih a hun ta hle a ni. Milem ban sawm nei lak ata Lalpan min lachhuak ngei ang, leilung hausakna a thuhruk zawng zawng pawh hi mahni ke-a kan din huna lakchhuah chauh tur a ni. ZORAMTHAR  a hnai ta, inralring ang u le!

Zion-ah chuan tawtawrawt ham ula, ka tlang thianghlimah chuan inralrinna puang rawh u; he ram chhûnga mi zawng zawngte chu khur rawh se: LALPA ni chu a lo thleng mek a, a hnai tawh si a. – Joela 2:1

Similar Posts:

Recent Posts:

This entry was posted on Saturday, September 19th, 2009 at 10:42 am and is filed under Mizo Society & Culture, Opinion. You can follow any responses to this entry through the RSS 2.0 feed. You can leave a response, or trackback from your own site.

50 Responses to “Saikhuma Hrilhlawkna – Zoram hnuk vei phakte tan”

  1. 1
    beethugs2 Says:
    September 19th, 2009 at 11:58 am

    Heng hrilhlawkna lo thleng tur te hi chu Pathianin min hrilh lawk sa vek alawm le..Hrilhlawkna pawh kan hre hnem ta viau e.Kei zawng hetiang hrilhlawkna hian min tibuai hran lo khawp mai,hetiang han phurpui hlut chi hi ka ni lem lova..Engpawh lo thleng se,thih thlenga rinawma awm tura chah kan nih kha mawle.

    [Report abuse]

  2. 2
    muantea Says:
    September 19th, 2009 at 1:50 pm

    Thuthlung Hlui hun laite, Sap missinary lokal tur thuahte leh hun hrang hrangah Pathianin amite hmanga thupuan a nei thin. Hetih karah hian Zawlnei der thleng dik hlei lo puang ve chhen an awm thin.Inthlan dawnin an tam lehzual. Mizoram chungchang puangtute hian chhim lam kawtchhuah chungchang hi an sawi tel ziah thin. Upa Makthanga hrilhlawkna pawhin Zoram hian Akyab a va pawh tur thu a sawi.Thlarau hriattirna anih rual hian mihringin ama duhthuin a belh ve thei tho bawkin ka ring.

    [Report abuse]

  3. 3
    Zozyal Says:
    September 19th, 2009 at 2:24 pm

    E he! Hei zet chu le! Ngun deuh maiin ka chhiar chhuak vek, ka thenawmpa ka ko thul, a mak hle mai. ’66 Zoram buai chu a lo hmu dik hle mai ka ti! Tin, kei chuan leilung hausakna a sawi hi 100%-in ka pawm a, tin, Zoram kawtchhuah hi chhim lam a ni ang a tih pawh hi tunlaia mi vengva leh bengvar chinte tan chuan a dikzia a hriat nghal mai alawm! Thil thleng mek a ni. Zawlnei der, Party zawlnei te chu an awm ngei mai, mahse, chung karah chuan Pathian Hriak thih zawlneite pawh an awm bawk tih hi hriat a tha, Internet khawihtu zawng zawng hian zahmawh en nan ringawt kan khawih vek lo ang bawk hian.

    Amaherawhcu, tuna kan dinhmun hi a ni lu tihai chu ni. Nia, THIM CHHAH TAK kan tawh loh chuan Zoram hi kan harh hauh lovang tih hi kei pawh ka pawmdan dik tak a ni. Lo thleng mawlh teh se, tah leh ha thialna chu! Kristian der ho hi sawpji kan ngai a nih hi! inti tha, engmah ni si lo ho hi! A hming thianghlim tibawrhbang tawk leka inti-kristian ho hi. Pathian hian khawvela chanchin tha hril tura min duh tak2 a nih chuan kan thianghlim theih nan min thunun ngei ang, min duh lem lo anih erawh chuan ti hian kan chhe ral ringawt ang.

    Pastor Chhawna pawhin Ramthar ruai kil turte chu ‘Khawvar lam Arsi ang pharh’ a tih reng kha maw!!

    [Report abuse]

  4. 4
    H.Vangchhia Says:
    September 19th, 2009 at 3:51 pm

    A ngaihnawm angreng hle mai. Mizoram tana tun apanga lang leh lo thleng mai tur ni a ka rin ve chu:

    Mizo diktak hi reilo te ah kan tlem tawh khawp ang. Mizo pi pu te chanchin hria kan tlem tawh bakah, hriat pawh kan tum vak pawn ka ring tawh lo. Mizo hi kan ral tial tialin ka ring. Mizo tawng hi a suak ngawt ang reilo te an, tun chu sawi loh. Mizo hi kan lem zia (fake) khawvel hian ahre tulh2 in ka ring.

    Ka rindan ve mai mai a ni e.

    [Report abuse]

  5. 5
    lrpa Says:
    September 19th, 2009 at 6:33 pm

    Zawlnei hrilhlawkna tel lo pawh hian tun a kan awmdan atang hian Mizoram awmdan tur hi chu a chiang mai a lawm le! Tuna kan mizia, duhamna rilru, ram kan hmangaihna neilo rilru leh kan sakhuanna lak dan en mai chuan thim mep mep tak ani reng e. Kan rilru sutthlek hi kan change angai ber mai e, chuan khua pawh a var chhun zawm ve mai ang chu.

    [Report abuse]

  6. 6
    XaiA Says:
    September 19th, 2009 at 6:35 pm

    Khawvar hun hi kan lut tan mek in ka hria,a sawi hmangah.Chhimlam kawt chhuah ni turin lawng chawlhna tur leh kawngpui buatsaih mup mup a ni a,thlawhna lah a tum thei thuai hlawm turah ngai ila,helicopter phei chu a dik sa :!: Kham chhe lai ah hydel project vangin in tha leh khawl a awm bawk si,leihnuai hausak na enfiah mek a niin Company lian pui pui an phur em em a :!:

    Kan naupan lai chuan Digboi Oil hnar khu Mizoram-ah a awm an ti thin :lol:

    Hun thim thuah hnih na khi puh thiam a har,mahse ka ngaihdan chuan kan pel tawh..kum 2000-2005 chho kha a niang,kan ram a thim hrehawm em mai.Khawchhak lam a tangin ruihhlo in min sawisa na sa si a :!: Hei hi ka puh deuh mai a sin.

    [Report abuse]

  7. 7
    Zorunpuia Says:
    September 19th, 2009 at 10:53 pm

    Chhiar a manhla hle mai. Saikhuma hi C.Luri pa Pastor Saikhuma kha em ni chu le?

    [Report abuse]

  8. 8
    Khawm_Punk-a Says:
    September 20th, 2009 at 5:03 pm

    Mizoram chu ‘Super Power’ anih dawn chu!!!

    [Report abuse]

  9. 9
    hltau Says:
    September 20th, 2009 at 7:53 pm

    C.Luri Pa pastor kha chu a thihna a la reilo a lawm.

    [Report abuse]

  10. 10
    chawnghilh Says:
    September 20th, 2009 at 10:16 pm

    Dik amual mual hi chu a awm ve châwk. Azàwng azà hi chuan a dik mawh a niang e.

    Mizo-te hian Israel chawlawlte kan tihharh hi i ring hauh lo vang u. Hrilhlawkna duham a tling tlat. Krista lokal leh hunah ‘ruah hnuhnùng (later rain) an dawng dâwn … Mizoram atanga sûr tùr a ni lo, vàn lam atanga sûr tùr a ni zàwk e!

    Mizo Kristian ANY-TERIAN te hian Juda invawng thianghlim leh fimkhurte hi engti kawng maha persuade theih dan tur kan nei lo.

    [Report abuse]

  11. 11
    XaiA Says:
    September 20th, 2009 at 10:25 pm

    chawnghilh Says:Mizo Kristian ANY-TERIAN te hian Juda invawng thianghlim leh fimkhurte hi engti kawng maha persuade theih dan tur kan nei lo.

    Mizoram a awm mek te hmang lo in kai harh tur chuan tun a pem thla ho,an dan engkim zawm mek te khu Pathian hian a hmang dawn a niang nge? Kristian a let leh ni a an hriat pawh kha an buai pui tran in an thik thu an ti chhe viau a nih hmel kha le :!:

    [Report abuse]

  12. 12
    kanidar Says:
    September 20th, 2009 at 10:45 pm

    No. 3 ZORAM KHAWVAR — LEI ZION en khi chuan Khaw var hun a la hlat hmel deuh :D

    [Report abuse]

  13. 13
    zo_pa Says:
    September 21st, 2009 at 3:59 am

    Pu Saikhuma Hrilhlawkna ‘ZORAM THUTHLUNG’ hi mi ten an hlut em avangin a Bu-a chhuah leh turin a fapa Pu H.Dengthanga, Lunglei te chhungkua pawh an inbuatsaih mek e. ‘Saikhuma Hrilhlawkna’ hi 2005 khan 2000 copies chauh siam a ni a, mi te’n an hlut em vangin Pu H.Dengthanga pawh hian Xerox copy bak a kawl tawh lo a ni.

    Tin, thil mak deuh pakhat chu Pu Saikhuma tunu, Nl.Lalrintluangi hian Ni 44 chhung (24th August 2004 atangin 6th October 2004) chaw a nghei vangin SAIKHUMA HRILHLAWKNA BU hi lo piang a ni a, a ni hian khatiang tak khan chaw nghei lo se la chuan he lehkhabu, Zoram tana lehkhabu pawimawh tak hi chhiar tur a awm dawn lo a ni. Chuvangin, ‘Saikhuma Hrilhlawkna leh Lalrintluangi Chawnghei’ hi an inzawm tlat tihna a nih chu.

    Hetiang taka ‘Hrilhlawkna Pawimawh leh Dik’ Pathian hnen atanga hriattirna Pu Saikhuma dawn zawng zawngte hi mipuite hnena puangzar lo va kum 40 chhung zet mai upbeh tlata a lo awm hi a mak hle a ni! Engemawzawng chuan a fapa, Pu H.Dengthanga hi mi thahnemngaite chuan a demawm ru deuh mai thei e. Amaherawhchu, ngun taka ngaihtuah chuan a hun tak zawk niin a lang, ‘Thim Thuah Hnihna’ kan hma lawka lo thleng tur atan tun hi ‘Inralrinna Thu’ Zoramin a mamawh hun tak a nih vangin.

    Pu Saikhuma tunu Lalrintluangi’n 2004 kuma Ni 44 chhung chaw a nghei hnu-ah, a vawi hnihna atan 23rd May 2007 atanga 7th July 2007 thleng khan Ni 45 chhung chaw a nghei leh a ni.

    21st August 2009-ah khan Lalrintluangi chu va tlawh tur leh Pu Saikhuma Hrilhlawkna lehkhabu chungchangah Pu H.Dengthanga S/o Saikhuma (L) te In, Lunglei, Farm Veng-ah ka va zin phei a. Ka beisei aiin Lalrintluangi chu ka va hmu tha a. Amahin a la che hlei thei lo va, a Nu leh Pa te’n englai pawhin, hneh takin an vil reng a ni. A changin Wheelchair-ah an thutchhuahtir ve thin. Chhungte ruala chaw ei dawhkan kilin amahin chaw a ei thei bawk. He a chawnghei vawi hnihna hi kum 2 chuang zet a ni ta, a nghawng hi a reiin a na hle a ni.

    Mak deuh mai chu Lalrintluangi hian na leh insawiselna reng reng a nei lo va, a khawvel chu khum leh wheelchair a ni mai. Kum 2 chuang hetiang hian awm tawh mahsela, a hlim em em reng a, a betu apiang chu nui sangin a chhang thei zel a ni. A awmdanah a lungawi tawk hle a, vuina emaw, hreawm tihna emaw engmah a nei ngai lo.

    Heti tak mai Pathian hmaa ‘thuawihna leh inpekna’ thuk tak nun a neih avang hian Lalrintluangi thlarau hi a fing hle a ni. Pathian rawngbawl tura heti taka Training hautak a paltlang mek dante han ngaihtuah hian a Pu, Pu Saikhuma hnena inpuang Pathian thlarau ngei khan Zoram tan Lalrintluangi hi nasa takin a la hman ngei a rinawm.

    Tin, Nl.Lalrintluangi hi Zirtirtu hnathawk lai a nih bakah, Sports lamah pawh a duai lo hle a. Ka hriat sual loh chuan Discuss Throw-ah Mizoram Record Holder a ni.

    Hetih mek lai hian kan tunlai boruak han thlirin kan hma lawkah hian hun danglam tak engemaw lo thleng tur awm tlata hriatna leh, chutiang lam hawizawnga Pathian pawlna changte pawh an awm nual a ni. Tin, kan Zoram nun han en hian ‘Thim Thuah Hnihna’ hi kan hlat vak tawh loh hmel khawp mai. Chutih rual chuan kan Pathian hi ‘Fair’ taka thil ti thin a nih vangin ‘inralrinna’ (warning) pe hmasa lovin a mite a thunun ngai lo va, Thuthlung Hlui hun lai ata tawh ramah chhiatna a thlentir dawn apiangin ‘Tlangau’ a tir thin.

    Zoram pawh hian chu chu kan ngaihven a pawimawh hle a ni, hman kum lawka Nagaland atanga Pathian mi tirh lo kalte pawh khan Zoram tan ‘Warning’ an rawn keng a nih kha.

    Dik takin Lalpa PATHIAN chuan a rawngbawltu, a zawlneite hnenah a thuruk hrilh lovin engmah a ti lovang. – Amosa 3:7

    [Report abuse]

  14. 14
    zo_pa Says:
    September 21st, 2009 at 4:19 am

    Zofate hi hmantlak leh rinawm, hun hnuhnunga Chanchin Tha chhi eng turin Pathianin min duh a ni. Mahse, mihring siam that nan khawdur a ngai si a! THIM THUAH HNIHNA, thim chhah tak chuan min khawih harh zo em ang chu maw.

    Tin, hmun dang chu ka hre chiah lo va, tunlai hian Aizawl-ah chuan hetiang lam hawi zawnga rilru inpuahchah an awm chho neuh neuh va, ram pum huapa kan hma lawka engemaw thil tha lo tak lo thleng tur awm tlat hriatna nei thalaite zingah pawh an awm thar nual mai. Hetiang mi thenkhat chuan min rawn kawm ve thin (keia karah). Pathian Ram leh kan Zoram boruak hi ngaihven a hun hle tawh a ni.

    [Report abuse]

  15. 15
    Zozyal Says:
    September 21st, 2009 at 6:25 pm

    Ehe! Ni 44 chawnghei..! chumi hnuah Ni 45 a nghei leh! Va bon ve ooo..a pu hrilhlawkna bon bok.

    [Report abuse]

  16. 16
    Zozyal Says:
    September 21st, 2009 at 6:27 pm

    kei chu zan khat chaw nghei poh hi in-fit lo tak ka ni..haha.. Tak2 a, a ropui em mai, awmzia a awm ngei ang.

    [Report abuse]

  17. 17
    Ditto Says:
    September 22nd, 2009 at 9:45 pm

    A fapa nen hmanni khan kan in kawm a , he in larna hi ka lo hre re re lo a… a thih hun a sawi dik a ti zui a ……. hriat mual mual chu a neih hmel.

    Mahse Pastor Chhawnna lo chu … :D

    [Report abuse]

  18. 18
    zo_pa Says:
    September 22nd, 2009 at 10:06 pm

    Kei pawh Pu Saikhuma hi thla kumin July mai khan ka lo hre ve chauh va. A lehkhabu hi a vang em em a, ka zawn ka zawn hnuah ka thianpa leh unaupa, HNAM CHHANTU PAWL President hian a lo kawl reng a. Uluk takin ka zirchiang a, thil tak tak, rintlak a ni ngei a ni tih ka chian vangin ka han post a ni. Hei hi kan hnam hian kan ngaih pawimawh a hun hlein ka hria.

    Pastor Chhawna pawh a ropui khawp mai. Mahse, hriatthiam a har lutuk leh Party Politics zawnga an ngaihven lutuk hi a pawi hle a ni. Pawimawh dang, kan thlarau nun leh thil dang kan hlamchhiah phah tlat a ni.

    Pu Saikhuma Hrilhlawkna erawh hi chu a fiah em em a, keini thangthar tan pawh hriatthiam awlsam tak a ni.

    [Report abuse]

  19. 19
    chawnghilh Says:
    September 22nd, 2009 at 10:21 pm

    “Chaw nghei” han tih hian Biblically ang tak phei chuan, solid food and fluids chhete mah kâa lut lo a ni.

    Injection-a dextrose etc., ilo vèl taksaa tih luh rèng rèng loh a ni tel bawk ang chu … Ni 40 leh zan 40 chaw nghei thei kha ISUA KRISTA chiah a ni a; el phàk rual loh ISUAN a tih theih bìka ngaih a ni. Isua khùm thei khawp tùra chaw nghei … a kâ leh vein-a engmah solid leh liquid lùt lo a ni chiah em âw?

    Ka zawhna hi ka inthlahrung deuh tho … Bible-a “chaw nghei” a tih tak hi chu tui leh chaw kâa engmah reng reng lùt map lo hi a ni si, tih thu mai maw le!

    College pakhat-ah HUNGER STRIKE kan nei ve a; kan hmeichhiate kha chhang ilo fahran lei tùrin kan duanglàwk vek a. College Refractory-ah Breakfast/Lunch/Dinner kan kìl kher lo a ni mai a … zunram thiar pahin chhangthàwp kan keih ru hmiah hmiah mai a … kan puar èl àwl tho. Mahse, Carpet hlaipui kan phahah kan han trhu ngui leh bûr a … :( kan thil ngiat chu kan ngèn chhuak ve khawp tho mai! A lova PHAKAR theih ve le! Kan chaw-nghei ve chu le!

    [Report abuse]

  20. 20
    zo_pa Says:
    September 22nd, 2009 at 10:53 pm

    Pu Saikhuma Hrilhlawkna ropui ka tih chhante:

    THLENG TAWHTE:

    1. Thim Thuah Khatna leh 1966 Rambuai a inmil lutuk.

    2. S.Vanlaiphai chungchang a hrilhlawk dik em em hi.

    3. Chakma chungchang.

    THLENG MEK:

    1. Phawngpui Tlang chungchang hi. (Sorkar-in Tourism lam atangin hma an la mekin ka hria)

    2. Leilung hausakna (India Sorkar meuh pawhin Mizoram leihnuaia Oil leh Gas zawn leh haichhuah hnaah ‘Global Tender’ hial a chhuah ta reng mai! Hei hi khawvela phochhuah kan nihna pakhat chu a lo ni ta reng mai! Mizoram leilung 58.90% laia zauah Oil leh Gas haichhuahna kua dapin Russia, Ukraine, France Company te bakah ONGC, Reliance leh Oil India Limited-te chu an rawn bung ta mawlh mawlh mai a nih hi! Tin, Vaiho Chanchin Bu-ahte leh Internet lamahte lah chuan “Kuwait of the East” tihte, “Mizoram Floats on Oil and Natural Gas” tihte chu an ziak kur ngei nguai ta mai. Kan ram hruaitu lu ber, kan CM zahawm tak pawhin “Oil chungah kan thu” a ti ta hial a ni!)

    3. LOOK EAST POLICY: 1991 vela Prime Minister Pu Rao leh Finance Minister Dr Manmohan Singha ten India Economic Policy her danglam dawrh tur ‘India Look East Policy’ ropui tak an rawn duang chho tur, Mizoram thingtlang pa-in a hma kum 30 hma lama a lo hmu lawk vek hi a mak a ni.

    4. ZORAM KAWTCHHUAH: Look East Policy rawn hrinchhuah mek, a sawi hun laia awihawm loh lutuk kha, mahse, hei, tunah a lo thleng dik mek si! Chhim lam saw Zoram kawtchhuahpui zawng a ni mawlh dawn tih tunah zet zawng a chiang ta hle mai! Pu Saikhuma hian a lo hmu thui hle a ni!

    ……………………

    Tin, tunlai hian kan Zoram awmdana rilru nuam thei tawh lo te, ram leh hnam hnuk vei tak tak chinte chuan Pu Saikhuma Hrilhlawkna Bu hi an ngaihven ru viau va. Sawi tawh ang khan tunah hmuh tur a awm tawh loh a vangin mamawhtu-te hian min rawn dil fo mai.

    Engpawhnise, keini misual-dot-commers-te tan poh he Post hian malsawmna thlen se ka duh a ni. Heti tak maia hrilhlawkna dik hi Pathian min hriatrengna-ah i ngai ang u.

    Tuna kan ram leh hnam tana ka chah duh chu hei hi a ni.

    Zoramin rinna leh thlarauva mi ropui kan neih, Pu Saikhuma leh Pu Chawngkhupa leh Pastor Chhawna te hnena hriattirna thu inang petu kan Pathian hian dawt thu ringawt chu a hriattir hauh lo vang. “Dik takin Lalpa PATHIAN chuan a rawngbawltu, a zawlneite hnenah a thuruk hrilh lovin engmah a ti lovang.” tih ziak ang khan Zorama ‘Hun Thim’ lo thleng turah hian mipuite kan inralrina, kan lo inpuahchah thiam theih nan a lo hriattir lawk zawk a nih a rinawm hle ni.

    LALPAN Zofate hi min hmang duh a ni. Chanchin Tha hian a bik takin INDIA leh SOUTH EAST ASIA atangin Zofate hi nasa takin min au mek a ni! Heng ramte mai ni lo hian Khawvel hi chhi eng turin Pathianin min ko bawk. Mahse, chu lam chu a nawlpui hian kan hawi tak tak si lo va, chuvangin, kan harh nan ‘THIM THUAH HNIH’ hi chu kan hmachhawn ngei ang.

    MIHRING SIAM THAT NAN KHAWDUR A NGAI SI A!

    [Report abuse]

  21. 21
    XaiA Says:
    September 22nd, 2009 at 11:11 pm

    chawnghilh, Chawnghei chung chang khi kan lo belh ve zawk,mi pakhat chawngheiin ka benghriat ngei a a sawi chu,’Isua chawnghei chen nghei ka tum ve ,ni 15 ah chuan harsa deuhin ka la chhun zawm thei a,ni 20 thleng ka nghei a,a hahthlak in a chauh theih hle mai.A tum hnih nan a hnu ah ka nghei leh a ,ni 30 ka tlin a,a bak chu ka thei thlawt lo,Lal Isua nghei chen kha chu mihring tumah hian an tlin ka ring lo’a ti a ni.

    [Report abuse]

  22. 22
    zo_pa Says:
    September 22nd, 2009 at 11:12 pm

    @chawnghilh … Ka hriatchinah chuan Nl.Lalrintluangi hian tuisik chiah a in.

    Nia, chawnghei tawngtai emaw, chawngheia nawrh emaw kan pawm dan chin hi a inang lo hlawm mai thei e. Kei ka ngaihdan chuan CHAWNGHEI a ni bawk a, ei lam chi reng reng hi chu tih loh turah ka ngai a, tuisik in erawh chu thil pawiah ka ruat lo. Tin, chu chu Chawnghei dan tlangpui pawh niin ka hria e.

    Engpawhnise, Zoram tana hrilhlawkna pawimawh lutuk, a Bu-a chhuah a nih theihna tura Pathian remruat a ni a, a Score fuh hle a ni.

    [Report abuse]

  23. 23
    chawnghilh Says:
    September 22nd, 2009 at 11:27 pm

    @XaiA : Jews-ho thil leh Christian kan inan lohna ka research reng a; tuna ka tih mek lai pawh a ni. Ka kiang vel hi a hnawk hle.

    I rawn ziak hi ka pawm khawp mai. Fasting-ah hian LIQUID pawh a tel ngai lo tlat!

    Han sawi ta duah ila, “I have breakfast in the evening,” tih pawh hi trawng dik lo a ni chuang lo. BREAKFAST hi hriat chian zàwk tùr a ni a.

    You have dinner as the dusk fell, then you began to fast the whole night. Then, a time came when you BREAK your fasting —be it in the morning, at noon or in the late evening. Breakfast does not strictly mean a morning meal. Any moment you BREAK your Fast is a breakfast!

    Jesus could have been competed, but not surpassed.

    [Report abuse]

  24. 24
    zo_pa Says:
    September 22nd, 2009 at 11:35 pm

    “Hmun ka la hek lutuk ang e” tia inthlahrun deuh avangin Nl.Lalrintluangi Chawnghei chanchin hi ka rawn post tel lo va, mahse, hei ka rawn paste ta law law e:

    SAIKHUMA TUNU ‘LALRINTLUANGI’ CHAWNGHEI THU

    THUHMAHRUAI

    Ka pa Saikhuma tunu Lalrintluangi ‘Ni 44’ chawnghei thu ka han hriat khan mak tihna lamah rilru dah lo vin min tilawm ru tlat zawk a. Pa Saikhuma khan Zoram awm dan tur leh hun tawng tur ‘Inlarna’ anga a hmuh khan, chung a thil hmuhte chu thahnemngai taka puang vela a vahvaihpui laite kha mitthlah lo lang tharin Lalrintluangi chawngheina pawh hi Pa Saikhuma zungzam a ni ngei mai tiin ka rilruah ka dah hmiah a ni.

    Dik tak chuan Pa Saikhuma fate hian an pa hniakhnung an zui zo lo ka ti a, ka phun ka phun thin. A fateah beiseina ka neih san em vangte pawh a ni ang e. Hetia a tunuin ni 44 lai chaw a nghei ta mai hi mihrinna thilah leh mihringte thlir dan atang chuan han tlin chi pawh niin ka hre lo va. Pa Saikhuma thu puan leh hrilhlawknate kha ‘An thamral lo’ tih tilangtu zawkah ka ngai a ni.a

    Lalrintluangi hian chaw nghei lo ta se Pa Saikhuma thu puan leh hrilhlawknate kha mite chhiar leh hriat theih turin a awm dawn hauh lo va. Lalrintluangi pa, Pu H. Dengthanga tawngka ngei ka dawn atangin ama fanu ngei chawngheina rah liau liau a nih si chuan, a pu, Pa Saikhuma kha ‘A bul tumtu’ a ni ngei ang. Lalpa hi nimin, vawiinah leh naktukah a danglam ve lo va, a ‘pangngai’ reng si a.

    Lalrintluangi pawh hi khawngaih chunga khawngaih leh chhawn rawngbawlna hna a chungah hian Lalpa’n pein, a petu hian a hmang ngei ang tih hi ka ringhlel lo a ni. Lalpa’n awmpuiin a kaihruai zel ang.
    H.Lianchhumi
    Salem, Lunglei

    Ni 44 chawngheina kan han tih hi kan fanu Lalrintluangi chawngheina a ni a. Hun engemaw chen Assam Sorkar hnuaia Medical Department-ah kan nu H.Zanghinglovi chuan hna a thawh hnuin Kamrup District chhunga Family Planning Centre pakhat Amrikhawa Family Planning Sub-Centre-ah thawkin Quarter a luah a. he Quarter a luah lai hian kan fanu pahnihna Lalrintluangi chu 14th July 1974 ah khan a lo piang a. Amrikhawa atang hian Gauhati emaw Barpeta Hospital emaw hi a hla lo va. Mahse, he Quarter ah hian kan nupa chauhin nau hi kan nei a, keima chhar a ni.

    Kum hnih hnuah Zoram lamah lo chhuak chhovin, kan khua S.Vanlaiphai-ah kan khawsa ta a. Kum 1989 khan kan chhungkuain Lungleiah kan pemthla ta a. Tunah hian Lungleia veng pakhat, Farm vengah kan inbengbel ta a ni.

    Kan fanu Lalrintluangi chu lo thang lian ve zelin Primary Zirtirtu hna a thawk ve a. Amah hi mi harh leh hrisel ve tak niin Sports lamah inhmangin a tui hle a. Volley Ball khelh nuam a ti hle a, tin, Athletics lamah Discuss Throw-ah kum 2003 khan Zoram Record siamin tunah hian ‘Record Holder’ a ni. Sorkar pawhin Athletics lamah chawikan tumin an vil tha em em a. Coach-te pein a training reng a, amah a tui bawk a, training a lak that phawt chuan Mizo tihmingthatute zinga mi nih ngei a inbeisei tlat a ni. Vaiho hi huphurhawm bik an nih lohzia a sawi uar hle thin.

    Kohhran lamah chuan Baptist Kohhran, Farm Vengah kan lawi a. Lalrintluangi hi Kohhranah a inhmang duh tlat lo va, inkhawm pawh a ngaihsak lo. Chhuanlam dawrawm te te siam hian Sunday-te hi a hmangral mai mai thin.

    “Ka Pa fa ka ni lo” : Lalrintluangi hi a han nulat zen zawn atangin a rilru lamah buaina a nei a, “Ka pa fa ka ni lo, keimahah hian hriatna ka nei tlat a ni. Damdawiin-ah fimkhur lo takin min thleng a ni ang” tiin a buai ta tlat mai a. Zobawk (Lunglei bul) khuaa thil hre thei an tihte pan a tum thin a, a Nu nen hian an sawi fo thin. A Nu hian thil awmdan hrilhfiahin, “Hospital-ah kan nei hlei nem che, Quarter-ah tumah pun buai lovin kan nei che a, I pa chhar i ni nghe nghe asin” tia a han hrilh pawhin a rinhlelhna hi a reh chuang lo. Kei ngei pawhin na deuh takin ka khak hman a ni.

    “Kraws ka thleng ta, Lalpa’n min thlentir” Lalrintluangi hi Chhandamna Camping leh Crusade-ah pawh a kal ve fo thin a, mahse, eng a ang thei chuang lo. Amaherawhchu, he mi, “Lalpa’n Kraws min thlentir” a tih hma lawk hian Piantharna pawh chang leh nei tawhin a inhria a. 2004, August thla laihawl velah “Lalpa’n Kraws min thlentir ta, a va ropui em!” tiin a nunah leh a hmelah lang thei khawpa hlimin a sawi ta bawrh bawrh mai a. He mi ‘Kraws thleng’ a tih hma pawh hian piantharna chang tawh leh nei tawha a inngaih avangin “Lalpa’n Kraws min thlentir ta’ a ti pawh hi chuti takin mak kan ti lem lo.

    Tichuan, heti hian a rawn sawi leh ta a, “Lalpa hi a hmanhmawh tawh a ni ang, Kraws min thlentirna a la rei lo teh lul nen, a rawngbawl turin min ko tlat mai. Amaherawhchu, chawngheina hmangin ‘Training’ min neihtir dawn a ni,” tiin. A pu (Saikhuma) ang bawkin, “Lalpa’n a ti” tih tawngkam a rawn hmang a ni ber.

    Keini, a nu leh pa-te chuan eng han sawipui leh tihtheih nei chuang lo vin thil kal dan chu kan thlir ta ringawt mai a. Tichuan, a sawi ang chiahin CHAWNGHEI chuan TRAINING chu 24th August 2004 atang chuan a tan ta a ni.

    Isaia 58:1-12 thu hi keini, a nu leh pate chu zir ngun tur leh heta thute hi ngaihtuah ngun turin min hrilh a. Tin, mihring mithmuha chawnghei a nih loh vangin leh Pathian mithmuh anih zawk vangin ‘Tuma hnena sawi lo turin’ min ti a. Tin, a nu pawh leave la tur leh kei pawh zinchhuak lo turin min duh a, chhun leh zanin min curfew a ni ber. Tin, amah pawhin ni eng zat nge chaw nghei tura hrilhtu hian a hriattir si loh avangin ni 30 Earned Leave dilna chu kan theh lut ta a.

    Chaw a nghei tan atanga ni 30 vel thleng chu in chhungah a la kal vel thei a, ni 33 atang chuan a khumbet tan ta a. Tuisik hi ni khatah a in tam hle a, riltamna hi ni khatah vawi 4/5 vel a lo kal thin a ti a, a ril a lo tam hian a thawh nat em avangin tawrhchhel a ngaih thu a sawi thin. “Sipai pawh, ral kap tlak ni tur chuan training an neih leh an training chu an pass chhuak ngei tur ang hian kei pawh Lalpa’n ei tura min tih hma chuan ka ei dawn lo, Lalpa hi a rinawm em’ a ti bur mai a.

    Ni 30 a pelh chhoh hnu hian a taksa chu a chhe tawh hle a, amah pawh a thim vek tawh a ni. A mit chuan khua a la hmu thei rih a, a beng pawh a la chhet lo. “Lalpa’n ka taksa hi a thlak danglam vek dawn a ni” a ti a. A zunkawng a lo buai tan ta a, zung hlei thei lo vin, darkar chanve dawn dawn zun nan hun hman a lo ngai ta a, zunin angin a awm a, na a ti em em a. “Lalpa’n a tuarna min hmuhtir a, ka tuarna hi chu engmah a ni lo, Lalpa ka lawm e,” a ti a. Chumi hnu lawkah chuan, “Lalpa’n ka zunkawng a siam tha ta e,” a ti a, na reng reng a sawi tawh lo, a pum nate, a awm nate pawh chu a tha chho ve leh ta zel a.

    Hun a lo kal zel a, a taksa dinhmun lo hniam zel han en chuan kei, pa ber pawh chu ka zam chhe der tawh a. Tuma hnenah sawi lo tura min ti chungin a ruk tein kan Kohhrana rawngbawltu Pu H.Saihmingthanga chu kan dinhmun leh thil awm dan ka hrilh ta a, a ni chuan Upa ZD Selthuama rawn hruaiin tawngtaina an rawn nei a. Ni 33 a thlen chuan kan tlang thang ta a. Kan Kohhran hotute Upa F.Sanglura, Upa Lalsanglura leh rawngbawltu K.Laldingliana te ka hrilh leh ta a. Tin, an ni’n Bialtu Pastor Rev.Rothuama hrilhin a ni chu a lo kal vat a, tawngtaina a rawn nei a. Rev.Rothuama hian Tahrik ni 41-na (Sunday)-ah kan Kohhran Upa leh Rawngbawltute zawng zawng khawmin kan inah tawngtaihona an rawn nei a, tin, Isaia 58-a Chawnghei thu zirhona min neihpui bawk a.

    Kan fanu Lalrintluangi chawnghei a han tlang than tak hnu hian Lunglei khaw chhunga mimal, pawl leh Kohhran hrang hrangte’n min tawngtaipui nasa hle a. Tin, tawngtaipui bakah sum leh pai thlengin tanpuina kan dawng a. Farm Veng Branch YMA atangin Chini kan dawng bawk a. Tin, kan in khatin, chhun zan zawmin Farm veng bakah veng hrang hrangin min awmpui reng bawk a, kan thla a muangin kan lawm em em a ni.

    Ni 40 a pelh hnu chuan a mitin khua a hmu lo tan ta a, a beng a ngawng bawk a. Tin, tuisik pawh a in tlem tawhin a in hlei thei tawh lo a ni ber. Vurtui khalte kan fawhtir a, a taksa hi hmuh tlak a awm tawh lo. A ‘aw’ erawh chu a danglam chuang lo va, hei hi mak kan ti khawp mai.

    Ni 43-na chu mualpho lo vin kan thleng leh thei ta a. Mahse, keima lamah chuan ka beidawng chauh ni lo vin, a la boral lo chu mak ka ti tlat tawh zawk a. Lo boral ta se tuar thiam turin ka rilru ka inbuatsaih ru fel diam a, ngaituahna a kal thui duh ngei mai! ‘Thihna’ lo tawk mah ila hriatthiam ka tum ang tiin inngaihtuah zui mah ila, thil ‘zahthlak’ a nihna tur chuan ka rilru a tibuai a, ka rilru a na em em a. A ruang chunga thusawi dan tur thlengin ka suangtuah tawh a. Mi tam takin, ama tawngkam ngei, “Lalpa min ngheitir” tih an hre tawh si a, kan mualphona thui turzia ka ngaihtuahin, kan zahna tur nen awm ngaihna pawh min ti hre lo. Chaw ei tura chhungkhatte leh keimahni ngei pawhin kan han nawr pawhin a tum lo bur a, “Lalpa hi a rinawm em” a ti mai si! Kan beidawng let der a ni.

    Ni 44-na zing khawvar chu mualpho lo chuan kan hmu leh ta chu a ni a. hemi tuk hian ka mangang tawngkhawngin Kan Kohhran Upa, Upa F.Lallura leh Rawngbawltu K.Laldingliana te chu tawngtaina min rawn neihsak turin ka sawm leh ta ngawt mai a, inthlahrun a na duh khawp mai. Tichuan, an rawn tawngtai leh a, Upa F.Lallura hnenah phei chuan ka beidawn hmiah tawh thu ka hrilh nghe nghe a ni.

    Mualpho chiah hmachhawn tawh turah inngaiin veng danga kan fanute pawh ka chahkhawm a, Chhun lamah nilengin in leng khat tlatin kan nei a. Amaherawhchu, vanneihthlak takin he Ni 44-na hi kan hmang tluan leh thei ta hlauh a. Tin, zan hun pawh chu mualpho lo vin kan thlengin kan hmachhawn leh ta a, in leng thahnem tak nen.

    Ei Tur A Rawn Lam Ta!

    Ni 44-na zan dar 8:00 pelh hret-ah chuan, a mutna pindan atangin choka lamah a thiante an rawn tlan lut a, “Balhla a lam” an rawn ti ta mai a. Kan pe vat a. Mahse, hemi hma, a chawnghei Ni 41-na (Sunday) zingah “Ka ei theih takin” tiin bawnghnute leh chhangthawp lo inring turin a nu a hrilh tawh a, mahse, a ei leh theih tak si loh avangin ‘Balhla pawh chu ei thei tak maw?’ tiin kan ngaihchang a. Vanneihthlak takin a ei ta ngei a, bawnghnute leh chhangthawp a rawn lam chhunzawm tih kan hre leh ta a. Keini nupa ‘Lawmna’ chu sawiin a siak lo!

    Tichuan, kan fanu chuan 24th August 2004 atangin 6th October 2004 thleng, Ni 44 chhung ama sawi danin ‘Lalpa’n chaw a ngheitir’ a nih chu.

    Kan fanu, Lalrintluangi hian a hma lam hun chu engtinnge a hman zel ang tih kan sawi thei hauh lo va. Amaherawhchu, he Ni 44 hun chhung hi amah leh keini a nu leh pa te, a unaute chuan kan theihnghilh thei tawh lo vang. A zahthlak zawnga lak phei chuan, chu a zahthlak zawkna chu kan hriatrengna tura min puitu tha tak a ni hlauh thung ang.

    …………………………………………………..

    He thu ziaktu hi Pu H.Dengthanga a ni a. Nl.Lalrintluangi Pa leh Pu Saikhuma a fapa a ni. Farm Veng, Lunglei-ah an cheng.

    Sawi tawh ang khan, Pu Saikhuma tunu Lalrintluangi’n 2004 kuma Ni 44 chhung chaw a nghei hnu-ah, a vawi hnihna atan 23rd May 2007 atanga 7th July 2007 thleng khan Ni 45 chhung chaw a nghei leh a ni.

    A chaw nghei vawi 2-na nghawng a vang hian tunah pawh a la kal thei lo va, a kutzungtang pawh a la hmang hlei thei lo. He a chawnghei vawi hnihna hi kum 2 chuang zet a ni ta, a nghawng hi a reiin a na hle a ni.

    [Report abuse]

  25. 25
    chawnghilh Says:
    September 22nd, 2009 at 11:51 pm

    @zo-pa : Rawn leih baw puat puat teh, zir chian a manhla dawn riau. Ka lo la hre ve ngai hauh lo va. Pastor Chhawna Inlàrna hi an sawi ka hre vuai vuai a, Political Party tinten rah dik an inchuh a, a thleng dik zaih le’m hlei lo va … tih thàwm awm fo nèn. Tùna i rawn exhibit hi —chìk ngun lehzual atân a tha viau e, chhandamna kori tu lam ni lo mah se, Zoram issue a ni tlat! —inthlahrung duh suh. Ka lo save keuh zèl teh phawt ang. A làwmawm hle thin e!

    [Report abuse]

  26. 26
    chawnghilh Says:
    September 22nd, 2009 at 11:56 pm

    Pu Saikhuma hi tùnhmâin Pu Lianbuanga Pachuau leh Pu Kaisânga te in inkârah, Chanmari Falkawn Lunglei-ah a awm tawh thin em? An pi hming pawh Pi Hmuii. That was —back in 1960s?

    [Report abuse]

  27. 27
    zo_pa Says:
    September 23rd, 2009 at 12:20 am

    @chawngchilh: Pu Saikhuma hi 1911 khan South Vanlaiphai-ah lo piangin, a pa chu Hrangsela, a nu Ngenthai a ni. Hauhulh hnam a ni a. nupui atan Challiani (Hranga Hrangchal fanu) a nei a, fa 8 an nei. Mipa 6 leh hmeichhe 2. Mipa 1 erawh hi chu a nausen lain a boral a, puitlin thlenga dam ta chu 7 an ni:

    1. Darkimi w/o V.Thangchema, Head Teacher P/S (Rtd.)
    2. Thankimi w/o C.Zadawla (L)
    3. Lt. Col. (Rtd) Sawiluaia
    4. H. Dengthanga
    5. Lallungmuana MA (Lecturer)
    6. Biakliana BA (Hons) B Ed. (H/S Teacher)
    7. Lalthantluanga BA (A naupang ber Lalthantluanga hi 1994 khan a boral a. Tunah [2005] hian midang zawngte erawh chu an la dam.)

    Kohhrana a dinhmun: Kohhranah chuan Baptist mi leh sa a ni. Rawngbawltu nihna a chelh a. Tin, Sunday School zirtirtu, Zaipawl Conductor nihna te a chelh thin. Zai ngaina mi a ni a, mize khat nei, atchilh bur zel mai mi a nih vangin Hla-ah te hian a hleihluak hian heng hlate hi a duh em em a ni: “Krista Thisen hlu Tak Chhuak Chu” … “Aw hmangaihna khawvel entu” … “Tuifinriat ang khawngaihna hi” tihte hi a duh em em a, “Dari pa hla” an ti fiamthu thin.

    Biak Ina thusawi (Sermon) leh tawngtaiah te hian tawpna chang a hre ta lo emaw tih tur hian a bei rei thei em em thin a. Kan han hrilh pawh hian a sawt thei chuang lo. Zoram chhim lamin ‘Tawnghriatloh’ a hmelhriat kum 1956 bawr vel khan kan khua S.Vanlaiphai atang hian lo dodal vein, ramhuai hnathawhah ngaiin Kohhrante’n do turin a fuih nasa hle thin a. Mahse, he hlimna hi a kal zel a, amah ber chu he hlimna hian man tain ‘Mihlim’ tawnghriatloh nei, Mihlim lam taima tak a lo ni ta zawk a ni.

    Khawsak thua a dinhmun: ‘Zopa khawsa thei’ tia han sawi tur a ni em em lo va. Pa taima tak, remhre em em lem lo, kut hnathawh tui em em mai a ni a. Leilet siamin ‘Pahmei kham’ hmun a nei a, huan pawh a tipuitling thawkhat bawk. Amah hi ‘Upper’ kha a ni ve a. Zirtirtu-ah pawh rei vak lo a tang ve a. Zirna hi a tuiin a ngaisang em em a, “Zirna hi Chanchin Tha dawttu” a ti tlat a ni. A fate tan zirna lamah rual a awhpui em em a, tuna an fate dinhmun theuh han en hian Pathian malsawmna pawh an dawng hle a ni. Amah hrechiangtu thenrual thate pawhin nupaa Pathian rawng an bawlna rahah ngaiin chutiang chuan an sawi thin.

    Inchhung khur a vawn dan: Chhung inkhawm hi a vawng tha em em a. Tawngtai hrim hrim hi a ringin a sam em em bawk a. Kan ranin no an han neihte hian a no leh a pui hi chelhkawpin lawmthu leh venhimna dil hian a tawngtai thin. Tin, kan unau kan han inbakkaih changte hian min thuttir a, “Lalpa, hei an kawchhungah ramhuai a awm a, a insualtir a, han hnawtchhuak teh” a ti mai a. Kan thin hi a rimin kei phei chu ka tap per pur thin. Chhungkaw thuvawn anga kan neih tur a sawite chu :

    1. Mahni aiin midangte tha zawka ruat tur.
    2. Mikhualte chunga that chhuah theihnghilh loh tur.
    3. Chaw ei dawnin lawmthu sawi ngei ngei tur.
    4. Kut tling lo va thil neih that loh zia.
    5. Chi tuh rah seng.

    Heng chang 5 te hi pa berin a sawi ngunin kan thuvawn atan, leh kan hriatreng tur atan a ni a. Keini a fate hian tunhnu hian kan tluk lohzia kan hre hnuhnawh a ni.

    A nuna danglamna lo awm ta chu: Thusawi leh tawngtai uar mi leh ngaina mi a ni a. Kum 1962 atang khan tawngtaina hi a bei ngawrh zual a. Lo vahnaah te, leilet hnathawhna ah te hian hnathawh lam ngaihtuah lovin chhunah te hian rei tak takte hi a tawngtai mial mial thin a. Kum 1962 chawhnu lam atang khan ‘ZORAM THUTHLUNG’ tiin Zoram hun tawng tur leh Zoram awm dan tur chungchang a sawi chhuak tan ta a. A nunah khan engemaw tak a awm tlat mai a, tawngtaina pawh a hmang ngawrh zual sauh va. 1963 a rawn inher chhuah pawh khan ‘Zoram Thuthlung’ a tih fo chu a buaipui tawh khawp mai. Kan khua leh a chheh vel chungchangte pawh a sawichhuak ta fo va. Hrilhlawkna angin a zual zel a, 1964 phei kha chuan inah hian a awm tlem em em tawh a ni. Kan khua leh a chhehvelah a vakchhuak reng a, a chet dan leh a awm danah pawh a buai tlat tawh niin a hriat a ni. 1964 leh 1965 hma lam hi chuan ‘a let der tawhah’ mi tam takin an ngai tawh a ni.

    Zoram awm dan tur leh hmelhmang tur a hrilhlawk bakah, ama chungchang thu ngei pawh a inpuang lawk a. Hetiangin,”Heng zawng zawng hi kei chuan ka hmu ve lo vang, Lalpa’n min thukru dawn a ni” tiin. A lo sawi lawk ang ngeiin kum 54 mi chauh niin, May Ni 18, 1965 khan a boral ta a ni. A thih hma lawk khan Serkawn Kristian Hospital-ah Dr. C. Silvera’n hun rei lote a enkawl hman nghe nghe a ni. Pa hrisel tak ni thin kha hun rei lote chhungin a awngrawp ta mai a ni.

    A thu puan lawk zawng zawngte thlen dikna hmasa ber chu ama chungah, a ‘Nunna’ chungah ngei bul a intan ta mai kha a mak hle a ni.

    [Report abuse]

  28. 28
    chawnghilh Says:
    September 23rd, 2009 at 12:45 am

    @zo-pa : A bengvàrthlàk ngei mai!

    “Krista Thisen hlu Tak Chhuak Chu” tih hla hi ka duh ve ngiang bawk a, ka thih huna min thlah liamtute an awm ve a nih ngai chuan —an sak atân ka thlang daih tawh asin! mahse, …

    Krista thisen hlu tak chhuak chu
    Ka tan a hlu ve ta …

    tia sa ziah ka ni thung! English-a a inziak ang hi ka pawm zàwk bawk a. “Ka tân a hlû a ni” tih ngawt ai hian, “Ka tân a hlu ve ta,” han tih ngei hi —chiang leh chèk thùk bìka hriatna làwmawm ka nei tlat!

    [Report abuse]

  29. 29
    zo_pa Says:
    September 23rd, 2009 at 12:46 am

    Mi thil chikmite chuan Pu Saikhuma Hrilhlawkna hi an ngai thutak tak zet a ni. Tin, Maj. ST Dula DC-Lunglei (Salvation Army) leh a thawhpuite phei chuan Dec.2006 ah khan Pu Saikhuma thlan hi tlawhin Hun Serh an lo hmang tawh nghe nghe a ni.

    Tin, kum engmawzat kal tawhah khan amah, Pu Saikhuma hi mimal taka hrelawk hauh si lo vin mi pakhat Manipur atangin a lo kal vang vang a, Pu Saikhuma thlanah flag phunin, rangkachak a rawn phum tawh bawk. Hemi chanchin hi ngaihnawm ve tak a ni. A thui deuha ka post lo mai ang e.

    @chawngchilh > thnx a lot! I sawi dik chiah, Mizoram issue a ni tlat! Chuvang a nia, “Zoram hnuk vei phakte tan” ka’n tih deuh kher. Pastor Chhawna Inlarna hi theih ang angin ka lo chingpawr ve hle tawh a, a ropui. Mahse, hriatthiam a har bakah, kan ti nawmnah lutuk ka ti mai, a zahawm tehlul nen kan ti zahawm lo zo tawh ni berin ka hria! Pawi tak a ni!

    Pu Saikhuma Hrilklawkna hi ‘ZORAM THUTHLUNG’ a ni. Hei tluka Hnam hnuk khawih thil hi awmin ka hre lo! A dik eeeemmm a ni ka ti tawp mai!

    Nia, misual-dot-commers ho hian zirchiang lehzual ila ka duh ngawt mai, serious takin. Hei hi ZORAMTHAR chungchang a ni tlat! Pathianin kan ram leh hnam hi min la chhuak ngei ang a, mahni ke-in kan la ding ngei ang tih hi ka ring tlat a ni. Mahse, mihring remruatna, chakna leh thiltihtheihna tel lol vin!

    Uluk takin han chhiar nawn leh teh, muang cherchawrhin. A nung tlat a ni!

    [Report abuse]

  30. 30
    chawnghilh Says:
    September 23rd, 2009 at 12:54 am

    @zo-pa : chawnghilh@gmail.com

    ChawngChilh ni lovin, i zungtang a phe chak hle mai. Ka e-mail-ah khian mi rawn ràwlrùk ve hlawm teh, a detail-a chhiar ka chak ta riau mai, a theiha rem i tih chuan!

    [Report abuse]

  31. 31
    zo_pa Says:
    September 23rd, 2009 at 1:09 am

    @chawnghilh : Soft copy ka rawn thawn ang che. Ka sawi ang khan Pu Saikhuma chhungte nen hian hmanni lawka inhre pawp kan ni a, Mahse, Pathian zarah kan in close ta khawp mai.

    Ka nun zawng zawng hi he ‘HUN THIM THUAH HNIHNA’ lo thleng tur leh a piaha ‘ZORAM KHAWVAR’ lo thleng tur atan ka leihbaw mek a ni.

    Lo chhiar la, kumin chhung hi chuan publish leh hman tura beisei a ni a. Tin, 1995 – 1998 chhunga he RAM LO THLENG TUR Pathianin min hriattir ve-te pawh ka telh bawk e.

    [Report abuse]

  32. 32
    chawnghilh Says:
    September 23rd, 2009 at 1:17 am

    @zo-pa : Thanks alot, a much million more than I do expect!

    [Report abuse]

  33. 33
    zo_pa Says:
    September 23rd, 2009 at 1:24 am

    @chawnghilh: yw, no probs.

    Ka duh ber chu he WARNING hi Mizo zawng zawng, chhungkaw tin hnena thlen kim tir hi a ni e. Saikhuma Hrilhlawkna hi Pathian atanga lo chhuak a ni tih hi 100%-in ka pawm thlap a. Tin, a HNAI TAWH tih hi ka hre tlat bawk a ni.

    [Report abuse]

  34. 34
    taia-pa Says:
    September 23rd, 2009 at 2:03 am

    Thildang khi chu thuhran nise”ISRAEL FATE CHUNGA ZOFATE MAWHPHURHNA’tiha

    1. Israel fate khu thlarau lama kaiharh tur leh tiharh turin Lalpa’n Zofate hi a ruat tlat a ni.

    2. Israel fate khuan Zofate hi an la thik em em dawn.

    3. “In pi leh pute’n an khenbeh tak Isua kha in nghah Messia chu a ni e” tiin Zofate hian Israel fate hnenah an la sawi dawn a ni.
    Tih lai khi chu ka va awih hran lo e awwww/Zakaria 16;16-ah’Tin, heti hi a lo ni ang a,jerusalem rawn dotu hnutchhiah a la awmte chu kum tin Bawkte kut hmang tur leh Lalber chibai buk turin an chho thin ang” tih leh bung 8;23 a a sawi”Sipai hote Lalpa chuan heti hian a ti ani; Chung niah te chuan heti hi a la ni ang,mi sawm,hnam tin tawn chi hrang hrang hmangte atangin an lo kal ang a,juda mi fenfualah vuanin an chelh tlat ang a,”i hnenah Pathian a awm tih kan hriat avangin i hnenah kan kal ve dawn e’an ti ang
    Ezekiel a ah hian chiang khawp mai Israel chu an sualna vangin a hrem ngei ,a hremna pawh a na ngiang mai.Mahse Ezekiela 39;8 atang hian engtinnge a tih.Heihi ani Messia tak tak lo lanna ni tur chu;”Ngai rawh u ,a lo thleng e,hlenin a awm ngei ang tih hi Lalpa Pathian thuchhuak chu a ni,hemi ni hi a ni ka lo sawi tawh kha.Israel khawpui chhunga cheng te an chhuah tur thu leh hriamhrei zawng zawng mei a an tuah tur thu a sawi a,kum sarih chhung lai lehnghal.
    helai bung hi lo chhiar thla zel mai teh u a hremzia leh a hruai chhuah leh dawn zia chiang takin a in ziak a,chang 25 ah’ chuvangin Lalpa Pathian chuan heti hian a ti,tunah chuan Jacoba awmdan ka let ang a,Israel chhungkaw pumpuiah zah ka ngai tawh ang,ka hming thianghlim chu ka humhalh tlat tawh ang> a ti nghe nghe.
    Chang 28 ah “hnamte zinga sal ka tantir leh an ram ngei a ka hruaikhawm leh ziaah hian kei hi Lalpa an Pathian tih an hria ang.Chutah chuan an zingah pakhat mah ka hnutchhiah lovang.an lakah ka hmel ka thup hek lovang,Israelte chungah ka thlarau ka hnutchhiah tawh si a.Tih hi Lalpa (Kristian te Pathian ni bawk) thuchhuak ani.Tiin in bible ah pawh a inziak kulh a ni.Heihi thilthleng tawh ni lovin lo la thleng tur a nih hmel.
    Ezeliel a tho bung 37;26 ah pawh Davida chu Israel lal a nih tur leh Jacoba thlah chung changte sawiin chan 27 ah “Ka bawkte pawh an hnenah a awm ang a,an Pathian ka ni ang a,an ni pawh ka mite an ni ang.Tin an zingah kumkhua atan ka biakbuk a din hun chuan Kei hi( ringlo mite Israel dotute)LALPA ISRAEL tithianghlimtu ka ni tih an hria ang.” tih a in ziak bawk hetiang in ziak hi Zawlnei bu zawng zawng ah chhiar peih chuan hmuh tur a tam mai. Heng hi thil lo la thleng tur a nih hmel

    [Report abuse]

  35. 35
    chawnghilh Says:
    September 23rd, 2009 at 2:12 am

    @taia-pa : Ka comment #10 khi thlèk chhin teh.

    [Report abuse]

  36. 36
    taia-pa Says:
    September 23rd, 2009 at 2:15 am

    Tin, Isai a bung 66;23 ah chuan Messia tak tak lo lan hun tur sawiin”Tin heti hi ani ang a,thlathar(Rosh Khodesh) a tanga thlathar dang thlengin,Chawlhni (Sabath) atanga Chawlhni dang thlengin Mi zawng zawng chibai mi buk turin an lo kal ang.”
    Zoram thik tih vel chu a lan hmel loh eee mai.

    [Report abuse]

  37. 37
    taia-pa Says:
    September 23rd, 2009 at 2:16 am

    Taka, Computer a Bible hi copy paste mai theih a awm lo maw aw…? a buaithlak riau mai.

    [Report abuse]

  38. 38
    taia-pa Says:
    September 23rd, 2009 at 2:19 am

    Chawnghilh khitiang comment khian an beng a verh ve lo e maw ni le?Eng pawh nise Juda sakhua hrim hrim huatna leh hnawl hnu duh tawh loh ang tawpa ngai hi an tam asin?Khitiang tal khi chu a ni tur a ni tih hi ka Kristian lai pawh a ka ngaihdan a ni.Tirhkoh Paula reng in a dahsang mai.

    [Report abuse]

  39. 39
    taia-pa Says:
    September 23rd, 2009 at 2:20 am

    Chawnghilh hmanni ka unaupa nen kan inbia chu a lo hre rap mai che.In inah pawh a lo leng tawh a ,i lehkhabu ngah zia leh English thiam zia a sawi bang thei lo.Kei pawhin ka rin chiah i lo niin ka hria “tha thang’ tih hi i tawngkam riau mai.

    [Report abuse]

  40. 40
    chawnghilh Says:
    September 23rd, 2009 at 2:29 am

    @taia-pa : Ka ni lo a nih dâwn chiang chu! Engkim ka zir chawp ve chauh! :) Tunge i unaupa chu —David L. Hmar em ni? I inang riauvin ka hria … Sihphir lam i ni hial em? or Lungdai Ek Tam Kawn! :(

    [Report abuse]

  41. 41
    zo_pa Says:
    September 23rd, 2009 at 2:35 am

    A sawi hun lai vel ngaihtuah ila, Mizote’n Israelte kan khawihharh ang tih aia pawm harsa zawk fe fe tur a thleng teuh tawh tlat! Chuvangin, Pathianin a hriattir a nih chuan finfiah hma loh chuan thutlukna ka siam ve ngam lo! Pathian Thu hi MAK tak a ni si a!

    Vawiin thlenga MESSIA la nghak Israel ho khuan an nghah Messia kha an hai chiang bel bawl em mai! An hnawl a, an duh loh kha an Messia ngei a ni tih hrechhuakin, zak tak chungin an la tap vawng vawng dawn a ni!

    Keiin Zion hnenah chuan, “En teh, anni saw en teh,” ka ti hmasa ang a; Jerusalem hnenah chuan chanchin tha rawn thlentu pakhat a pe ang. – Isaia 41:27

    “Pathian Ram chu in hnen ata laksak a ni ang a, a rah chhuah tur hnam hnenah pek a ni ang,’ tih ka hrilh a che u” – Mat.21:43

    [Report abuse]

  42. 42
    zo_pa Says:
    September 23rd, 2009 at 2:55 am

    Aigupta ram atanga thiltihtheihna nasa tak hmanga a hruaichhuah, a hringhrana a thiltih mak a hmuhtir reng chung pawha luhlul tlat reng, Pathian Fapa, Isua Krista Lal atana pawm duh lo hnam kha an ni hrim hrim a, khawih harh zawng an ngai khawp ang! A na rapthlak ngawt ang! “A sa a na, a sa a na” tih ang vel a ni!

    Zofate pawh kan dang chuang lo, Thununna Na tak hmanga khawih harh ngai tho! Hnam luhlul tak, dik tak chuan khawvela hnam pum anga sawi chuan, Zofate tluka Thlarau Thianghlim khawih harhna chang nasa hi an awm lo. (1906, 1913, 1919, 1935, 1984) Mahse, a suak maiin kan rah ringawt!

    Engpawhnise, LEI LEH VAN HI ISUA KRISTA CHU LALBER A NI tiin a hmaah an la kun dawn!

    [Report abuse]

  43. 43
    mzvision Says:
    September 23rd, 2009 at 7:33 am

    Ni 40 chuang trum 2 chawnghei hi pui ka ti em? Hei hian Chunglam thu a sawi treuh ngei ang. Lunglei kal hun chu zuk tlawh ve ngei tur anih hi.

    Darkimi w/o V.Thangchema, Head Teacher P/S (Rtd.)Famta te nupa hi an in ngeiah ka tlawh ve tawh. Pa Chema hi Baptist Upa Lunglei lama Pres dintu an Upa min thrin a ni.

    @zo_pa i thawh thra e ziak sei lamah chawnghilh i khum trep mahse a pawilo han thawh zel rawh misual class ti CK tu zing ami i ni e

    [Report abuse]

  44. 44
    XaiA Says:
    September 23rd, 2009 at 8:34 am

    taia-pa, Israel chung a Zofate mawh phurhna hlen chhuak tur chuan tun a Israel ram a awm mek te kha Lalpan a la hmang ngei dawn che u tih ka ring ve tlat,mak in la in ti viau mai thei a sin :!: Pathian thil rel dan hi kan hrethiam phak lo thin a ni.

    [Report abuse]

  45. 45
    H.Vangchhia Says:
    September 23rd, 2009 at 8:54 am

    Hairehai :D

    [Report abuse]

  46. 46
    zo_pa Says:
    September 23rd, 2009 at 12:24 pm

    @mzvision: Nia, ka khat liam bulh2 em mai a, HUN hi a hnai tawh si a, a tawi thei ngang lo a ni e, thnx. Lungleiah chuan va tlawh ve ngei la tha ka ti khawp mai.

    @XaiA: i rin dan hi hmaaaaaan atang tawha ka lo rin dan a ni. Khatia an pemthla ta te kha thiante’n an nuihzat lai te khan ka nuih a za ve ngai lo reng2. I sawi ang khan Pathian remruatna fel tak, mihringte hriatthiam piahlam thil a ang tlat. Mangneia … Josefa kalkawng leh a dinchhuah dan kha i ngaihtuah nawn leh ang u! Pathian thil rel dan zawng, a mak a, a mak zel dawn a nih hi!

    [Report abuse]

  47. 47
    Zozyal Says:
    October 3rd, 2009 at 1:40 pm

    Hey Zopa, Saikhuma inlarna report thar ka nei ve tlat! Nizanah kan In-ah Kohhran ho Home Crusade kan thleng a, kan chai nasa mai, amah lo hria kha an awm a, tin, kan Upa 1 pawhin a lo hre bawk a. Dar 9 — 9:30 pm a bang thin kha 12 dawn tepah kan tin thei tawk a ni. Home Crusade boruak a ti kang hle a ni.

    Mihring siam that nan khawdur a ngai a ni. Chuvangin, thim thuah hnih hi lo thleng ngei turah kan ngai. Tin, kan tunlai Mizorama thihna thlen nasat dan leh heti tak maia inawkhlum kan tam ta maite a rapthlak a ni. Kristian ni si hian Pathian hming kan ti chhe nasa hrim hrim a, chuvangin, thim thuah hnih chu lo thleng mawlh rawh se. kan harh theih nan.

    A lawmawm e, Zopa.

    [Report abuse]

  48. 48
    Zozyal Says:
    October 3rd, 2009 at 1:44 pm

    misual.com a mi hi kan lo copy & paste ang a, kan lo print chhuak ve tawp a nia. Piracy lam ni lo vin, a tuipui hote hian chhiar chian lehzual an duh nual hlawm a,a pawi lovang chu maw.

    [Report abuse]

  49. 49
    bawlhhlawh Says:
    October 3rd, 2009 at 1:51 pm

    @Zozyal = Zopa hi tunlai a reh khop mai. A lo lang tep ang chu. Saikhuma inlarna chu khatia in lo tih kha a poi ka ring lo. Zopa khan thahnem a ngaih em kha, Zoram mipuite hnenah, rawngbawlna ah ngaiin chhungkaw tin hriattir an duh niin a lang. chuvangin, ka lo hmuh ve dan chuan inthlahrun vak a ngai lovang, tin, pa tha tak a nih kha maw.

    [Report abuse]

  50. 50
    Zozyal Says:
    October 3rd, 2009 at 1:59 pm

    thnx, bawlhhlawh. Pu Saikhuma hi zawlnei der niin a lang lo, belhchian a dawl hmel riau va. A thupuan a thlen dik zel bakah, amah ngei pawh khan a sawilawk angin engmah a hmu ve ta lo chu a ni a, mak khawp mai! Salvation Army lam mi pawimawh Maj. Dr. ST Dula pawhin a buaipui viau kha.

    [Report abuse]

Leave a Reply

You must be logged in to post a comment.