ZONET Lamah Beat Contest

September 11th, 2009 7:49 pm by angry_youth

Micah Challenge, ZONET leh Active Sound tang kawp chuan Beat Contest an buatsaih dawn e an tih chu! Chanchin chiangkuang vak chu ka la hre lo nangin hetiang ang band tana in tihsiak hi a awm khat viau mai a, mimal (IDOL/ICON etc) hi chu a kham awm thawkhat ve ta deuhva, band ho intih siak erawh hi chu ka interest zawng a ni khawp mai.

Mahni hla pakhat Mizo tawnga phuah tur an ti lehnghal a, misual ho zingah hian Band nei, tel chak te in awm chuan ka support nghal dawn chiang che u.

A hrim hrimin soundtrack tih vel hi kan uar lutuk a, a ninawm mah mah. Tin, hla thu fahrah te te an rawn sa a, Celebrity an in ti nghal zel bawk si. Band, mahni ir awm chhuak ngeia music rem thiam, hla pawh phuah thiam te hi tam ila hmasawnna ropui tak ani ngei ang. Misual ho zingah pawh hian music lama talent nei tha deuh deuh KAN awmin ka ring tlat!

Ka hriat dan chuan ZONET office lamah application form lak chhuah tur a ni a, Sep 25 thleng a theh luh theih. Contest hi mid October vel atangin an tan dawn an ti a, prize money pawh a chhe lem lo an ti (a zat erawh ka hre chiang chuang lo). India ramah pawh Boomarang tih vel te pawh an lar tan tawh ania, anni aia tha tak tak hi an la awm ka ring tlat! Come on guys….han ti ve teh u!

13 Responses to “ZONET Lamah Beat Contest”

1
father_sphinx Says:
September 11th, 2009 at 10:21 pm
Go go Micah Challenge!!

Hei naktuk ah Micah Challenge programme kan nei dawn.

[Report abuse]
2
saberek_a Says:
September 11th, 2009 at 11:12 pm
A va tihchi, kan hunlai va ngaihawm ve…youtube lamah video rn upload char2 thei awm se nuam awm

[Report abuse]
3
chawnghilh Says:
September 12th, 2009 at 1:00 am
Organizing member-ah min dah ve ta se, ka va tangkai awm lo! Cable Network lam hian talent neite hmang hian sum chu an siam thiam khawpin ka hria … sorkâr department lam —Youth Activity hian an lo thlîr ve doh doh ang chu! Sorkâr-a hlawh la leh talent neite atanga sum peipun thiam mi ‘cial bÃ¬k riau VNT-a te ang hi an awm hranpa leh a ni ber e.

[Report abuse]
4
Xauz Says:
September 12th, 2009 at 9:45 am
Ti ve khanglang ila, tleirawl chhuah tirh in lak bawn lai a va ngaihawm ve, khang hun lai te kha chuan hetiang hi awm se chuan ka lar ve phian maithei asin, hriat miah loh.hahaha.jk

[Report abuse]
5
Body Bag Says:
September 12th, 2009 at 12:01 pm
@angry_youth
Ka tel chak!!!!

[Report abuse]
6
laysia Says:
September 12th, 2009 at 3:04 pm
Hla phuah hi chu ka talent ve zawng tak ani.. a bikin music compose vel..telve a va chakawm ve.

[Report abuse]
7
laysia Says:
September 12th, 2009 at 3:06 pm
ka band hmingah ROCK FROM HEAVEN ka phuah ang..pa dawn khawp mai..

[Report abuse]
8
funny Says:
September 12th, 2009 at 3:38 pm
zai lam sawi takah chuan, Zai hi ka thiam lehpek asin aw..

“bawngtuthlawh leh thirtiang in ro a rel dawn” tih hla ka’n sak phei chuan.. pui tak ani ee

[Report abuse]
9
hramtea_pa Says:
September 12th, 2009 at 8:33 pm
Aizawl ah hian beat contest hi a awm khat hle tak mai a! Tunhma80’s chho vel kha chuan a awm ve zauh zauh thin a, vawikhat chu Chaltlang Hall ah khian a awm a, ka han en ve ngei mai. Music Instruments te a la tha tawk lova, bass thum ring lutukin guitar ri a hliah khuh te, drums vuak laia cymbal lo dawk chhuak palh tih te kha a awm a, pui ve rem rem tak a ni.

Soundtrack music hi a ninawm kei pawhin ka ti a, live music hi a buaithlak nachungin tih hram hram theih nise chu ka ti ve khawp mai. India ram pawh hi music lama kan thanmawh bawk chu band music ang chi aiin bollywood film vela an hla a lar zawk zel hi niin ka hria. Shah Rukh Khan, Amitabh tih te vel US ah concert nei turin an kal tih te kan hria a, heng an film channa vela an hla ho kha lip sync in an rawn sa a, an rawn lam nghek nghek leh mai thin kha a ni awm si a, a ho mah mah chu a ni.

ZONET lam chuan ti hlawhtling se, band tam zawk pawh tel ngei se tiin duh thu ka han sam ve a ni e

[Report abuse]
10
shailendra Says:
September 12th, 2009 at 8:56 pm
beat contest hi a la happening em ni le…? hahaha..?

[Report abuse]
11
nghasih Says:
September 13th, 2009 at 7:19 pm
Beat contest sawi takah chuan Pu JBa te damlai angaihawm hle mai. Lunglei lamin kan chuanvawr Pu Murraya te han zailai te min ti hre chhuak a lawmle a lunglen thlak zawk dawn dawn in ka hria ka ti. Thangthar ho hi rimawiah hian an changkang ta hle mai. Maryland Mizo tlangval Victora (Pu Lalruanga vulmaawi fapa) hi tringtrang chu a thiam ve khawp mai

[Report abuse]
12
nghasih Says:
September 13th, 2009 at 7:25 pm
@ Funny“bawngtuthlawh leh thirtiang in ro a rel dawn” ha ha ha ha Chengkawlbial an hip ngailo Chengkawl tung an kher ngai lo tih te pawh i thiam hmel. Tin, ‘Rora on the road’ tih te pawh i sak duh hmel

[Report abuse]
13
da REaP3R Says:
October 19th, 2009 at 10:39 am
An tran toh a cable lamah an ti chhuak miah lo

[Report abuse]