Zoram Genesis leh mi(sual).com
1994 atanga Pathianin Zoram hmalam hun tur ‘vision’ min pek chu thu leh hla-in ka’n dah ve a, mi thenkhat tan chuan a ho viau mai thei a, ka tan erawh chuan hlu tak a ni a. Chu chu Zoram Genesis tiin ka vuah a ni.
Zoram Genesis sawifiah tur chuan hun a duh viau dawn a, a tawizawngin: Zoramah hian khua a la var ngei dawn a, chutih hunah chuan mahni kein kan ding tawh ang. Ram leh hnam ropui takah Pathianin Zofate hi min dinchhuahtir dawn a ni.
Amaherawchu, chu ram lo thleng tur chu simna nun tak zet nen lo chuan tuman kan luah dawn loh avang leh tihthianghlimna kal tlanga chu ram chu lo ding tur anih vangin Zoramah hian ‘HUN THIM CHHAH TAK’ a lo thleng hmasa phawt dawn a ni, chu chu Zoram silfaina/thenfaina a ni ang. Thenfai hnuah ‘Ram’ chu a lo ding dawn a ni. Heng chungchang thu hi 1998 khan hlain ka siam ve a, ZORAM GENESIS tiin ka vuah a ni. Mizo leh English in a awm ve khar a ni.
mi(sual).com duhawm takah hian tun hmain active member ni lo mah ila, ka tan a mikhual hran lo. Tun hnai khan mi(sual) hi kawmngeih ve duhna riau ka nei a, a chhan ber chu he Zoram Genesis — Pathian Thuthlung puandarhna turah hian engemaw ti taka tangkai dawn rinna leh beiseina ka neih vang a ni a. Khawvel ram hrang hranga kan Zo unaute fuankhawmna hmun tha tak a nih vang a ni ber ang chu.
Zoram hmabak chungchanga mawhphurhna ka neih chu midangte hnena ‘Inralrinna thu puandarh’ a ni a. Chu tak chu thian thar duhawm tak, mi(sual).com kaltlang hian Zoram chhung leh pawn lama awm, Zofate zawng zawng hnenah ka puang nghal ni teh se. Hun kan nei tlem, kum rei lo te-ah he ‘HUN THIM CHHAH TAK’ hi a lo thleng dawn a ni! Chuvangin, Pathian i hnaih ang u.
mi(sual).com ah hian kei, misual leh tling lo tak hi midangte tan far khat chauh pawh ka ni ve thei mahna tih rilru pu chungin, Pathian hminga lo tel ve ka ni a, mihring lamah chuan in tan tangkaina neih phak ka inbeisei vak lo va, amaherawhchu, mi(sual) tu pawh, puih ngai an awm a nih chuan theihtawp chhuah ka inhuam reng a ni.
Contact: zoram_genesis@yahoo.in
Tin, nizan atangin ngun takin ka ngaihtuah a, ka ID ‘zo_pa’ tih pawh hi ‘Zoram_Genesis’ tiin ka thlak ta tih ka rawn in-report bawk e. Tuna tang chuan ‘Zoram_Genesis’ hi ka rawn hmang tawh ang, chu chu mi(sual) ka nih chhan a ni si a.
“mi(sual).com Lalpa’n malsawm rawh se“
Similar Posts:
- Zoram politics ah I ram lo thleng rawh se!
- ATM a bo
- AW ZORAMMAWI, KA PIAN KA SEILENNA
- Kan hneh ngei dawn !
- Zoram Genesis tan (Zoram khawvar nghahna)
hairehai
October 21st, 2009 at 1:59 pm
@puii: Ni e, “thil te ber pawh a veng” tihte pawh kan sak kha kha maw le.
Tlai khawhnu, ’92 atang khan a tluk leh tlak fawmin, hun pum pawh pe hlei thei lovin, tling lo tak chungin misual min hmangaih tlatna chhan chu hriatchhuah tumin midangte hnungah Amah chu ka um ve lauh lauh reng a. Hmangaih tawp lo va min hmangaihtu hmangaihna chu chhan let tumna lamah, mi A tih hlawh pawh tawk zauh zauh mah ila, ka hriat lohzia leh ka hriat tlemzia hi ka hre dawn chauh a lo ni!
LALPA ah chuan te lua leh lian lua reng reng a awm lo. Ni, kan samzai nen lam pawh hian.
Amah ring tlattute chuan Pathian ropuizia leh thiltihtheihzia an hmu mai a, ring duh lotute chuan an hmu lo mai a ni. Amah ring tak taktute chuan ‘Ram’ hi an luah dawn a ni. Leilung a Ram lo thleng tur chu!
___________________________________________________________
***Zoram hian kutzungtang elha chhiar tham lek kum in nei ta!***
___________________________________________________________
– started from Mid-2008
[Report abuse]
October 22nd, 2009 at 1:27 am
A nih leh Pu Zoram_Genesis, khawvel ram eng timai ila, changkang ho hi Pathian in a tivar em ni? Entirnan Japan te hi Pathianin lo changkang rawh se a ti a a lo changkang ta mai em ni?
Pathian hian duhsak bik hnam anei, Bible a kan hmuh angin, Juda ho an ni. An ni pawh khawvel changkanna teh chuan engual an ni vak chuang lo e! Ramtihvar emaw tih changkan hi Pathian tum ani ber lo, Pathian tum chu mihringte vanram kal tir lam a ni. Khawvel changkanna lam hi Pathianin mihringte a duhsakna lam a ni lem lo e. Mihring tak a changkanna chu mihringte kutah hian a awm a ni. Chu chu kan mihrinna hian a thei bawk. Pathian rinna pawh hi kan mihrinna hian a tlin bawk, a ropui zia erawh kan hrethiam phak lo!!
[Report abuse]
October 22nd, 2009 at 10:00 am
@lrpa: A lawmawm hle mai. Khawngaihna avanga Pathian atanga ka dawn ve chungchangah zawhna min zawt hi ka lawm hle mai. Heti hian ka’n chhang ang e.
1. “A nih leh Pu Zoram_Genesis, khawvel ram eng timai ila, changkang ho hi Pathian in a tivar em ni? Entirnan Japan te hi Pathianin lo changkang rawh se a ti a a lo changkang ta mai em ni?”
ANS: Ni teh reng mai. Pathian thu lovin eng ram mah, tu ram mah hi an changkang thei lo. An changkan leh changkan loh thu hran, khawvela hnam awm reng reng hi AMA SIAM, ama kutchhuak an ni vek zawk a sin. “An awmna rite a khamsak a” tiin Bible-ah pawh kan hmuh kha. Ramri thleng pawh hian Pathian hi a inrawlh a sin! Mihring, ransa, thilsiam zawng zawng hi ama siam, a thu-a awm vek kan ni. Tuifinriat mawng kilkhawr, mithiamte’n an la fanchhuak phak loh va thil nung te ber, mifingte’n an awm a ni tih an la hmuhchhuah loh thleng hian Pathian thu-a awm vek an ni, an ei tur thlenga pe tu chu Pathian a ni. Engkima Pathian thuzia hrechiang turin JOBA kha i lo chhiar dawn nia.
………………………………………………….
2. “Pathian hian duhsak bik hnam anei, Bible a kan hmuh angin, Juda ho an ni. An ni pawh khawvel changkanna teh chuan engual an ni vak chuang lo e!”
ANS: Pathianin Judate a duhsak bik leh bik loh chu thu khat ni se, he hnam a thlan bikna chhan erawh hi chu ‘MAWHPHURHNA HLENCHHUAK’ turin a ni. Hnam dang chunga inlek turin a ni lo. An thlahtu Abrahmana, Isaaka leh Jakoba hnenah enge a sawi: “Nangmahah leh i thlahahte chuan khawvela hnam tin an la thawveng ang” a ti mai a ni. Chumi awmzia chu ‘Nang malsawmna ni ang che’ tihna a ni e. Tin, “Israelte khu eng ual an ni lo” i ti a, kei chuan an ropui ka tikhawp mai, Defence lamah te, Agriculture lamah te, Science, etc. lamah te hian khawvelah an zahpuiawm lo a sin.
…………………………………………………..
3. “Ramtihvar emaw tih changkan hi Pathian tum ani ber lo, Pathian tum chu mihringte vanram kal tir lam a ni. Khawvel changkanna lam hi Pathianin mihringte a duhsakna lam a ni lem lo e.”
ANS: NI TEH RENG MAI: Zoram mai a ni hlei nem, Khawvel pumah hian khua a la var dawn a sin! Chu chu PATHIAN CHATUAN THILTUM a ni zawk. “I RAM LO THLENG RAWH SE” tia dil turin LAL ISUA ngeiin min zirtir. Chumi awmzia Khawvelah hian Pathian LALRAM (Kingdom of GOD) a lo thleng dawn ani. Khawvel hi a tivar dawn, a tieng dawn. Vanram/Chatuan Lalram chauh hi Lal Isua khawvela a lo kal chhan a ni lo. Pathianin a duh taka a siam, Sualin a tihkhawloh tawh hi a din thar leh dawn a ni. Hetah hmun a tlem avangin Bible Qoutes a leng vek lo. LEI THAR leh Van thar chu Zoram leh Khawvela khawvar hun tur a ni.
“Khawvel changkanna lam hi Pathianin mihringte a duhsakna lam a ni lem lo e.” i tih hi i ngaituah chiang meuh maw: hemi chungchangah hian BIBLE hi vawi engzatnge i rawn tawh aw? Ngun takin Bible kha lo bih nawn leh teh, chu chu ka ngen che a ni.
A thuawihtute chu hnam zawng zawngah a mei lam ni lovin a lu lam a tiamte hi? Leilung malsawmna a tiam ngei ngei, a thuawih hnamte chu. Kan sawiseng lo, hetah.
…………………………………………………..
4. “Mihring tak a changkanna chu mihringte kutah hian a awm a ni. Chu chu kan mihrinna hian a thei bawk.”
ANS: I thei lo, ka thei lo bawk. Tuman an thei lo. Pathian tel lovin, Pathian thu lovin engmah kan ti thei lo. Lal Isua meuh pawhin a thei lo va, a sawi reng a ni. Kan theihna zawng zawng pawh hi amah atang vekin a ni.
…………………………………………………..
5. “Pathian rinna pawh hi kan mihrinna hian a tlin bawk,”
ANS: I sawi awmzia hi ka man hauh lo. Mahse, RINNA tak tak chu mihringa atanga chhuak thei a ni lo, Pathian thilpek a ni. Ama hnen atang dila, neih thei a ni bawk.
__________________________________________________________
ZORAM HIAN KUTZUNGTANG ELHA CHHIAR THAM LEK KUM IN NEI TA!
__________________________________________________________
– started from Mid-2008
[Report abuse]
October 22nd, 2009 at 10:51 am
Pathian hian duhsak bik eng hnam mah a neih hi ka ring hran lo a, Amah hnaih duhtute a piang hi a duhsakin ka ring.
Ram hmasawnna (development) leh changkanna pawh hi Pathian rin bik em vang emaw khawvar lo thleng tur lam aimahin, a chenga te taihmakna leh thawhrimna, rorelna dik hnuaia ro an rel vanga lo awm thei turah ka ngai.
Pathian hre lo leh ring lo ram changkang tak tak an awm a, India ramah ngei pawh keini Pathian hria intitute aia state changkang an ni deuh fur. (Tawng sual chu ka hlau) Zoram_G, khawvar hi lo thleng chawm mai turin i ngai deuh em ni? Khawvar hun lo thleng tur (concept) chungchang hi fim deuha ngaihtuah/ pawm a tul. Zirtirna thenkhat pawh ‘khawvar’ ti anga sawi theih ni chiah lo, mahse rin dan maksak tak tak te pawh a awm ve a nia.
[Report abuse]
October 22nd, 2009 at 11:03 am
@sillyBoy” Kei pawh chu chu ka rin dan a ni. Israelte pawh khu, khita ka sawi ang khian MAWHPHURHNA sang tak a pe ni maiah ka ngai. Amaherawhchu, koh bik, ruat bik, thlan bik erawh zawng a nei na meuh mai! Dik tak chuan ‘Vohbik’ han nihte pawh chu a awhawm hmel viau a, mahse, Mari nun kan en chuan rapthlak tak a ni. Vohbikte kawng hi zawng hrang hreih hreih tak a ni.
“Ram hmasawnna (development) leh changkanna pawh hi Pathian rin bik em vang emaw khawvar lo thleng tur lam aimahin, a chenga te taihmakna leh thawhrimna, rorelna dik hnuaia ro an rel vanga lo awm thei turah ka ngai.”
Hei pawh hi ngun taka ngaihtuah chuan chutianga tih theih bikna an neih chu Pathian atanga chhuak tho tho a ni. Pathian malsawmna lovin an thei bik lo. Bible-in enge a sawi: “A duh apiang a khawngaih a, a duh apiang a tih luhlul” a tih kha. Pathian chu thu em em a ni ringawt!
ZORAM KHAWVAR awmzia sawifiah a thain ka hria. Zoram Khawvar kan tih te, Zoramthar kan tih te hi awmze thuhmun a ni a. Zoram hun hmalam, mahni ke-a kan dinchhuah hun tur a ni ber.
Amaherawhchu, he ram lo ding tur hi mihring taka kalpui chi a ni lo. Pathian remruat zawk a ni. Mihring ban chakna rinchhan chi a ni lo va, mihring theihna hmachhuan chi a ni lo bawk. Tin, Party Politics atanga lo ding tur a ni lo.
A hmasa berah chuan Zoram hi Pathianah, Rinna leh Thlarauvah kan dingchhuak hmasa phawt dawn a ni. Lalpa’n min silfai ang a, min tithianghlim dawn a ni. Chanchin Tha hril darh tak tak tlak ni turin, leilunga a Laram din tlak ni turin Zofate hi tihthianghlimin kan awm dawn!
Zoram Khawvar tih hian tisa malsawmna ringawt a ni lo va, ram leh hnam hausa, changkang nih tumna ngawr ngawr a ni lo. Khawvel ropuina leh hmasawmnna nasa tak uma, chu thil chu neih ve ngei duhna leh tumna lam pawh a ni hek lo. Pathian-a kan dinchhuahna lam a ni zawk e. Pathian Thuawihna Nuna kan dinchhuah hunah chuan tisa lam malsawmna hian a zui chauh ang. eg: Ropeway, Oil & N.Gas, etc. Thu kan awih hma loh chuan a thuhru dawn, a thu kan awih hunah namen lo kan haichhuak ang.
“Tihnuam leh thuawih taka in awm chuan in rama thil thate hi in ei ang” a tih kha. “A ram leh a felna zawng hmasa zawk rawh u, tichuan …..” te pawh a tih kha.
Chuvangin, Keimahni lama Pathian Lalna leh Thuneihna ngaihven lo va Zoram Khawvar tur lo buaipui hian awmzia a nei reng reng lo. Kan nunah Lalna leh Thuneihna zawng zawng a chan phawt a ngai a, chutianga kan awm hunah chuan malsawmna ‘Zoram Khawvar’ chu a lo thleng tawh ang.
Chutichuan, Zoram Khawvar awmze dik tak chu: Lal Isua ringtute kan nihna dinhmun dik tak kan luah hi a ni. Pathian thuawih ram leh hnam kan nih hun chu Zoram Khawvar hun chu a ni e. Chu chu leilung malsawmna-in a zui ang.
“Pathian thuawih ram leh hnam kan nih hun a thleng thei tak tak ngut dawn em ni? Kan ti thei. Zawhna pawimawh tak a ni. A chhanna chu: Thei e, kan ni thei a, kan ni bawk ang. Amaherawhchu, tihnuam leh thuawih taka kan harh loh chuan, THIM CHHAH TAK kaltlangin min nih tir mai dawn a ni.
[Report abuse]
October 22nd, 2009 at 11:14 am
@sillyBoy Says: (Tawng sual chu ka hlau) Zoram_G, khawvar hi lo thleng chawm mai turin i ngai deuh em ni?
I fing khawp mai. Tawngsual hi a hlauhawm reng a ni. Pathian thu-ah phei chuan a hlauhawm lehzual. I fimkhur thiam hle mai. Mite’n thinlung leh thlarau zawng zawng nen, engkim kalsana amah zui chunga chawnghei/tlaivar tawngtaina nena Pathian nena an inpawl laia engmah ti si lo va mahni tisa lam ngaihdan lo rawlh chu a hlauhawm deuh mai thei.
Zoram khawvar chungchang hi dik tak chuan, tawng, thu-a inkawm a nih loh chuan a chhuta chhut chuan sawifiah a buaithlak khawpin ka hre thin.
ZORAM HIAN KUTZUNGTANG ELHA CHHIAR THAM LEK KUM IN NEI TA! tia fiah deuha min hriattir kha Mid 2008 a ni a, tum 3 ngawt min hrilh a ni. He thu hian enge awmzia a neih tih hi ngaihtuah tham tak a ni. Pathian Khawngaihnain kum engemaw chen min lo hruai tawhna Ram leh Hnam Thuthlung lam hawi a nih vangin keimahin ka lo dawnsan dan chuan:
1. THIM CHHAH intan hun kum 10 chhungah emaw,
2. Zoram khawvar hun hi kum 10 aiin a hla lo tihna emaw.
Khawi emaw zawk zawk khi ni ngei turah ka ngai.
[Report abuse]
October 22nd, 2009 at 11:17 am
Zoram_G, a lawmawm e.
[Report abuse]
October 23rd, 2009 at 11:43 pm
Daaaawwwwtttttt! :twisted:
[Report abuse]
October 24th, 2009 at 12:04 am
Helai chu in lo la chhunzawm zel ani maw, pu ZG
Kan thu kal tawh te han chhiar chhunzawm zel hian; hun lo la thleng tur, a hun ,kum te kan lam rik tak -ah chuan fimkhur angai ta deuh em aw ka ti !
ZORAM THAR hi lo thleng ta teh reng pawhnise, famkim tur a beisei tur ani lo ang. Thupuan a kan hmuh angin, Lal Isua hova kum sang helaia ro kan rel hun alo thlen hma chuan, he khawvel hi — eng hnam, ram pawh hi a famkim dawn lova. Chuchu Baibul min zirtir dan ani lo.
Pathian thu bikah chuan, eng vision pawh lo nei taila, Baibul zirtirna nen a inmil em tih hi kan chhui chhiang zel tur pawh ani ang. Kan vision nen a inmil Baibul chang lawr ngawt lovin.
[Report abuse]
October 24th, 2009 at 12:09 am
wonderboy Says: Daaaawwwwtttttt!
@wonderboy: i ngaihdan dan le! Kei hi, misual, sual tam tak khawih tawh, khawngaihna avanga thihna lak ata a chhanchhuah ve mai mai ka ni e.
Mahse, Pathian hian Daaaawwwwtttttt! chu min la hrilh ngai hauh lo. Daaaawwwwtttttt! anih leh nih loh chu kan la hre ngei ang chu!
[Report abuse]
October 24th, 2009 at 12:14 am
Hey Seki, va reh ve! i dam a mo?
Hmaichhana titi a va chakawm ve aw! He thuthlung hi zawng a ril si a, i sawi ang tak khian hun hnuhnung nena inhawlhzawm chho zel tur a ni e.
Ka ID atang hian ka blog ah lut ta la, ka la peih chiah lo nang a, chhiar tur chu a awm ve nual e.
I blog pawh kha ka duh khawp mai. A bik takin Chinese pa pakhat nen in cc i ziah khan rilru a khawih khawp mai!
[Report abuse]
October 24th, 2009 at 11:15 pm
Zoram_Genesis, i thudawn hi ziakin i thehdarh tawh reng reng em? misual.comah chauh em ni i la sawi chhuah?
Engtinnge he hrilhlawkna i dawn lo thleng turah hian hma i lak dan ?
[Report abuse]
October 25th, 2009 at 12:08 am
@Puii:
Ka thudawnte hi ziakin ka chhinchhiah a, mahse ka la thehdarh lo. 1998 erawh kha chuan hla-in ka siam ve bawk. Ziak hian thehdarh lo mah ila, a sawi lamah chuan ka sawi ve zauh zauh thin.
Aw, ziaka ka phochhuahna hmasa ber chu mi(sual).com hi a ni e. Tin, blog-ah ka dah nual bawk. Pu Saikhuma Hrilhlawkna nen a inan em avangin ka dah dun nghe nghe a ni. ( https://zoramgenesis.blogspot.com )
Tin, he Zoram Thuthlung (Zoram Khawvar Hun) min hriattir hi a chian em avangin ka ringhlel chhin eih ngai lo. Amaherawhchu, THIM CHHAH tak lo thleng hmasa tur erawh hi chu vawiin thlengin keimah bikah chuan eng ang nge ni dawn tih hriatna ka nei lo. Ka hnena a rawn sawi dan chuan “66 buai kha chu nepte a ni ang†tih chauh hi a ni a, a rapthlak hle turah ka ngai! Chutih rualin Pastor Chhawna, Pu Saikhuma leh Pu Chawngkhupa te meuh pawhin Pathian atanga hriattirna inang an dawn hi chu ka ring khawp mai, mimal takin dawng ve lo mah ila anni meuh sawi chu ringhlelh turah ka ngai lo.
Hun lo thleng tura hma lakna chungchangah chuan, tlem han inpuang deuh ila, keimah lam zawk hi min thiah ral hmasak phawta, min chinral raih a tum niin ka hria. Che thei lo leh zawi hnawk khawpin min siam mek a ni! Mahse, chu chu nakin lawka Zoram tan a ni ang tih chu rinna nungin ka ring.
Puii, Hmangaihtu Pathian hmaa Zoram bawhchhiatna, kan khawlohna hi a rapthlak lutuk tawh! Chu chu I ngaihtuah ve fo thinin ka ring. Zofate hi a hmantlak ngei ni turin nasa takin min buatsaih a, mahse, a suak maiin kan rah ta tlat a ni! Amah aia duh zawk, thlan zawk, ngaihhlut zawk kan va ngah em! Pathian thikthuchhia a ni si a! Chuvangin, Kan Pathian hian min hmangaih avangin min zilhhau dawn, min thunun dawn a ni. THIM CHHAH TAK hmang lo chuan thenfai leh tihthianghlim theih kan ni tawh lo!
Chuvangin, Pathian lam hawia, rinna lama lo inbuatsaih hi kan tih ngei ngei tur a ni. He HUN THIM CHHAH takah hian Pathiana rinna nghat tak takte chauh, Amaha nun tak tak neite chauh an him dawn tih hi LALPA hmingin, a ropui nan ka sawi duh a, chung mite chauh chuan RAM chu an luah dawn a ni!
Pawimawh i neih phawt chuan blog ah khan ka Contact Detail a awm vek e.
[Report abuse]
October 25th, 2009 at 12:26 am
awle, Zoram_Genesis, thanks i blog chu ka lo lut ange.
[Report abuse]
October 25th, 2009 at 12:29 am
@Puii. OK, Thnx.
Pathian malsawmna ka duhsak a che.
[Report abuse]