Zampuimanga hi pasaltha huaisen a nih rual hian a hun leh hmun thliar thiam leh fim taka chhia leh tha hriatna hmangthiam pasaltha ropui tak a ni.
A thlahtute hi Tiau chhak atanga lo chhuk thla an ni. An pem kual fe hnuah Tripura-a Zampui tlangah an awm ta a, heta an awm lai hian Zampuimanga hi piangin a hmingah pawh helai hmun hi a chawi zui ta a ni. (Mang tih hi ‘lal’ emaw, ‘hotu’ emaw tihna a ni) Hmun hrang hrangah an pem kual nasa hle a, kum 1825 vel khan Aizawl lal Lalsavunga an bel a. A hun lai hi Sailo lalten leido an neih loh lai a nih avangin ral hmaa a huaisenna sawi tur em em a awm lem lo niin a lang.
Zampuimanga hi a huaisen hle a, mahse at huai chi erawh a nilo tih a lanna kawng hnih chauh han tarlang ila.
1). Tualte Vanglai hun hian Zampuimanga hi a awm ve lai a ni. Tum khat chu sakei an zim a, hual chhung ami an va luhchilh chuan sakei chu a lo ang sen huam mai a, a thawah sar zama an hriat avangin tinsan an rawt ta a, Zampuimanga chu a haw a. Pasaltha dangte chuan a tel lova man theihna hunah ngaiin an bei zui zel thung a, mahse, pakhat a lo seh ta mai a.â€Kan vannei dawn lo a niang i haw mai ang u tia Zampuimangan a tih kha lo zawm ila chuan kan mualpho lo tur†an ti a, an inzawn haw ta a.
Zampuimanga chuan lo hmuin,†Kha, zangtawia teho chu in khin a va rit awm nelh nelh ve†a lo tih khum a.A tukah a ho hian an va bei leh a, Zampuimanga chuan sakei chu a sat huk tuar tuar a, midangin va puiin an ching hlum ta a ni.
2) A farnu Challiani Chawngtleng-ah a va fin laiin Sakei an zim leh a. A lo hmingthan deuh avangin dan chep lohin Zampuimanga chu luhchilh turin an beisei ngawt pek a. Ani lah chuan,â€Sakei chak zia leh hlauhawmzia in hre lo em ni? Engtin nge dan chep lohin keimah ngawta ka sah theih ang†ati a. Remruat ngaihna hre lovin an haw ta a. Thenkhat chuan ‘Zampuimanga pawh eng a lo nih loh hi’ an ti a. Mahse a zan leh lawkah an vawk sakeiin a rawn la a, tumah pun lovin amah chauh chuan meichher chhiin a um a, a chhuhsak leh mai a. Chumi hria chuan an fak leh viau lawi si.
Zampuimanga hian amah liau liauin sakei 9 a tihluma, midangte puihna nen 4 a tihlum bawk. A sakei thahte hi kawlhnam hmang ngata a tihhlum an ni tlangpuia, pasaltha huaisen tan lo chuan kawlhnam nen ringawt a sapui beih chu a huphurhawm khawp ang. Zampuimanga hi pa chak tawk tak chu a ni bawk reng reng e.
Similar Posts:
- Lianuma tlâwmngaihna
- THANG PART-II
- Darpawnga (Pawngvina)
- Pasaltha dik tak chu
- Tah hian hnam pasaltha chham ang a zal e!
November 29th, 2009 at 1:27 pm
1st. Hetiangin ka lo la hre ngai hlei nem, a bengvar thlak e.
[Report abuse]
November 29th, 2009 at 1:31 pm
@muantea, a ngaihnawm hle mai. A dang pawh han ti zeuh zeuh thin la a tha ang. Nangni zirtirtu ho hi in inchhiar zau deuh a lawm!
[Report abuse]
November 29th, 2009 at 1:34 pm
A bengvar thlak e,Pasaltha ho ah hian a hming chauh hi kan hre lar a,a chanchin hi kan lo hre tam vak lo a,a lawm awm hle mai.
[Report abuse]
November 29th, 2009 at 1:39 pm
Ala dam em?? hehehe
Tuikuk ho chu va zim tehse…. F/T
[Report abuse]
November 29th, 2009 at 1:40 pm
An hming chauh kan hriat tawh te chan chin i rawn tar leng leh a, lawmawm e. Bengvarthlak hle mai
[Report abuse]
November 29th, 2009 at 2:08 pm
Zampuimanga Chem hi Manipur ,Thingkangphai ah a thlahte inah hmuh turin ala om.
[Report abuse]
November 29th, 2009 at 2:19 pm
a hming tak kha chu Mang-a ania….mahse Sakei beih leh ral beih khan , hruaitu vesi kha…a zam tlat thin a, chuan ZAMPUI-MANGA an ti ta e…an tia lawm….
kei pawn ka awih miah lo !!! hihihi
[Report abuse]
November 29th, 2009 at 2:44 pm
muante, Neuva te, khuangchera atc. te ho kha han thawh belh zel teh a, hei aia kimchang deuh pawn han thaikawi la, a hlu em a sin.
hian a ram kalna ah Keite Note a rawn man hawng a, Aizawl Sahuan a dah turin Bawm ah a khung a, a fapa nen chuan buara chhunga khung turin min ti a, a lo kawlh nasa mai! keiin Tiang hmawr kak in a hrawk ah ka hawlh bet a, pakhat in Buara a lo buaipui a, ka han thlah leh chu a zawi ta hnak mai a!!
Sakei hi ka that ve tawh a (a len zawng chu thuhran :)) Kan threnawmpa
Pasalthra chu ni mah suh ila ka hmanrua ang hmanga sakei that sawi tur hi ka la hre meuhlo
[Report abuse]
November 29th, 2009 at 2:48 pm
@kook: Zampuimanga thlahte hi i sawi ang khan Thingkangphai, Churachandpur ah khian an la awm a, a tupa(ke chiang bik hauh lo)Pu.C.Lalmuana ani nghe nghe a, a pu hming chhal hian pu Lalmuana chuan Brick siam in, a brick hming atan pawh ZMB(Zampuimanga Brick) a ti nghe2 ani, tin Pu Lalmuana fapa hian an thlahtupa hming chawi in Zampuimanga tih hming a pu ve bawk.
[Report abuse]
November 29th, 2009 at 3:06 pm
ziak a ka chhiar pheichu anilaw.. tak tak anih leh nihloh pawh ka hrelo.. hihi
zampuimanga hian a naupan deuh lai ni ngei tur ani apa bulah kawlhnam a ngen a, apa chuan chhe deuh alo chher saka, zampuimanga thinrim chuan lungah a sat chhe veka, chuan apa hian tha deuh a chher sak ta ani.
Zampuimanga hian sakei zia rang a hre hle a, Sakei hliam beih zui chi leh chiloh tur tehi a hre hle, at huai vanga bei anih hmelloh.
vawikhat sakei hliam puk a awm an beih naah, Sakei a huk apiangin mi a rawn hliam chhuak zela, Zampuimanga an han puna, ani an lut ve chu, Sakei a huk apiangin zampuimanga a che anti thung.
Vawikhat chu miin Zampuimanga hian a kawlhnam hi a phawi hmasa zel alawm, a huai tak taklo aniang antih a hria a, Sakei an beih leh ah, a kawlhnam a phawi hmasa duh ta miahlo a, sakeiin a rawn bei hmasa ta ale.. a vanneih asiamin sakei kha hnimbukah a che buai ta hlauh maia, Zampuimanga’n muangchang a kawlhnam phawi in a tihlum ta. anti (mahse ka awih vaklo keipawn. hehe )
[Report abuse]
November 29th, 2009 at 3:11 pm
@Saitawk. i lo pasaltha rem rem hle mai a… chhuah hlau bawk si chuan hawlh nghek chu a awl ngei ang le !) !) i Sai-tawh, hlauh zia chanchin han sawi tel nghal la maw le…. NOI
[Report abuse]
November 29th, 2009 at 3:16 pm
@Saitawk, sakei nih loh kha…. Sanghar nih kha….. i supandi em mai… kal mai teh!!
[Report abuse]
November 29th, 2009 at 4:28 pm
Sahuana dah tur han hawlh hlum daih mai chu aw..! haha kan sahuan chuan ava chan nasa ve awwwww!
[Report abuse]
November 29th, 2009 at 5:50 pm
kan naupan deuh lai hian kan rual u deuh pathum pawh a pu thang en an zui a zamphu a lo awk a tleirawl pathum te chuan vuakhlum in chuhin an intlansiak vei a rin aiin a lo kawlh a a bul a thingtuai ah chuan an lawm khawm ta a lom mawle thingin a dawl si lo zamphu thangawk kawlh lam ah chuan a kur ta delh2 mai chu sang tak atrangin an zuangthla phak2 mai a lom an zui pa ber khan a thah sak ta a lom
[Report abuse]
November 29th, 2009 at 5:57 pm
SK hi hlauhawm tak a nia auh :lol:
[Report abuse]
November 29th, 2009 at 6:04 pm
Chuan Tiger chu Zampuimanga hian a lo bei a ni maw? A accident emaw ka lo ti a!
Jampui Tlang khu Jamatia-ho chenna a nih vanga Mizoten Jampui ti ta mai kan ni em?
Chanchin ngaihnawm tak leh vawnthat tlak a ni e. Athuai pasaltha kan chawi san em emte ai chuan ka ngaisang daih —pasalthate hi fuihpawrh hi kan lo nuam awm! :oops:
[Report abuse]
November 29th, 2009 at 6:18 pm
A chak em em ai ber pawh in sakei zia a hria a nih hmel. Mi chak ber tan pawh Sakei te chu thaah hnen chi a ni si lo va. A chak mai ni lovin a thluak a lo hmang thiam hle a nih ber chu. A finna phen a a chakna an lo ngaisang zawk a nih hmel, kan pi leh pu te hian
[Report abuse]
November 29th, 2009 at 6:31 pm
Zampuimanga hi hmeithai fapa a ni em kha? a nih loh chuan min han correct ula. Hmeithai fa a nih vang hian a tleirawl chhuah leh tlangval hnu ah pawh an hmusit deuh thin a, sakei a thah hmasak ber pawh khan a va huaisen e ti lovin “hmeithai (hmeithai tih lai hi an sawi dan tawngkam tak ka hre talo) fapa in zing zu a rui e” an tih san mai a. A hnu a sakei an hual leh na ah Zampuimanga chuan “Hmeithai fapa in zing zu a rui in ti maw! Hmeithai fapa in zing zu a rui leh dawn e” a ti a, sakei chu a luh chilh a, a sak huk leh tuar2 a, a sat hlum leh ta mai a, ta tang chuan tuman a deusawh zawng in an tawng khum ngam ta lo an ti.
[Report abuse]
November 29th, 2009 at 6:41 pm
Mizo thawnthu han chhiar hian kan pi leh pute kha hmeithai leh mi hnuaihnung zawkte hmuhsit ching tak an nih duh hmel.
[Report abuse]
November 29th, 2009 at 7:30 pm
muantea, Mizo pasaltha ah fuih lova huai, at huai ni si lova huai hi an tam vak lo em, an awm pawn an awm tlem fu lovang maw?!! A chanchin engemaw ti zawng takin a tunlai riau. A ngaihtuahna hmandan hi a Hrenpereng kaih thluak lo riau a ni, a chhuanawm khawp mai.
Zawhna: Zampuimanga hi Paite a ni thei mai em?
[Report abuse]
November 29th, 2009 at 9:52 pm
HV,Paite anih leh nih loh ka chiang hauh lo mai. Mi huaisen,chak leh fing anih avang hian ka ngaisang. Pasaltha thenkhat ‘..Thiante sakeiin a seh laia seh loh bik nih chu..’tia chempui nena bawh ringawtte, Zawlbuk tlung zawh chhuah hnua vawikhat la pen leh hramte,Pawi ho silaiin kah hlum theih in rin lohte hi athuai an ni.
[Report abuse]
November 29th, 2009 at 9:58 pm
Zampuimanga kawlhnam hi a thlah kal zel Pu Lalmuana Kawnpui,Churachanpur in tunah hian a kawl. Pasaltha dangte pawh kan la sawi zel ang chu.Mahse ngaihsan zawng riau hi ka nei pek a.
[Report abuse]
November 29th, 2009 at 11:28 pm
mi sawi ka hriat dan chuan Zampuimanga hi Chhakchhuak hnam an ti, anih poh ani mahna Chhakchuak pasaltha Chawngbawla poh ha a at huai lo khawp mai.
[Report abuse]
November 30th, 2009 at 12:45 am
Zampuimanga hi Mizo Hnam ani Chi-peng ah erawh Chhakchhuak ti ila a tawk viau. Pasalthra huaisen ani bawk
[Report abuse]
November 30th, 2009 at 12:52 am
muante, a hming hi “Mang” a nih vang hiana nia kan rin chhin mai mai, ka hriat loh vang a ni e. Han ziak zel teh khai, ngaihnawm ka ti thei khawp mai hetiang lam hi chu.
Paite hi Mizo an ni ania, Lusei erawh an nilo a ni mai. Paite, Lai(Pawi), Ralte etc sawi hian kan ngai Mizo lo deuh dawn fo thinin kala hria, a nih ngai chuan a fuhlo khawp ang.
[Report abuse]