Krismas dawn hian Krismas urlawkna atan emaw, Krismas hmang ho thei lo turten emaw Krismas pualin hun kan hmang thin a, hei hi Advent Christmas tih tur nge Advance Christmas tih tur tih hi inhnial theih tak a ni a, rin thu ang rengin ngaihdan kan sawi ve teh ang.
Advent Christmas: Advent tih chu Latin tawng adventus tih atanga lak niin ‘lo thleng tur’ tihna a ni a. Lal Isua lo kal hmasak emaw, lo kal lehna tur sawina atana hman thin a ni a. ‘Advent Christmas’ tih a nih chuan Kristian Calendar huang chhunga hun then pakhat a ni a.
Kristian Calendar chu kum khat chhunga Pathian thu kohhranin a kalpui dan kaihhruaina tiin a sawi theih ang a. He calendar hi Advent Christmas-ah hian in tanin Krismas hma chawlhni vawi li huam chhung hi a ni. Kristian Calendar-a then hmasa lamah hian Pathianin kan tana a hnathawh lam thlur niin, Pentecost Pathianni hnu deuh atang chuan Kristian ten Pathian hminga kan tih ve tur lam thlur bing a ni thung.
Hetiang hian Kohhran hlun deuh chu mumal nei taka kalin sermon pawh a hunbi-ah vek an sawi thin. Chutichuan ‘Advent Christmas’ chu Kristian calendar-a hun then pakhat, Isua pianna lam hawi hlira Pathian thu ngaihtuah hun a ni. Kan ramah chuan Kristian Calendar mumal taka zui thin Roman Catholic hian an sawi chiang thiam ber ang.
Advance Christmas: Advance tih chu ‘hma lam pan, hmasawn, a hun hmaa thil thleng’ tihna a ni a; a kawh dangte chu kan sawi tum nen chuan a inkungkaih lem lo. A hma lama sawi tawh ang khan, zirna hmunah emaw, a bikin hostel-ah te hlim taka cheng ho, Krismas hmanho remchang si lo ten Krismas puala Krismas hmaa an hun hman hming atana ‘Advance Christmas’ hi an vuah a nih a rinawm. Saptawng mah ni sela sap ho chuan ‘Advance Christmas’ an hre kher lo mai thei.
Hetianga sap ho hman dan pawh ni lova saptawng hmang ve tuten saptawng an phuahchawp hi tam tak sawi tur a awm. (Advance Christmas hi sap ramah an lo hmang ve mial a nih chuan thil hre zau zawk ten rawn sawi se).
‘Advance Christmas’ tih hi saptawng dik a ni kher lo thei a, a hnial duh tan hnial a nuam thei viau ang. Tin, Advent Christmas tih chu hun bi then pakhat hming a ni a, kan hman thin dan hi chu a kawk lo; hman ve hram hian Kristian Calendar tawngkam pawh a tichichawm thei ang.
Chuvangin a dik zawk zawn hi inhnialna chawkchhuaktu mai a ni thei a; ‘Krismas Urlawkna,’ ‘khualrual (mikhual theuh inlungrualte) Krismas’ te pawh ti ila, kan lungrual zaw phianin a rinawm.
Similar Posts:
- Advent Christmas- Advance Christmas ni lo
- Advent Christmas
- ZNUAE Winter Meet/ Advance 2010
- New year in Iran and Afghanistan
- Chaw duh vanga Kristiante leh Krismas
hairehai
December 23rd, 2009 at 6:12 am
Ka’n advance ve lawk. Nakinah ka rawn advent leh ang!
Advance New Year ka support ta ber zawk e, thlen hman loh a hlauhawm, ADVANCE New Year of 2010!
[Report abuse]
December 23rd, 2009 at 6:59 am
Sapho chuan Advent Christmas chu an nei ngei. “Krismas hma chawlhni vawi li huam chhung hi a ni,” i tih ang hi ni maiin ka hria a. Advent wreath te pawh an neih hi.
Mahse, keini chuan Advance(d) Christmas kan nei a ni ve leh mai!
Mi tawng a ni ta sa sa, kan sawi tum mi’n an hriatthiam chuan tawk deuh mai lo’m ni?
Finance lamah chuan ‘Christmas Tree’ te hi options trading strategy chi khat sawina a ni daih!
[Report abuse]
December 23rd, 2009 at 9:09 am
Advance XMas hi Shillong-a zirlai te’n hei Mas kan mhangho dawn si lova hawh u advance deuhin i hmang ho ang tia an rawt chhuah kan chin zui zel niin mi(sual) chikmi te’n an sawi tawh kha mawle. A link erawh ka dah lo mai ang.
Chindan thra deuh ani, kan office pawhin kan hmang ve ziah.
[Report abuse]
December 23rd, 2009 at 9:24 am
Christmas inbuatsaih lawkna leh thenrual tha hmun danga inhman bosan mai turte nena hlim taka inpawlkhawmna hun kha a ni ve mai a. A hmingahte chuan Pre-Christmas te pawh lo ti ila a pawi lem chuang dawn emaw ni te ka ti mai mai. Ka duh dan ber chuan “Krismas Urlawkna” tihah hian lungrual thei ila tha ka ti ber.
[Report abuse]
December 23rd, 2009 at 9:53 am
Advance tih hi a diklo ti a trangkawh tlat te hian thil hre bik nih an châk duh hmel te ka ti vel mai2. Advent krismas chu ka la hmang ve ngai miah lo. Advance krismas tih hi saptawng dik a nih loh chuan Mizo trawng dik kan tih chu a rinawm loh khop mai. Engpawhnise, a dik full lo anih pon a dik theih dan chu a awm ve tho. Advent or advance, hlim hle ila a nuam mai.
[Report abuse]
December 23rd, 2009 at 11:20 am
Kolkatta a Zirlai ho khan Advent Xmas kan hmang thin a… a hnu khan Advanced X mas kan ti fo a..hmun hrang hrangah hian Advanced Xmas kan ti ta vek mai bok.
Hindu Newspaper a ka chhiarah chuan Advent tih hi a dik a, Advanced Xmas tih hi a awm lo tih hmanah ka chhiar tawh.
[Report abuse]
December 23rd, 2009 at 12:12 pm
Christmas party ti ve mai ula, sapramah pawh kar hmasa khan krismas party kan nei daih tawh.
[Report abuse]
December 23rd, 2009 at 12:28 pm
A dik ve ve mai a :lol:
[Report abuse]
December 23rd, 2009 at 12:42 pm
Ka pingpei bo hlanin thawhlawm lah chu in lo tifel ta vek si a. A dam han hauh ila, nakum lamah chuan a hunah ka rawn thawh ve hman tawh ang chu
MERRY CHRISTMAS!
[Report abuse]
December 23rd, 2009 at 2:03 pm
nuam taka hman a tha ber my lom mi,, mi inhnial tir kher lo hian.hahahaiii
[Report abuse]
December 23rd, 2009 at 3:07 pm
@Teatak2 : Advent Christmas chungchang hre em emten Advance Christmas chanchin pawh hi hriat an duh ve a nih chuan Shillong Mizo Zirlaite tihchhuah ve liau liau, Advent Christmas nena a kalphung danglam hret a ni e, tih mai a tawk. Advent Christmas tantuten kan hriat chin kan sawi chiang ve a, Shillong student ni lo hi kan tam a …Advent Christmas hre mang bar lo hian kan ngaihfin vel ang tih pawh a hlauhawm a … Advent Christmas baka Advance/Advanced Christmas Zofa thenkatten hmanni lawk atanga kan lo piantir ve tak siah chuan—intihre ber nihna lam ni lovin—hre kawp tha hle hle tawh mai ila maw le!
Advance Christmas is TUALCHHER! Made in Shillong, carried over to Mizoram Christendom!
[Report abuse]
December 23rd, 2009 at 4:24 pm
Advent Christmas is the right one.
[Report abuse]
December 24th, 2009 at 8:16 am
Mizoramah hian a dik zawk emaw dik lo emaw, advent ai chuan advance krismas hmang hi kan tam zawk ka ring ve tlat. Mihring nunah hian dik zawk nia inhriat tlatna hi kan sahuat 1 ve niin ka ngai ta deuh. Advance krismas hi kan la hman chhunzawm ve zel tho chu ka ring. Lu thrin ten sam kan met nen hian a inang viauin ka hria.
[Report abuse]
December 24th, 2009 at 8:19 am
Lu met thrin ten tih turah met tih ka lo ziak hmaih palh.
[Report abuse]
December 24th, 2009 at 8:25 am
Advent Christmas hmangten Christmas thlen hma Sunday vawi 4 hmang hman se, Advance Christmas hmang inti veten TUALCHHER takin an duh duh ni hmang se, a tawk fel hmak!
Kan sawi fel hmaa chiang vek, bih chiang duh tana hriatthiam theih vek a ni. Sawi buai ngai lovin kan thil phuahchawp belh hnem lutuk tawh hian min tibuai a nih ber hi! Hmang lo ve ve tan lah pawi bawk hek lo, kei atan phei chuan tul lo bawn tawp! A pian lam ai chuan a lokal leh lam ngaichang ka ni FULL TOP zawk!
A pian hi repeat a ni dawn lo, a thih pawh repeat a ni dawn lo … a lokal lehna chiah, mitthi thawhlehna nena inkhuangrual tur hi ka nghakhlel ber tawh zawk.
Lal Isua khan a thih hriatrengna “Lalpa Zanriah” ruatin min hnutchhiah a, a pian hriat rengna engmah min hnutchhiah lo thung! A lokal lehna erawh INRING RENG turin min fuih! Chu aia phuahchawp belh thil i duh a nih chuan i tal talin tal mai rawh!
TUALCHHER, saptawnga hming phuah ve khanglang hian a tibuai deuh che u a ang —ADVENT CHRISTMAS tih hi zir chiang hmasa phawt ula, tualchher hi in hre chiang mai dawn nia! A issue a nep tham tawh em mai!
[Report abuse]
December 24th, 2009 at 8:30 am
Crank Shaft pawh crane shaff kan ti a, a chhiat in kan siam tha dik ve thlap tho e, midang tawng lak sek hi a ninawm, Mizo tawng hian neih ve a tha mai. Mega computer city lam hmeichhe hoin thil hming phuah thar an chak hmel bawk a an ni tawngkam thiamah han phuah chhuak hlawm sela mawle, thil hming awmsa tih danglam tum ai chuan
tra la la la la NOI
[Report abuse]
August 28th, 2010 at 4:01 am
A khai a! He thu hi ka post hual a sin mawle..
[Report abuse]
August 28th, 2010 at 4:05 am
@Pu Chawnghilh: Advance a ni tawh lo!!! 2010 a ni tawh.
[Report abuse]
August 28th, 2010 at 4:05 am
#15 Pu Chawnghilh comment chu a va ngaihnawm pap2 ve le.
[Report abuse]