Ni 24 zan te kha chuan lengkhawm peih lo ho chu mahni lungsik na mual mual ah kan tla darh ang a, kan thiam ang angin sap lamin kan lam trat trat hlawm ang chu, ei leh in pawh a in ang lo khawp ang le. Hetiang zanah hian a nei fa chuan sang tam tak ei leh inah kan hmang ral thrin a, a thente chuan kurtai leh chhangban kan kan tlaivar pui ve tho a, hlim tak chuan kan hmang theuh ngei ang le (a bikin misual ho hian, reh ta vang vang ho hian an hmang nuam lehzual bik angem?).
Aizawl ah chuan Kohhran lian deuh ho chuan Ni 25, Krismas ni hian ruai an threh lo deuh vek a, kohhran tenau deuh in an threh tlangpui(NOI). N1 24 zana duh tawka han men a, Krismas nia ruai buatsaih hi chu a hrehawm deuh ve reng reng a. Ram pum ngaihtuahin ni 26 a ruai threh kan tam ka ring zawk mah.
Mizoten Krismas leh Kum thar nia ruai kan threh thrin hi kan hnam ro hlu berte zinga mi a niin ka hre thrin. Kan neih leh theih ang ang kan thawh khawm a, a rethei leh hausa, a lian a tein ruai pakhat lungrual takin kan kil tlang a, tumah inhuphurh lovin, a thawh tamin ka thawh tam a sa tha ka duh kan ti lo va, a thawh tlem tan a inthlahrun awm miah lo a, a nuam thrin mange, naupang leh kum upa lamin duhsakna an dawn deuh pawhin tuman kan thik ngai lo, rin aia ruai threh tam vanga kil hnuhnung deuhin a sa nawi deuh an chan pawhin lungawi loh an tum chuang lo. Aizawlah hian ruai threh tih tawp tumna lam chi hi intih changkan nan kan hmang lo a, veng lian hausa te a uar uarah an trang a, a lawmawm tak zet a ni.
Krismas leh Kum Thar ruai khawtlangin kan kil theih loh hun hi a la thleng mai ang tih hi ka hlau thrin, chutih hunah chuan Mizo society hi a chhe nasa hle tawh tihnaah kei chuan ka ngai hmiah ang. Ruai buatsaih nireng chung si a damlohna vang leh harsatna bik neih vang pawh ni lo a ruai theh ngaihsan lohna rilru nena threh ve ngai mang lo kan awm a nih chuan inngaihtuah chian a tha hle ang. Inneih ni leh hun dang hi chu sawm bikte tan chauh a ni, Krismas leh kum thar ruai hi chu kan zavai atan a ni e.
Similar Posts:
- Kan khuaa krismas
- Zo Chhangban
- Krismas ruai
- Veng pakhatah chuan…
- Krismas leh kumthar vuakvet hlimthla…
December 27th, 2009 at 4:20 am
Kristmas ruai leh Mizo society zawngin maw? Thlir dan mak ve tak anih hi! Hun hian enge a rawn thlen zel ang zawng kan hre hauh lo. Mahse Kristmas ruai theh loh avanga a kan society kan that phah emaw chhiatphahna chhan tur reng kei mimawl thluak mai hian a chhut chhuak zo lo e. Isua hrereng chungin tui no khat pawh in ila engemaw dang chuang ang le te kati mai mai a!Ha!
[Report abuse]
December 27th, 2009 at 5:24 am
Keipawh Masi ruai hi kan hnam rohlu zinga tel a ni in ka hria.
Ruaitheh leh theh loh vanga kan society thatna leh chhiat phahna lam ai mah in masi ruai pawh buatsaih ngam awmlo khawp a kan in unau dial dialna hi a chhiat hun ah chuan i tihna lam ni in ka hria a, i ngaihdan hi ka tawmpui khawp mai che
[Report abuse]
December 27th, 2009 at 7:03 am
Ruai chu ei fo tur, MLA tlin ruai te, Pass lawmna ruai te, Lo zawh ruai te, RUAI THEH hrim hrim hi a nuam. Sa renchem phei chuan an buhchiar mai thin a, chaw kilho zingah kut thing vat vat a, “a sa a sa…” tia rak hlut pawh an awm ve zauh thin; ‘sa dap’ tia sawi an hlawh. Buhchiar sa tak hnuaiah sa a awm beiseiin an lo pir risk thuk ve deuh thin a ni.
Ka la hriat reng thin chu, Pi Thauvi (Sangpari nu), Lunglei Channmari-a miin kum 1966 khan Pathian chawimawina ruai a buatsaih hluai mai a, eibar a harsat vei nen! Fatuten tihdan an thiam riau mai a. Chaw chu hluiah an chhung ve vek, a laiah sa chhung ta lovin, sa tulah hrang ruk den den vekin ruai thehtute hnenah an sem ta a. Hrang khatin an puar em em thei vek. Hrang 5 kha in lamah an hawn thei deuh vek nia!
Chaw hluia sa kan chhun luh hian ren chintawk kan hre lo va; mahni chanvo han hum far mai hi chuan in lama hawn turah kan rilru kan lo dah hle mai a lo ni, kan puar em em tho si!
A chek tui, a kawchhung tuihnai leh a thi-thun Upa lamho han voh bikte hi Ruaitheh manner & etiquette mawi tak, Mizoten kan neih bik niin ka hria. Naupang hluia chhawp tur pawh fatuten an hre khawp. Thalai-ho hluia a ruhkawl, thling tam tawk han chhawp te pawh hi a mawi ve hranpa a sin! Fatu pual, hnah la pual … fatu thangten an hai lo khawp mai! “A kham hmasa sa, a ruhkawla invawmah,” han intih kha kha te pawh hi a nuam ve hranpa riau a nia!
Ruaithehnaa mahni hma zawn diak tawka chawm hi bula miten an ngaithei lo duh chawk, tin, mi hmaa chaw va huisak duak duak hrat an awm palh thin. Nuam viau mah se, thiante zinga zepui thawh lutuk loh hi a tha, puar taka ei tlan theihna hi dap a pawimawh ber e.
Hausate zarah retheiten ruai theha puar el euhva an han kilte hi a hmuhnawm asin!
[Report abuse]
December 27th, 2009 at 7:13 am
A tlangkawmna ‘Krismas leh kum thar ruai hi chu kan zavai atan a ni e.’ tih hi a dik hlel deuh em aw! Krismas leh Kumthar thawhlawm hi kan intuk tawh a. Veng thenkhatah chuan puitling 1 ah chuti zak, naupang 1 ah chuti zatin kan fix tawp tawh a.
Mi harsate tan kan kep e kan ti na a, mi harsa, thawh tur nei ve lo tan chuan neitu chan a har ve khawp ang le.
[Report abuse]
December 27th, 2009 at 7:29 am
Mas ruai hi chu kan tihdan kan improve chho zela mi mitmei ven vangin ka threh ve mai mai. Hei ai hian tih tuihnai dan kan zir a ngai ani kan eibang treuh ringawt zela. Food festival ang type te hian ti ila thra zek long mawle
Tihian kan kua a thra lo leh sup sup anga kan sawngbawl dan hi chu a thianghlim thlawt lo ani. Mahse fatu ten an duhdana an tih ani miau sia mipui tan sawisel a thianglo chu ani deuh bera.
[Report abuse]
December 27th, 2009 at 9:05 am
Mahse krismas ruai ei ve loh hi intih changkan nan an hmang ve tho thalai thenkhat chuan. Chawei tura intlar te hi an zak thin.
[Report abuse]
December 27th, 2009 at 9:23 am
@Aryan, Veng tlaberh intichangkang ve si velah bak ruai theh tura in tlar thalaiten an zah ka ring lo
[Report abuse]
December 27th, 2009 at 9:25 am
@chawnghilh, a ngaihnom thei ngei mai.
[Report abuse]
December 27th, 2009 at 9:55 am
changel hnah chungah, ruai kan han kil pat mai a. mahni kilna lam a lo hniam deuh bawk nen, chunglama satui, etc an chawm kha mahni hma zawnah, a hrana chawm ngai tawh chuang lo in a lo luang khawm a…. hehehe…. changel/thlangra a ruai kil ho hian thutna thlan thiam hi ngai ve deuh a sin… :lol: :lol:
masi leh kumthar ruai mahni veng a an siam chhung hi chuan, kil ve zel phawt mai hi ka la tum e….
https://yfrog.com/2mcopyofxmas09045j
[Report abuse]
December 27th, 2009 at 10:04 am
4 chawnghilh,engtikah nge siata khua chu ithlen a,engtik kumah nge?i blog threnkhat atang a ka hmu vang a ni e.OT lawks
[Report abuse]
December 27th, 2009 at 10:21 am
Carols and calories make Christmas
[Report abuse]
December 27th, 2009 at 11:09 am
Keini chu krismass ruai poh kan la theh velo.mitthi kan nei a,thohtan atan kan khek hrih.
[Report abuse]
December 27th, 2009 at 11:13 am
pu MZ sawi khi a dik ka ti kan ram harsa ve tak ah ruai theh ni khua a eibang tam tak an nei ziah hi chu a uiawm ve a lom
food fastival tih te hi a chi ve tawh phian in ka ring .Kumin kumtir lam khan kan khua ah ei lehin lam company lian em em kan khua a factory nei in food fastival an buatsaiha ni 2 chhung chu an factory tual ah an thilsiam man tlawm in an hralh a .
tin nithum chhung chu khawpui chhungah zan lam ah free concert phaitual hnim hmun ah an nei reng bawk a tin bazar hmun ah khaw hrang2 ami ten eitur chi hrang 2 an rawn zuar a hmun hla tak tak atrang ten mipui an ron kal dum dum mai maw le .Indian food zelabi,barfi,rosgla thleng in ei tur an zuar a nuam ve tak a ni
zoram ah poh ti ve ta trhin i lang chhangban ,sumpiau .ba chhum thleng in zuar ve i lang nuam ve zet tur a sin
a hmun lam hi kan buaina tur chu a ni leh ang a ha ha ha ha ahahahahah
[Report abuse]
December 27th, 2009 at 11:23 am
potluck?
[Report abuse]
December 27th, 2009 at 12:01 pm
Mihring te hian kan tih dan thin han thlak danglam hi harsa kan ti thin.Hnah ngei a naupan lai a theh thin keini ang tan chuan hnah a theh kha ruai riau a hriat tlat na kan nei deuh,mahse kan fa te,thleng a theh tawh ho chuan ruai theh an in ti ve tho zuk nia. Rilru hi a lo ni khawp mai..
[Report abuse]
December 27th, 2009 at 12:26 pm
Kohhran lianah chuan ruai han nawn te hi a awm ta mang lo a, ruai theh hi nuam ka ti khawpa puar el-euh-in k ei thin. mas leh kumthar ruai kan tawpsan ang tih hlau berte zinga mi ka ni.
[Report abuse]
December 27th, 2009 at 2:07 pm
Thlangra-a ruai kilho kha ching thar leh ta ila, theh thei lo an tam tawh ngawt ang. Leia thutung emaw thusawp emaw thei lo, dulkiar overweight an tam tawh lutuk, hengho hi chuan dawhkan leh thutna an demand leh tho ang.
Naupan laia thlangraa ruai kan kilho thin lai pawh khan naupang tawp deuh bula ruai kil kha kan hreh ve thin. Hnaptawlh, kut bal, chaw bar trawp deuh bula thut fuh palh kan hlau thin. Tuna kan kal dan, thlenga ei mai, kan kalphung pangngai hi a tha ta berin ka hria.
Krismas/Kum Thar ruai neih zel hi a tha ka ti. Veng hrang hrangah milian leh mite ten inang tlanga buh kan bar ho theihna remchang a ni a. A inbuatsaihna lamah pawh a ni tho mai. Kan vengah chuan Pu J. Lalsangzuala (RIP) te, Pu Sainghaka (RIP) teho kha Minister an nih lai pawh khan Krismas fatu taima ber pawl an ni thin a. Ran & ruai lam ngaihtuahtu Pu Lal Fakzuala (IAS rtd) leh Pu Vanchungnunga te hovin satalh/sa-sat Zara leh Biakthansanga te an han rawn a, “Pu Zar, Pu Biak, eng tin nge ni ang?” an han ti duam2 thinte hi a hlu ngawih2-in ka hre thin. Ruai chungchang ni lovah, eng thil dang mahah anni hi an rawn thin ka ring chiah lo bawk a
Krismas ruai hi nakkum (2010)-ah chuan December 27-ah daih kan theh hmel. Dec. 25 Inrinni a ni ang a, a tuk Dec. 26 Pathianni a lo ni leh ang a, ruai buatsaih a remchang lo vang. Mahse, comment danga ka sawi tawh angin, a Ni tak khera theh lova, a tuk or a tuk leha theh mai hi a pawina ka hre lo; Krismas kan pawtsei a ni mai. Dec. 25 hi chu chhungkhat laina leh thenrual thate nen eikhawmna hun tha tak a ni thung.
[Report abuse]
December 27th, 2009 at 2:37 pm
“Pu J. Lalsangzuala (RIP) te, Pu Sainghaka (RIP) teho kha Minister an nih lai pawh khan Krismas fatu taima ber pawl an ni thin a. Ran & ruai lam ngaihtuahtu Pu Lal Fakzuala (IAS rtd) leh Pu Vanchungnunga te hovin satalh/sa-sat Zara leh Biakthansanga te an han rawn a, “Pu Zar, Pu Biak, eng tin nge ni ang?†an han ti duam2 thinte hi a hlu ngawih2-in ka hre thin” MSV ho chu in lo pui nge nge thrin e. Khawtlang ruai buatsaih leh kilho hi a nuam hranpa ve hrim hrim – tute pawh intluk-tlanna a ni thrin mahse Kohran prog anih hi chuan upa ho hi chu an inti-thu deuh em aw te chu ka ti :?:
Tripura tlangmi ho Baptisma a chantir trum tam fe chu Rev Hnehliana kha ka zui ve thrin, kan tlangmi puite ruai lo siam dam tamtak chu keini ai hian an felfai zawk em aw ka ti.
Ni samuelapa sawi ang hian thlangra dah kanah kan kil anih loh chuan dulkiar deuh tan chuan har ve tak chu ani
Hun lokal zel turah hi chuan XMas hian kan la zinchhuak sup sup maithei asin. Ei in kan duhtuiiin kan duh thianghlim tulh tulh a, siamdan pawh kan thiam changkang telh telh, Fatu rui phet phut mercy a awm duh lo, eizawn nana hmang rawih mai duh pawh awm ila thil awmlo tak chu ani chuang lem lo ang.
Mahse ka ti thau thau Mas ni a ruai siam loh hi chu helh tak chungin kan hmang chho zel dawn chu anih hi.
[Report abuse]
December 27th, 2009 at 9:47 pm
Sachek no 2 leh a chanve kan hawp kha
[Report abuse]
December 28th, 2009 at 8:10 am
kanidar i va tlai awm bik ve a, nikum ai chuan kan tlai deuh hlawm ka ring
[Report abuse]
December 28th, 2009 at 8:24 am
@samuelapa : Sa-sat Zara i rawn tih hi Jubilee Biak In thlang daih (Vengthlang) —Thlanmual chhak lawka mi kha em ni? I mi rawn tarlan chuan lung a va tileng raih raih ve le!
Nia, kan Mizo IAS rualho hi hetiang nikhuaa chemte han pai chhuahte hi nuam an lo ti ve zek a; Office File leh dawhkan kual zahawm ringawtah an lo tlei reng bik hauh lo!
[Report abuse]
December 28th, 2009 at 5:01 pm
@AS_Khiangte, Nikum sachek awm lo khah… ka in ngaihbel nge.. ka lo ek-chhe larpui deuh emaw ni?
hahaha
[Report abuse]