Vanram fan : –
He khawvel ram zau-ah hian thi tawh hnu-a ngaih, darkar engemawzat hnu-a rawn harh-chhuak leh ta hi mi tamtak an awm. Chu’ng mite zingah vanram emaw, hremhmun emaw-a an kal thu/ an hmuh zuai thu rawn tlang-au pui ta chiam hi ka la hre ngai meuh lo. Ka hriatna zau loh vang ni maw?
Mizo zingah erawh hetiang mi, (thi tawha ngaih rawn harhchhuak leh) an awm apiang hian mi piangthar tha tak leh tha lem lote pawhin VANRAM emaw, HREMHMUN emaw an fan thu hi an rawn tlang-au pui chiam bik zel mai a, hei hi engemaw a chhan niang le? Hei hi em ni ‘Bik’ kan nihna chu?
Han awi sak lo/ ring lo ngawt dawn ila an sawi awm-angin, mittui tla zawih zawihin an sawi thei zel leh nghal. Awi dawna awi chiah si lo, awi lo dawn a awi deuhreuh siin ka awm fö mai. Thi anga ngaih, la thi si loin kan rinna leh thlarau khawvel kan suangtuahna atanga rawn chhuak mai mai a ni thei ang em?
Thih thlamuan-na : –
Kan sakhua-na (Kristian-na)ah a nuna nunpui lam ni lo, a sawi lama in ril siak chi kan ni. Pu Billy Graham ten ‘Pathianin khawvel a hmangaih em em a, chuti chuan a fapa mal neihchhun a pe a…’ ti a, an thu ngai an tlang-au pui lauh lauh lai leh vawi za tam mipui singtèl hma-a chhiarchhuaka sarmawn thlaknan an hman lai a, hengte chu mi zawng zawng hriat hnu, a kaw-mawn…ti a, bung leh chang dang, mi la chhiar zen zen loh tur zawng ngat ngat thin kan ni miau a.
En mai pawha Mihrisel tha tih hriat rengte hi ‘Thih thlamuanna i nei tawh em?’ kan han ti chawt mai zela a rapthlak ka ti!
Thih thlamuanna hi lo neih lawk chi emaw ni ngai le? Mi nun beidawng tak takte chuan thih thlamuanna nilo, ‘Thih chäkna’ chu an lo nei pawh a ni thei e. Kei zawng hrisel that teltawl lai chuan ‘Thih thlamuanna’ kher hi chu ka neih theih ka ring lo. A chawpa lo thleng, a hun taka neih mai tur chi niin ka hria?
Mahni pawh dam that vervawr lai, chhungkua/ nupui fanaute nena hlim taka chen ho laia thinlung taka ‘Aw ral mai rawh lei ninawm…’ han tih vawng vawng maite hi kei zawng har ka ti. Nang, thih thlamuanna i nei em?
Similar Posts:
- Lawng (TITANIC Ship) chu
- Hnam Sakhua: Ka chhiar ve e!
- THUTAK nge RINTHU
- Vanram kal duh te!
- Pathian hian mi zawng zawng nun dan tur hi a hre lawk vek ang em?
lol
January 9th, 2010 at 6:01 am
Thih thlamuanna phrase hi Bible-a Pathian mite kha chuan an neih thu a lang ngai lo, :wink: Lal Hezekia pawh a nunna kum 15-a pawhseisak a nih khan, “ka kal dêm dêm tawh ang,” tiin fimkhur a chhuah lehzual zawk asin! ‘Thih pawh hlawkna’ erawh hi chu an nei. Isua meuh pawh a thianpa thihnaah chuan a tap. :cry:
Thlamuanna chu Isua khan min hnutchhiah a; “THIH thlamuanna” ang zawng kher chuan min hnutchhiah ka hre lo!
Elija hun laia hmeithai fa; tlaikhawhnua Isua khawvel len lai nia Jaira fanu, Nain khaw hmeithai fapa rawlthar leh Bethani khuaa Lazara te khan Vanram fan thu an sawi reng reng lo.
Tin, Johana 3:13-ah khan “vanah tumah an lawn ngai lo …” titu kha van atanga rawn chhuk Krista Isua a ni a —Enoka leh Elija pawh vana an lawn diam tawh angin kan ngai ngawt mai thei —an lawn bik lohzia a rawn tarlang chiang hle. Hebrai 11:13-ah phei chuan Enoka tel ngeia rinnaa fak hlawh tawhte an thih vekzia a inziak chiang.
Johana 3:13 “Vanah tumah an lawn ngai lo, van atanga lo chhuka chauh lo hi chu, Mihring Fapa vana awm hi.”
BTS-a pa-in he thu hi min hrilh tawh, “Keini pawh hi ‘Promoted to Glory’ kan han inti ngawt tak na a; tumah hi kal hmasa nih duh kan awm tak tak chuang lo,” a ti.
Thi tawha insawi tuemaw pawhin lehkhabu chhahpui, vanram fan bu a ziah kha miin engnge ka ngaihdan min zawt a. Kei lahpek chuan “Bible chuan, thi chu engmah hre tawh lo, Pathian pawh fak tawh lo, vaivut chu vaivuta kir rih, muhil..” angin a sawi si a. He lehkhabu ziaktupa hi mi maksakhai a nih hi, a dam lai aiin a thih hnuah a rilru a chak zawk leh nghal hi!” ka ti a. Ngaihdan tawk an thiam ve ta khawp —tehfungah Pathian thu hman thiam a ngai!
Thia tho leh tawh awmchhun, thih theih tawh lohna chang chu Isua Krista chiah a la ni! Lalzara-te thawhlehna kha chu thih theih tawh lohna ni lovin, Grik tawnga somata (taksa pangngai leh bawka tho) an ni chauh!
Billy Graham hian mi thuhmun hnenah thu pangngai sawi aiin, thu pangngai —ring lomite hnena puanchhuahna tur a ngah hrim a, a nihlawh viau! Zoram Kohhran min rawn chawm tur tak tak chuan a thusawi ngai ang ngawt khawpkham lo kan tam a rinawm! Piantharna thuchah leh thanlenna thupui hi a hrang ve tlat!
Chawngte khaw pa kha —a thihna khumah a tawng hlei thei tawh lo; mahse a tu leh faten, “I thla a muang em?” tiin a an zawt a. Thei leh thei lovin, “A khawi lam lamah pawh kal dawn ila, ka thla a muang e,” tiin a chhang!
TIH ZIAK A NI … tih tanchhan vang chauhvin, fing uchuak takin ka zeldin philosophize ve ngam lo a ni e.
[Report abuse]
January 9th, 2010 at 6:18 am
a dik fu mai a kawlkawk thil ziah chu. thlamuanna,thih thlamuanna chu sawi loh engmah enghelhnei lo, pawngpaw thlamuan veng vengna chu ka nei lo chiang khawp mai.a har pawh a har nek ang, mi vannei deuhte chu an awm mahna le.
[Report abuse]
January 9th, 2010 at 6:47 am
Thih thlamuanna chu thih dawn trep a lo lang tur a ni ang chu, dam a nawm viau lai hi chuan tuman kan mamoh lo. Kan naupan lai chuan George Lennox an ti ta emawni meidil kal zuai thu kha chu kan hre lar ve hle chu a nia. Vanram fang ho thu hi ka ngaithla thui peih mang miah ta lo. Ho tihchin ka nei leh thrin niin ka hria.
Mimahse, biblea a inziah loh avang khan Lazara khan vanram a fang lo tihna a ni kher lo thei. A vanram/thihhnu khawvel chanchin bible a ziah tel kha a trul lem loh vang a ni thei. Lazara thih nawn leh thu poh ziak a ni lova, mahse, a thi leh ngei tih erawh a chiang.
Samuela thi hnu kha aienthiamnu khan a zuk bia em ni kha?
Thihhnu khawvel hi chu a awm anih hmel a, vanram fang nazawng vanram hi chu ka tuipui hran lo.
[Report abuse]
January 9th, 2010 at 7:59 am
Nie. Thih dawn darkarah hian ani thih thlamuanna neih leh neih loh lanna tur chu…
[Report abuse]
January 9th, 2010 at 8:00 am
Lal Isua ring tak2tute chuan he khawvel sual leh dik lohna inlulinna hmuna nun hmanreng ai chuan an tana hmun buatsaih thlen hlan an nghak hlelin, he khawvel lei hrehawm hi ral thuai a chu ram chu lo thleng thuaise an duh thu hla hmang te in an lo puang chhuak hial a ni. Chutiang zelin ringtu hmsate pawh chuan an rin phatsan ai chuan thih tlengin an tan thin a nih tih kan hria a, achhanchu hmun lola awmtur an hriat chian vang a ni tih a chiang a ni.
Kristian ni ve si thih kan han hlau tlat mai hi kan thih hnu ah a la dam a te kan ngaihtuah vang nge ringtu hmasate ang lo tak hian kan chantur kan hriatchian vanga hlau kan ni zawk ? OR Pathian thu kan awih tak tak loh vang zawk ?
Lal Isua ring tak taktute chuan he khawvel hi an kum hlun lohna tur tih an chian avangin khua lo la awm tur a tan nun an hmang thin a,an chungah thihna in thla zar dawn mahse an chantur an hriat chian avangin thih an hlau lo thin a, chu nun tak chu a ni thih thlamuanna awmzia chu ni.He thlamuanna hi kan neih leh neih loh in zawh a sawi fo hi ringtute kan in tih chakna a nih avangin kan tih makmawhah kei chuan ka ngai a ni.
Kristiante thu in nghahna kan sawi nawi a,ei loh leh ngaihtheih loh kan ngah sawt chuan kan kristianna leh Lal Isua kan rinna hi kan in enchian a ngai hle zawk tawhin ka hria.
[Report abuse]
January 9th, 2010 at 8:34 am
Vanram fang tih hi chu ka fan ve phawt loh chuan awih harsa ka ti..
[Report abuse]
January 9th, 2010 at 8:38 am
Nie, ringtu hmasa, Martar thenkhatte khan thih thlamuanna nei ta lo se an martar duh bik dawn a mawn le. La damve hram2 theihnan an Pathian phatsan in an tlanchhe ve mai lawng maw.?
[Report abuse]
January 9th, 2010 at 8:53 am
Pathianah lawmna kan han chhar a,theihtawkin Lalpa kan fak lai te hi chuan tunah hian thi ta ila,vanram chu ka thleng ngei ang tih rilru kan pu thin.hei hi mi thenkhat chuan thih thlamuanna anti thin.hun alo kal zel a,setanan a ram azauh zel a,thih thlamuanna an neih tawh sa chu a dal telh telh a.a huho a tih deuh huk anih loh phei chuan vanram an beisei ngam tawh thin lo.a tawpah phei chuan hunreilote thih thlamuanna an lo neih ve chuan a kiansan mai thin.
[Report abuse]
January 9th, 2010 at 9:32 am
Thih thlamuanna leh thih chak hi kan thliar hran thiam a tul deuh in ka hria
[Report abuse]
January 9th, 2010 at 9:55 am
Thih thlamuanna tih hi!!
Piangthar tha em em a kan ngaih emaw inngai emaw pawh hian tih takzet in in ngaihtuah ta sela, thih thlamuanna emaw Vanram ka kal ngei ang ti chiang ngam bal an awm vak vak hian ka ringlo.
Engpawh nise thih thlamuanna an tih hi, thih hnu ah Vanram kal ngei tur te an sawina a nih ka ring ngawt a! kei chu ka thla a muang hranpa lo khawp mai, ka rin Pathian hi a khermei si, a thikthu a chhe bawk si, a thianghlim bawk si, a zaidam leh lawi bawk a, a rorel dan a mak hmel em mai… chiang bal tih hi ka neih har viau ka ring.
[Report abuse]
January 9th, 2010 at 9:56 am
Thih thlamuanna hi lo neih lawk vak chi em ni dawn ? Engkim a hun takah ringtu te chu pek kan ni in tihsak kan ni mai dawn lawm ni te ka lo ti ve thin a.
[Report abuse]
January 9th, 2010 at 10:34 am
AVG Anti Virus hi khawngaihin minlo hrilh chiang teh u….
Misual a ka rawn dil tho che u kha a nia, a Link min rawn pekah khan ka download a, Virus pawh a hmu tha khawp mai a. Mahse, Delete theih loh (a lian deuh ho)a nei tlat mai a. Setting hi ka thiam bawk silo nen. Minlo TANPUI hram teh u.
[Report abuse]
January 9th, 2010 at 11:41 am
vanram fang ho hi chu dawheh deuh an nih duh hmel tih hi kei misual rindan ani. Thih a trul chuan hrehlo an awm; a thleng dawn ngei avanga lungngai chuang lo in adjust an awm. Hreh em em rak vawn vawn an awm bawk.
Thih hnu piah lam hi rindan a dang. Ka rindan chuan Lalpa lokal leh ah chauh kan thawh ka ring. Thih veleh a vanram lut nghal tura zirtir ka dawng rih lo.
Thih chu ka la intiam lo khoops mahse inpeih reng tura zirtirna ka dawng. Aw ka nghakhlel Zion khawpui tih hi a phuahtu duhdan ka la tem lo. He lei ninawm hi ral mai se ka ti bawk lo. Ka green brigade tulh tulh lawi.
[Report abuse]
January 9th, 2010 at 11:49 am
Isua tawngkam (kross a atawngkam) ah kha chuan Vanram lo deuh chawlh lawkna (paradise) a awm duh hmel.
[Report abuse]
January 9th, 2010 at 11:54 am
Mahni meuh han thih dawn hi chuan kan inhmeh lo duh riau an ti..
[Report abuse]
January 9th, 2010 at 11:55 am
Pu hv, paradise leh vanram hi thuhmun emw k lo tia…
[Report abuse]
January 9th, 2010 at 12:08 pm
@ HV : keipoh kati chiah.. mi thianghlim te hi Paradise a chawl hmasa in, misual te mitthi khua (hrem lawkna)-ah .. chutichuan, rorel (official-a thiamloh emaw thiam chantir)hnua-ah Vanram leh meidil kan tiha kal chauh tur kan nih duh hmel..
Hebrai ziaka kan hmuh angin chumi hun nghakin kan Pu Abraham-a te ho poh khan min la nghak thrap ni awm tak chu ani.
[Report abuse]
January 9th, 2010 at 12:15 pm
Nula 3 a rualin an thi a, vanram kawngkharah petera tui leh chawhtawlhnen alo duty a. In damlaia mipa sazu nena inkungkaih thil reng2 sil fai vek tur alo ti a. A hmasa ber chuan chiagtakin ka hmu tawh mipa ‘thil’ chu tiin a mit a sil a, a dawt chuan ka khawih ngei tawh tiin a kut a sil a, a hnuhnugber chuan ngawi rengin a kam a thruah ta mawlh2 a.
[Report abuse]
January 9th, 2010 at 12:22 pm
alo nih tak chu
[Report abuse]
January 9th, 2010 at 12:24 pm
Thih thlamuanna hi kei chuan damlaia neih chi-ah ka ngai lo; Lalpa neitute chu a hunah thuamin an awm turah ka ngai; Hlau lo chu thu hran nise.
Vanram fan chung changah chuan awih ngaihna ka hre lova awih loh ngaihna ka hre hek lo. Mahse a pawimawh ber chu mi vanram fan thu-in min ti hlauthawng thar fo a nih chuan keimahni hrim hrim lam kha kan chiang tawk lo a ni duh fu.
Thih thlamuanna mai ni lo, Operation Theatre-a luh dawn a, thlamuanna mak tak mai chhar ta te, thih dawn second tlemte chhunga kal chakna mak tak mai nei tlatte sawi turka hre tlat, hei hian chu chu a nem nghet-in ka hria.
Tin, Khawvela awm tura siam kan nih miau avangin damlaia thih thlamuanna lo neih phet tum chu a hmanhmawh thlak lu deuh zawk mahin ka hria.
[Report abuse]
January 9th, 2010 at 1:33 pm
Thih thlamuanna nei hi an awm!Kristian zing kher lo ah pawh hriat tur an awm!A tlangpui thuah diktak a sawi chuan thih kher hi chu kan chak lo tlang a ni e!Dam thlamuanna hi nei phawt mai ila…thih thlamuanna hi chu thih dawn ah!!
Vanram fang ho lah hian an han tour rei lo te chhung hian an chhung leh khat te leh an thian-te hi an han hmufuh thei riau leh nghal a,Adam-a te a tranga chhut phei chuan mitthi hi tam tawh tak tur an nia,in hmuh fuh a ngaihawm nen hian an han in hmu fuh thei phian nitur a ni!(Meidil fang ho pawh thuhmun tho)
[Report abuse]
January 9th, 2010 at 1:52 pm
Thih thlamuanna hi thih dawn tep aneih chi ah ka ngai lo kei chu,kan that lai a min siam tu hre reng a..a tan a nun hi kan tih makmawh ni in ka hria..vanram fang inti ho thusawi hi ka awih lo hul hual.Isua krista hi min chhandam tu ani a. ka tan a, a nunna hlutak hlan tu ka rin hian thih thlamuanna chu kan nei ni mai lawm ni?ka tia??
[Report abuse]
January 9th, 2010 at 2:01 pm
thihdawn tep a neih te chu chi dawn mi..khawvel hi kan khualzin na ram mai ania..thihdawn tep a thihthlamuanna neih kan tum chuan,kan that lai hian ama rawngbawl kan tum miah lo tih na nia..thlarau Bo pakhat tal hruai lo a let leh chu nuam lo viau ang..
[Report abuse]
January 9th, 2010 at 2:23 pm
UPC ho hi baptisma an chan tawh chuan thih thlamuanna an nei tawh ni tur a ni, kohhran dangte hi chu hremhmun kal turah vek an dah. Nupui pasal thuah pawh khirh tak an ni.
[Report abuse]
January 9th, 2010 at 2:40 pm
Ringtu dik tan tan chuan thih thlamuanna chu neih theih ania lawm. Thih chakna ni lovin. Chutiang mi chu an awm. Mahse thih dawn tepa pianthar tum chu risky tak ani. Setana hmanraw tha ber chu “Nakinah” tih ani.
[Report abuse]
January 9th, 2010 at 4:26 pm
Kan damlai hian tamtak chu kan thlamuang lo thin a ni.Isua zuitu leh ringtu te chu thlamuang awm tak kan ni.A man thlamuanna thu min chah avangin.A thuchah kan thlamuanpui zawh tawh loh chuan Isua kan ring tak2 lo em niang?Hindu ho ang chauh a isua ring lo kan ni mai em?Thlarau bo zawn hi kristian-te tih tur a ni,mahse chu kan thil tih a chu chatuan nunna nen a in exchage a,thih dawn a thlamuanpui leh chatuan nunna neih phahna tur ang deuh a kan deuh a kan ngaih chuan a dik in ka hre lo!Chatuan nunna hi thil thlawn pek a ni,finna te,felna te,hausakna te e.t.c neih tur niin a lang lo.Kan thih hnu a pathian han hmachhawn a,kan thil tih that leh that loh zawng2 han puang tur a ngaihna lian tak hi kan neiin ka hria(ka thian kohhran thalai a in hmang tak2 threnkhat nen kan titi chang pawh hian).Isua kan aia ding tur hmachhuan lo a,kan thil tih lam hmachhuan kan tum tlat chuan Pathian hma a din chu huphurhawm tawp a ni reng dawn a ni. -thanks
[Report abuse]
January 9th, 2010 at 7:39 pm
Fang lo hian a thlir hian A thlir tir an ni thei mai lo’ng maw, Mosia’n Kanan ram a thlir ang khan…….,a fana fan lampang chu(h)ni e, awih a harsa deuh mai thei, mahse an soi miau si a. A naka vazen ve kher poh chu tha chuang lo a nge, an soi ang hian pawm zam thiam mai ila.. a hahdam thlak mai awm e a…,
Ka misual pui duhawm tak tak te u, mizo ho hi chuan a thu hian kan hrehnem lutuk a kan kal buai nuaih mai ni hian in hreve lo mo, a Pathian thu hrim hrimah hian.,. Thih thlamuan na chauh pawh nilo Engkima thlamuan na hi kan mamawh in ka hria…, chu engkim mai poh a thlamuan na chuan thih Thlamaun na chu minpe mai zawk lo’ng mo????!!!! “Kei in khawvel ka ngam ta” ti tu a kha keimahni ah hian awmsela, chuan a sual lo ber awm e. Thlamuan na min hnutchhiah tel bawk sia a.
[Report abuse]
January 9th, 2010 at 7:49 pm
Thih thlamuanna chung chang bawk…ka tlamuang ti hi an muang chiah em le?Kan Lal Isua meuh pawh a lungngai in a mang ang a,’mi ven pui rawh u’a ti a ni a,mahse a hun takah chuan huaisen takin a tawn tlang thei chauh a nih kha maw le..A tawngtai nasa a,thlamuanna a hmu a ni ngei ang.
[Report abuse]
January 9th, 2010 at 8:23 pm
rin tlemte u! rilru in tihah
hahaha
[Report abuse]
January 9th, 2010 at 8:27 pm
sorry, a hnuaiah
[Report abuse]
January 9th, 2010 at 8:28 pm
Pu Xai, ni e kan lal isua meuh pawh kha a thi dawn tih ahriat khan a thla a muang veng2 bik lo, ka pa, he no hian min pel thei lawm ni…a ti ve lawm2 a nih kha.
[Report abuse]
January 9th, 2010 at 8:31 pm
tlangval tha lai tun ang hun a mi(sual) pap pap hi chu an luck tihna…. :lol: :lol:
[Report abuse]
January 9th, 2010 at 9:21 pm
Vanram fang ho hi an vanram hi a in an loh theih hmel te ka lo ti ve mai mai thin!
[Report abuse]
January 9th, 2010 at 9:29 pm
hemi post-ah hi chuan ka komen ve dawn lo… :twisted:
[Report abuse]
January 9th, 2010 at 9:30 pm
Hindu ho rindan pakhat ang in thih hnu hian bawng ah ka chang a nga,Burma ram a trang a min kaih hrep hnu ah ka(bawngsa) soup hi in lo hawp mai mai amg tih chu ka hlau viau.Mahse meidil tlak ai chuan la ziatak a ni an ti, a hria ten.
[Report abuse]
January 9th, 2010 at 9:32 pm
Vanram hi a zau a Fan lai hmun a in ang kher lo thei; miin “ka fang” an tih chu awive mai rawh u,Beer Vawt a Whisky pawlh hian a in hal angem aw…..
[Report abuse]
January 9th, 2010 at 9:42 pm
Thih Thlamuanna tih hi, Thih hlaulo tihna nge Thihna hian thlamuanna a nei zawk? ka va chianglo ve awwww
[Report abuse]
January 9th, 2010 at 9:42 pm
Leia kan awmna leh kan mize mil zelin vanram fang ho hian an fang/guide ten an lo hruai a ni mahna le.
[Report abuse]
January 9th, 2010 at 9:47 pm
Leh lawk, shailendra te, XaiA te hian vanram han fang ve se chuan vanram thlalak te an rawn post chuai chuai mai tur a nia, uisa pawh a tam viau mai thei a ni. :lol:
[Report abuse]
January 9th, 2010 at 9:49 pm
Upa B.lalrinkima,Complex Kohhran upa ziak thihhnu khawvel a hmuh dan ka chhiar kha hetiang lam chanchin ka chhiar ve chinah chuan ka rilrem zawng tak a ni.
[Report abuse]
January 9th, 2010 at 9:53 pm
Ka thianpa chuan Hrem hmun a fang ve tawh a! a fan laiin Tleirawl pakhat alo tla ve a a sa ti lutuk kha a zuang tawr tawr mai a; Putar pakhat hian alo zilhn a” Vala awm mai mai rawh Kum 2000 chuang kan awm tawh a dai lai tak tak a awm chuanglo” a ti e atia lawm
[Report abuse]
January 9th, 2010 at 10:00 pm
Tumkhat chu Hall chhe tawh tak thiatin YMA kan hnatlang a. A inchhun kan thiah lai chuan kan fimkhur dau dau khawp mai a, chutih lai chuan valupa pakhat hian ‘in va dawih ve, thih thlamuanna in nei na nge?’ a rawn ti a.Keini lah pek chuan ‘Thih thlamuanna chu lo nei ta pawh ni ila, tlak thlamuanna kan nei lo’ kan lo ti ve thung :smile:
Thih thlamuanna hi chu thih dawnah Pathianin min pe turah ka ngai ve tawp. Thih hlau lo an awmin ka ring lova, thih hnu nun chungchangah erawh thlamuang kan tam thung ang.
[Report abuse]
January 9th, 2010 at 10:04 pm
Tunah hian thi dawn ta i la.thlamuan loh na chhan tur ka neih awm ka hre lo.
mahse…..thih erawh ka la duh lo nasa mai.zir tur leh tih tur hi a la in chhep muk trun mai.
vanram kai hi ka chak em em hran lo.leithar hi ka beisei fe zawk.
[Report abuse]
January 9th, 2010 at 10:16 pm
thaiboy; beer vawt tawk no khatah wisky pack 2 han pawlh mai la.lem a nuam duh pap pap ngawt a sin.
[Report abuse]
January 10th, 2010 at 12:48 am
Threnkhat hmuh dan/fan dan hi chu la fang ve lo tan chuan pawm thiam a harsa deuh.
Thih hnuah vanram kal dawn ngeia inhriatna hi thih thlamuanna chu a ni mai dawn lawm ni? Thih hrim2 hi chu tua te tan mah cho thu awm suh.
Mu ve tawh mai teh ang
[Report abuse]