Bengkhuaia hian Sailam khua hi a din, Lal hmingthang leh ropui, palian si chak bawk si huaisen bawk si ani. Sailam khua hi an vanglai chuan In 1000 an tling an ti. Zawlbuk pawh pakhat aia tam an nei an ti.
Sailam khaw larna chhan hi Zoluti zu mantu lal Bengkhuaia khua anih vang ani. Khawi hmun atrangin nge Zoluti hi laklet anih thu-ah Sailam te , Serchhip Kawlri te, Thenzawl te’n an inchuh. Kei chuan ka lo hriat thrin dan chuan Sailam hi ani thung.
Sailam hi rambuai lai khan Chhiahtlang-ah group an ni. Tunah hian Bengkhuaia hun laia an khua thrin chhim lam hretah ah an insawn. An khaw thleng leh ram a rai nuam hle. Tlak lamah letliamah Aizawl Lunglei Road thar a kal. tlaklam hi kham chhengchhe tak ani. Lungchang thra awm tamna hmun a ni nghe nghe.
Sailam khua hi Jeep road-in Serchhip atrangin darkar khat kal vel ani. Mat hnar a kan, suspension bridge a awma fur lai pawhin kal theih reng anih hmel. Sailam khua hi Sialsuk pelh deuh maiah Aizawl atranga 70km velah a peng a PMGSY road-in thratakin a pawh.
Serchhip atrang hian Sailam khaw hnuai ah hian truck road siam ila, Serchhip leh khawchhak khua tamtak te chuan he kawng ka rawt hi an zawh duh ngawt ang le.
Tourist destination tur ani, a huhova kal leh a chakawm hle. Sailsuk a hla si lo, Hmuifang tlang lah hla bawk silo, Serchhip lam atranga kal lahin a nuam em em bawk. Lunglei lam atrang lahin 100km vel chauh ani bawk. Bengkhuaia lal-in hmunte Zawlbuk te leh Zoluti tualchaina te mumal takin vawn/ven thrat ani. Lungphun a awm nual bawk. Tourist Guide te nena kal a chakawm lehzual 
An ram hi changel hian a bawh nasa hle maia, chuvang chuan Balhla nasa taka chin nise ka tingawt mai. tlak lam ram letliam hi Lau lui ram thra ani, chhuah lam lah ram rai Mat lui thlenga mual damdup inkhawhthla ani.
Similar Posts:
- Zoluti
- Presbyterian Kohhran in Zoluti chanchin a ziah danah Serchhip mipui lung a awilo
- Midum-kham leh Hmuifang Tour Diary
- Mizoram Tourist Kalkawng?
- Aizawl Hi Mizoram Maw?
February 16th, 2010 at 10:04 pm
An van chhasss hmel ve a :?: A chung a mi khi chu a Mizo film a,
Hei hi chu vai film,’Raja Rani’ ni awm a ni,a romantic ber zawkin ka hria…
https://img220.imageshack.us/img220/8668/romanticy.jpg
[Report abuse]
February 16th, 2010 at 10:30 pm
Pic no. 4 mi “Chhak-tiang kawl eng, zun(g)zamah te khian …” tih duh hmel deuh hi, Bengkhuaia chu mi?
Bengkhuaia hi ka mi ngaihsan a nih avangin khawimaw laiah(?) chuan ‘Nick’-ah ka hmang thin.
@mzvision thu beng hawng deuh leh zir chian ngai zet i post thin hian ngaihtuahna a ti kal thui thin!
[Report abuse]
February 16th, 2010 at 10:39 pm
@Diktea_Pa
Mahni tran tran hian kan trang ve hle ringawta, fei fe erawh a ngai dawn, hma kan sawn zel ang chu le.
Bengkhuaia thlah te hi an palian hlawm hle maia, amah pawh palian chak tak anih ngei ka ring. A hming put chhan hi mi beng a sat thla nge a beng an sat thla tih ka confuse tlat mai.
Kan ram valh a humhalhtu te hi kan chawimawi a ngai ka ti. Abikin Bengkhuaia leh Vanhnuailiana te
[Report abuse]
April 16th, 2018 at 1:22 am
Vawiin hian Bengkhuaia tupa, Sialsuk lal hnuhnung ber, Lalthangliana Sailo (1923 -2018) kan vuiliam. Amah hi Kristianna boruak vir tak kar a Chapchar Kut hman rawtthlu tu zing a mi a ni. Mizo Society of America dintu zing a mi niin, MSA president hmasaber a ni nghe nghe. Mizo lal ho zingah lehkha zir sang ber niin, bachelor degree 2 leh master degree 2 a nei a ni.
[Report abuse]