Bamboo Dance-a Guiness World Record kan siam leh siam loh ka sawi ve dawn lo. Kan duhtawk kan sawi zo tawhin ka hria. Kei ve thung hian CHERAW hi engtia kan hnam lam a lo nih a, engtik atanga kan culture/ hnam nunzia a lo bet ta nge tih hi ka hre chak zawk tlat mai! Keima hriat dan ka han sawi ve teh ang, in hriat dan in lo belh ve dawn nia. World Record tih leh bamboo dance tih vel ai chuan misualte hian kan hlawkpui zawkin ka ring tlat.
CHERAW hi Chapchar Kut-ah KAN a nih ka hre ngai lo ve tlat a. SAWLAKIA ang deuh bawka he lam pawh hi thlang tlak hma a PAWI(H) hnam lam chi khat a ni a. Hrechiang inti leh ziak hmuh mai tur ka neih loh avangin ka a ka lo dawnsawn ve thin dan kan ziak teh ang.
CHERAW tih lo chhuah dan hi chiangfaka sawi ka la hre lo a. Hming chi hrang hrang a nei a. CHERAW tih hi PAWI tawng chuang ’In sawn kual’ tihna ni mai in ka lo hre thin a. Hreichhun Zai, Ramkhat lak leh Ngam lam ti a sawi te pawh ka hre tawh. Tiau ral kan kan hma khan Cheural Lam tihin a lar thin a, chu chu thlang tla tawh te khan ‘CHERAW’ tiin an lam ta nia sawi a awm bawk.
PAWI unau te chuan CHERAW hi an KAN ve ngailo a, an TLAWH thin a ni. CHERAW hi tun hma chuan Chapchar Kutah an lam ngai tih an sawi ka hre lo bawk a. Chapchar Kut a an KAN chhan chu cultural show chi khat ang chauh a ni zawk in a lang. Buhza Aih leh Mim Kut nikhuaah (Ngam Lam an ti) Cheraw hi kan a ni thin a.
Buhza Aih tih hi PAWI chuan ‘Hrangza Tlawh’ an ti a ni awm e. Hausak vanga buh thar aih ngawt theih a ni lo va. Buhza kha a zawn a kum sawm chhung an thar kher a ngai thin a ni awm e. Ka pa miin hrilh dan chuan “I Pu Buhza Aih kum 1956 ah chuan CHERAW an kan ngei a. CHERAW hla an sa a. Mipa in hla an sa lo” a ti.
Tin, Mim Kut hi Thitin thla ah hman a ni thin a, RAICHEH a thi ta te an thlarau muang taka a kal theih nan CHERAW hi an kan thin bawk.
Tun hnuah hian KAN dan pawh chi dang dang a lo chhuak ta a. Khawtinin lam dan chi dang an nei a. Bualpui Lam, Buhza Aih lam te hi a lar pawl chu ni maiin ka hria. Tuna Arts&Culture in a a step an siam phei hi chu khawtin a mi an lawrkhawm, mawi thei tur a an duan a nih mai bakah Pu Tlangrema, Hnahlan lam khawchhuak kuthnu a lang tam hle a ni awm e.
Han thawh ve teh u lem!
Similar Posts:
- World Record hming tur hi
- Mizo traditional dance Cheraw aims to enter Guinness
- Sonia Gandhi- i’n Mualpuia Stadium Lung a phum tur hi
- Cheraw Kan world record siam dawn?
- Chapchar Kut/Cheraw Kan Programme
March 15th, 2010 at 9:24 pm
Greek tawng atangin ka han chhui ve lawk ange. Cheraw tih hi Greek tawng chuan, “Horos”, emaw “khoros” (χορός) tih huangchhunga khung theih a ni a. sentence ka han siam chhin mah ange aw.. “χορεψε στον ρυθμο της ζωης”. Inhrethiam tawh mai em?
Tin, Latin tawng chuan, “Hibanobambusa saltant” tih a ni. Tin, Japan tawng chuan, Mau (Bamboo) hi “Take (竹)” a ni a. Bamboo dance or Cheraw tih chu “Take kanji” a ni. Heta tang hian Cheraw awmzia chu a chiang viau tawhin ka ring….:)
Report this comment
March 16th, 2010 at 11:29 am
Mi(sual) ta reng reng. Guinnes World Record website ah Cheraw/bamboo dance record siam an awm leh awm loh ka zawng a, ka hmu miah lo. An website blogsphere ah chuan cheraw/bamboo dance a record siam an tum thu chu a awm. Mahse tun hnai (last 30 days) a record siam thar zingah chuan an tel lo niawm tak ani. Ka hmu lo.
Report this comment
July 14th, 2010 at 4:42 pm
[...] the Cheraw, elements of which we share with other south east Asian cultures. The original piece here, and the author’s blog [...]
Report this comment