Vawiin khan Aizawl- Lunglei Sumo Service , Aizawl atanga rawn phei lam chu Sialsuk leh Thenzawl inkar ah chesual in mi pahnih an boral. Thu dawn danin he Sumo LRF driver Malawma khalh ah hian Passenger a full in an chuang a. Accident na hmunah hian Rosiama (60) Kanghmun khua chu a boral nghal a. Sanga, Tuikual chu Aizawl lam pan pui a nih laiin a hliam tuar lovin a boral ve leh a, midang te pawh an hliam bawk. Hliam te hi Thenzawl Hospital ah dahluh nghal an ni.
Thu dawnna in a sawi dan chuan Gypsy a lehpel tur kual lut leh zo lovin a tlanliam ta niin thudawn a ni a, driver pawhin hliam a tuar bawk. Sumo hi kawng thlang meter 80 chuan a lum a a chhe hneh hle niin thudawn a ni. He Sumo hi Pukpui a lam mi ta nia hriat a ni. Vawiin khan Sumo chesual hi hnuh chhuah tum a ni a, Lunglei/Aizawl Maxicab Driver Welfare Assn te pawhin an tawimawm in Lunglei an rawn thlen hnu ah an let leh nghal a ni.
Similar Posts:
- Sumo chesual-ah mi 3 thi
- Serchhip leh Keitum inkarah Maxi Cab a Accident Hliam na tak tak an awm
- Sumo Fare
- KTP member 32 chuanna City Bus chesualah 1 thi
- Kawnpui-a Gypsy Chesual-ah 2 hliam,thi awmlo
hairehai
March 16th, 2010 at 7:28 pm
nimin tih khi vawiin tihin lo chhiar roh u tihsual a nih khi
@ rra: Kan edit tawh e.
[Report abuse]
March 16th, 2010 at 7:29 pm
A va han zialo thin tak em! I fimkhur mawlh teh ang u! Thil a pawi hian a pawi thui thei em mai! Lusun chhungte Pathianin awmpui rawh se!
[Report abuse]
March 16th, 2010 at 7:38 pm
He summo hi Mazuala khalh thin kha a ni em aw? A nih chuan ka chuang ve tawh asin! Va pawi ve aw! Mitthi chhungte Lalpan awmpui rawh se
[Report abuse]
March 16th, 2010 at 7:41 pm
hei lo pawh accident an awm kha…khawi lai ah nge ka sawi mai thei lo tlats..
[Report abuse]
March 16th, 2010 at 7:53 pm
A van zia lo ve le…
Kawng a tha tawh a,tlan chak a pawi thin …
Overtake dawn emaw hian fimkhur a ngai zual…
Min pass min dil hian tlanchak ve sauh lovin pass pek mai thin hi a duh awm hle.
Vanduaina tawk te ka tawrh pui e.
[Report abuse]
March 16th, 2010 at 7:54 pm
MMM, Pawi tak a ni, Hman atang tawh a thil inrelh ru, kan la sawichhuah em em siloh, changkanglo zet chu Lunglei to Aizawl Sumo service Driver ho hi tlanchak hi an intihhmuh a, uan ahan neih khanglang, an Association dan ah te pawh “Kawng chhelai ah intlanpelh loh tur” tih pawh a awm tih Driver pakhat chuan min hrilh tawh nghe nghe. Hetia Association te an awm tak ah chuan in ko khawm thra se la, Thlen hma aiin him tak a tum ram thlen hi a hlu zawk a ni tih hi a thar a inzirtir an mamawh takzetin ka hria. Chuti a nih loh chuan Nunna hlu tak hi kan la chan zeuh zeuh reng ang.
[Report abuse]
March 16th, 2010 at 8:07 pm
News updated:
Sanga(Sangtuahlala-32) hi Thenzawl CHC ah boralin a ruang hi Pastor Qtr UPC (NEI) ah dah lai lawk a ni
[Report abuse]
March 16th, 2010 at 8:20 pm
mmm.. a pawi thin teh e. mihring nunna an kutah a awm tih hre lek lo hian an tlanchak thin si a. Mahni control zawh loh khawpa chaka lirthei khalh chak hi chuan nghawng a nei na thin ngai ngai teh e. Driver tam takin “ka control zawh loh khawpin ka khalh lo” an ti thin. Mahse, tlanchak lutuk hi chuan pawi a thlen nge nge chu a ni e. Driver te u fimkhur mawlh teh u khai. Hetiang chuan mipui kan zin ngam nang ??
[Report abuse]
March 16th, 2010 at 8:57 pm
Accident hi a namai lo asin! Ka tawrhpui khawp mai! Vanduai chhungte chungah Lalpan a hmangaihna leh khawngaihna vur nawn leh rawh se.
[Report abuse]
March 16th, 2010 at 9:11 pm
sawlam kawng saw atha a, a te bawka, tlan chak anuam boka,
ACCIDENT a awl hle bawk!!
[Report abuse]
March 16th, 2010 at 9:50 pm
Phaizawl ah chuan km 100 thlen nan 40km phrs hi him tawk viau a ngaih ani a..thla hmasa khan Lunglei ka va zin ve a..Thenzawl valley kha ava nuam em..a bak zawng chu Thihna kotlang ani ringawt..kawi si zim si tlanchak hlawm si…kuhva heh lawm si..
Lusun chhungte leh hliam tuarte ka tawrh pui takzet..a pawi thrin lutuk.
[Report abuse]
March 16th, 2010 at 10:26 pm
A va han pawi tak em…. Pawi tak a ni. Keini thisen farkhat pawh siamthiam lo te nunna hlu tak tak hi driver kutah a innghat tlat mai si. Nunna hlutzia hi driver te hian hre nawn mawlh mawlh teh se.
[Report abuse]
March 16th, 2010 at 10:49 pm
A pawi hle mai. An accident na hi Sialsuk atangin km 12 vel a nia, a tlanchak a niang. He World Bank Kawg, la zawh lo ah hian accident a tam ta hle mai. Tlanchak vanga chesual an ni tlangpui.
[Report abuse]
March 16th, 2010 at 10:57 pm
“Speed Thrills, But kills“….Passengers ho an va khawngaihthlak ve mawle…
[Report abuse]
March 16th, 2010 at 11:46 pm
a pawi thei thin mang e, tlan chak hi a him lo, vanduai hi chu a awm tho rualin tlan muang hi chu an chesual khat khawp, an chet sual pawn a pawi thui lo deuh nge nge
RIP
[Report abuse]
March 16th, 2010 at 11:48 pm
Always
Alert
And
Avoid
Accidents
[Report abuse]
March 17th, 2010 at 12:03 am
Van poi thin ve o,fimkhur hi ngai khop a sin.mitthi chungte kan torh pui tak zet a ni!
[Report abuse]
March 17th, 2010 at 1:30 am
may their soul rest in heaven….mithi chhungte Pathianin awmpui rawh se..
[Report abuse]
March 17th, 2010 at 4:08 am
Vung deuhin Gypsy tlan pelh a tuma an liam daih a sin le
Chak deuha tlana minute 30 emaw darkar 1 emaw a thlen hma tum ai chuan a pangaia himdam taka thlen kha a tha zawk.
[Report abuse]
March 17th, 2010 at 4:29 am
Speed limit hi Sumo driver ho hian an hre lo nge an zawm lo an tlan chak tlangpui. Chutih rualin kan kawng siamtu ho lah hian kawng hi an siam trawk chauh a la ni. Road Safety lamah hian kan investment hi a la chau lutuk. Crush barrier hi tam zawk siam a ngai khoops.
XaiA comment hi ka ei hle mai ka second e.
[Report abuse]
March 17th, 2010 at 9:18 am
Mithi chuangte Pathianin awm pui rawh se, a thi a te pawh an thlarau chawl hahdam rawh se. Sumo driver te hian tlan dan chintawk an hre lo, an tawng tlan vak vak zel hi a tha lo.
[Report abuse]
March 17th, 2010 at 11:10 am
Pawi thin hle/takzet a ni. A chunga an sawi ang khian Lunglei SUMO Driver te hi an fel/hawihawm rual rual hian tlan chak lamah hian an insum thei lo chu ka ti deuh a, kei pawh hian ka hlau deuh thin reng a ni.
Vawikhat pawh, a hun leh ni ka hre ta chiah lo, kawng thar tlan hma (Khawchhak kawng lamah)hian LLI to AZL ka kal a, Sumo driver te chu an intlansiak, ti tawh mai a, a dik tho bawk si a. Chuan intlanlehpel tih vel hi nuam an ti hle mai a, an hma amite inrinloh lai, kawng zau leh kawi remchangah an intlanlehpel thut mai thin a, driver leh driver chu an innuih a, a hlimawm phian chuan a lang tak na a, mahse ka lo hlau ru hle mai a. Mahni thlenna hmun tur thleng hmasa sa nih an inchuh niin an thusawi leh ti ti atang chuan a lang a. Pathian Zarah tluang tak erawh chuan kan thleng ta a. Hemi tum hian ka hlau takzet mai.
Rin aiin an khal thiamin driver te pawh an thlalai, tha chak that lai a ni hlawm a. MAhse kan sawi ang hian vawi khat lek tihsual avanga NUNNA hlauh a pawizia hi an hriat emaw, zirtir an ngaih zia hi engtin nge kan hriattir ang aw, sorkar lam pawhin awareness emaw te nei se ka ti ngawt mai. Kawng a tha a, Hmanhmawh vak lo pawhin Dar 2:00 PM velah chuan an thleng ngei ngei ang. Thleng hmasa nih te, tlan chak nih te, tlanpel tam nih te hi uana lak vak chi pawh a ni lo. Tun tuma Accident chhan bulpui ber pawh hi, fimkhur tawk loh vang, tlan chak, hmun him lo laia inlehpel vang ni berin a lang.
Tun hnuah chuan fimkhur phah nan hmang thin tawh se a lawmawm hle ang.
[Report abuse]
March 17th, 2010 at 11:52 am
Aizawl – Thenzawl – Lunglei kawng thar hi zuam sual a awl khawpin ka hria. Hmanni keipawh ka kal ve a, vawi khat chu ka kawi zo lo trep. Fimkhur a ngai khawp mai. DEPARTED SOULS – May they travel well
[Report abuse]
March 17th, 2010 at 12:20 pm
Kawng chhiaah kan che sual a, kawng a han tha deuh a kan chesual leh tho bawk si, kan fimkhur deuh deuh zawng a ngai a ni.
[Report abuse]
March 17th, 2010 at 1:12 pm
passenger inchuh an ni thei ang em?
[Report abuse]
March 17th, 2010 at 2:37 pm
Pwi thei hle mai.
[Report abuse]
March 17th, 2010 at 3:44 pm
Antlan chak fia fia thin kati reng a.Pawi teh thin e aw.
[Report abuse]
March 17th, 2010 at 4:30 pm
@Saitawk: I sawi khi ka tawmpui a che. In ko khawm sela, chutianga tlan vak vak chingte chu zilh thin sela a tha ang. An kutah mihring nunna hlutak a awm tih hi hre molh teh se.
Sanga hi tlangval fel, ka hriatchian em em a ni a. A boral hma lawk pawh khan office-ah a rawn leng a. Mi kawm thiam tak mai a ni. Ka ui tak zet zet. A chhungte Lalpa’n awmpui mawlh teh se.
[Report abuse]
March 17th, 2010 at 11:18 pm
@mzvision: kawng kan sial tawp a. Road safety, environmental management leh road maintainance atana fund a awmlo thin hi a pawi khawp mai.
Lunglei sumo ho hi an thlanchak tlangpui. Aizawl lehlanga tlan sumo 2 a awm bawk!! Hman ni lawk khan Muallungthu ah naupang kum 3 mi a chil a, a ke an tansak. January khan Sateek daiah Lunglei sumo a tlan liam tawh bawk.
[Report abuse]
March 17th, 2010 at 11:21 pm
@mzvision: kawng kan sial tawp a. Road safety, environmental management leh road maintenance atana fund a awmlo thin hi a pawi khawp mai.
Lunglei sumo ho hi an thlanchak tlangpui. Aizawl lehlanga tlan sumo 2 a awm bawk!! Hman ni lawk khan Muallungthu ah naupang kum 3 mi a chil a, a ke an tansak. January khan Sateek daiah Lunglei sumo a tlan liam tawh bawk.
[Report abuse]