Catholic Biak In a inneihna ka tel chhun a ni a,a hun rei deuh tawh mahse ka han thawh leh ngawt a ni e.
Archive for March, 2010
Catholic Wedding
Monday, March 29th, 2010Houses damaged due to heavy rain in Mizoram
Monday, March 29th, 2010Nizan Mizorama ruah sur vak chungchang… DNA report. News dang kan dawng hunah kan rawn hrilh leh ang che u (News in rawn submit thei reng a nia).
Around 500 houses were destroyed in pre-monsoon rains accompanied by strong wind and hailstorm across Mizoram yesterday and last night. The officials said that the worst-hit area was the north eastern part of the state within Aizawl district adjoining Manipur where at least 400 houses were damaged.
According to official information available, 20 houses were completely damaged in Darlawn village and 80 partially damaged while 150 others were also partially damaged in nearby Sawleng village.
Reports of damage were also received from Sunhluchhip, Sailutar and Serzawl villages with more pouring in from the Manipur border areas, the officials said. The storm also hit Kolasib, Serchhip district and Lunglei districts.
Read more at source: DNA: Hailstorm damages houses in Mizoram
Khawchhak Zofate tan channa nasa
Monday, March 29th, 2010Tukin zing dar 7:15 (Burma hun) khan Khawchhak Zofate mi ropui Do Thawnga kum 70, Kalaymyo NLD (National League for Democracy) MP chuan min peihloh san ta! 1996 atang 2003 thleng khan Politics vangin lungin a tang a.February ni 16 khan Kalaymyo Damdawiin puiah a in enkawl tan a ni. Khawchhak Zofate’n kan thlakhlelh tehlul nen hetianga min peihlohsan ta mai hi kan ui hle a ni. A kimchang zawkin a hnuaiah hian chhiar tur a awm .
M(s) Vûl zel ang che!
Monday, March 29th, 2010Aw… M(s),
Chhim leh Hmar, Chhal leh Thlang
Hmuntin Kiltina chéng- Zofa lêng ten-
Châwng chen iangin I pâr kan tlan,
I zû kan dawt;
I zarah hlimna kan hmu, I chhungah finna kan chhar;
I kiangah hriatna a pûng thin!
I tângah nunkhua réng a hâr nêmaw…
Pawisa hian hlimna a lei thei
Monday, March 29th, 2010Pawisa hian hlimna a lei thei a ni
IB Teachers training avangin hun rei tak chu thu mumal ziak hman lovin ka buai a. Vawiin chu ka rilruah thil eng emaw min mawlh riautu a awm a. Tihtur dang ngah teh mah ila, suangtuahna te hi ziakin i han dah ve leh reng reng teh ang.
College kan kal ve lai khan kan College thlanga dawr ‘Spot Com’ bangah khan ‘Money can buy bed, but not happiness. Money can buy a house but not home…’ tih thuziak lar tak mai kha an tar thin a. Thudik tluangtlam satliah maiah ka ngai a. Chuti teh ualin ka ngaihtuahna a luah hran ngai lova. Mahse, hei, tukin lam khan The Vancouver Sun, March 21, 2008-a chhuaka an article tarlan pakhat ka chhiar a. Ka ngaihtuahna a luah tak deuh reng avangin han sep rawtui ve reng reng thain ka hria a. Hlawkna chan phah a mual mual pawh kan awm mial mai thei a sin.
He article ka han sawi hi Elizabeth Dunn, University of B.C — a, psychologist research beih chungchang leh a thil hmuh chhuah chungchang an tarlanna a ni a. Elizabeth-i chuan ‘ Sum hian hlimna hi a lei thei a ni’ a ti mauh mai a. Thudik a nih hmel viau bawk a. Sum hian hlimna a lei theih lohzia kan infah nasat thin tehreng nen. Engtia hlimna chu sum hmanga neih theih nge ni ta ang le ?
Min tilawm thin!
Monday, March 29th, 2010Kan ram dung leh vang han thlir ila, politics, sumdawnna, zirna, sakhuana leh ni tin nuna thil chi hrang hrang mita kan hmuh leh benga kan hriat thinte hian lawmna aiin lungngaihna, thinurna, beidawnna leh lungawilohna min va thlen hnem zawk thin em! Kan nitin chanchinbu leh TV chanchin thar te chu hlemhletna te, rinawm lohna te, inbumna te, tharum thawhna te, inpawngnekna te leh mipat-hmeichhiat hman khawlohna thuten hmun leh hun an luah khat fo thin.
Tunlai kan khawvelah hian chanchin ngaihnawm kan tih hrang hrang zingah hian ‘chanchin tha’ hi a va tlem thin em! A ulh zawnga ngaihtuah phei chuan he khawvel hi thihna te, natna te, lungngaihna te, harsatna chi hrang hrangte leh chhiatna ten ro an relna ni hialin a lang thin a, hlimna leh lawmna te chu vana rah ang maia hla ni hiala hriat chang pawh a awm fo mai thei e.
Amaherawhchu, tun hnaia ka rilrua thil lo lang chu hei hi a ni: A chhe lai thlira insawisel luai luai ai chuan a tha lai hmu thiama infuihtawn hian rah tha a chhuah fo zawk tih hi! Chuvangin, ka thil thlirna tarmit ka han siam rem sauh sauh a, ngun leh zuala kan ram hi ka han thlir vel chuan min tilawmtu thil tam tak ka tawng ve ta tlat mai! Chung zinga tlemte chauh han sawi mai mai ila:
Joshua 9 Balls Masters Cup Champion top seed R.Lalrinsanga
Monday, March 29th, 2010Haw haw leh khuangpui nen chumchilha nawr chi a ni lo. Rilru fim tak, thluak leh kut themthiamna hmangkawpa khelh chi a ni a, tunah chuan Mizoram mipuiin he game hi kan hmelhriat tak tak ta. Tun hmaa Pool Parlour-a intihhlimna boruak ang kha a ni tawh lova, he game atang hian eizawnna tling, mite hriat hlawhna tak tak a awm a nih hre chiang hmasa tuten an luhchilh mek a, chung mite chu Millenium Centre-ah an inphochhuak ta.
Inrinni khan Joshua L Zama 9 Balls Masters Cup 2010 khelh zawh a ni ta a, mipuite lawm hlawh leh tlang rin top seed R.Lalrinsanga, Tuikhuahtlang a champion. Rinsanga hian final-ah 3rd seed K.Lallawmkima, Khatla South chu 11-8 a hnehin tuilet hnu leh leilung pian tirh ata Mizoram-a Masters Cup champion hmasa ber a ni.
Mizoram Snookers & Billiards Association chhuan pahnih inhmachhawn an ni a, inhnehtawk hle tura ngaih an ni.
Tunlai a ka hlapui…
Sunday, March 28th, 2010Kei zawng he hla hi nalh ka ti emmmm a ni, in ti ve em?? Ti ve lo mah ula kei chuan nalh ka ti tho tho –
https://www.youtube.com/watch?v=JpVq5IOay48(Admin: A original video kha embedding an disable avangin a version dangin kan rawn thlak ta mai)
Ka Nghakhlel
Sunday, March 28th, 2010
NEEPCO Chairman & Managing Director (CMD) I.P. Barooah leh Mizoram sorkar aiawhin Vanhela Pachuau, Chief Secretary te chuan nimin khan Hydro Electric Projects 3 tan thawhdun remtihna, Memorandum of Agreements (MoA) an ziak fel. He thu hi nizana NEEPCO CMD in State Guest House a Press Conference a kohva a sawi a ni. Heng thawhdunna turte hi Chhimtuipui H.E.Project (635 MW), Lungreng H.E.Project (815 MW) leh Mat H.E.Project (76MW) te an ni.
Builum zangnadawmna chungchangah Police-in mi pahnih man tawh Rs. 1,10,000 an hmu lêt tawh .
Sunday, March 28th, 2010Serlui ‘B’ Hydel Project tuikhuahin a chîm tâk, Builum rama zangnadawmna pêk leh lâk chungchangah, dik lo taka zangnadawmna la an awm tih hmuhchhuah a ni a, hemi kaihhnawihah hian mi pahnih man tawh niin, Rs. 1,10,000 hmuh lêt tawh a ni.
Mizoram Police hnen atanga thu dawn danin, Builum Inquiry Commission-in dik lo taka zangnadawmna lâk a awm tih a hmuchhuak a, dik lo taka thil titu an hriat chhuahte lakah chuan a tul anga action la turin August 31, 2009 khan Chief Secretary, Van Hela Pachuau hnenah ngenna an thehlut a ni.
Hemi hnu hian, Revenue department-a ASO-II, Lalchhawntluanga chuan March 18, 2010 khan Aizawl Police Station-ah FIR a thehlut a, Aizawl PS chuan IPC Section 419/420/468 hnuaiah thubuai ziak lutin, an chhui zui nghal a; he thila inhnamhnawiha puh, Ruatdika (30) s/o. Lalthanchhunga, Lily Veng chu March 19, 2010 khan an man a, March 20 khan Laltlansanga (49) s/o. Lalvuana, Serkhan an man leh a ni.
source : www.vanglaini.org a tanga lak chhawn ania, tih rual in police te hmalak na an fak awm hle, Pu Hawla’n a phoro tan mek tihna ani thei em?
in va lut...
