Zo nun… aw ZO NUN
Hman ni chu thingtlang ah ka zin a, ka vanduai a siam in ( ka vanneiha siamin ka tih zawk dawn a mawni) ka thlenin te nau a boral hlauh mai a. Kan tlaivar a, kei khawharin a kal ngai vak ta lo chuan, hla thiam ka lo nei tlem khermai… mahse nula leh tlangval ka tluk loh tam tak ten thiam em em mai hian khawhar hla an han sa ta tluk tluk mai, an va thiam em, an thiam em avangin lungleng lo ka lung a leng a, mithi(mitthi?) ngai ngailo in mual liam hnu lenrual tha leh chhungte zawng zawng ka ngai ve ta vawng vawng mai.
Kei misual hian vanram te pawh zuk ngai tel ve hial a mawle… eng tin a mawni tak hian ka awm a tlaikhua khua var ve zak zunia. Kha ti tak a Zonun mawi a min hnuk kir a thlarau nun theng hial khawpa min dawn tir tu te kha an va hlu em… an sakruang in  Reebok/ Levis etc… show room kutchhuak reng a chawi lova, an fu ke ah lah Avon/ Mary kay Etc… hnuhma reng a chuang hek lo, khawharin ah  Nihawichi leh Sweetie Supari in hmun a chang lova, khuang ri mil lo zet zet in SMS ri hriat tur a awm hek lo, Handset sik neuh neuh leh phun ser ser a awm lo nimai lo’in thianglo ah an ngai ta amawni tih hial zawk tur a ni. An va mawi em..!!!
Zing a ni a, thlanlai tur tlai hlau in tlaivar leh varlo thlanmual lam panin kan in lehpel zut a. Thlan lei cheh hawn hma hauh’in lut hnuhnung nih hlau in kan in tlar a, mahni hma a ding te phawi tum ran leh  hnung a mi ten min phawi loh nan ti in hma a mi te kawng chelh ran chungin  tan an khawha, chu tiang ti ngai velo kei ta pek, ka che sual leh ta, ka hnung a dingin min phawi zawk a, min theh ta dawrh mai, leivung delh tur la awm hek lo, zapanhlo hmun ka delh pe thla ta zawt zawt maia, tlangval ho lah an lo haw haw dur dur a…, mikhual nih a sawi theih loh a, rang fahran in ka tho a cho tawk vawrh ve ngei tumin ka chho ta a, ka tlangnel sawt in ka hria, thinrim a awmlo va nuam tak ani … kan veng ah chuan luh kan inchuh lova, lut tlem bik nih kan zak hek lo, a rem in kan in rem a, a inrem peihlo te kan titi khawm let let thin, kan boruak a in anglo hle ani.
Thlan lai ho thingpui sem a lo hun, ril atam tawh a, Cake leh thingpui ka hisap nasa tawh mai. Ral ah tui chip chhuan nula rual an lo kal dam dam a, chutah tlangval ho an phur sauh a, an haw haw leh ta dur dur mai… nula ho thlen lai a  lo thu hahdam bik nih  zak / duh lo in luh kan han in chuh nawn leh tehreng a, chauh tawhlam ah chuan “at thlak†ka ti lek lek mai… nula ho an rawn thleng… tui an rawn sem tan ta, valupa ten “khai u le I chawl lawk ang u khai†an han ti a, nula fel tak tak ten nui sang in tui min han sem a, zo nun tluka thiang zo tui dawn khalh khalh chu anuam in a tui kher mai.
Thilmak a thleng, mit a va han in tawng duh tak em..!!! Thianpa @Khamranga te anga phawi rang chu ni ila ranngo hi ka zawn buai a ngai tawh kher awm love. Chuan, thlanlaih kan zo dawn ta … valupa ten a tlawmngai ber ni a an hriat tlangval hnenah chhawl an han pe a, a tawp zu khar rawh khai an han ti a, a ni chu an tang deuh na a … mahse a ti ta tho a, thlan banga thil zung lawr te sat fai in a chhung te chu a chhawl ken chuan an phiat fai hliau a. Chutah, chhuak ru le… kan zo tawh e ’ ti in an au that that a kan kai chhuak ve ta a.
Ka ngaihtuah tak mai mai chu, an ni khua hi chuan thlan lai tura hlawhfa rawih leh khawhar in riah tih tawp tihvel hi chu atthlak an ti awm teh e ka ti thin a ni.. Khawharin hi tun aia hman tangkai theih anih hi ka ring a, thlanlaih hi hman thiam chuan in pumkhatna atana thil tangkai, MIZO NUN zirna thatak ani tih hi ka pawm nghet tlat ani. Hawh u… Khawharin kal ila, thlan I lai ang u khai. I hlut ang u zo nun mawi. Aw… zo nun hi… hei bak kan nei chuang love.
Similar Posts:
- Tunge India ramah nula chhe lo ber?
- VAL-UPA
- The song which i can listen to all day long
- ZO PA LEH NU KAN LA INDUHLO TAWN ANG NGEM ?
- Saruakna hi sual a ni em?
hairehai
March 3rd, 2010 at 9:28 am
Khawhar In kal ngun chuan Mizo hla (mizo irawm chhuak ngei, van lam ngaih hla)kan thiambelh ve zel a, hei bak hi Khawhar hla thiamna chance a awm chuang lo. Khawhar In-a hla thiam neih mang si loh a, langsang taka thu phei hi chu midang hmuh ah pawh a mawi lo lek lek. Khawhar hla ka thiamlo tia, chhuanlam neih hi chhuanlam a tling lo..hmun dangah khawhar hla sak vak vak ni hek lo. A tirah kan thiamlo anih pawhin kal ngun hram2 ila, hla hi vawi 2/3 nawn a ni tlangpui a, thiam tum chuan, thiam a har lo…tin a thluk hi a kikawi ve lem lo va…rin aiin thiam a awl.
[Report abuse]
March 3rd, 2010 at 9:37 am
an va entawn tlak ve, khawi khua nge hriat a cakawm hle mai
[Report abuse]
March 3rd, 2010 at 9:44 am
Khawi khua nge maw ni le? A va nawm hmel tak ve. Thihna khua atan a that dawn hi, veng/khua tam tak hi chu thih nan hian a iaiawm duh viau asin.
[Report abuse]
March 3rd, 2010 at 9:49 am
Ka chhiar thuak thuak a, atha hle mai, mahse ka kawmen hman rih lo. Delhi ah ka zuk kal zuaihs ange. Nihnih training tur ka nei. Thiam tak tak hi ka lo nei lo a nih hi, training deuh reng a ngai!!!!
Misual ho chithlummum tial ka rawn hawn ang che u.
[Report abuse]
March 3rd, 2010 at 10:13 am
Ka chhiar a, ka chhiar nawn leh a, ka lung a tileng tulh tulh mai.
[Report abuse]
March 3rd, 2010 at 10:14 am
Kei pawh a khaw hming ka hre chak. An fakawm hle mai. Mahse thlanlaih leh khawharin riah hi chu khawpuiah chuan kan la kalsan ngei ngei chu ka ring.
[Report abuse]
March 3rd, 2010 at 10:42 am
trap trapin ka auding zo si lo… kan ti vawng vawng mai dawn a nih hi
[Report abuse]
March 3rd, 2010 at 10:58 am
Zonun mawi hi amawi a thlanlai leh khawhar in riah lung a ti leng ngei mai le .
Engpawh nise kan hun tawn hian kan kal phung hi chu a ti danglam zel tur ah ngai i lang hmun trhenkhat a trha kha a trhenah chuan a trha lo ve tho thei bawk.
Khawpuiah chuan thlan lai hlawhfa lak leh khawhar in riak tih tawp tih pawh trha zawk thei bawk.
Zoram ah pawh time is money a nih ve hun ah chuan kan kal phung pawh hi a la dang ve hrim 2 tur ah ngai mai ilang.
[Report abuse]
March 3rd, 2010 at 11:02 am
@lersia. i tawn ang hi tuichangral khaw pakhat a kan zin tumin ka tawng ve tawh a, ka rilru a khawih dan leh tun thleng pawh a khawhar hla an sak ri hi ka bengah a la cham a, an va thiam em, nang chuan i ziak thiam bik a, a ngaihnawm hle mai.
[Report abuse]
March 3rd, 2010 at 11:16 am
zonun.. zonun mawi,
trap trapin ka au ding zo silo;
aw zonun, zonun mawi, liam lovin la cham rih hram rawh aw..
tih hla kha minti hrechhuak zawk mai. he post theme song ah thlang mai ang u. a mawi khawpmai, la ngaithla lo kan awm chuan ngaihtlak ve ngei ngei chi mawle :lol:
[Report abuse]
March 3rd, 2010 at 11:31 am
@grady thanks… ka up uih ang tih ka hlau a, a rimchhait hma in ka phawrh a ni e… ninawm em an ti bik lo ang chu maw.
[Report abuse]
March 3rd, 2010 at 11:39 am
Zonet Zonuni hi a mawi ber :lol:
[Report abuse]
March 3rd, 2010 at 11:45 am
Ka comment a lut thei re’ re’ lo mai. Lut raw pip
[Report abuse]
March 3rd, 2010 at 11:53 am
Mak hle mai a, opera mini 4.2 leh 5 beta 2 hmangin ka browsed a comment a lut thei der lo a, phone a awm sa hmangin a theih leh si. Help !?
[Report abuse]
March 3rd, 2010 at 12:06 pm
Zonun aw zonun, rose par mawi ber ai pawn i mawi zawk e, i par zu hi ka tan khawizu aiin i thlum ngei e.
Hmanah Liandova te unau in mim fang an in phel. Liandova leh tuaisiala hi rawn tho leh se in than laihna ah rawn tel ve se,nuam an ti ngei ang.
Thianpa Lersia, damte a tlang kan chuan dun leh anih ngai chuan, liandova te unau iangin kerh kerh han dawm dun a va chak awm ve.
[Report abuse]
March 3rd, 2010 at 1:23 pm
a va lunglen thlak ve leeee….
[Report abuse]
March 3rd, 2010 at 2:51 pm
Ngaihtuahna a tlawk let veng veng mai a lawm! Tunlaiah chuan nula/tlangval fel leh tlawmngai nih a har loh nen, mitthi/khawhar in kal nachang hre lo hi kan tam a nia!
[Report abuse]
March 3rd, 2010 at 3:50 pm
lunglen dan va inang lo thei em :!:
[Report abuse]
March 3rd, 2010 at 4:08 pm
Zonunmawi thar i din ang u kan auh din tawh loh hi chu kan kohkir ka ring tawh lo. Rawtna ka nei mahse kan up rih te’ng
[Report abuse]
March 3rd, 2010 at 4:45 pm
a ni tak asin..thingtlang nun hi a nuamin a hlimawm thlawta,kan zonunmawi,ral der tawh nia kan sawifo mai pawh hi kan hriatloh vang a nifo.thingtlangah a ni emaw,khawpuiah pawh,zonun zemawi hmuhtur hi a la tam mai.thingtlangah ngat phei chuan nunho a nuama,kan pi pute nundan mawi ngaina leh thlahlel tak tan phei chuan nuamtak a ni.i thuziak hi ka chhiar ninglo hle mai.mi tamzawk chhiar theih tura Vanglaini vela chhuah atan a tha,ziakzel phawt mai teh aw…
[Report abuse]
March 3rd, 2010 at 7:34 pm
Arts & Culture Deptt leh CYMA tanghovin —a chunga thu POST ang maintain thei ber Veng leh khuate chhinchhiah ve se, lawmman siam hial erawh hi chu a mawihawihin, Mizo mawlh tawh si lo … engemaw taka Zonun mawi chim hek then tur erawh hi chu ven that a ngai hle.
Thu post tha tak ‘with a little bit of utopia’ a nih chu ka ring feih feih!
[Report abuse]
March 3rd, 2010 at 8:27 pm
kan mizo nun dan mawi leh kal phung hre ril lutuk lo tan pawh hethu zet chuan kan hmanlai mizo nun a nuam dan tur leh mizo nih avanneihthlak tur zia min ngaihtuah chhuah tir a,chutihrual rual chuan tunlai kan nundan nen a in perhsanta lutuk hian hmanlai nun chhimphak lo mahila chumi nun ngai vawng vawnga koh kir leh chak avang leh kan tunlai nun a tlawmngaihna, taimakna,rinawmna leh hmangaihna a awm mang talo hian kei ang mitahbelh chu dan zawh rual lohin chhing mittui a luang chhuakin a far zawih zawih mai dawn ka ti !
A ngaihnawmin mizo thangtharte tan chuan inchhutlet vawng vang na tham a ni.A ropui khawp mai!
[Report abuse]
March 4th, 2010 at 12:11 am
lersia, kan khua a kan tih dan vek ania i rawn ziah hi keipawh thlanlai thingpui pe tur in, in a tang tuilum ka keng chhuaka ka kal fo tawh kan mizo tlangval te hi an tlawmngai thei a sin.. a nuam ve thei khawp mai min ti hre chhuak rum2 mai a
[Report abuse]
March 4th, 2010 at 3:09 am
THA DAP DAP KHAWP MAI!! :]
[Report abuse]
March 4th, 2010 at 9:58 am
Chemte… nang nula fel in… lunglen thlak tawk in Khrismas chhang tur kan den lai kha i rawn ziak ve dawnmi le… kei chu nghilh thei hian ka la mawi mawlh lo a sin…
[Report abuse]