Kan value system

April 17th, 2010 4:28 pm by Turu^lo

A tawngtial-in a ‘title’ kan dah mai ange. Mizo tawngin a phawkchhuak tur ka ngaihtuah chhuak thiam tlat lo. Tin,he thu sawi chhuak tur hian ka rilrua a lo lan dan hi ziak chhuah thiam har ka va ti em. Thu ziah hi a lo va har em!?  American Idol kan chhungin kan en thap a, nikum a idol tling zo ta lo Adam Lambert a lo lang a. “Zaithiam mahse,mawngkawhur a nih vangin ka ngaisang thei lo” kan ti chhuak ngawt chu,kan nula te,Lambert-a lo ngaisang em em tu te thin a lo khei zar mai!

Ka ngaihtuahna a kal thui zel a, kan ‘value system’-ah hian, Pathian duhdan hian hmun a va chang tlem sawt em!  Tih ka ngaihtuah a. A zaithiam phawt chuan mawngkawhur pawh nise ngaisang zel tu kan tam tawlh tawlh em? Eiru ni chiang ngeia kan chhutchhuah pawh an thawhlawm thawhtam dawng duh leh ngaisang tu kan tam tial tial em? Dikna awpbet thin officer pawh officer an nih hrim hrim avanga zah tlak a ngai kan tam tial tial em?

Nupui pasal laka rinawmlo officer leh khawtlanga mi challang, an nihna leh challanna avanga kan zah der loh ngam loh an pung chak tial tial em? Sawi tur dang a tam. Misual ho hian kan ngaihtuah ve ngai em? Heng thil tlemte ka tarlan te in a lantir chu engnge? Tiaudup chunga innghat ‘value system’ neitu hi kan tam ta tial tial em ni? Adam Lambert American Idol atana an thlan tlin loh chhan chu ‘Mawngkawhur’ Idol atan an duh loh vang tih,source hrang hrang,internet atang te in a hmuh theih.

American ho tam zawk ‘value system’ a la dal lo a tih theih bawk ang. Kan ‘value system’ hi min hruaitu pawimawh tak anih si chuan,kan ‘value system’-in tawih lam a pan tial tial anih chuan kan hnam hian tawih lam a pan tial a ni thei angem? Ngaihtuah a ngai e. Misual ho hian kan ‘value system’ tla hniam tual tual tungding leh tur hian tih theih kan nei em? ‘As a Mizo’ angin tih tur ka nei ve em? Tih hi Misual ho ngaihtuahna chaw atan kan chhawp chhuak ve leh a ni e.

Similar Posts:

Recent Posts:

46 Responses to “Kan value system”

  1. 1
    hramtea_pa Says:

    Ka 1st ve tlat mai a!

    [Report abuse]

  2. 2
    ovala ralte Says:

    2nd ve e. kan chhiar a nge

    [Report abuse]

  3. 3
    Viking Says:

    What is tawngtrial, ka vawikhat hriatna ??

    KA lawm e

    –LVK

    [Report abuse]

  4. 4
    XaiA Says:

    Kan value system chu 1st,2nd tih vel a nia :lol: :lol:

    Tak tak a,midik te,taima te,huaisen te,tlawmngai etc. kan ngaihsan a,mi hlemhle,dawtsawi hmang etc kan hnualsuat ngam leh a va han tul tak em.

    [Report abuse]

  5. 5
    keimah Says:

    Khawvel hmasawnna leh ‘Globalization’ hrin chhuah chu heng kan thil ngaihsan zawng leh duh zawng lo danglam zel te,’politically correct’ vulh len tumna te, leh i sawi ang thil chi hrang hrangte khi an ni awm e. Sum leh paiah kan thang a, thinlung lamah kan pachhe telh telh thung si! Mizo khawtlang nun ngei pawh hian kan pumpelh thei bik lo va, kan pi leh pute ze mawi leh kan Kristianna thinlungte pawh Sap ho, Pathian pawh nei lo, anmahni inpathian chawp thinte nun dan leh khawsak zia hian a luahlan mek a nih hi! Chung zingah chuan Mawngkawhurna te, nau tihthlak te, Feminist movement te, family ngaihnepna te, Pathian sawi chhiatna leh Pathian awm rin lohna te hian hmun an luah lian a, khawvel media hrang hrang hian Kristian zirtirna leh Pathian thu lam hi a do char char emaw tih tur a ni bawk.

    Chuvangin, kan Pathian thu leh kan khawtlang nun mawi humhalh tur hian “tunlai thil awmzia” hi kan hriat ve zel hi a pawimawh khawp mai. Khawvel hi eng anga changkang pawh lo ni ila, Siamtu Pathianin a nih dan tura a ruat ‘System’ hrang hrangte hi a dik ber zel dawn. Hetah hian Mizote kan dinngheh a tul tawlh tawlh ang.

    [Report abuse]

  6. 6
    Diktea_Pa Says:

    Turu^lo pawh chu tu-ru hle mai! I ziak thiam khawp mai.

    Tehfung leh tehtu a zir hian kan thil teh hi a danglam thei. :)

    [Report abuse]

  7. 7
    caribou Says:

    Mahni hlawh phu lova building ropui tak tak sa a, car chhuak thar ber ber lei a, fate phaiah zirna hmun manto ber bera kaltir thei, thawhlawm thawh tam em em si te hi ani lawm ni mipui mimir in kan ngaihsan a, chhiatni thatni a mipui hip khawm tam ber ber ni si te hi.
    Eiru ve lo zirtirtu ai chuan eiru phak chin ngaisang hnam kan ni.

    [Report abuse]

  8. 8
    mzvision Says:

    Taimak leh rinawm tih hi kan vlue system nise chuan hma kan va sawn nasa dawn em

    [Report abuse]

  9. 9
    shailendra Says:

    kan value system chu pu xaia chuan min lo hrilhfiah khalh chu a :twisted:

    Khawvel thang chho zel hian a keng tel tlat mai si a. A hahthlak a nih hi. Kan rinna innghahna te pawh hi, sawi leh sawi hnu, revival chu kan mamawh a ni. Mahse revival pawh lo thleng dawn se kan duh chinah kan rek bung leh tho lo ang maw?

    [Report abuse]

  10. 10
    lushai_er Says:

    Tunlai kan thil ngaihsan/ngaihropui chu ‘TANGKA, SUM LEH PAI, ROPUINA’a ni lawm ni???

    Kei ‘FINNA leh HRIATNA’ hi ka nghaih ropui leh ngaihsan chu a ni a, a ni kumkhua bawkang. Ka fa leh tute thlengin ka zirtir ang.

    Misuala a tam zawkte hian kan ngaihsanloh corrupt ni a kan ngaihte assets hi kan ngaisang riauvin ka hre ve tlat.

    Mizote hian kan ngaihsan chu in-tha deuh neihte, Kan thenawmte thawmhnaw/bungrua ang neih ve. A bikin hmeichhiate hian Eden huan a ta mipate awhna an siam fo, mawhphurtu sangber an ni fo.

    Kan leilungin a zir em? kan sum leh paiin a tlin em ? A tlin loh chung pawh a ti lui talh hnam kan ni! Assam Type building kan hluihlawn takte hi Lirnghing Nasa kan tawh hun chuan kan la ngai ngei ang. Engvanga Assam Type hmingpu nge tih hi hrilhfiah ngailo in kan hre tawh ang.
    :roll:

    [Report abuse]

  11. 11
    swiftymcvay Says:

    Mi kan judge hian an ngaihsanomna lai leh an demomna lai hi ngaihtuah tel ve hi a tha phian….

    Officer ei ru tun2 poh kha officer ni tura a thil paltlang kha hre ve ta ila ka tihna ang a nih chu,a lo ngaihsanom viau maithei asin.
    Mahse…
    Tute poh hian mi thatna lai aiin an chhiatna lai hi kan hmulian zok ngei2 a,chumi a nih avang chuan thil tha kan tih somkua aiin kan chetsual voikhat kha a lar zok tlat thin.

    Eiru ho hi chu hmuhsit ngam tur,kan hmuhsit loh chuan an pung tual2 zel.mahse mizoramah hi chuan kan la ngaisang deuh hlek chu la nih hi mole.eiru kan ngaihsan chhung chuan ram ropui kan thleng don leu….

    [Report abuse]

  12. 12
    Zephenath Says:

    ka comment vel peihlo e a…lol(hmanni khan ka sawi nual tawh kha)

    [Report abuse]

  13. 13
    shailendra Says:

    Kan pi leh pu te’n an lo sawi thin chu, ‘ fate riltam ai chuan rukruk a pawi lo’ an lo ti thin a ni lawm ni kha? Hei hian tunhnu a kan nun hi kawng thui tak chu a kaihhruai hmel. Mahse rukrukah hian chin tawk chu hriat a ngai lawng maw :roll:

    [Report abuse]

  14. 14
    lushai_er Says:

    #13, an ruk pawh khan an chemtum emaw an meitalh tal an hnut chhiah thin. Hnutchhiahtur an neih loh paw’n lei rah a rem ve leh an rul leh ngat thin.

    [Report abuse]

  15. 15
    H.Vangchhia Says:

    American military lama hna thawk tur chuan mawngkawhur an tel thiang miahlo, phal a nilo bur. Don’t ask, don’t tell policy hi Obama hian thlak a tum mahse ala hlawh chham chu a nih hi. https://www.law.georgetown.edu/solomon/background.html

    Mipa te hi kan hlutna chu chi thlah chhawng tu nih leh chungaw pa ber/khai khawm tu nih a, chhungkaw enkawl zo/thei nih hi a ni. Chu chu mipa value kan ti theiin ka ring.

    Hmeichhia te hlutna chu chhungkaw nu ber, fa hrin sak tu leh nunnem leh zaidam pholang tu, pa ber thlazar hnuai a sa him zawng tur a ni. Hei hi hmeichhe value kan ti thei bawk ang.

    A hnam zawng chuan rinawmna leh mahni nih ang2 a lang ngam ni hlawm ila Mizo nih hi a nuam zual sawt ngei ang.

    Mawngkawhur hian an sim loh chuan hlutna (value) an neih ka hre miahlo. :P

    [Report abuse]

  16. 16
    darchhunval Says:

    Ka value system tha tih leh mahni pawhin ka zawm tum hram hram chu heng thil pathum inmil thlap hi a ni.

    1/ Thusawi hmang
    2/ Rilru puthmang
    3/ Thiltih leh nun dan

    Heng pathum hi lungthu ang deuh a ni a,a inkamrual tham loh chuan a ding nghet tak tak ngai lo.

    [Report abuse]

  17. 17
    Jennifer Lo Says:

    KEINI leh NANGNI eiru tih hi a inanglova kan value system pawh a inang theilo,
    NANGNI chuan mahni leh mahni contract/sypply order inpek,chhungte fate hming a thawh a hlawkna tel ve tho, mahni leh mahni hna mahni bawkin inspect a thra tih em2,sorkar in inthawhhlawh anpek che u nilo,contractor/supplier ten indil leh inphut nimiahlova anbill engkim inpass sak vek hnu pawh a LAWM MAN an pek cheu te hi corruption ah inngailova, tun a indinhmun leh inhna chelh kha chelh lo ta ula Zopa kuthnathawk nita ula anpek hauh loh tur che u LAWM MAN(in kind/cash) indawn te kha NANG NI tan chuan eiruk a nilo.Tu chanai mah a ni tlat lo va.. :mrgreen:
    KEINI ve thung chuan khang zawng2 kha Misappropriation/Criminal misconduct ah kan ngai si duhsakna hleihluak tel hauh lova rimtak a kan thawh hlawh bak zawng hi chu MISAPPROPRIATION ah kan chhiar a kan income(valid/legal) daih bak moveable/immoveable property kan neih er ur chuan kan zak viau ang engemaw smugling/pawisa lem etc a inhmamhnawihah kan inngai ngei ang

    [Report abuse]

  18. 18
    awmawmpuia Says:

    @11 swiftymcvay, i comment ka thlawp e. Tin, eiru an ni emaw zu zuar an ni emaw an duh leh thawhlawm te chu an thawh ve ang chu mawle.

    [Report abuse]

  19. 19
    awmawmpuia Says:

    zephenath khi hmanni khan tunge hau kha, a titau tlat ania.

    [Report abuse]

  20. 20
    Jennifer Lo Says:

    Swiftymcvay#11, politician tam tak hi sin ngaihsan awm, minister/MLA tur hian zankhaw tairek thlengin michhe daikil kar hrutkual a khawngaih dilkualin zan engzat nge antlaivar ngaihsanawm deuh a sin annih :D Officer lian te hlei2 hi an genius ltk hi sin ngaisan awm Crore tel ziak bo felfai tur hian zan engzatnge anmuttheihloh, formula engzatnge an byheart an Pu lehchhawngte anhan tihlawm thiam dan em2 te hi genius te genius anni ringawt an NGAIHSANAWM lawrlak :P

    [Report abuse]

  21. 21
    Vetehmial Says:

    Inropui leh mawi,lirthei chitin,thenkhat ten chawlh nana anthuam ani..thenkhat ten fin leh zir sanna te..katan zawng aw Kros engkim i ni…ka rilru ah rawn lang ve tlat..
    OT kan uar tlang tho sia.

    [Report abuse]

  22. 22
    Taikhery Says:

    .

    [Report abuse]

  23. 23
    retrochic Says:

    keini mizo ho hian value system tak2 kan nei emawni le? a huhova huaisen, mimala dawihzep!!!! rinawmlo etc. etc. kan society hi kan la tluchhe ngei ang :(

    [Report abuse]

  24. 24
    Maverick Says:

    Eiru sawisel sawisel ho tam tak hi eiru thei dinhmunah hian han ding chiah sela chuan eng an ni bik kherlo maithei ani..

    BTW, Adam Lambert in tia mawni kha keichu ‘mawngkaw-lo-hur’ pawh nise thiam ka ti lo bon phir.. ka Idol chu ani lo chiangkuang ve khops mai…

    [Report abuse]

  25. 25
    tiasno Says:

    Inthlannaa tenawm taka tlingte ngei pawh hi kan dah sang leh larh thin! Diklo taka ti te hi chu ngaisanglo ngam ila chuan kan ram hian hmasawnna kawng diklo a zawh miahlo ang.
    Sawi tur a tam, kan Korean ngaihsan dante pawh hian kan nihna chu a pho chhuak tha viau lawmmanile. Car nei thei thil ba huai nih ringawt te pawh hian kan value hlut lohzia a thailang mai mai lo maw???

    [Report abuse]

  26. 26
    tiasno Says:

    @swiftymcvay..kawng harsa tak zawha officer anih theih na kha ani lawmni kawng dika hruaitu tur zawk chu? Eiru tun tun tura officer ani hauhsiloa…..

    [Report abuse]

  27. 27
    coolsoul09 Says:

    Tlem sawi ang. Value System chungchang hi chu zawlbuk online group ho pawh khan Seminar thupuiah kumin khan an hmang a. A tuipui zual chuan zawlbuk.net lamah lo chhiar ta ula.

    Mawngkawhur chungchangah hian tlem tarlan duh ka nei a. Piangsual an ni a. Anmahni va thiam loh chiam mai a, hmuhsit emaw, endawng emaw hi a fuh ber em tih hi ngaihtuah a tha ang. Mimal tak chuan ka ngaithei lo khawp mai a. Ka ten bawk a. Mahse, ‘tuai’ te hi fapa nei ta mauh mai ila, pasal neih te hial duh ta sela..engtin nge ka ngaih ang tih hi ka inzawt thin. Piansualna a ni ka tih hi pawm lo in awm a nih pawhin, a ni tho thova. Genetic Disorders chungchang in bihchian chuan hei hi in hrethiam thei ang.

    Adam chu kei a zaithiam ka ti. Mawngkawhur a nih thu an han sawi khan ka ner deuh hlek a. Mahse, a zaithiam loh phah lemin ka hre lo. Ka ngaihthlak chhunzawm zel tho. Mad World ngat phei kha chu, a tluka sa nalh ka la hre lo reng reng.

    [Report abuse]

  28. 28
    Kawnga Says:

    @Vehtehmiala ang deuh khian….

    Famkimlohna khawvel hi zawng, belhchian leh lungngaih a tizual…

    tih hla a lo lang ve daih thung.

    [Report abuse]

  29. 29
    lasi pitar Says:

    #24 @Maverick, ka sawi tum tak min rawn sawi sak a ka lawm e..

    [Report abuse]

  30. 30
    Jaspi Says:

    Hetiang thil hi chu kan tawn tur reng a ni. Tunlai khawvel in a kentel a ni tlat. Zofate’n kan hmelhriat ngai loh, Europe khawmual leh America atang te a rawn thleng a. Kan hmelhriat loh a nih ang in, kan “lawm” em em a. A tha lai kawpi lovin, a chhelai kan kawpi a. Sap lem kan chang bawk.!
    Kan OT daih teh ang!
    1915-9 chho vel a Zofate buaina han sawi lawk ila. Khatih lai pawh khan Christiana leh kan sakhua inkar ah buaina rapthlak a awm a nih kha. Christiana in pe ten, Sap ho hlaphuah sak, khawr em em in, dawlrai ham an sawi an in an sa ve a. Christiana in pe duh lo ten, kan zo hla thluk nem tak leh mawitak mai chu thiam em em in an sa hlarh hlarh bawk a. An inep nasa hle in zofate khawvel pawh pa 2 ah a in then ta hmawk. Chutih lai chuan, Pathian in “Puma Zai” hmagin Zofate mit a rawn ti var ta a, Sap ho lem chan ngai lovin, kan zozia atang ngei a, Christian kan nih theih zia leh, Pathian kan chawimawi theih zia kan lo hre chhuak ta a. Chuta tang rei lovah chuan 100% in Christian ah kan in let ta pup mai a nih kha.
    Chutiang chuan, tunlai khawvel ah pawh hian Zofate’n buaina nasa tak kan tawk! Kan hmelhriat ngai loh Mobile te kan hmelhriat a, kan chhiat pui lek lek, thil chi hrang hrang kan hmelhriat tan a, hetiang thil hian kan zozia hi a khuh/hnawl em ni chu tih tur khawp in kan buai pui ta. Thu dik chu ngai reng mahse, a tehfung kan nei fumfe ta lo. A tul dan a zirin thudil tehna tehfung kan siam chawp kual vel ta mai mai ni in a lang. Mahse, rei lo ah chuan, Puma zai hmangain Pathianin kei ni zofaten min harh tir ang hian, thil pakhat khat hmangin kan pil thuk lutuk a ni tih hi min hriat tir ka ring tlat thung.

    [Report abuse]

  31. 31
    muantea Says:

    Mi kan hrang sa kan hrang, ngaihdan a tam pawm dan a tam. Kan ngaihhlut thil sahal khai hi khawi atang chiah hian nge maw kan en rem dawn le!! Dik leh hlu tawp thei lo erawh chu value system based on Bible a ni. Thil hlutna hi a tehtu thinlungah a awm thìn. ‘I sawi zawngin i nihna a lang’ tih ang deuhin kan ngaihhlut zawng atang hian kan nihna zawng a lang chiang hawt e. A post tupa hian mit pali nen pawha fiah taka a la hmu thei hi ka lawm vur vur khawp mai.

    [Report abuse]

  32. 32
    Jaspi Says:

    Value system based on Bible tih hi ka ei khawp mai. Kan kalchar leh kan Christianna inrem taka kan kaltlan tir hi a pawimawh ber. Thu dik leh dik lo chu Bible hian min hrilh fiah tawk. Khawvel in Bible hi pawm lo mahse, kan pawm tlat chuan, …..sawi tawh lo mai ang. Tunlai kan zoram boruak nen, sawi pawh inthlahrung awm,…nep nuap hlawm hian. :evil:

    [Report abuse]

  33. 33
    hlatekhua Says:

    #17 chu changkang awm bik ve aw!!! Mizo zingah inchhiar tel ve se tha tur a nia leh!

    [Report abuse]

  34. 34
    Epistemology Says:

    He article hi a ngaihnawm lutuk tlatss..chhiar a nuam tak zet…ngaihtuah zui tlak thutha inphum awmin ka hria..Moral lama dik lem lo, pawnlanga tawng thei fu fu kan tam fu mai. Nun dik lem lo pawn, ram a vei theih fu mai…i thuziak pakhat “American ho tam zawk ‘value system’ a la dal lo a tih theih bawk ang” tih lai hi erawh ngaihtuah ngun a tul..Sap centric ringawt hi hnam kalphung tih palh a hlauhawmin ka hria…

    [Report abuse]

  35. 35
    Teleptuama Says:

    I ziakdik lutuk, atha khawp mai, kan society hian kaldan system mumal tak kan tlachham inkahria, sapho nundan kan lalut nasa hi kansawisel fo thin takna a ,a tobula kan chhui dawn chuan kan kristianna lo tenen ainkungkaih vek mai ,..A sawi hi kan chak em em ringawta ataka tih atlem leh si hi abuaithlak laiber ani inkahria.

    [Report abuse]

  36. 36
    Jennifer Lo Says:

    @hlatekhua#33, post hmasa lam Kawlhawk post “NANGNI LEH KEINI” tih kha lo chhiar phawt la, tute nge NANGNI chu ni a tute nge KEINI chu i hre mai ang :D
    14th April a mi kha aw..

    [Report abuse]

  37. 37
    awmawmpuia Says:

    Insiamtha tur chuan mahni chhungkua theuhah tan zel ang u aw. Midang tana sawi ringawt hi chu a sawt mawh anih hi. Kan fate value system a fuhloh chuan nu leh pa te mawhphurhna ani e.

    [Report abuse]

  38. 38
    evergreen Says:

    Swiftymcvay#11: “Officer ei ru tun2 poh kha officer ni tura a thil paltlang kha hre ve ta ila ka tihna ang a nih chu,a lo ngaihsanom viau maithei asin.” Heng ho hi lawm lehkha zirlaia Pathian tih leh Ramhmangaih tu, officer nih hnua eiru leh si..LEhkhathiam mi hlauhawm an ni

    [Report abuse]

  39. 39
    hlatekhua Says:

    #36…April 14 khan kha post kha ka chhiar chhuak parh asin! A comment te nen lama chhiar chhuah khan midang ngaihdan a lang chiang lehzual. Mahni indahthat daih hi chu thil siamthat nan a effective mawh deuh thin. A hmahruaitu leh sulsutu nih ngam a tha ber fo. Sumdawng emaw, sorkar hnathawk emaw pawh ni ila mawh kan phur tlang vek.

    [Report abuse]

  40. 40
    Jennifer Lo Says:

    #39, kan mawhphurh threuh hi hmazawn threuhah theih tawk a hlen angai reng a lawm, NANGNI ho chuan hlawhbak engmah beisei loh a ngai a,KEINI ho pawhin rinawmtak a mahni hnathawh, leh KAN VAI A TAN a lang a pau leh langlo a eiru te pawh hi TLAWN HUAM LO A, HLAUHTLAWN BAWK LO A, ngaihsan loh ngam te pawh angai a, ngeni anlak atrangin a kuangbang beisei hian Uite vawihkhum angmaiin kan phe chek emni zawk le ka ti deuh.
    Mi ngaihdan tur dawn a diklo pawh diklo ti ngamlo a dik pawh dik ti ngamlo chu Pathianram mi nitlak anni lo :D

    [Report abuse]

  41. 41
    hlatekhua Says:

    Ka’n tuihnih leh law law ang e… “tlawn huam loh, hlauh tlawn loh, ngaihsan loh” tih velah hian ka duh tawk ve mang thin lo tlat. Kan dodala, kan tihmualpho ngam hi a ngai a ni. Kan ram leh hnam hmelma an nih ang ngeiin kan tan an huatthlala a ni.

    [Report abuse]

  42. 42
    Jennifer Lo Says:

    Kan pa2 chauhin in insukrawn teh ang :D duh2 lo tel ve se.. tihmualpho don chuan documents felfai neih angai a, an genious zia alolang leh sia, anlo inziak felfai pur zel si,mahse @Zephenath tih ang deuhin Nu Pa hi an khawsa dun lai hi mitin hmuhpui lo mahila, documents nei lo mahila Nu pum a puar pung tawh chuan enge antih kan hretho, chutiang chuan moveable&immoveable properties/assets anneih leh an valid source of income a in balance loh chuan eiru anni tho2.Dodalin timualpho ila,case te nei velse reiloteah a fel leh thuai a khawtlangah dinhmun thra anchelh leh thuai a.
    An eiruk chhan hi Zahawmna/nawmsakna/etc lo nitase chu ngei chu hriat tum a chhutchhiatsak boih hi anngai NA ANTI BER ANG Sum tamtak neise In ropui tak2 neise tuman engahmah ngaisiloila, makpa leh Mo atan anthlahte pawh duh miahlo ila NA anti khawp ang…

    [Report abuse]

  43. 43
    hlatekhua Says:

    Chutiang an fel leh mai thin nachhan hi alo’m address ngai lai tak chu le…society hian ngainepin tihmualpho duh taktakna nei thei tawh ila chuan document lam a ngai kher chuang lo ang. An genius pawhin dikna duhtu zingah hian anni tluk tur hi kan awm ve ngei ang. Court-a kala thiam loh chantir kher a ngai miah lo. Khawtlanga dinhmun tha an chelh leh mai thin nachhan pawh khawtlangin kan la endawng tawk loh tlat vang a ni.

    [Report abuse]

  44. 44
    Jennifer Lo Says:

    hlate, tlar tawp ber a i sawichiah khi lawm, TLAWN HUAM LOH, HLAUH TLAWN LOH, NGAIHSAN LOH NGAM trul hmasak nachhan chu..

    [Report abuse]

  45. 45
    hlatekhua Says:

    I sawiho hi chu neutral taka awm dan mai a nia, chu chu a nia tawk lo ka tih ve chu. Dodal ngam, hmachhawn siah ngam a ngaiin ka hria, kei chuan.

    [Report abuse]

  46. 46
    Laltha Kima Says:

    Mawngkawhur hremhmuna kal tur te lo ngaihsan vak a ngai ami…..a hrim hrim in American ho cultur kan lak tam tak hi cu a tha hi ka ti lo hrim hrim.Entirnan emo,punk,tawngkam uchhuak tak tak te kan ti ve zel hian hnam nun a i chia.

    [Report abuse]

Leave a Reply

You must be logged in to post a comment.