Vawiin hi Good Friday a ni a, Kalvari tlang lamah lung a leng ngei tura ka in ngaih lai takin a ni lo zawngin a thawk leh ta tlat mai. Khawtlang lunglen han tih dawn chuan chu ai chuan a thuk zawk deuh bawk si a, chuvangin heti zawng hian ka lunglen thu hi ka han share mai mai teh ang che u…
Kan in compound ah hian theihai kungah chawngzawngin riahbuk an sual thrin a, zing ka tho kha khua a lo dul ruih mai a, chawngzawng ho chu an lo chiar nauh nauh mai a, an chaw tur ka chhawp phei lawk a, ka thlir ta voh voh mai a. Tudang ngai lo tea an han in DI lai te chuan ka lunglen a kai tho a, he khawvel sual leh bawlhhlawh leh thihna in a nitin mai a thla a zar lai hian an ni chuan an hmalam hunah enge lo thleng dawn a, khawi lamah nge an chaw tur a awm ang tih reng ngaihtuah lovin hlim takin tu dang ngai lovin an leng si a, ka va han AWT ngawih ngawih tak em!
Kan tleirawl chhoh hun lai, kan hmalamah enge kan tawn dawn, enge ka tih dawn, engtinnge chhungkua ka din dawn etc etc tih lam reng dawn lova laitual kan len lai te min ti hre chhuak thar leh zu nia. Ngaihzawng kan han nei tran a, hmuh chak em em si, min han hmuh ve leh zah leh tlat si hun lai te; kan han rim ve tran a, kan bialnu te an ni ngei tih confirm nana an album ami thlalak kan han trick ru zal zal mai thrin te kha a lo va atthlakin a lo va nuam si em!
A huhova 10 rual zet maiin nula kan han rim mai thrin te kha nula lam chhungte tan chuan kan lo tawrhhlelh awm thin awm mange ka ti leh hnuhnawh fo. Thingpui in lova haw kha kan duh tlat thrin silova, tlangval 10 rual tana thingpui han lum chu hautak ve deuh tur a ni (khang hunlai nula ho kha an lo va fel mange….). Kan han leng lut tur te kha a lut hmasa ber tur kha 3-card in kan han zawng ngei a, a chak lovin khur dur dur chungin kawngka a han kik a, an rawn hawn veleh midang kan lo biru diak a, amah chauhva hrilhhai taka a han hawi lawl lawl mai thin te kha….a lo va atthlakin a lo va nuam si thrin em!
Nula han rim changa ken tur nei chuang miah silovin motor/bike chahbi ni awm tak kan han vawrhvir lut vel te kha awww…vawikhat phei chu kan nula rim te khan kan motor (?) dahna thleng min thlah an tum ta mai a, awi karei, khami trum tluka nula kan hnial nasat kha a la awm awm love 
Tlem tlemah hnar a lian trep a ni…
Nula kan star deuh te bulah kan han thru a, kan meizial zuk lai kan han pak luih tir ve a, an zuk hnu kha a rukin kan hmet hlum a, kan han hawn a, zan mutnaah a hmui thla kha kan han rin kalh mai a, kan han fawh vang vang hnuah lukham hnuaiah thra tawkin kan han thawlh lut a, ngaihngam fahran mai leh khawvela nula hmeltha ber kiss anga in ngaiin kan mu siai siai thrin kha ania…a lo va atthlakin a lo va nuam si em!
Thianho ngei mai khan kan nula duh zawng tak tak ho hming kha lehkha themah ziakin playing card hmangin kan han inchuh thrin te kha awww….kan duh vak loh kha ei kan hlau em em a, kan duh vek vek te erawh kha chu thih tha khawpa trangin zan tairekah pawh “2 raw pip” kan la ti khek tuarh tuarh thrin kha ania….a lo va atthlakin a lo va nuam si thrin em!
Ka thil tawn ve zinga ka theihnghilh reng reng loh tur chu thingtlang khaw pakhatah inneih hmanga kan zin tumin kar khat lai mai kan cham a. Chumi khua nula unau, phir lehnghal regu tawka kan rim kha a ni. Kan haw dawn zingah ka va tlawh leh mai mai a, vaihlozial min lo pai ve a (an in ang lutuk a, tu zawk nge pawh ka chiang lo :-), motor a kan chuan tawh hnua ka han en chiang chu a sam ngei mai khan a lo trawn chu niin….hei tluka zo-style romance hi ka tawn leh pawh ka ring tawh love…kan nu nena kan intawn dan story tih loh!
A thui lutuk dawn e…misual ho kha hetiang zawng hian in lung a leng ve thrin em? te ka han ti mai mai a ni e. Gud Friday leh Easter Sunday hman nuam ule….
Similar Posts:
- Mi ramah zawng lunglen a na e
- Rosary
- Riangvaite hla… ” Politician chu mi vengtu…”
- Hun kha leh chen ka tawng lo che kha
- Vanglaini
kawrek mai rawh
April 3rd, 2010 at 2:26 am
A lêng èm a ni!
Zo-zial —lazai hringa tà wn, lazai pà wla tà wn, samzaia tà wn … a category a dang vek, an ti. Kan rìm thin laite kha rawn dâwnkìr ve tak ang maw, kan rìm thinte khà n! Hetiang tak hian mi(sual)-ah te hian hmeichhe lam pawhin rawn POST hrà t ve viau ta sê … lunglèn chu a zual lehzual ngei lo’ng maw! :lol:
[Report abuse]
April 3rd, 2010 at 2:48 am
A va ngaihnawm reuh e.
Nia, kan han leng ho dul dul a, nula rim e ti lovin thlahrang kan han sawi khum tak tak zel mai a! An hlauvin min han thut hnaih sauh va, kan lawmah a lo tla a. Leng haw’n ar an khuang a, kan han trin a. Mahni inpeng kan han thlen meuh chuan kan thlahrang sawi tak kha hriatchhuah a awl fu leh nghal. :lol:
Tin, Inrinni leh School chawlh ni vela kan rualpui hmeichhe thiante nen a huhova insu tura lui kan pan ho dum dum laite kha a lo ngaihawm ta ngei mai. Kan thawmhnaw tha deuh leh bal lutuk lo thlang khawm suk tur tlem kan han keng ve a, Lengi te ngei mai kha kan han suk tir ve a. Annin phur takin an lo su a, a va hlimawm thin tak! Mahse, thawmhnaw bal lutuk tawh ho chu kan keng duh thak lo.
Kan han inpeih fel a, puanpho ro hun nghak a, phul vela kan han zal ho diai diai thin te kha…
Ka la duh tawk lo cheu..! Tui kang nghah mawlh mai kha. A va ngaihawm ta em! Kan hma-ah tin intlar a tam poh leh kan chance neih a thui a ni mai. Hmanhmawhna rilru nei miah lovin tuikhur bul velah tuikawhna thut ngei maiin kan han interek ve a. A chang leh an belcha tur puan phahah kan thu bawk thin. Kan thusawi thin kha thu ropui leh ril tak ni lo mahse a lova nuam thin em! Ni danga tui chawi peih lo em em thin pawh khan zanah pawh tuikang lai chuan kan nghak phur em em thin a nih kha…
A va nuam reuh e.. Duh tawk phawt ang
[Report abuse]
April 3rd, 2010 at 3:12 am
Ka phur laklawh…ka’n chhunzawm leh teh ang… :lol:
Nula rim loh zanah pawh thiantha zualte nen Guitar ak chhuakin thla eng hnuaiah tute emaw hriat phak ngei turin zai kan han vawr a. A lungrun thei ang ber leh kan thiam ang tawkin ngaihtuah nei ran chunga kan han zai thin te kha aw… Love Song te hi sak chhan neih tawh loh chuan sak peih mai mai chi a lo ni hauh lo tih tun hnuah hian ka hre ve tawh. A hunlai kha chuan he hla hi chu ka tana phuah niawm a ni tih tur kha ka ngah ve thin asin!
Chu mai a la ni hleinem! Mitthi lumen tur an awm te hian mitthi chhungte kan tuarpui loh vang ni bik miah loh khan.. rilru-a lo YES mai changte kha a awm thin asin! Kal pui turte an fuh dawn chuan :lol: Inchhung kil deuh kan han chuh ngei mai a, zai tui tak niawma lang khan nuam kan chen ru veng veng thin a nih kha. Khawvar dawn lama Zaihruai tura min han phut hlauh tum erawh chuan thutna thawhsan a uihawm hle thin.
Pakhat chiah … tak tak
Thing kan han phur ho ngei mai a, nileng hna-a inpe kan ni bawk a, thingro tha awmna hmun tur hla fe-ah kan han kal a. Fah thing ro tha tak mai kan han tan zung zung a, an phurh tur tawk kan han eh phel sak bawk a. Phur takin chawlh hun kan nei tam lovang tih hlauvin tan kan la sauh sauh a. Chutah, kan han inpeih thawkhat ta maw tiin haw zai kan han rel a. Hnehsawh taka an phur tan sakin kal lai kan han rel a. Luite tui vawt tha tak awmna bul ngeiah chawlin hmanhmawh miah lova kan han ti ti sep sep thin te kha..
Khai… tak takte pawh a ang dawn dawn… :lol:
[Report abuse]
April 3rd, 2010 at 3:13 am
Kei tak ania leng alenghian aleng vawng vawng mai,kan style chu anlo in ang deuh fur maihi maw!!! chhass ve deuhte khawlai a hmuhpawha kun tlatlohpawn hel kual hram hram thin a ngei kha milungleng thei tak mai kalo ni rengmai,kangai karualduhte khawvel thenna ram ahhian……awle nu leh pate thlazar hnuaia thlamuangtaka awmkha alo nuamber maiin alo ngaihawmta bermai.
[Report abuse]
April 3rd, 2010 at 3:16 am
Kan lung a va leng liam liam hlawm ve le. Kei pawh a leng
[Report abuse]
April 3rd, 2010 at 3:34 am
hramtea_pa, I ziak lunglen thlak mai mai roh mang e a.
Kan thianpa pakhat hian doctor zirlai hi Tlangnuam ah angaizawng thin a, kan kalpui tur hi chu a huphurh awm thei khawp mai. Kawngkhar an kik dat dat a, an rawnkal ri ahriat veleh a biru daih thin a, a thiante kan lang leh hung thin.
Tawi tlang panga khaw awm, Hmuntha a nula rim tura ka han kal nal nal peih te kha a van peih thlak ta mai mai vele aw. Chhingchhip atangin ke in ka la kal zui hairehai
Haw lam lah chu Saza dar etc ka la phur zui 
I sawi ang deuh khian kan kawt ah hian Theihai kung a awm ve thin a, nikum lawk khan tul avangin kih a ni ta. Pi leh pu ten thla zar hnuai a kan awm lai chuan a kiangah thuthleng dah in kan thu anga ka pu hian hmanlai chanchin min hrilh thin, avan lunglen thlak vele. Infiam nan leh thlalak pui atan keimah ni mai nilo, vantlang pawh khan an hmang nasa thin khawp mai, ka nu te kha thla la thin an ni bawk a.
He Theihai kung ngei mai hi a ni
https://i39.tinypic.com/2pyrnme.jpg
Theihai kung ngai, a hnu deuh
https://i41.tinypic.com/2d0b052.jpg
[Report abuse]
April 3rd, 2010 at 4:04 am
Hmuntha irawn sawitak ah chuan,kathianpate khua ania buhsengpuiturin kanzin a,chumi trum chuan seling atangin hmun tha thleng keinkankal ve tlat chhingchhipramah naupang hoin paihte sumdawng amaw mintia minlaperhzui,chuan kankalzela kathianpa tamchhawlchhawl,kanvawi khat kalna alanisi’kawng kanla bolehtanghala chutah khuaalothima light kanneisilo,chauhtawh hnulamah Buhhmun atanghian engramsabernge minrawnla umleh nghal kanlatlanchhezui hitt ve cher cher tak ani,khua kanthlenchuan kamang hriatvek tawh kachau lutuka…tawkmaise.
[Report abuse]
April 3rd, 2010 at 5:40 am
Ava lumglenthlak ve..Nula inah kan han lenga thingpui a han luma kurtai amah ngei in ahan sehthla a aka chhunglampanga ami ngei min han pe a,tlema alo liah huh deuh chuan hope kan pesang ve ringawt thin,hunkaltawh dawnkir changa lunglen azualzel thin hi atih reh na damdawi kawl an awm nemaw khuavel ah hian
.”A sawraltiang lentu z0bawm saw,
chhingmit ti tleitu tuklohram chhah kar saw,
mi ngeng pasaltha,lungtilengtu
buannel ramdai lungdumtu”
[Report abuse]
April 3rd, 2010 at 7:00 am
Kawnga comment khi tak tak ani tih huai takin ka puang e.
Inrinni ah insu turin sipai luiah amah chauhvin, kalpui tur pawh nei ve lo niawm takin a kal thin. Mahse a ruka lo nghak tu an awm tih a hria a, a khua a har ngai lo.
Kei chu experience han sawi tur ka va hre ve lo e aw. Thinglera ka lawn chanchin ka sawi mai dawn maw ni le.
[Report abuse]
April 3rd, 2010 at 7:54 am
Hramtea_pa chuan kawnga rilru a ron kaitho a ni mo…..@kawnga insum miah lo khan han phuh sur2 ta che mole.tunah te poh hian i insut ri hlup2 toh lo mo?hehe
Most romantic city,paris a Eiffel tower hnuaia rangkachak zungbun thingthi hnapa inpek aiin zozial anmahni sam ngei an han ton vel chu a originality a pure zok daih mai,a romantic daih zok ka ti e kei mi(sual) hian….
[Report abuse]
April 3rd, 2010 at 8:28 am
kan thianpa bialnu kan rim pawh kha, kan thianpa in a thlalak a dil a, single thlalak alo nei remchang lo nge mawni, chhungkua thlalak a rawn pe a ( amah a in tick zauh).:lol:
[Report abuse]
April 3rd, 2010 at 8:28 am
:lol:
[Report abuse]
April 3rd, 2010 at 8:41 am
Ka hriatchhuah ve te –
1)Pi ***mi hmeithai ina chana leh badam an kan vil paha an fanu hmeichhe tleirawl awmna a ngampa taka kan thiran ho kan inhmukhawm thrin
2)Guitar thrian pakhatin an ak ngei a, veng chung lam pana “Aw lunglen curfew karah hian” tih kan sa rual thram thram a nula in 2/3 ah thingpui sen kan han in te
3)Mahni veng ngampatna ina thrianzaho kan han nui thler duai duai te
4)High School muala inrim bik awm lova a tlang phula chawlhni tlaia nula tlangval kan han thelh sung sung maite
5)Shawl bah uar lai – nula threh tur chana kan ro leh lactobonbon pai trat chunga, fianrial kawng kama shawl kan han zawn ngei titi sawi tur kan van em em si te, min duh deuh ka duh deuh bawk mahse kan la sawi ngam loh lai vel ang kha
[Report abuse]
April 3rd, 2010 at 9:45 am
Post a ngaihnawm, comment pawh a ngaihnawm hlawm e! post-tu leh comment petute in naupang chhe vak tawh lo tih a hriat theih!
[Report abuse]
April 3rd, 2010 at 9:52 am
Kan len ngam chiah lohna te inah chuan tuiin kan dil thin :lol:
[Report abuse]
April 3rd, 2010 at 9:55 am
Ngaizel phei, tuna thingtlang bus channa ni ta, bazar tur anga ruahman ah sawn, Pu J.Lalsangzuala (fam) unaupa, Pu Rotluanga ui, Ranga thlan hriat reng nan an phun, Bung kung hi a awm thin. Tah chuan kan thu fur thin, tingtang perh in kan zai hot ve thei nasa mai mawle.
Chanmari West thlanmual kiang a mi te kha Kulikawn atangin ke ngatin kan va rim thin, Chaltlang te mawle. Ka ngaihtuah leh hian peih ka inti mai mai hairehai :lol:
[Report abuse]
April 3rd, 2010 at 10:08 am
A romantic hle mai. HVa a lungleng ber nih hi. Phaia lehkha zir a, Xmas dawna lunglen hi a hrehawm. Haw chak si, exam tep tawh a haw thei bawk si lo. Thinchhia em em ringawt zel.
[Report abuse]
April 3rd, 2010 at 11:37 am
@caribou hian chutih lai chuan naupang te a la ni a, kuhva leh meizial leiah kan tir thin. Thuawih takin a kal nal nal thin. :lol:
[Report abuse]
April 3rd, 2010 at 12:06 pm
Khai! Lunghlui a leng chem chem mai a lawm. Ka in puang ve duah lo mai ang. @kawnga te ho zawng bawl nuam rual an va ang ve!
[Report abuse]
April 3rd, 2010 at 12:33 pm
:cool:
[Report abuse]
April 3rd, 2010 at 3:47 pm
a ngaihnawm narawh e, khitiang style a rim ve chiahlo te tan pawh mahni rim dan thin min ngaihtuah tir zui vung vung mai alawm maw le; misual ho hi mi lungleng thei tak kan nih hlawm hi maw!!
[Report abuse]
April 3rd, 2010 at 3:49 pm
thinawrh, i nick hi a romantic lo ve chiang alawm :lol:
[Report abuse]
April 4th, 2010 at 12:41 am
:lol::
Damdawiin tlang theihai kung hnuai ah kan han trhu khawm ngei a .Shawl te kan in zawn a sawi tur vak hre hek lo khur deuh dat dat in kan chhas duh ve deuh te bul ah bata phei khawk trhat zia leh tlo ziate kan sawi tak mai mai lai te kha . An nin thil dan hriat chak a uluk tak a alo ngai thlak lai in kei nin kan sawi duh ber sawi ngam hek lo le hahahahahaah
[Report abuse]
April 4th, 2010 at 1:56 am
@teleptuama ( comment #8) in nula rim chu a van che trawp ve!! i lo luang liam ve em em sia maw?
Kutai chu chemte a tih phel mai awm!! lol
[Report abuse]
February 10th, 2012 at 5:21 pm
I va bei lunglenthlak thiam ve a..( La tawng ve lo mah ila)
[Report abuse]