Misualdotcomers te hi Mipuitling tak tak kan ni. Chutih laiin Mizo tawng ziak leh Punctuation kan hman dan erawh inzir ngai fê fê kan la tam hlein ka hria! Kei pawh, Admins te ngei pawh…
Thumal ziah zawm tur leh zawm loh tur tih vel chu lo dah tha ta i la. Tunlaia ka vei ve mai mai, ka mit tikham thintu chu: Comment Huangah tu emaw kan Reply/ kan va kawm dawn hian a hming han Type zawha Punctuation Marks kan hman inang lo thluah mai hi ani. I lo chik ve ngai em? e.g. Pu Shailendra( , . : – ; etc) tiin Comma, Full Stop, Colon, Semi Colon, etc,… kan duh duh / dik ni-a kan hriat kan hmang vel mai mai a, Comments ho hi en ila a inang lo nuaih mai. Kan hman kha a dik leh dik loh chu thuhran nise, rilru-a rawn lang hmasa apiang hmang ta mai mai niawm taka hman bik nei lem lo, hman pawlh vel mai mai te pawh kan awm nual.
Kei paw’n a dik ber ka hre lo. Dik ni a ka hriat– Comma (,) hi ka hmang mai thin. e.g. Pu mz, … Pu chawnghilh, … Pu HV, … tiin. A dik hria khan han sawi ula, chu chu kan za-a hman tlan i tum teh ang u. Nang, eng punctuation nge i hman? Hman bik i nei em? Dik ber ni a kan hriat te thawhkhawm i la, i sawi ho teh ang u!
Admin Note: Punctuation chungchang hi Admins-te pawh kan dik famkim lo ang. Amaherawhchu, a tam zawkah chuan post rawn submit tu te hian khawngaihin proof reading neih vek hnuah rawn theh lut thei u la. Admins/Mods te hi kan buai ve thawkhat a. A chang chuan hman leh hman lo a editing tih chang kan nei ve a, tih sual mai bakah kan thiam loh chin pawh a awm ang.
Tin, comments ah pawh chutiang zelin, tawngkam ziak a dahtha kan ni tih hre rengin i fimkhur tlang ang u. A tlangpui thuin mi kan reply hian eg @ kawlhawk: ….. tiin kan dah thin!
Similar Posts:
- Mizo tawng kan hman dan hi..
- Mizotawng chungchâng bawk!!
- Breaking News chungchang
- Tawng chungchang
- Rawtna – II (comment chungchang tho)
hairehai
August 28th, 2010 at 3:27 am
Hetah hian ka lo buai ve deuh thin a…kei pawh. Mahse, tunah chuan colon ka dah uar ta.
[Report abuse]