Serchhip 1st April 2010 : Nizan hmasaa ruah leh thlipui thawk leh chuan Mizoram hmun hrang hrangah chhiatna thlen belh lehin hemi avanga thi mi 2 an awm a, chenna In 100 chuang a nuai chhe vek bawk.
Nizan hmasa dar 10:30 vel atanga ruah leh thli thawk chuan Serchhip IOC Veng Quarry road-a cheng Pu TBC Zalawma(65) chu a mutna khum chawpin an kawm thlangah a vawrh chhuak a. Pu Zalawma hi Damdawi In panpui a nih hnu nimin zing lam dar 2 khan a hliam tuar lovin a thi a. A mutpui a tupa Lalhruai tluanga(7)pawh an kawm thlangah hian vawrh chhuak telin, hliam na vak lo a tuar a ni.
Pu Zalawma In hi assam type, In pangngai tak niin thli hian a chung bakah a bang thlang a la vek a. Nimin khan ruang hi vui liam a ni a. Dist. Bawrhsap chuan Pu Zalawma chhungte hnenah zangna dawmna Rs.50, 000 a hlan nghal a, bialtu MLA, Chief Minister-in tawrhpuina thu a rawn thawn pawh vuina inkhawmah chhiar chhuah a ni bawk.
Hei bakah hian sorkar chuan In chhe vekte chu Rs.10,000 pek a tiam bakah a chhiat dan azirin In thawm that ngaite chu Rs. 1000 atanga Rs. 2000 pek a tiam bawk. Nizan hmasa ruah leh thli thawk hi Serchhip District chuan a tuar nasa hle a, hriat theih chinah chenna In 80 chu a nuai chhe vek a, In chhe nasa deuh 538 a awm bawk.
Serchhip khawpui chhung bikah hian chenna In 10 a chhe vek a. Chanmari Vengah In 5, New Serchhipah In 4, AOC leh P&E Vengah In 1 ve ve a chhe vek a. Hei bakah hian In chhe nasa leh chhe ve deuh thahnem tak a awm bawk.
Heng mimal chenna In chhe bakah hian District Treasury Office, Serchhip Civil Hospital building thenkhat leh Govt. JM High school-te pawh a chhe bawk a. Medical compound-a P&E Deptt.-in high mash an bun chu tlu-in, a thlanga Pu T.Rosiama In a delh a. He In luahtu Pi Zohmangaihi fapa Zolawmzuala(15) chuan hliam na vak lo a tuar bawk.
He eng sang tlu hian In hi a delh chhe nual a, nimin khan senghawi nghal a ni a. Veng thenkhatah electric ban tlu a awm bawk.
Serchhip District chhung khaw hrang hrang zingah Thenzawl khua in ruah leh thli thawk hi an tuar nasa hle a. Sorkar building, school leh Biak In tiamin In 35 a chhe vek a, In 130 a chung hawkte, a bang chhia te a awm a. Thenzawl bak khaw hrang hrangah In engemaw zat a chhe bawk.
Chhiar zawm duh tan https://lamkaldaily.blogspot.com
Similar Posts:
- Nizanah Aizawlah chhiatna
- Thli leh ruahin thil a tichhiatte
- Ruah sur nasat avanging harsatna namenlo
- Ruahsur vangin chhiatna thleng leh!
- T. Romama Nite Serchhip ah
kawrek mai rawh
April 3rd, 2010 at 8:54 am
A van zia lo thin tak! Lalpan chhiat tawkte awmpui rawh se!
[Report abuse]
April 3rd, 2010 at 8:56 am
A va pawi ve…
[Report abuse]
April 3rd, 2010 at 8:56 am
A vanduai thlak kher mai. Violent Earth (Natgeo a chhuak niin ka hria) pawh min ti hrechhuak.
[Report abuse]
April 3rd, 2010 at 9:06 am
Chhiatna hmuna sawrkarin bengvar a chhuah vat chu a lawmawm a nih chu. Hengang chhiarna hi kan tawng chho ve ta fo mai. Chhiattawk chhungte Lalpa’n awmpui mawlh se ka duhpui e.
[Report abuse]
April 3rd, 2010 at 9:14 am
A va zialo ve le, han puh tur lah chu an om mangsilo a, sorkar talin chhiattawk chhungte tanpui teh se
[Report abuse]
April 3rd, 2010 at 9:21 am
A van pawi em em ve ! Mitthi chhungte Lalpan thlamuan rawh se, chhiatna tuar zawng zawng ten nundan phung pangngai an neih leh thuai ka duhsak hle mai.
Kan ram In leh Lo kan sak dan tam tak hi thlipui, ruahpui, Lirnghing ah te hian a hlauhawm em mai a, kan ngaihtuah ngun chu a ngai hle ani.
[Report abuse]
April 3rd, 2010 at 9:24 am
Pu Zalawma chu a van lainat awm vele aw, a tupa thlabar dan tur zia pawh chu.
Zamlovi/Madawngi te in New Serchhip te, Hmar veng lam Liandailova/Ngura Sailo (Boxer), Zosanga IOC veng te etc etc ho kha enge an an ang aw?
[Report abuse]
April 3rd, 2010 at 9:45 am
An va lainat awm tak em! Mitthi chhungte Lalpan awmpui tlatin veng zel rawh se.
[Report abuse]
April 3rd, 2010 at 10:04 am
Kumin hi April kan chuangkai chauh a,khua a kheng a,ram a kang nasa in kanghlum pawh kan awm nual a… ruah a rawn sur a,thlipui leh rialin kan in leh lo a ti chhiain thih phah kan awm leh nual ta mai bawk a,ngaihtuah a ti thui duh hle mai :!:
[Report abuse]
April 3rd, 2010 at 10:15 am
Ooo….van poi thin tak m….chhiattok chhungte LALPAN ompui molh teh se….bukpui lampang vel enge an an ang ooo….???
[Report abuse]
April 3rd, 2010 at 10:21 am
Vanglaini-a a inziah dan chuan in 3000 chuang a nuai chhia tawh! Falkawn pu Ramzauva choka thliin a lak dan a nuihzatthlak tawp. A ban chawpin a la a, a bul lawkah a innghat leh a, a ban te chu a inphun nghet viau leh nghal. Mahse a bang, tile a chhe teuh.
[Report abuse]
April 3rd, 2010 at 11:26 am
Serchhip khua chu ka khawngaih kher mai.! An duh vanga thleng ani c lova.. Nakinah ka zin remchanah k la tlawh kual ange.
[Report abuse]
April 3rd, 2010 at 12:57 pm
Serchhip District a Bungtlang khuaah he thilpui hi ka tuara a na rem rem khawp mai. A thawh nat deuh lai phei chuan in hi a nghing lawih lawih thei ania. Rapthlak ve tak chu ani. Chhiattawk zawng zawngte tan tuarpuina thinlung takin ka hlan e.
[Report abuse]
April 3rd, 2010 at 1:47 pm
An va khawngaihthlak ve. Thli chu a nat hmel hle mai a.
[Report abuse]
April 3rd, 2010 at 7:38 pm
Hetiang em em a thli in harsatna a thlen hi mizoram ah chuan thil thleng khat tak a niang a.Rapthlak viau ang a hmunah chuan!
[Report abuse]
April 3rd, 2010 at 7:44 pm
Tunkum zet chu thli chu a na khawp mai.
[Report abuse]
April 4th, 2010 at 12:16 am
A van zialo hlawm ve le.A turtu te ka tawrhpui e.
Silpoulin supply in chuhin ruling lam thil ti thei deuh ho an in chuh l;eh sup sup dawn chu .
[Report abuse]
April 4th, 2010 at 1:12 am
Heti taka chhiat kan tawh mek lai hian, kan chhiat tawh dan diktak hi tu’n nge asses ang le :?: A tuartu diktak ten tranpuina an dawn theih nana Fund dil nan asses a pawimawh. Dawng tur dik tak ten chung tranpuina an dawn theih nan heng assessment hi a pawimawh leh zual.
Systematic tak traceable tak rin tlak rin ngam a tihdan zawng a awm ngei anga. DC office leh an hnuai thawk ho an hah hle ang. Transparent takin an ti chawk ang chu maw :?:
[Report abuse]