Mizoram University, Tang Fan Fan. Part II
– James Ramdinmawia
Tunah hian MSU-in mimal takin tuna VC leh Registrar te an bei mek a, bang tur leh Mizoram chhuahsan turin an nawr mek a ni. Hei hi kan University an hmangaih vang ni lovin Popularity khelh nan leh MZP aia hmingthatna (Credit) lak an tum vang a ni. Prof. AN Rai-a hun chhunga Prof. Rai-a zirchhuahna BHU chhuak ten duhsakna hleihluak tak neia mi 28 lai recruit an nih tawh thu an sawi te hi MZUSU lamin an han chhui chiang a, mi 12 chauh an la ni.
Tin, Mizo aia hnamdang tana uchuak taka kawng hawn sak anga an sawi pawh a dik leh dik loh chu MZU PRO Press Statement-ah khan a chiang mai ang. Tin, MSU te hian an hriat vea ka duh chu Banaras Hindu University (BHU) hi India rama University lian ber, Department 180 chuang nei leh Asia rama lian ber te zinga mi a nih avangin an chhulchhuak pawh an tam reng a, National paper pali laia hna advertise a lo nih tak si ah chuan a dil pawh an thahnem tur a ni reng a ni. Tin, BHU chhuak te tan chuan University danga thawh aiin anmahni zirchhuahnaa zir chhuak ve tho Vice Chancellor awmna University-a thawh chu chakawm deuh tur a nia, chuvang chuan kan University-a hna ruak awm diltu pawh BHU atang chuan an tam ber ang tih hriattur a ni. A diltu-in an tam hneh na na na chuan lak a mual mual pawh an awm ang chu.
Tin, Four 1st Class Criteria hi MSU hian an la hrethiam lo niin a lang. MZU Dan hman mek Ordinance-ah chuan OE-3, 3.(5) “… a higher weightage will be given for consistently good academic record…. Their research work and other experience shall be considered but with a lesser weightage†a ti a, hei hi Asst. Professor (Lecturer) tan bika sawi a ni. Academic record-ah hian Matric hnuai lam sawi a ni ngai lova, chuvangin “Consistently good academic record†tih a nih chuan Master Degree-a tihthat viau ringawta a hnuai lama tihchhiat viau si chuan a pawm theih loh; HSLC, HSSLC, Graduate leh Post-Graduate record-ah a tha rual tur a ni tih hi hrilhfiah chhawn leh kher ngai lova hriatthiam ve mai tur a ni.
Chuvang chuan Scrutiny-ah khang Stage pali-a 1st Class/Division or Distinction nei kim vek Four 1st Class kan tih hi a enna hmasa berah hman tur a ni mai. Mahse post khat interview-ah mi 12 koh an remti ta a, entirnan Candidate zingah Four 1st Class nei mi 5 chauh lo awm se, Three 1st Class nei kha koh tel tho tho an ngai, chumiin a la daih loh cheu chuan Two 1st Class, One 1st Class, chutiang zelin 1st Class nei miah lo pawh koh theih an ni. Tuna hnalak meka interview kallai ah pawh hian Three 1st Class leh Two 1st Class koh pawh an nei nual tho. Amaherawhchu kha post ruakah khan Four 1st Class nei mi 12 chuang an awm chuan koh hmasak tur an ni mai.
A awmzia takah chuan Department-a Post ruak zat azir leh diltu an that dan azirin a thenah chuan Four 1st Class chauh koh an ni a, a thenah chuan Two 1st Class te hial pawh koh an ni. Four 1st Class nei ve lo thenkhat, an department-a hnaruak awm dan leh Candidate dang ten an zir loh vang nge an zir vang zawka koh ve tak loh te’n MSU an fuihpawrh mai mai niin a lang. Chumi avanga kan phek buai ta chiam hi a tha lo hle. Mi tlemte interest buaipui avanga University hmasawnna atana thawhhlawk em em mai (a thawktu dang zawng aia thawhhlawk ka’n ti kher ang e) bang tur leh Mizoram chhuahsan tura kan nawr chiam mai hi a zahtheih loh thlak lulai deuh a, anni aia zir sang MZU zirlaite ngei pawh rawn ve sela, NGO zahawm tak tak-a inngai leh Political Party thenkhat lah chuan popularity platform-a hmangin an lo pawngpaw support ve leh rih bawk nen, kan zahpuiawm hlawm khawp mai.
Scrutiny (Screening) hi Head of Department leh Dean te kuta awm a ni a, VC leh Registrar te kut a ni lo. Engti zawng pawhin aw chhuah dawn ila pawl ang phei chuan “One-Sided Informationâ€-a innghat bur lovin i zirchiang hmasa thin teh ang u. Tin, Four 1st Class hlir koh an lo ni ta a nih pawhin kan University kilkhawr te hian Candidate a lo nei tha hle mai tia kan zirna standard zel tur thlira lawm viau zawk tur kan ni lovem ni?
Tin he thil hi Kan VC leh Register te mimal thuneihna piah lam, Dan-a awm thlap a nih avangin mimal taka beihchiam hi University hmasawnna atan a tangkai lo hle, siamthat ngai kan ti a nih chuan a Ordinance kha amend tur-in ngen ila, chu chu hmalakna awmze nei zawk a ni. Zirlai pawl, mithiam awmkhawmna tur nia ngaih si hian awmze nei lo zetin hma kan la leh thin. NGO dangte nena an meeting-a an thutlukna pakhat, “India President leh MZU Chancellor ni bawk†hnena Memorandum thehluh an tum tih pawh MZU hian Chancellor a nei lova, President of India hi “Visitor†niin kan Governor hi “Chief Rector†a ni, hetiang mai mai pawh hre lo hian kan NGO ho pawhin engvangin nge an lo arkhawthimdai ve leh pawp thin le? Zahthlak lutuk! VC kan neih thar tum pawh khan MZP kha an chet sual viau tawh kha. Hetiang khawpa VC leh Registrar kan neihte rilru hi hnualin bang ta tak tak se, VC leh Registrar tha lo tak nei thar ila, MZU hmasawnna-in thuanawp phah ta vek se, heng NGO te hian a mawh an phur ngam dawn em ni?
MSU hian tuna kan VC leh Registrar te aia MZU hmasawnna thlen nasa zawk tur mihring an chhawpchhuak nghal dawn a nih loh chuan bang tur leh Mizoram chhuahsan turin an lo nawr ve ngawt tur a ni lovang. XI Plan atana Teaching Post 106 leh Non-Teaching Staff Post 182 lai an nawr chhuak thei te hi an hnathawh that leh hmasawnna an thlenin a hlawhchhuah a ni tih hi haider ngawt theih a ni lo, chuti chung chuan hnawk kan la ti ang maw? Anni pahnih inkawp tluka Central lama tlang leh thil haichhuak thei hi an tam viau lovang. MZUSU hruaitu ka nih chhung leh ka nih tawh loh hnu thlengin MZU hi ka hmangaih em em a ni.
Chumi tlang atanga thlir chuan tuna kan VC leh Registrar tluka MZU tana thawhhlawk an la awm lo, MZU hmasawnna kan han highlight zawk atang khan a chiang mai ang. Tin, duhthusamah chuan anni hian term khat dang min la ho leh se chuan India ram mai nilovin Asia ram pawha lang phak University an dinchhuak ngeiin kan beisei zawk asin. A nih leh MZU hmasawnna atana hemi te pahnih thla khat thiltih hi MSU din tirh atanga MSU-in MZU tana a lo tih ve zawng zawng belhkhawm hian a cho pha dawn em ni. Mihring chuan chak lohna kan nei vek. Mahse midang kan judge dawn a, an laka action lak kan tum a nih chuan a thiltih dikloh chauh atanga teh lovin a thiltha tih nen kan buk fo tur a ni.
MZUSU hruaitu ka nih lai pawh khan hemi te kher kher VC leh Registrar-a kan lo nei kha vannei kan inti viau thin asin. MZUSU demand pawh an hnial chang a tam, keini pawh kan vui deuh chang chu a awm ve fo, mahse MZU thatna tur an ngaihtuah vang a nih chuan MZUSU hruaitute interest ringawt kha kan dah pawimawh ber ngai lo. Tin, MZU tana an hnathawh tawhte thlir hi chuan bang tura nawr chu khawi lamah, UGC norms phei chuan phal se Term 5 lai pawh la chelh tura kan it te an ni.
A chhungrila chenchilhtu zirlaite’n kan hrechiang ber. Chutih kara ka han zeh tel hram duh chu Non-Teaching Staff thenkhat leh Zirtirtu thenkhat mahni tanghma hai tak an awm, heng mi te hian MZU hmangaihna an nei lova, VC leh Registrar hna la na mi tak ve ve-in, Dicipline khauh tak maia an hnuaia mi te an han hrual bawrh bawrh mai hi an ning tawh tak zet a ni. Mahse chutiang rilru pu mi chu kan state sorkar hnathawk-ah pawh an tam avangin hmasawnna kan nei hlei thei lo a nih hi. Tin, VC hmasa leh Registrar hmasa thenkhat te anga mahni Principal pawha ding hlei thei lova Pressure Group te nawr ang anga thle mai mai an nih ve loh avang leh Pressure Group te’n an duh duha an convince theih loh avang hian MZP, MSU leh pawl dangte pawh hian an ei lo a, hnawk an ti mai mai a ni. MZU hmangaih tak tak tu rilru-ah chuan hetiang ang mi huaisen leh kawlhrawng, “Unnecessary Pressure from Outsiders†dawl zo ngei hi kan mamawh chu an ni tih hi a chiang si. Mizo mipuite’n hei hi ngun takin lo chhut ve thin ang che u.
Tin, VC hi bang turin nawr eng ang mah se a bang dawn lo, Mizoram atangin nawr chhuak ta ngawt se a hrinchhuah tur thil pawi lutuk hi MSU-in an hre pha lo, hre pha renga an tilui a nih chuan MZU tihchhiat vek an duh tihna a ni ang. A chhan chu VC hi hnawtchhuak ringawt ila, Delhi-ah office a kai daih ang a, chuta tang chuan MZU a enkawl dawn a nia, File Movement muan dan tur leh Meeting hautak dan tur chu namai lo tak a ni.
Chubakah MZU-a mahni hmasial tak thenkhat te khan VC awm hlat kha “undue advantage†lak nan an lo hmang ve leh zel ang a, an duh dan danin an sapatal ang. Tin, heti hrim hrima a thiltih ropui tak takte hre lo der tlata mi hnawksak ber ang maia kan nawr chhuah chuan rilru sual pawh a put phah thei a, Delhi atangin MZU hmasawnna tur zawng zawng a dang chat vek thei asin. Hetiang ang hi Nagaland University-in an lo tawng tawh a, tin tun hnai maiah khan Rajiv Gandhi University (Arunachal Pradesh) VC an beih rawn luai luai avangin Delhi atanga University enkawl mai a tum thu te pawh hriat a ni bawk kha, chu chuan hmasawnna a thlen lo mai ni lovin hmasawnna kallai pawh a tithuamawp zawk a ni.
Kan Registrar pawh hi IDAS Officer a ni a, mi khawng leh hna la na em em mai, Mizorama kan work culture pawh duhkhawp lo fo thin a ni. Heti khawpa hna thawk tha leh hmasawnna thlen thei VC leh Registrar te archuktuilo tluk zeta kan chhuah fo mai hi an lainatawm ngawt asin, nang ni ve la hetianga rei hi i dawh peih ang em? Hemi te combination tha tak avanga kan hmasawnna la hmu lo zawng khan MZU Campus zu fang ula, zirna kalpui mek dan leh infrastructure development te heta sawi ngai lovin in mit ngeiin in zu hmu ang a, tun kum hnih/thum chhung leka hetiang khawp hmasawnna thlentu te chu tute nge an nih in hre ve tawh ngei ang. Chuti chunga MSU kan la support tlat a nih chuan “Tuikuk Pathian siam theih loh†ang vel kan ni dawn tihna a ni mai.
Zirna In-a zirtirtu atan hian a ram leilung fa tih ngawt hi tha ka ti ve hauh lo. Thiam dan inang rengah chuan duhsak zawk chu a tha e. Mahse zirna ah kher kher hi chuan Vai an ni emaw, Mizo an ni emaw, tuikuk pawh ni raw sek sek, a tha tha kha lak tur an ni mai, kan tu leh fate rawn zir zelna atan hei hi a pawimawh ber. NEHU hian a din tan atang khan Khasi ho chauh, a thiam deuh leh thiam vak lo pawh Teaching Post atan lo vulh viau ta se, tuna a hmingthatna ang hi a khum kher lovang.
Tin, Mizote hian Mizo tawng hi kan hmang nasa viau a. School leh College-ah te hian Medium of Instruction-ah English ni siin Mizo tawng kan hmang nasa em em. BA chu sawi loh Master Degree meuh nei tawh pawh Saptawnga nal taka tawng thei lo leh state pawna hna zawng ngam lo hi an tam asin. Eng nge a chhan kan tih chuan Primary atanga University thlenga Sap tawnga tawngna chance nei mang lo kan tam a ni.
Ka zir ve laia kan department, English Department-ah meuh pawh kan Mizo zirtirtu te zinga pakhat chauh tih loh chuan classroom pawnah chuan Mizo tawng thovin min be vek zel. Hei hi kan experience a nih miau avangin saptawng hman loh theih lohna tur Non-Mizo teacher hi keima mimal rilru-ah chuan 50% lai hi awm nghe nghe se ka duh a ni. Hnam dang nena kan inchawhpawlh lo lutuk hi rual elna kan neih loh phah a, tin kan khawhawi a zau hleih thei loh bakah Communicative Skill-ah kan hniam phah em em a, Mizoram chhungah deuh vek hna kan zawng a, Multi-National Company te an la rawn lut tam si lova, sorkar hna lah chuan min daih lo nasa mai si a, chu chuan kan Economy thlengin a nghawng a ni. He thil hi kan thalaite hmakhua han thlir tak tak chuan bengsika kan ngaihtuah a tul a, kan ram future kan thlira kan ngaihtuahna te pawh kan tih zauh a tul tak zet a ni.
“E khai! ka ram chhunga zirna in sang ber, ka fate seilenna tur leh kan ram tana hman tangkai tur thiamna an zir chhuahna tur, nakin lawka kan ram hruaitu la ni mai turte inchherna hmun Mizoram University hi engti kawng mahin awmze nei lova tihbuai ka phal lova; YMA emaw, MZP emaw, MSU emaw, eng pawl dang pawh nise kan ram nghahfak lungphum inphumna hmun hi rikrap leh nawr buai a nih chuan keima’n ka chhan tlat ang! Mizoram University, tang fan fan!†ti ve thei in awm a nih chuan kei ka rawn pen chhuak e!
*****************
Similar Posts:
- Mizoram University Registrar Motor Hal (Photos)
- Mizoram University hungna bang chhutchhiat a ni
- Mizoram University Post chung chang leh a kaihhnawih te
- Mizoram University, Tang Fan Fan. Part I
- Mizoram University vacancies
in va lut...
May 30th, 2010 at 10:39 pm
@funny..thil i hre ril riau mai, Vety college chungchang pawh i hre tlat mai..
#99 Ka Pinky hriat chu MCS topper kha, mission veng nula..
[Report abuse]
May 30th, 2010 at 10:51 pm
Ka sawi tamtawh viau ka han sawi ve leh..ding zut ang chi hi a thalo viauna in… Lehlam lehlam thu ka ngaihthlak a ka ngaihdan. Kan ennawn ngaihpawimawhtur nilai a ka hriatte:-
1) A tehna fung ber first four ang chi hi ennawn theih nise. Hetah hian Central University hrang hrang pangnga University of Delhi, University of Hyderabad, JNU, Univ of Pune etc te hian enge anlo hmandan zirchian a, chumi hnu a a thalai ber kan hmanawm te lachhuak a siamthat chi ni in ka ngai. Dan felfai tak kan pawm tlan kan zam hnu chuan kan buai kan buai a rinawm tawhloh. Matric-PhD an tih thatdan te, publication/seminar, teaching experience thlengin screeningah hian mark awmse. First kan tih pawh hi University a zirin a in anloh avangin grade system te nen pawh a chawhrualtheih tur ang chi dan hi awm ngei bawkse. Chuta la tlinglo vai/Mizo/sap chu kolo mai se pawi ka tilo keichuan. A chunglam ngaihthah bik emaw kaisannan a tih chauh hi tha hian ka hrelo bur.
2)Post khatah mi 6 aiah post 12 koh nise tih pawh hi Mizo tanghmahai a tih a nih hmel tho a. A reason an siamna ah chuan Advertisement atanga interview te hi kumkhat chuanglai te a duh thin avangin applicant tamtak khan hna te anlo hmu tawh a, interview an turn up tha thinloh avangte kan awmna remote vangte ni a sawi a ni..
Chuvang chuan University thuneitu te leh MSU pawh hian MZU tan a tha duh theuh theuh chu hetianga in nek buailo hian thazawk duh theuh theuh chu a sawitheih ka ring.
[Report abuse]
May 30th, 2010 at 10:53 pm
evergreen: kha Pinky kha chu ka hre hre tho alawm Hyderabad lam product, khanu kha chu a brilliant angreng,.. :lol:
[Report abuse]
May 30th, 2010 at 10:54 pm
@funny….Bias love
…..thildik leh tha duhmi ka nih vang mai mai ania….MZU chungchang kher lovah pawh hian tinge keini Mizo te hi kan dik theih reng reng loh nachhan engvang nge nita ang le!!!
@evergreen….keipawh funny hi hre thei ka ti teh mai nia, a hre lutuk hi ka tran topezzz….
[Report abuse]
May 30th, 2010 at 10:56 pm
MZU hruaitu hlui chu mahni PRINCIPAL-a dingnghlet tak i nih duh hmel hle tak mai a!
[Report abuse]
May 30th, 2010 at 11:06 pm
chelsea: min bawl chu tumlo mai la..
I bias tih leh thu dik pawh accept duhlo/tumlo i nih zia chu i comment hlui atangin a alng vek tawh alawm bawiha.. :lol:
[Report abuse]
May 30th, 2010 at 11:07 pm
ka tan leh ka tan: funny leh chelsea :lol:
[Report abuse]
May 30th, 2010 at 11:15 pm
@funny…What is Bawl??, hmarcha bawl nge, sa-um bawl lol…ka comment hluite i lo vawng thlip thlep a, ka ngaisang tho tho che, nangmah zawk hi i BIAS zawk ani lo maw??????…
ka ngaihdan hi mitam zawk ngaihdan anih ka ring bawk.
I thil comment dan hrim hrim atang hi chuan i zirlai ila zawh loh deuh hmel e…lol… tang fan fan rawh…
[Report abuse]
May 30th, 2010 at 11:16 pm
@funny….Kan Pinky hriat khi chu maw Col. Lalsangzuala MLA fanu nge tunu zawk ka chiang ta lo… Pu HV Llaringa fanu chu Pinky tho ni mahna..Kan PINKY hriat khi chu a hmeltha vak lo..LOL
[Report abuse]
May 30th, 2010 at 11:19 pm
Ka Pinky hriat ve chu Synod High school-ah a kal thin.. brilliant tak a ni…. an ti.
[Report abuse]
May 30th, 2010 at 11:27 pm
MZU chungchang insawi emaw ka tia…te ka tia! huhuhu HV Lalringa, Pinky….blah blah blah! in tih tak….hohoho….2nite hian he topic hi ka tuipui lo tlatzzz…huhuhu!!
[Report abuse]
May 30th, 2010 at 11:33 pm
@sunshinethrutheday…..i nick chu ava sei tha treh trawh ve a!!! lol…NOI
[Report abuse]
May 31st, 2010 at 12:10 am
@khamrang #43
in duhsakna awm thei avangin 4 1st poh hi kan sawisel ani lo em ni? mahse anihdan chiah hi erawh chu fing tak nge a tak tih chu nangman lo judge mai roh. he khawvelah hian induhsakan hi a awm reng fo tihbo har pawl tak anih ka ring. duhsak bik awm lovin langtlang thei ang berin tih nise tih hi ka rawtna ani reng
@sunshinethrutheday #62 tumah ka khap phak in awm lo mahse kan hriat zz sawi vek hi a thra ber em ni MzU lam te poh an inenfiah ve mek ani lawm ni 4 1st te pawh an ti tawh lo deuhin a lang bakah an call loh ho te pawh an KO dawn niawm tak ania MzU hotute poh hi nasa takin an tawlh ve tawha ka ngaih vang ani.
Lungawilo tak tak chu duh chuan court-ah a fight theih, anih loh chuan hetiang heresay deuh loh hian RTI hmang pohin thudik a haichhuah theih ang.
A poimoh ber zawk erawh chu without fear or favour in a thiam thiam leh academic record nei thra atrangin thlang thei sela.
Hetianga kan neih chhun chhe-lailet dera chhuah hi ka ui. chutih rual chuan a khaipa te pawh inenlet ngei sela ka duh bawk.
[Report abuse]
May 31st, 2010 at 12:16 am
@mzvision……..watever, i politically correct lutuk a, counter i chak awm lem lo….te ka tia….huhuhuhu
[Report abuse]
May 31st, 2010 at 12:40 am
lu inti hai muai muai…thu neitu te hian a thra ber leh university leh mizoram tana thra tur chu an hria ang mawle…khatiang khan tih mai tur hi a niah..mizoram university a nih angin..mizote a tam thei ang ber an la tur a ni zirithrawh mai…kan university neih ve chhunah te an rawn hnawhkhah huang zelin…keini tan vai ram university a thawh a har tehreng nen…saaala
[Report abuse]
May 31st, 2010 at 12:46 am
BHU a tranga 12 lai an rawn thawk te poh chu an tam hem hem alom mawle….tunah hian engzahtak luh belh leh ang maw…Pawl din tham an nih chu
[Report abuse]
May 31st, 2010 at 12:47 am
m_bawitlung: I zo tawh ami a..??? Foreign ah I kal dawn emawni kalo tia.. 4 pos doc
[Report abuse]
May 31st, 2010 at 1:21 am
A bengvar thlak hle mai ka hul sawive tur ka hre lo.
Zirtirtu a tan chuan mithiam ngei leh rintlak kei ka fate zirtirtu tur a tan chuan ka duh ber mai. :lol: :lol:
[Report abuse]
May 31st, 2010 at 1:29 am
BHU atangin 12 maw an lo lak tawh a??? THAT’S ALREADY 12 TOO MANY!!!!
[Report abuse]
May 31st, 2010 at 2:12 am
power neih in sawi kai bawk a, ka rilru a lo lang chu people who cant kill will always be a subject to those who can ..lolzz
[Report abuse]
May 31st, 2010 at 2:16 am
Funny..Kal tawh alom..tin nge minlo siat a..
[Report abuse]
May 31st, 2010 at 3:04 am
m_bawitlung: ka hria che alawm Unclear physicist BARClays hehehe. hmanni black hole chungchang vel te kha i comment kalo ring deuha.. lolzzz
[Report abuse]
May 31st, 2010 at 3:13 am
hehe…i facebook emaw orkut emaw min hrilh la…engtin nge ka hriatloh che aw..lol
[Report abuse]
May 31st, 2010 at 3:32 am
bang rawh se
[Report abuse]
May 31st, 2010 at 3:39 am
keichu tumah vakin min hrelo. Ka lar velo alawm nang pawhin min hre teuhlo mai. hehehe
[Report abuse]
May 31st, 2010 at 4:03 am
funny, comment ah an in puang vak2 ngailo. ssshhhh
[Report abuse]
May 31st, 2010 at 4:33 am
I duh tawk tawh ang u…. Tumah in hauloh tur..inhnial chuan a point ah nimai se. Funny hi Mizotlangval-ah chuan thiamthei tak a ni..midang pawh in ni vek ang. In diriamloh a tha. Peace on Misual…mangtha vek u.
[Report abuse]
May 31st, 2010 at 5:31 am
haha sniper!!!hre rei fu lo maw?
[Report abuse]
May 31st, 2010 at 6:56 am
James a hi Pu Hawla a kha a ni lawm ni, Tha va tho ve, tih awm tawk awm hi a nia!!!!1!11
[Report abuse]
May 31st, 2010 at 12:59 pm
Hi hi.. helai chu, a post tupa in inhnialna a rawn chawk chhuak a, a log out hmak a, kuangkuah in a lo chhiar nui ver ver mai mawle..
[Report abuse]
May 31st, 2010 at 1:03 pm
A post tupa hi chu a duhdan danin lo rak ve mai mai teh se…..huhuhu! ka ngaihdan chu a post hmasaah ka ziak vek tawh hohohoho……..ka sawi peih tawh leuzzzzzz!!! ka a kham mai mai huhuhuhu!
[Report abuse]
May 31st, 2010 at 2:13 pm
MZU tha tak leh chhuanawm taka a kal duh tu tan chuan hnam zawnga lak vak2 loh thiam te hi tha mai thei.Kan University neih ve chhun hi hnam-ah in ti chiang viau si hian chhuanawm lo takah kan chhuah ka hlau!!!A pawnga puia MIZO thun tum hi chu a fuh loh ka ring. MSU lam te pawh hi tute emaw hawlh kal an ang…hehehe…
[Report abuse]
May 31st, 2010 at 2:39 pm
Ngaihdan mawl deuh: A thiam thiam kha kei ka duh a, chutih laiin academic performance (marks) tih vel an en ber dawn anih si chuan South lam te khu an score sang thei fur fur viau mai si! Chuvangin interview leh eligibility test ang reng te hi nei ta se (an lo nei reng lo maw?), chuan a endiktu atan Mizo mithiam tel bawk se a fuh ber lawng maw… te mawlmang takin ka han ti ve hram a ni e.
Mithiam lo zirtir chu ka duh bau lo! Ka college kal ve laiin (PUC ah) min zirtirtu pakhat, Mizo lecturer lehnghal kha chu a va han thiam lo raaaapthlaaaak tehlul em! Notes min pe leh tawp mai thrin kha ania…zawhna a zawh thui theih loh reng reng. Chutiang mi chu MZU hian an la palh ang tih ka hlau hlur!!!
@funny and evergreen: NET nei lo lecturer tih vel lam kha in sawi nasa ang reng si a, mi(sual) zinga mi monu a ni tih in lo hre ve mai mai dawn nia
[Report abuse]
May 31st, 2010 at 6:43 pm
comment hi ka chhiar thla diat diat a, a ziaktupa hi in tan vak lo niin a lang, Pu Zoruna’n eng vanga hepa hian Raia leh Bena hi tan viau nge a tih khi zawhna lian ber a ni.
in comment a bengvarthlak hlawm khawp mai, ccbu lamah te pawh hian in thil hriat te ziak ve hlawm ula
[Report abuse]
June 6th, 2010 at 12:21 am
Ka ngaih ve dan mawlte chuan class X atanga first char2 nana na chu a thiam thawkhat phot,
next kan naute rawn zir turteah reservation ngawr2 beiseina a siam, quality Univ. tan chuan quality teacher an ngai, Tuna an kal dan a an kal loh chuan quality tha teacher hriat a harsa reilo te interview chhungin tuma quality tak2 a hriat loh…an academic records kha a en theihna ber chu ani…..Tuna kan buaina hian a hai lan tak ber chu mizote hi competitive world a lut turin kan la inpeihlo a ST Quata kan la beisei chhung hi chuan kan la thiam toklo tih a chiang……Univ. hna hian mizo zawng zawng min daih tak2 lo chu vang chuan nakin a hna hmu tlaka zirna tur zirnna in neih a pawimawh Mark in angah Pawh ka duhdan chuan Vai tho ka duh Mizo chu an that chhe tlangpui….pawl thila inhmanna neuh2 an ngah sia hna an thawk hman lo palh hlauh dah ange……chuan helai hotu te hian ugc pawmpui thlap Univ. ten mark an pek lo ngaihhlutloh sak theih ngawt ani lo……ka rawn ti leh mai2 MSu tran2 chu an Class a hniam aniang ….lolzzzz
[Report abuse]
June 15th, 2010 at 6:30 pm
Ngaihnawm khawp mai. Misual zingah hian ka lo tel har lutuk hi ka inchhir zawk. Thil tak tak buaipuia kan han inhnial vel hi chuan Mizo thalaite’n hma kan sawn tih min hriatchhuahtir a, ka lawm tak zet. Chutih laiin misual ho ka lo ngaihsan tehlul nen, thliarkar rilru zim tak lo la sahuaithingvawn tlat kan la awm nual a, hetiang mi kan la neih tam viau hi chuan hma kan sawn chak vak lo mai awm mang e.
In comment ka chhan zung zung loh avangin ngaihdam ka dil e. Saiha lamah kan Project buaipuiin ka cham mek a, Network that loh vang te, power supply mumal loh vang te-in ka online hlei thei lova, comment pawh ka rawn chhang har ta viau mai, min lo dawh hram hram a niang chu. A theih chin chin ka’n chhang leh ang e.
#3 @ gothica, Ka tlanchhe hlei nem, ka tul em atin ni. Tin, OT in tih kha ka la hrethiam ve lova, ka hriat ve loh a hria te ka zawh mai che u hian min lo hmusit em lo’ng chu maw. Min lo hrilh teh, plz.
#5 @ krut, ‘hna awm reng reng Mizo pek vek tur’ tih mawl tawp mai chuh, hetiang ngaihdan zim tak nei in la awm teuh vang hi alawm State thenawm thalaite’n min tlansan zel ni.
#7 @ chelsea, Phd/Published works vel hi Lecturer/Assistant Professor atan a tangkai lo tihna ni lovin, a tangkai tho va, mahse MZU Ordinance khan “Consistently Good Academic Record†kha higher weitage a pe zawk tlat alawm.
#8 @ paeia, ka thlawp a che.
#9 @ khamrang, “MIZO chauh lak turâ€, Naupang tawngvai in la awm cheu mai.
#10 @ liverpool, class pawn lama sap tawng a inbiak kher tul tilo ho chuan kan ram dinhmun leh kan future hi in la ngaihtuah nasa tawk lo a ni.
#11 @ H.Vangchhia, i zawhna chu #7 ah ka chhang tawh e.
#16 @ liverpool, engtin nge i lo hriat ve? DINKAWNGA nih hi a nuam hranpa ve asin, a common lo riau!
#17 @ chelsea, OE-3, tuna MZU-in an hmanlai i tih chu han quote chhuak ve la, ka dik lo zawk a nih chuan ngaihdam ka dil mai ang. Tin, ka thuziakah khian ka sawi chiang tawkin ka hria, Four First Class Preference hi inziak lo mah se “consistently good academic record†tih awmzia hrethiam lo khawpa mawl i nih chuan nangmah kha hriatthiam i ngai zawk a nih hmel.
#20 @ Kawnga, tun tum kan topic chu MZU lam a ni tlat a, chuvangin chang dang kan zai ka rel hlei thei meuh lo, a reng rengah i va reh ve!
#21 @ krut, “ALL THE HNARUAK POST HAS TO BE GIVEN TO MIZO CANDIDATES…†I thu lo ve chiang khawp mai, Central Reservation Scheme pawh i hre lo a nih hmel. Tin, MZU hi mi 100 bawr vel, a thiam ber ber pawh ni lo, an tlin ve tawk tawk avang leh Mizo an nih avanga maia employment siamsakna tur hmun a ni lo, Mizo mipui leh midang tam takte’n eizawnna tha hmu tlaka thiamna an chharchhuahna tur hmun a ni zawk tih hi hre mawlh teh u, Zirtirtu tha chu eng hnam pawh ni rawh se, an thiamna leh taimakna chhawrtu tam zawk chu Mizote kan ni dawn, ram leh hnam in vei dan hi chu MSU tih vel ho vei dan awm tawk vel lek a la ni e.
#22 @ Epistemology, in sawifiah tumna lam rawng kai deuh a nihna chen a awm, a chhan chu mipui hi media kaltlangin Side B lam hian an thu leh hla an fah tam zawk tlat chuan mipui rilru a kaihruai dik lo thei viau thei a, entirnan krut, khamrang, chelsea tih vel a bual ‘a’ hman ang deuh hian, chuvangin Side A lam dikna tarlan hi a tul thin a ni.
“first four†i tih hi a awmzia ka man ve tlat lo, keini sawi mek hi chu “Four 1st Class†chungchang a nia. Tin UGC-in 55% a pawmna leh ST tana 50% a pawmna hi chu a hna dil tura eligibility criteria zawk a ni. Chumi chu MZU pawhin a zawm tho alawm, in la hriatpawlh fo chu hna dil tur hrim hrima “Minimum Qualification†leh hna diltu te atanga Interview kohna tur Scrutiny (Screening) Criteria hi a ni.
VC hi chhuak se, a nghawng tha lo tur “Delhi atangin MZU hmasawnna tur zawng zawng a dang chat vek thei asin†tih hi i la man phak loh avangin i awih lo reng ang chu. A hnena File kal reng reng-ah objection thiam takin lo siam zel se, hmasawnna chu a dangchat thei teh meuh mai.
“First four hi favor lian zawk an pe a nih chuan, a pahnihna point hi an ignored ta thung em ni?†ka thuziak ah khian ka sawi chiang tawkin ka hria, lo bih tha leh teh.
MZU Interview kalphung chu i la man lo ve hle mai maw. An hna dila thil awmzia zawt a, interview dawna an koh leh hnuhnawh nia i sawite hi “tling loâ€, koh theih tawh loh hulhual an ni lo. Screening-ah mi eng emaw zat an chhawk hian, an koh te zawng zawng kha a interview ni takah an rawn lang kim kher lo thei, chutiang huna koh leh theih vek an ni.
“First four†hi i ti fo mai a, eng nge a awmzia?
Hnam dang quality hniam i tih te hi awm chu an awm ngei. Mahse in hriat tel ve tur chu, SC quota leh OBC quota hnawhkhah ngai ve si, duhthu an sam chiah lo a nih pawha an dil a an qualify ve miau chuan an aia tha an category-ah an awm lo a nih bawk chuan lak ve ngei chu an ngai si a ni.
#25 @ Zorunpuia, BHU chhuak MZU-a thawk ngaimawh viau ho hian JNU leh DU chhuak te ho rawn lut teuh se tih rilru in pu tel nghal em? Zirna tha in duh a nih ve ngai chuan tuna ka sawi ang rilru kha in pu tel ngei turah ka ngai. Keimahni leh kan tu leh fate tana zirna tha kan duh a nih chuan Zirtirtu tha kan mamawh nghal, chubakah khawi University Product nge tih kan la ngaipawimawh fo bawk ang. Times of India May ni 25 chhuak kha han en teh u, BHU chu JNU leh DU te chungah India rama University tha berah an thlan kha, chumi chhuak zirtirtu kan nei nual chu lawm tur nge tah tur? A buluk zawng ringawt hian thil hi thlir thin lo ula hma kan sawn deuh ka beisei.
Tin, Rai-a hi a academic record leh a achievement te kha lo bih nawn leh teh u, ani ang mithiamin a hriatchian University tha leh lian BHU chhuak, MZU-a hna rawn dil an awm ve changa lo lak mai chu kan MZU tan a tha viau turah a ngai pawh a ni mai thei asin, chu chu MZU tan a pawi ta viau em ni? University chhuanawm tak zirtirtu kan nei thei thin hi a lawmawm ti lovin “huat thama pawikhawih-na†ah kan ngai lui tlat dawn a nih chuan MZU hi kan hmangaih viau lo niin a ngaih theih.
“He article ziaktu hian eng vanga Bena leh Rai-a thlavang a hauh viau chu le? Mipui leh Zirlai Pawlten an duh loh chuan an tha lo a ni phawt mai.†Mipui ah hian concensus kan neih ka la hre lova, intellectual circle-a mite chuan an rawn fak viau zel chu a ni phawt a, entirnan, Lalhmingliana Saiawi, Revd. Chuauthuama, C.Rokhuma, etc. Kan zirlai pawl te’n MZU chungchanga hma an lakna reng rengah hian MZU hmangaihna aiin mahni tanghma haina a lian zawk fo tih in la pawm thei tlat lo hi a hahthlak thin ngawt mai.
#26 @ khamrang, “Vaichhe ho hian min zirtir anga maw? No te pakora;In va dawih zep hlawm ve, silai vai khat pawh ala puah loh hi.†Hming thup theihna hmunah chuah ni lo, tin mawlmang tak ni lo bawk hian huaisen hlawm ula Mizo thalaite hmakhua hi a va eng dawn tak em! Vaiho zirtir duhin a ni lo’m ni sum tam tak (eiruk phah ngai hial khawp) senga phai lama lehkha zir tura kan intirh liam thin?
#27 @ Maverick, “Bena leh Raia-a Kid ah MA a zirlaiin a awm a ni ang.he he.†MZU hi ka zirchhuahna leh Mizote tana chhenfakawm ni tura ka duh avangin ka hmangaih a, MZU tana mi thawhhlawk tak te hi ka fak mai. MSU te pawh mi tlemte-in MZU atanga hlawh an neihna tur mai mai ni lo, MZU thatna tur atana contribution lian tak an neih hunah ka la fak ve ang chu.
#28 @ krut, “BHU chhuak tih vang a hna pek kher tur tih a in ziak a mi.. nge duhsak na pek an ni ang tih dan ah a in ziak a mi…†I insawi ang hian i mawl thei krut krut lutuk. Tu nge hetiangte Dan-ah a inziak ti? JNU chhuak te, DU chhuak te pawh MZU-ah hian an thawk fur alawm! Tin, “Their research work and other experience shall be considered but with a lesser weightage†tih hi pawm lo eng ang mah la MZU Dan-in a la pawm rih tlat a nih hi!
#30 @ sunshinethrutheday, i nickname teh duah chu!! “OE-3 hi kan buaina nilovin screening procedure an hman leh instruction an pek danah a ni zawk in a lang…†nang chuan tlemin i man ve deuh. ‘Communicative Skill’, Skill-ah chuan ka skill sawi tum ber kha Communication lam a ni a, chuvangin adjective ka hmang a ni.
#32 @ chikus, Popularity te chu khel lah love a, ka business-ah ka buai tawk, mahse ka sawi tawh ang khan MZU hi ka hmangaih a, eng pawl pawl-in emaw hmangaih awm deuha tute emaw hamthatna tur atan leh anmahni intihlar nana an nawrbuai fo leh mipui rilru-ah MZU hi archuktuilo zeta an chhuah thin hi ka rilru a na a, MZU chhan turin ka rawn pen chhuak zawk a ni.
#38 @ gothica, Mizo thalaite University chungchangah ngaihdan inan loh avangin kan inhnial a, hmasawnna chikhat kan lo tih laia “Hetiang lam hi a HO…†han tih teh tlat chu, nangmah kha i va HO awm em em ve! A tir atanga Administration tha tawh lo kha an siamthat mek vang alawm kan buai leh thin, a hma te chuan zirlai pawl te’n MZU ah hian an duh duh an tithei emaw tih mai tur a nih laiin tunah chuan an duh duha an inrawlh theih tawh loh vang zawk hian MZU thuneitu te pawh hnawk an ti a, an do mai mai a ni. Tin, tunah chuan kan pute an ni tawh hlei nem.
#39 @ mzvision, I va rawn bei tha duam duam ve a!!
#40 @ Lily_parmawia, “Lily Parmawi Lal Isua ka nei†tih hla sak hi chuan i hming dangdai tak hi ka rawn hrechhuak ve fo asin, a reng2 ah min tan theih viau kha…. ha ha
#42 @ Sawmpuia, PhD leh research experience emaw seminars/conference… publication nei tha te chu duhthusam alawm, mahse Mizo taka ngaihtuahin hengte hi consistently academic record ai khan Screening-ah dah pawimawh ni ta zawk se, Mizo te aiin Vaiho-in heng ah hian record an nei tha zawk leh tlangpui si a, Mizo tan chance a tlem hlei hlei thei bawk.
#47 @ sawmpuia, “James a sawi ang a ropui a nih chuan X Ray a chakawm khawp maiâ€. X-ray mawlh teh u, keini ang ram kilkhawr bera University naupangte atanga zirchhuakte hi University dang atanga zirchhuak te el pha lo turah in ngai a ni mai thei, MCS, MPS, NET, etc. through tawh te han ngaihtuah hi chuan University danga zirchhuakte an el phak zia in hre mai ang.
#49 @ krut, “tak2 in MIZO lehkha thiam te hi mizoram thawh kher tumlo in ram dangah te hian tum i la… ram dangah hna hi a lo tam ltk…†Tun tum chu ka thlawp ve khawp mai che. Central University dangah hian ST quota hnawh khat tur khawp candidate an hmu mumal lo fo tih chanchin kan hre thin, chungah te chuan dil ve ngam hlawm se, Lecturer nih tum ngam te chuan. Tin, ST quota kher lo pawha UR (Unreserved) category-a lut nalh nalh thei khawpin intuaihriam ila, helaia Mizote tan chance a tlem tih mai mai hi University hmangaih vang leh Zirna ngaihpawimawh vangah pawh ka ngai chiah lo. “State dangah Lecturer hna kan zawng ngam si lova, helaiah tal duhsak kan nih ve loh chuan…†tih ang vel chauh a ni e.
#51 @ Atom c, “Khawnge a post tu hi..zawhna chhan ngai te khi chhang phawt teh se…tran tur zawk ka hre bau lo mai….†Ka thiam loh a ni, min lo hrethiam teh u. Saiha lamah ka awm daih a, kan project khawih laiah kan tul em avang te, power supply mumal loh vang leh signal that loh vang te-in online a har em a ni.
#52 @ sunshinethrutheday, “James……..watever†chu ka hming a ni lo tlat mai! Mi pangngai tak hnuai lam deuh, tlema midang aia finga inngaih theihna khawpa inzir sil ve laklawh si i nih duh hmelin ka hria. Tuna MZU-in Interview atana Screening Criteria a hman hi nangin tul i tih leh tih loh aiin MZU mithiam te’n tul an tih leh tih lohah a innghat zawk tlat mai. “huhuhuhu………..Higher Education line-ah chuan UG atang hian kalna tur kawngah an kal tan chauh…†Higher Education line-ah hian an kalna turah UG atanga kal tan chauh ni lovin Class-XI atangin a ni zawk, i la hre thelh hret. Tin, i thupui “huhuhuhu, hohoho,†etc. hi mithiam kutchhuakah a tel khat khawp mai, ram tana tangkaina nei tam lem lo, iak ve thei satliah te pawhin an hman that duh lo, ramsa tawng mai mai a ni awm e.
#83 @ sawmpuia, “Measuring factors include the quality of research through citations, the proportion of International students and staff. The parameters include, assessing a combination of regional and International factors, such as Peer and Recruiter reviews, the International research capabilities of the Institutions, teaching quality, student-teacher ratio and Internationalisation of the staff and students, among others.†I rawn contribute tha hle mai, hemi chhiar thiam tan chuan Mizo ngei ngei tih chi a ni lo tih a lang chiang viauin ka hria, miin International level standard an lo thlir mek lai lai a…
#88 @ Epistemology, “Hei ai chuan, inenfiahna tur “objective†lehlam/lehlam thlir sela, a thu ziak hi 100% hi ka pawm ngei ang.†Ka thuziak hi mi zawng zawngin 100%-a an pawm atan ka ziak ngai lo. Thudik zikthluak lo hmang leh tute emaw hamthatna tur avang mai maia mipui ngaihdan a ni lo lama an hruai kawi dawna ka hriat avangin thudik ka ziak a ni mai. Anyway, thanks for your advice!
#89 @ Hotshot, NSEM sawi hunah chuan kan sawi mai ang, tunah hi chuan MZU chungchang a ni kan sawi ni! A hun tea rah thin… te han ti ve ngawt ila.
#102 @ sawmpuia, “…University thuneitu te leh MSU pawh hian MZU tan a tha duh theuh theuh chu hetianga in nek buailo hian thazawk duh theuh theuh chu a sawitheih ka ring.†Ka la hnial hram duh che. MSU hian engtik lai mahin MZU tana tha tur activities an neih ka la hre lo, Academic an ngaihtuah lova, dan palzut deuh pawha tute emaw hna hmuhtir hram dan a ni an buaipui ni. University hmasawnna atana thahnemngai taka thawk mektute hnawhchhuah tum rikngawt mai te hi University thatna tur duh vang a ni ngai lovang.
#105 @ Tarmita09, “MZU hruaitu hlui chu mahni PRINCIPAL-a dingnghlet tak i nih duh hmel hle tak mai a!†Hey, thil in chik lutuk hi ka va lawm thin em!! Mi typing mistake lo hre nalh nalh thei khawpa keini ang duang thuziak te in lo ching let duh hi chuan Mizo thalaite hmasawn zia min hriattir.
#108 @ chelsea, “…ka ngaihdan hi mitam zawk ngaihdan anih ka ring bawk.†Nangni ang ho, MSU mai maiin an convince theih Mizo mipui zinga kan awm teuh thin hi alawm hma kan sawn theih lohna, inngaihtuah harh teh u. Intellectual Circle-a mite leh Prominent Citizen te thlirna hi nangni ang mi nawlpui tana thlir phak loh a ni thin hi a pawi ngawt mai.
#116 & 119 @ m_bawitlung & hlatekhua, BHU atanga 12 lai an rawn thawh chuan tuna Indian Universities zinga Top University chhuak faculty kan nei nual tihna a ni a, lawm zawk ta che u. In thil thlir hi a zim thin mang e.
#129 @ Mr L Ralte, Pu Hawla chu ka ni chiah lova, a tawng chu ka zir ve tawh. Ni e, i tidik ve tho mai, kan tih awm tawk kan lo hre lo nge ni keini ang duangin khawvela zirna in sang ber University chungchangah te mipuite hriat ve atana pawimawh te kan lo sawi ve tak chiam ni!
#131 @ sunshinethrutheday, “…ka sawi peih tawh leuzzzzzz!!! ka a kham mai mai huhuhuhu!†I ti mak thei e, comment i type hian i ka a lo kham thei bik a ni maw? Eng ka tak chu nei che ni maw? No offence..
#134 @ rka_49er, “Pu Zoruna’n eng vanga hepa hian Raia leh Bena hi tan viau nge a tih khi zawhna lian ber a ni.†Hemi chungchang chhanna chu #25 chhanna ah i lo en dawn nia.
A tawp ber atan chuan MZU ah hian Mizo leh hnam dang zirtirtu Sincere tak tak an awm a, chutih rualin tha vak lo pawh an awm tih hi zep thu a cheng lo. Mizo thenkhat zingah Civic Rights an neih avanga hlawh nei chunga Politics khelhna’n maia thawk niawm tak an awm hlawm, heng ho hian MZU an hmangaih tak tak hi rin a harsa thin, a tlangpuiin MZU chhungkuaa harsatna neuh neuh thlentu leh zirlai pawlte fuihpawrh ching an ni bawk. Anni’n MSU an fuihpawrh avang leh interview-a kohve tak lohte MSU hnena an lo zualko ve bawk avangin MSU lam chuan mawlmang takin MZU an han tibuai chiam a. Tunah pawh hemi avanga helai hmuna him lova inhria hnam dang zirtirtu mi 20 lai chuan MZU chhuahsan tumin hmun dangah hna an dil mek a ni. An zingah hian MZU zirlaite tan pawha chhenfakawm leh an fak em em, national leh international level thleng pawha zahpuiawm lo tura anmahni chher theitu mithiam tak takte an awm hlawm a ni. MSU hian MZU tana an pawikhawih hi engti kawng mahin an rul seng lovang. Ka sawi tawh kha ka sawi nawn leh ang, tuna an hmalakna hian MZU tan hmasawnna a thlen lo mai ni lovin, MZU chhiatna tur a ni, Mizo zirlai tam takin quality tha tak neia thiamna an chharchhuahna tur ngaipawimawh lova mi tlemte eizawnna tur mai mai buaipuia MZU an pawngsual chiam avangin.
Zirlai pawl chuan zirna an ngaipawimawh hmasa ber tur a ni. Zirna a that chuan hnam a dingchhuak thin, chu chu hnam feeling dik tak zawk a ni. Hnam dinchhuahna tur atana zirna tha kan neih a pawimawh em em laia mi tlemte hlawh neihna tur buaipui avanga Zirna pawngsual chiam hi hnam feeling mawl thei ang ber, hnam pawi khawihna a ni zawk tih hi MSU Supporter zawng zawngte pawh khan lo hre mawlh teh u.
[Report abuse]