Tunlai chu engti zaizia nge ni pipute sulhnu ka chhui ka chhui mai! Heng hmanlai Kristian kan nih hma a kan thufingte hi tunlai khawvelah redundant tam tak a awm tawh ngei ang. Mahse hriat ve hi a pawi viau em ni? Misualah hian la nau zawkte la hre vak lo an awm tak mialin ka ti rilru a, chutih rualin kei pawn a awmzia ka hriat chian bik loh ka nei ve tho a. Rual u zawkte zawh fiahtur ka nei ve tho a nia. Chhawr tangkaina awm em em lo mahse misual-dawt-kawmar tan ka rawn chhawp chhuak e.
1.Lal ngai lo lal a na, an lal a kha.
2.Lungpui pawh lungtein a kamki loh chuan a awm thei lo.
3.Mahni infak leh sakhi ngalah engmah a bet lo.
4.Michhe sawi chu koh aiin an hnai.
5.Sial rangin sial rang a hring, sakawlhin sakawlh a hring, sunhlu kungah thei dang a rah ngai lo, Kawi pawh a kawm a that leh a rah a tha.
6.Mihring hmelma ber mahni.
7.Mi fingin an fin man an ei seng lo, mi a-in an at man an chawi seng lo.
8.I tuma lum chu bei fan fan rawh, ui pawh a vah a vah chuan ek thing a tawng nge nge.
9.A tha lam kawng a chho, a chhe lam kawng a phei.
10.Piansual leh hmel chhiat a sim theih loh; nungchang erawh a sim theih.
11.Piangsual nuihsan suh, piansual leh pharin tlai luat a nei lo.
12.Lampui changkhatah mi an be chhe ngai lo.
13.Kawng laka chau tanpui zel tur.
14.Thlawhhma lakin, hniak tamna lam apiang bawh tur.
15.Leiruangtuam, sih, thinglubul, fangfar, thingzungkai, zawng luro, hruiawk leh thingsaihrua lovah neih tel loh tur.
16.Mual dungah thlam sa rawh, sapuiin a bei ngai lo.
17.Lo hman niin thlam tlawh a thiang lo.
18.Thlam velah zamzo chin ziah tur.
19.’Khua tlai’ tih hi ching rawh, a tulna hun a piangah.
20.Sem sem dam dam ei bil thi thi.
21.Nu leh Pa pawisa lo ding chhuak an vang hle.
22.Nu leh pa mawl biak hi thiang lo tluka ngaih a ni, an hming pawh sawi mai mai suh.
23.Mi awkhrawl a hlawhtling rih mai thei e; mahse, a tlu phut thin.
24.Anchhe lawh hi mahni chungah a tla thin.
25.Nupui nena hmarcha sawh bawl fo ai chuan inthen mai tur. Hmeichhia leh palchhia chu an thlak ngai.
26.Hmeichhe tawng menah thlak rawh. Hmeichhia leh uipui chu lo rum lungawi mai mai rawh se.
27.Mikhual hnenah engtikah nge i hawn ang? ti lovin,eng chen nge i la cham ang ti zawk rawh.
28.Kawngthlangah zung la, chhak lamah e rawh.
29.Thinglera zun dawnin “Ka ralthawl a bua e, kei zui loh” tih ziah tur.
30.Lui tui in dawnin “Tui thiang, tui dam,tui nunnem, amah vanga buh leh sa kan bar puk puk” tih tur a ni. Lui dai dawnin chem chiah a, “Thir dam emaw, chem dam emaw” tih tur.
31.Bawlhlo tiduhdah suh.
32.Thangawk ru suh, sakuh awk ruk phei chu sakei sehna.
33.Laichin leh thian tha inah lo chuan thalai tan sa chhim loh tur.
34.Tlubing te, keptuam te, rul ke te hi hmuh thiang lo a ni.
35.Sakei ek zuk leh van ekkhum chu chawplehchilhin a pawi.
Khai le I han kawmen tlang teh ang u…..
NB: Source —“Mizo Pi Pute leh an thlahte chanchin” by K.Zawla
Similar Posts:
- Khawh teu teu…
- Pipu thufing leh Serh leh Sang – III
- Pu H. Rotluanga ruang chhar a ni.
- Pipu thufing leh serh leh sang – II
- Dengsur
hairehai
May 28th, 2010 at 11:27 am
No.1 Khi saptawngin kan let = Never King, King Quinine :lol:
May 28th, 2010 at 11:45 am
i va han hre tam em em ve,a PAHNIHNA khi a dik lo ve thei tho in ka hria, lung te awm lohna lungpui awmna si atam em mai, ka rin danin,….
May 28th, 2010 at 11:48 am
‘Michhe soi chu koh aiin an hnai’ tih hi enge maw omzia chiah le…han sawifiah teh u…
May 28th, 2010 at 11:51 am
Tlubing nen hian…
May 28th, 2010 at 11:51 am
Point 5-na khi hawrawp chhutsual a awm nual a nih khi.Tin, a thupui pawh hi a dik chiah lo lo maw ? Serh leh sang kan ti thinin ka hria a..’ser leh sang’ a lo ni zawk em ni?
Point 29 hi…hahaha..ka lo la hre ngai miah lova..tih ve ziah tawh tur a nih hi..
May 28th, 2010 at 11:53 am
mahse a hmul a bet
May 28th, 2010 at 11:58 am
enge zamzo chin ziah kha a hlawk na.. Lukhawng te a nei tha ve a mi LOL
May 28th, 2010 at 12:04 pm
@sanghalhriama pa… michhe sawi chu koh aiin a hnai = Mi kan rel emaw an chanchin kan sawi reng reng hian koh ni miah lovin an rawn lang hlawl thin…. tihna ni in ka hria..
May 28th, 2010 at 12:21 pm
“Thinglera zun dawnin “Ka ralthawl a bua e, kei zui loh” tih ziah tur.”
May 28th, 2010 at 12:24 pm
Hmeichhe tong hi apoi thui thei lutuk ka expi toh tum loh tleng2 kal a awl ania
May 28th, 2010 at 12:36 pm
Edit!
May 28th, 2010 at 12:37 pm
Lushai chu rawn phawrh tha kher mai. Ka hriat ngailoh tamtak ka hriat belh. “Mi nu uire-tu chu Sakei-in a seh duh bik…” tih te kha awm em aw?
May 28th, 2010 at 12:44 pm
25.Nupui nena hmarcha sawh bawl fo ai chuan inthen mai tur. Hmeichhia leh palchhia chu an thlak ngai.
“Thing phur khat cu” tih hla kha k hre chuak zuk mai
May 28th, 2010 at 12:50 pm
hmeichia leh “uite” a chul nel peih peih!!
hei eng category ah nge a om ve???
May 28th, 2010 at 1:01 pm
#15.Leiruangtuam, sih, thinglubul, fangfar, thingzungkai, zawng luro, hruiawk leh thingsaihrua lovah neih tel loh tur.
Sih hian huai a nei tak2 em aw? Tun thleng hian soi neuh tur a la awm tlat.
May 28th, 2010 at 1:01 pm
ka tih mi Nu hi chu cho sual a awl court zek zek angai ania
May 28th, 2010 at 1:06 pm
17.Lo hman niin thlam tlawh a thiang lo – tih hi ka hre ngai lo, a awmzia ka man lo bawk.
May 28th, 2010 at 1:17 pm
Hmeichhe finin tukhur ral a kai lo tih pawh a awm kha, mahse ka awih lo, hmeichhia ho hian thil hi an TI thei em, hmeltha deuh phei chuan :lol:
May 28th, 2010 at 1:28 pm
Kan pipu te khan kawng dik zawh tur a inzirtirna thufing ṭha tak tak an nei! An sakhuana leh a hun lai mil a sakhaw rel bawl dan kawngah te, khawtlang nun siam ṭhat na’n lal leh upa te, inchhungkhur enkawl na’n nu leh pate khan a zawm tu tur tan a zawm ngei ngai, serh leh sang a neih khawp in zirtirna an siam thiam tlat!
Tun kan dinhmunah chuan sakhaw hruaitu leh politician te’n thil dik mipui kawh hmuh a zirtirna dik pe tur in mipui te hi kan fing ker kawr lutuk zawk em ni? Nge mipui kaihruai tlak lo hian min hruai ṭhin? — Te ka’n ti ve duah a nih chu, ka mawl ang ang in.
@lushai_er i chhawpchhuak ṭha hle mai.
May 28th, 2010 at 1:38 pm
Point 5 hi :”Sakawl(sakei tihna)-in sakawl a hring” tih zawk tur a ni..em??
May 28th, 2010 at 1:41 pm
@coolsoul09 dik lo chu a awm zauh zauh a nih khi! :mrgreen:
May 28th, 2010 at 1:43 pm
30 na khi chu ti lo pon ka in in ka dai ziah mahse dik tak tak atam, atha hrim2 hriat loh poh a tam abengver thlak e.
May 28th, 2010 at 1:49 pm
Lo hal hma in thlam sak loh tur tih te pawh hi a dik teh a nia .hahahahahahahah
Lal ngailo lal a naaaaaaaaaaa tih hi chu a dik ber chiang kuang in kei ka hre ber mai hahahahaha
Chutiang mi chu an tam luluk a ni ber mai.
May 28th, 2010 at 2:17 pm
5 na khi ka hriat dan nen a in anglo ” sakawl in Sakawl a hring” tiin ka hre tlat….enge dik zawk le ?
May 28th, 2010 at 2:59 pm
va tam ve ooo…19 na khi ka va hrethiam lo ve.chuan 25 and 26 chu kan misual nu ho chuan an va ei vakloh hmel vee.. :lol:
May 28th, 2010 at 3:13 pm
No.#4, “michhe sawi chu koh aiin an hnai,” tih khi, “hmelchhe sawi chu koh aiin an hnai,” tiin ka lo hre thin.
No.#5 khi, “Sakawl in Sakawl a hring,” tiin ka hre thin.
Kan pi leh pu te kha, “savage” tih khawp a tribal leh rimchhia, hrikhrah nei a ‘vam’ pup2 thin mah lo nise, an phak tawk ah Pathian in finna a lo pek ve te chuan thil tha tak tak min lo hnutchhiah ve teuh a ni.
Tunlai a apply chi vak loh awm thin mahse, tha tak a awm ve teuh. Chhawm nun zel hi Mizo kan nihnaah kan mawh a ni.
lushai_er, i post hi a hlu thlawt a ni.
May 28th, 2010 at 3:14 pm
@lushai_er i thawh ṭhra hle mai, kan save keuh te’ng
May 28th, 2010 at 3:22 pm
28.Kawngthlangah zung la, chhak lamah e rawh.
hei hi thufing tak ani, health and sanitation lampang
May 28th, 2010 at 3:36 pm
Point 10: Kan thianpa chuan ‘Hmel a siamthat theih loh, nungchang erawh a siam theih, chuvangin nupui hmeltha deuh neih tur’ a ti ve tlat!
Point 35: Sakei ek zuk tur chu vang tawh fu ang! A pawi dan tur chu hrethiam chiahlo na a, van ek khum tum chu fuhlo ve khawp ang chu,mahni ek kan bar a ni mai!
May 28th, 2010 at 3:40 pm
I hnap ak la, I chil lem rawh
May 28th, 2010 at 3:57 pm
gothica, #30 hi kan pi pu te sawi a ni chiah em le?
May 28th, 2010 at 4:35 pm
‘sakawl in sakawl a hring’ tih hi “Mizo Pi Pute leh an thlahte chanchin” tih kan zirlai kha chuan lehkhabu a a inziah dan ani.
@van damme – 19 khi ka hriatsual loh chuan ram ah chaw an fak dawn in an ei hma in chaw leh chawhmeh tlem an theh hmasa a, theh pah in ‘khua tlai’ an ti thin, ramhuai ho tlawnna chikhat ni in ka hria.
May 28th, 2010 at 5:20 pm
laiking in lungte a kamki loh chuan puan ang chul
May 28th, 2010 at 5:37 pm
#18: “Thlam velah zamzo chin ziah tur”
Hei vang hi ani lek ang a, ka naupan deuh laia lo kan neih thin lai khan kan thlam bulah hian zamzo a awm ziah.. kanu khan alo ching thrin anih dawn hi, a chhan kalo zawt ngai lemlova..
May 28th, 2010 at 5:46 pm
funny, Thlam velah Zamzo an chin chhan hi a mawi vang chu thuhran nise, ramhuai in a hmutlang thei lova an ngaih vang a ni awm asin.
rilru chu a chhawk zangkhai khawp tur ania.
May 28th, 2010 at 6:00 pm
‘An pasalte awmloh laiin mi inah leng suh’ tih kha a awm bawk em oo…thildang nen ka hriatpawlh zawk nge.. :lol:
May 28th, 2010 at 6:50 pm
Hv ka hrelo le.. Aizawl civil hospital gate thlen hma deuh kha chuan hmanah ka hmu thin.
May 28th, 2010 at 6:53 pm
@lushai_er: Point 8-na khi ‘Ui’ nilovin ‘Vawk/Vawkpui’ tih zawk a ni lovem ni.. ?
May 28th, 2010 at 6:55 pm
#5…sakawlin sakawl ahring tiin keipoh ka lo hre thina, high schoolah khan kan zir thin kha mawle…
May 28th, 2010 at 7:36 pm
#5, “sunhlu kungah thei dang a rah ngai lo” Sunhlu kungah samthei a zam a, sunhlu kungah samthei a rah.
May 28th, 2010 at 7:45 pm
#Lamlianah an e ngai lo, miin anchhia an hlawh duh.
#Kawnga e chu mi a, a hautu misual.
Tih te kha a awmin ka hria.
May 28th, 2010 at 9:50 pm
Tuikuk thufing ve thung :
1. Chho tawpah zawl a awm.
2. Mi 2 an inbiak chuan sawi an nei
3. Kawng chhoa kal aiin kawng chhuka kal a hahdam zawk.
4. Haihawt chu vawihnih kal chiah a ni.
5. Thlasik lai aiin January thla a vawt zawk.
:lol: :lol:
May 28th, 2010 at 10:54 pm
Hei lawichaw kilna atangin ka haw ve chiah a, mahni post pawh vil thei lovin tunah ka lut ve chiah a! Min hrethiam a niang chu.
Ka post hi a source ka tarlan ang hian lehkhabu hlui a mi a ni a. Kei pawn hei zawk chu aw tiin hriat dan ka lo nei ve a, mahse a ngai a tarlan hi a tha berin ka ring a, ka rawn post a ni e.
May 28th, 2010 at 11:08 pm
Thufing ni lemlo, kan mizo pi pu te khan, In sak dawnin leiruangtuam sak hnan hi an duhlo thin a, Kawr zingzum lai(Kawr hnarin a a chhun)na lai a insak hi an duhlo thin anti. Kawr hnar hi chu a hrisello tlangpui in ka hria a. Leiruangtuam an sakhnan duhloh chhan hi Vanduaina a thleng duh tih a ni a, a dikna lai lo hre tawh in awm mial lo maw?
May 28th, 2010 at 11:16 pm
34.Tlubing te, keptuam te, rul ke te hi hmuh thiang lo a ni.
Enge tlubing leh keptuam chu le? Hmuh palh pawn maimitchhin nghal vat chi ni maw!
Tha hlawm khawp mai. Kan save ve keuh teh ang.
May 28th, 2010 at 11:22 pm
‘Sakawlin Sakawl a hring’ tih tur a ni e.Hei hi mipa sawina a ni a, ‘Sial rangin Sial rang a hring’ tih hi hmeichhe lam sawina a ni thung.
Van ek khum tum chu kan paw lawih mai :lol:
May 28th, 2010 at 11:31 pm
17-na ‘Lo hman’ tih hi engtihna nge ahmasa ber atan??
May 28th, 2010 at 11:40 pm
Sial rang hian sial rang kher a hring ngailo….huhuhu. Sunhlu kungah erawh chuan sunhlu lo a rah ngailo.
May 28th, 2010 at 11:57 pm
Kerh2 duh ho thufing:
“Motor khalh laiin zu in suh, a baw duh”.
“Kailawnah fimkhur zual rawh, chetsual a awl bik”.
“No khat in no hnih a hring”.
“Zing zu ruih chu hoh nilen na”.
May 29th, 2010 at 12:24 am
#45, BMW hi kan chhang teh ang, hmeichhe awm chhunah!
Hriat dan hi a in ang lo thei khawp mai. Pu K.Zawla ziah ka rawn cut & paste ve mai mai a nia. Hre lo kan awm takin tih thu hlaah. Muantea sawi “Sakawlin….” pawh hi ka correct duh lo a nih khi.
Chuan ka hriatve dan chuan :
Tlubing : Rul chikhat tawi deuh, tleng lova tlu bing-bi-lai-let thin, hmuh thiang lova ngaih.
Keptuam : Phengphehlep chi khat lian pui mai, hmuh thiang lova ngaih.
May 29th, 2010 at 12:28 am
#48, Sunshine, “Sial rang….” hi saptawngin “Like father like son” emaw “Chip of the old block” tihna lam zawk a ni e.
May 29th, 2010 at 12:36 am
#17, riangtei : Hman laiin mizo ten lo an hmang a, hmuingil turah an in ngai thin. Lovah an inthawi thin a, he mi ni hian thlam an lut ngai lo.