mi(sual).com

I bialnu/ bialpa khan a hmangaih che tih i hriat duh chuan a hnuaia ka rawn ziah hi a dik vek kherlo a nih pawhin za- a sawmkua hi chu dik tura ngaih a ni (a bik takin khaw hmunlo emaw, veng inkar hlat taka awm hrang in nih chuan!)

a. Hunawl a pe ngai che em?

A hna a vangin a tul viau pawh a ni thei. Thildang vangte pawhin a tul hle a ni thei e. Mahse, mihringte hian kan mamawhte tan chuan hunawl hi kan nei thei ziah! I bialnu/ bialpa khan a hmangaih tak taklo che a nih chuan i tan hunawl a nei tamlo vang tih ka hrilh a che.

Mi thahnem takin an lo experience tawh atanga he thu hi rawn chhawpchhuah a nih avangin dik turah ngai ang che. Mahse, a hnuaia kan la sawi zel turte ah hian sawisel bo a nih erawh chuan hunawl a pek theihloh chhan che kha a lo serious riau thei bawk (Hmangaih loh vang che ni lovin hunawl leh remchang hrim hrim a neih loh vangin).

b. A be zing che em?

Mihringte hi kan pianphung leh kan rilru ngaihtuahna a inang lo ang hian kan duhzawng leh ngaimawh zawngte a danglam thin a. Thenkhat chuan Hmangaihna hi an lo la nep viau thei a, thenkhatin an lo la na viau thei bawk. Mi thenkhat chuan an bialnu/ bialpa te be lova awm harsa an ti ang.

Thenkhatte erawh chuan an harsat vak lo ang. Mahse, a tlangpui thuin mihringte chuan kan mi ngainatte chu kan be zing thin. I bialnu/ bialpa khan a be zinglo hle che a, a khat tawka a be zeuh zeuh thin che a nih chuan (inbiak reng theihna hmun leh huna in awm chuan) amah kha ringhlel ang che. Nangmah aia duhzawk a nei emaw, a zawng mek emaw a ni thei.

Mizote hi ngaihzawng neih chungchangah hian kan rinawm lo khawp mai. Tunlai kan khawvel hi chu ‘rinawmlohna khawvel‘ leh ‘a nei nung nungte hamthatna’ leh chu mite chet tlatna mual a niin ka hria. A nei deuhvin an kawp tam a, a neilo deuhvin kawptur an hmu lova! Mi pakhat tana thinlung hlana insawi tawh chuan midang va kawp awm loh tak, mahse, tunah hian ngaihzawng nei kawp lo chu vang tak an ni. An kawploh pawhin biak that zual pahnih khat tal hmeichhia hi chuan an nei ziah!!

c. I beiseite a tih hlawhtlinsak ngai che em?

Mihringte hian kan mi ngainatte hnen atanga dawn beisei hi kan nei deuh tlangpui a. Chutiang va ngaihven lemlo te pawh awm theih a ni. Mahse, bialnu/ bialpa kan neih chuan an hnen atanga thil hlu lemlo, tawngkam mai pawha tih hlawhtlin theih te, sms hmanga tih hlawhtlin theih ang chi te a awm.

Mahse, chutianga mi dangte beisei hrereng chunga tih hlawhtlinsak duhlo mihring pawh chu awm theih a ni. Engpawhnise, bialnu/ bialpa kan neih chuan an tana thiltha tih kha kan duh anih chuan, an beiseinate chu sual lama tlukna a nihloh bawk chuan tihhlawhtlinsak kan tum thin tur a ni dawn lawm ni?

Mihringte hian dawn kan in beisei em em dawng lova kan awm reng chuan chung kan beiseina thamral mai tur chu uiin, kan bialnu/ bialpa te kan ngen lawm lawm thin a. Mahse, min tihhlawhtlinsak duh tlatloh chuan keini aia tha zawk leh fel zawk nia hriat an nei tihna a ni. Midang hnenah an lo ti hlawhtling thin pawh a ni mahna! I bialnu/ bialpa khan a hmangaih che chuan i hlimna tur chuan sual lam kawng tello- tha lam kawnga i beiseina te chu tihhlawtlinsak che a huamzak ang!

d. A ko zing che em?

Mihring hi kan inhriathran theihna turin mihring hmasa ber Adama atang khan HMING kan nei a. Hei bakah hian kan chenpui leh midangten min kohna bik kan nei leh deuhvek bawk. Chumai pawh la ni lovin, kan bialnu/ bialpa te kohna kan nei hrang deuh thliah bawk.

I bialnu/ bialpa khan a ta i nihzia lantirna turin a ko zing che em? I hminga a ko che a nih chuan induat vel a ngaina vaklo pawh a ni thei a. Mahse, ‘Duat’, ‘Hmangaih’, Duhlai’ etc., ti te a a ko thin che a nih chuan a ngaina hle che tihna a ni thei. Mahse, midang kawp reng chung pawhin chutiang chuan a ko theitho bawk che a. A hmangaih tak tak che chuan a ko zing viau ang che tih ring mai rawh!

Mahni bialnu/ bialpa koh nachang pawh hrelo chu mi rinawmah ka ngai theilo. Tin, an lo rinawm lo nge nge thin bawk.

e. Chhuanlam a siam zing em?

Kan bialnu/ bialpa ten chhuanlam an siamzing viau a nih chuan a ngaihthat thlak lo ngawt ang! Engemaw hlekah chhuanlam siam deuh reng mai se, kan inkarah kak a awm vat loh nakah!

Hmeichhia leh mipa thenkhat hi chu chhuanlam siam peih ve hrim hrim hi an awm a. Tin, belhchian dawllo hi an thahnem bawk. I bialnu/bialpa khan nangma lam han sawi dawna nagmah i telna tur ang chi reng renga chuanlam a siam tai(h)mak viau chuan ngaihtuah ngun deuh ngai pakhat a awm- midang tan chhuanlam a siam ve ngai em?

I laka chhuanlam a siam lai khan midang laka a lo uiresan mai thei che a. I thinlung tina tur mai kha i Hmangaihna i hlan ang tih a hlauhawm khawp mai!

Engpawhnise, i tun dinhmunah khita ka sawi tak angte khi a dik a nih chuan, he thil hi a dik zia i hre mai ang. Mi thahnem tak hi chuan ‘rinawmna’ an chawilar hle lai hian, mi pakhat tana rinawm tura an intiam lai hian- a aia tha zawk an lo zawng thin si a!

I bialnu/ bialpa khan a hmangaih tak tak che a nih chuan a ngai thei viau ang che, A be zing ang che a, a ko zing ang che. I beiseite a tihhlawhtlinsak fo ang che a, i tan a thianghlim reng ang.

Ka ziah tak ang khian i bialnu/ bialpa khan a hmangaih lo che a nih chuan i theih hmasak ve leh a laka i rilru chu a zung nen lam phawi ang che. Tichuan, khuareiah Khuanu’ n mitha a la pek ngei che ka beisei.

Similar Posts:

• Ka hmangaih che
• virgine_gal06@yahoo.co.in ka ni thin a keimah ka ni tawh lo
• Nghilh loh nan
• Ka bialnu nih tumte tâna hriat tur pawimawh te
• Midum Kawp Chungchang

Recent Posts:

• PÂWL LAL HRAWTNA AIZÂWL???
• MIZO HNAM SAKHAW DIK PHOCHHUAHNA- IVby. Rorelliana
• Hriat chian lehzual
• Sunglass man to chhan!
• Tawng tih hausak a pawimawh!

This entry was posted on Monday, June 21st, 2010 at 11:21 am and is filed under Opinion. You can follow any responses to this entry through the RSS 2.0 feed. You can leave a response, or trackback from your own site.