Archive for July, 2010
US Drone in Aizawl a bei!! (Aizawl Under Attack)
Friday, July 30th, 2010Hmuifang MI
Friday, July 30th, 2010Rilrua riak ru veng veng hi puak chhuahpui ta ila tu’n min dem lem lo’ng chu maw. Ka ngaihtuahna vak kualin duhthusam ram a thleng a, a sawhkhawk chuan heti hian hla a rawn chawi chhuak ta si! Bawhzui tlak awmze nei a hrin chhuah phei chuan a va hlu dawn em!
‘Ruahvarpui bang theh’ thluk hian han ‘chheih’ chhuah tum phawt te’ng:
A khi Fangtlangpui a mawi an ti, (Mawi an ti e)
Fan ka nuam e ‘sual’ rual nen zingzin iangin (Chheih)
Hlim zai vawrin, zan tlai dawn lovin (Awi a dawn lovin, awi awi)
‘Khelkhawn’ zai lam pawh hian:
Zuangin tho r’u tlang tin tlang hranga leng zawngte,
Tawn zai kan rel Fangtlangpuian, Fangtlangpuian e;
Tawn zai kan rel Fangtlangpuian,
Tlangpui, tlangpui, Fangtlangpuian
Fangtlangpuian e.
(more…)
Tho la, ding ta che!
Thursday, July 29th, 2010Hmanlai kha chuan ralti reng rengin kan pi leh pute khan an nun an hmanga, ram lamah nise râl an hlau a, in lamah lah nise thiang leh thianglo a inpawlh nuk mai bawk si. An nun kha a hahthlak satliah mai ni lovin a chep ti ila kan sawisual tam lo mai thei a ni.
Ni e,hmanlai kha chuan râl nena intawnfuh palh kha chuan tihngaihna a awm lo em em a, a thih loh chuan ka thih a ngai dawn tih kha zawlnei sawikher ngai lovin a chiang em em a ni. Rallu hawn thei nih kha thil ropui tak a ni bawk si! In lamah nise,puithuna atthlak tak tak a tam em em a, enge maw tidawn se a thiang em, thiang lo em tih a ni vek mai a ni. Khatiang hunah kha chuan mihring tan beiseina a awm tlem em em si a, dinchhuah a har thin.
Hun a lo kal zel a, Kristianna a lo lut a,ral leh puithuna atthlak tak tak a lo bo tan ta. Mipuiin khaw eng an lo hmu tana, an nun a lo awlsam chho hret hret zel a, nunin boruak tha a rawn hip tan a, mi zalen an lo ni chho ta. Ral leh ramhuai hlaua khawsa thin kha hmanlai ang mai a ni tawh, Kristian an ni miau hek le!
(more…)
Egg-Rice ah thu inziak !!!!
Thursday, July 29th, 2010See photos:-
He Egg-Rice thlalak te hi nguh takin en teh, THU INZIAK a awm nia!! Nimin piah chu Restaurent pakhatah ka lut a, Coffee leh ‘Egg Chow’ (aka Artui-Chhipchhuan) ka lama, minute 10 hnu velah chuan min rawn chhawpa, ka ei tur chiah hi artui ah chuan engemaw hi inziakin ka hria a, ka han enchiang chuan thu-engemaw hi alo inziak a, mahse a chianloh em avangin ka chhiar theilo.
My weekend
Thursday, July 29th, 2010Nimin, Nilaini July ni 28 chu hna lama ka chawlhni a ni bawk a, sangha kan man a nih kha.
Park luh dawnah $7 kan pe:
Footballer Beikhokhei hming tih dikna
Thursday, July 29th, 2010via B. Beikhokhei Fans
Mizoram leh East Bengal FC player Beikhokhei Beingaichho, College Veng, Saiha tlangval hi Pathian khawngaihna zarah news ah a hming a lang ve zeuh zeuh tawh a, mahse a hming diklo leh awmze neilo Beikhokhai tih in a lang reng thin avangin a dik zawk kan hman tlan theihna turin he post hmang hian kan rawn hrilhfiahin a dik zawk hmang zel tawh turin kan in hriatirin kan in ngen bawk a ni.
Tun atang chuan a dik zawk hi media ten min lo hmansak zel tawh turin a fans ten kan ngen tak meuh a ni. A hming hi Beikhokhei a ni a; Mara hming a nia, Mizo tawng kan hman ber Lusei/Duhlian tawng chuan Lalduhsaka tihna a ni a; Beikhokhai tih erawh hi chu a awmzia pahnih a neih thei a, pakhat chu ‘Lalduhveka’ a ni thei a, a pakhat leh chu ‘Lalliamvektawha” ani thei bawk. Hetiang hming hi a awm thei tho nain Mizoramah hian kan la inphuah zen zen lo a ang ber.
Aizawl Chhiatrupna Update
Thursday, July 29th, 2010
Aizawl, July 29 (Evening Post):Nizana ruahsur nasa avang khan Aizawl veng hrang hrangah lei a min a, hriat theih chinah leimin vang hian In 3 a hnawl a, mi pahnih thiin, hliam pahnih chu damdawi Ina dahluh an ni.
Nizan dar 11:15 vel khan Zemabawk North huamchhunga In pahnih chu leiminin a hnawl a, mi pahnih an thi. Hliam na lutuk tuar an awm lo a, leiminna bul velah hian lei khi ala awm avangin a bulhnaia chhungkaw 10 vel chu an inthiarchhuak a ni.
Mizo tawng ve reng a ni.
Thursday, July 29th, 2010Tunlai hian mi tam tak ten kan tawng thumal thenkhat, a mala sawr zimin, awmze dang zawk nei leh, dik lo riauva hriain, siam that tulin an hria a.A tawi zawngin sawi ta ila, kan mizo tawng hi kan chik tharin, kan analyse sup sup ta ni berin a lang. Hei erawg kan hriat a tha, thil hi dik awm taka lang,dik hauh si lo a awm tih hi
Tam tak awm zingah a hnuaia mi tlemte hi i lo bih thuak teh ang u:-
1. Lu met: Tam takin,” lu met tih hi a dik lo, lu kan meh te chuan lu kan nei tawh nang; chuvang chuan sam met tih zawk tur a ni, sam alawm kan meh thin,” an ti. Dik awm takin a lang; mahse a dik hauh si lo. Lu met tih hi a dik zawk, MIZO TAWNG VE RENG A NI.
2. Veikhawr: Kut vei lam hmang thiam te hi veikhawr kan ti. Mi tam tak ten,” Hei hi a dik lo,veilam hmang thiam na na na chu veikhawr a ni thei lo, dingkhawr tih zawk tur. ‘Khawr’ chu hmang thiam lo sawina alawm,” an ti. Hei pawh hi a dik lo. Kut veilam hmang thiam zawk chu veikhawr kan ti zel ang. MIZO TAWNG VE RENG A NI.
Lo chik ve teh, a dik i ti ve em?
Thursday, July 29th, 2010Hausakna : Sum leh pai leh larna hi hausakna/hlawkna a ni a, hlimna a pe che a ni. Miin an hriat hle che chuan i lo inchhuang a, mi tak takah ilo inngai thin a, a chhan chu tumah i nih loh vang a ni. A nihna takah chuan engmah a lo ni si lo. Rilru hausakna pawh a ni si lo, rilru tak tak a i lo hausak chuan tuma hriat pawh ni lo mah la i lung a awi tho ang.
Lar i duhna te, mi hmelhriat nih i duhna te hi i retheih vang a lo ni. Chhungril taka hausakna chuan mite hriat lem loh, mi pakhat nih ve ringawt pawh hian lungawina a pe thin. Lar duh mi chuan mite tel lo va thil tih te, mite hriat lova midang tana thil tha tih te hi an hlau a, mite fakna leh ngaihdanin an inti lian thin.
Mahni tawka hausa chuan mite fakna an mamawh lo a, mite hriattur kherin thil tha an ti lo. I hnathawhnaah, office kalnaah, Kuhva pahnih/khat an rawn ken avang mai emaw, thingpui an koh sak che vang mai emaw a biak i nawmphah chuan … i va han pachhe tak em! Sum ngah hle mah la hausa an ti thei lo ang che.
Nizanah Aizawlah chhiatna
Thursday, July 29th, 2010July ni 28 zan dar 8 vel atang khan Aizawlah ruah nasa takin a sur a, he ruah sur avang hian Zemabawk North field Damvengah in pahnih chu lei minin zan dar 11.00 vel khan a la a, mi pahnih an thi.
Nizan vek khan Tuikual North-ah chenna in pakhat chu ruahsur avang hian a chhia a, mi pasarih an hliam bawk. Aizawl Zotlang vengah in pakhat a chhia a, kawngpuiah tlain thi leh hliam an awm hriat a ni lo. Lunglei, Champhai, Serchhip, Biate etc. panna kawng chu Berawtlang thlang lawkah lung chimin a hnawh bawk. Hei bak hi chhiatna hrang hrang a thleng nual. Ruahsur hi zinglam dar 5.00 velah a han a ni.
in va lut...
