mi(sual).com

Chutia Aizawl ka va kal takah chuan ( :smile: ) zan hnih chauh cham tur nimahila Khual tha zin ang maiin MI tura sawmna Pu mzvision hnen atangin ka han dawng ta a, hnung lamah sa min barh chiang ngei mai. Ka phur pheng chuan Home Ministry lam permit lak pawh ka lo manghilh hial a. Langsung-a tumah ka la hmuh hlawm loh avangin lungphur pasarih ai pawha phur lo thei ka ni lo.

A tuk lama Lunglei lama haw phei leh tur nimahila permit tha mi, zanlai thleng valid paipawn chungin Karizma bike nen ngei chuan Dinthar lam panin ka rum thla veng veng mai. Ka chhuah hmain kawlhawka’n intithei fahranin min thlen khalh thu min rawn hrilh a. Eng thil tha lamah mah pakhatna ni thei reng reng lo hi a ngai tein pakhatna ka ni leh ta lo phawt.

Pu mzvision kut chum buang mai leh confi tawk a Chawnghilh (chaw-nghilh) leh kawlhawk lo thu ka han chibai ding ta lawp mai chu(h)! Ka kawchhunga ka nau pai, awm miah silo kha, a che dawt mai nia! Chutah Pu mzvision ber khan ‘..kekawr bul ka’n ha ange aw..’ a han tia, cheiraw!!! ka permit neih hun extend a ngai ngei dawn e ka ti a, ka chiang em em bawk!

Kan khawchhak thlalak thiam shailendra pawh kan awhthik fuh hle mai! Telve chak si, tel pha ve mang si lo kha tum hnih tum thum zuk rawn phone aa…khawngaihthlak doh doh khawp mai! MI leh hun chuan tel tir ve hram chi a ni :lol:

Pu mzvision hi a thlalak ka hmuh ai khan hnawh puartu a lo ngah zawkin ka hria :smile: Kekawr bul nen a han thu a, a dang ro tih hnawn nan tui a khiah khulh chhung tih loh chu bawrhsaibe a hmeh a ni tih a chiang mai :smile: NLUP atanga USA, chuta tangin Educational reform, chutah Hmuifang MI chungchang leh Barbecue thlengin, a nick put chhan Mizoram tan a vision chi hrang hrang a rawn hlap chho mai chu… “ Ka pu, pathian biakin ka bia ang che’ ti a a hmaa va thingthit tak ka nap!! Amaherawhchu, thil pakhat min daltu a awm. Chu chu Pi mzvision (Pi Parteii’n) kawlhawk te anga thawnthu romantic ( LP story ilo..) an pain a phuah ve thiam ngai loh tur zia a sawi khan ka tum min thulhtir leh ta hram!

chawnghilh ka han hmuh thut khan physically-in ka thla a muang :lol: A spelling mistake siam tha duh lo va ‘chawnghilh ni lova chaw-nghilh tia koh tur a ni tih a sawi khan ‘O! brain! brain!’ tiin sap tawngin ka ngaihtuah ve sup sup nia! A infam dan atang khan Jowai vel atanga lokal a nilo tih ka chiang nghal. mi(sual) a a rawn luhtirh atang reng khan CFC member ka ni nghal kha a ni reng a!

Niagara falls atanga Sazu kawchhung leh Trinity thleng ‘ka vaibel’ ti khawpa chiangin kel bang liak ang zat zata Pu mzvision nen thu leh hla ruai min han theh khum meuh chuan As_khiangte, kawlhawk leh kei meuh pawhin coma kan va thawh ve zeuh zeuh chauh a ni e. A khat tawkin Hmuifang MI hunah Host a nih tur thu a sawi pah zauh zauh reng bawk a. A camera mawlh mai kha! sakhaw nei lo tan phei chuan BIAK THAM lawih a ni. Pi Parteii’n a’n hmet mai chu(h)! Vai film-a a changtupa silai kap ri ang maiin ‘ phi-si-ngiau, phi-si-ngiau’ a rawn ti tlir zeih zeih mai nia!

kawlhawk pawh a trademark – kekawr bul- nen ngei mai a thu ngo vuah a! Hetiang hmel viah vuah pu ta chu an nu hmel hmuh a chakawm ngei mai :smile: Biakhlatna hmangin kan inbe thin a, a aw chu Jakoba aw nimahse a tak chu Esauva tih ang deuh khan a lo thu buang thung a. ‘E nang zawng i sound box lian viau mahse i sound chuan a chawimawi lo deuh che a ni hi…’ tih mai awl viau turah ka ngai :smile: Ka hmuh chak, ka chibai chak leh ka biak chak bia ka ni bawk a, dam man a va awm tak em!!

Mi thil phal, mamawh zawkte tana a neih sum ui ngai lo a nihna a lang chiang a, a zarah arsa sawhchiar ngei mai kan pir a nih kha. Tun thlengin ka ka-ah hian a la hmui veng veng! Mi(sual) thiante a ngaihhlutzia leh an tan a inhuamzia a sawi kha Tirhkoh Paula ziak ang maia dik leh rintlak a ni tih ka chiang. A thu leh hla thiamzia kan sawi lai khan a thluak aiin a hmui a themthiam lo zawk tiin thutlukna ka lo siam hmanhmawh pek a!

As_khiangte inkhawm bang a rawn luh meuh kha chuan ka rilrua awm hmasa ber chu – ka ar ru min mantu VDP/JAC Commander a ni ang tih ka hlau :smile: A kut ka han hum a, min hmer na tial tial lova min thlah leh vat kha ka va lawm tak em! Pa thu hnutchhiah zel zul leh tiam zut zut chi a ni lo tih kha darkar reilote chhung khan ka hrechiang nghal.

Pu mzvision leh chawnghilh karah coma a rawn thawh ve zauh zauhva, thu tak erawh a pai tih a chiang mai. Pa uaithla lam, Pu KL.Liana sam ang deuh pu, Japan khawl tha mi hmuam reng mai a nih ka rin nak alaiin ‘ inthlahrung reng reng suh..’ ti dup dup hmela ka’n hmu kha ka thla a va timuang tak em!! Haw kawnga Bike-a ka han phura an in bula a chhuk chiah khan ‘Mihring dik tak’ ka chhar tih ka inhre chiang.

A va tui em! Pi Parte .Kawlhawk ar rawn ken kha a ngai ngaiin ei dawn ni ila Civil hospital kan book lawk a tul ang. Arsa sawhchiar hi khatiang khan a tui thei a ni maw ka ti hial!! A ni hi mi(sual) silent reader a ni tih ka hre tel a, chawnghilh zarah an pa aia saptawng thiam zawk mah a ni tih pawh ka hre tel bawk. Ning hmel pu miah lova zanlai min han thlen pui thak mai khan mi(sual) nih hi a hlutzia ka hrechhuak thar leh a, kawng dik ka zawh a ni tih ka hre chiang khawp mai. Ban phar ngai lovin misual First Lady ah ka puang nghal e.

Zan a rei tulh tulh a, chawnghilh a zung zing tulh tulh a, topic thar a vawrh chhuak tam tulh tulh bawk si. Kan tin thei dawn ta na nge maw aw!!! Kei lah a tuka Lunglei inkhalh thleng thak tur ka la ni si!! Kan tui tulh tulh bawk si!! Ka anpui kawlhawk nen varandah thlang lamah ‘smoking kills’ tih ngei mai phawrhin lei hnuai, lei dep leh boruaka inkhai chawhpawlhin kan thei sen rep rep mai a. Titi kar lakah ‘Hmuifang MI chu..’ kan ti leh zauhva. Mahse favang lam, khaw tuihul hun tin zawn thaa kan hriat avangin kan sawi zui em em lo.

Lunglei lam mi(sual) caribou te hovin ‘pics leh thu leh hla update kan lo chang reng e..’ an tih pawh ngaihsak hlei thei lovin titi khawlpui kan her muah muah mai si! A va nuamin a va hlimawm tak em! Hmuifang MI chu kan chiang tlang a, rel leh hran pa pawh ngai lovin ‘awl zaw’ kan ti a, a rawt huai huaiin an rawn rawt huna liam duak kha kan rel tluk dan ni ta berin a lang.

Keive lah kha As-khiangte-a’n min hliah run mai si a, midum zinga a *** te ber ang maiin ka lo thu thim mek a, engkim mai kha ka lo lem duak duak zel mai kha a ni si a! ‘Hei mah mah lei’ ka ti!

A va sei ta em!! Ka sawi duh zat ve pawh ka la sawi si lo!! E!! taka!! kan tin hnu-ah Xaia, As-khiangte te Biak In-ah a inkhawm ve tih kan hre chhuak!!!! Kan tin tawh bawk si!! A va pawi tak em!! Mahse, a hrechiangte’n ‘ a ni chu awm phei se khawvar arkhuanah pawh ‘tichuan’ kan la ti ang’ an ti a, ‘e’ kan ti ta mai.

Kan tin ta e…Nia kan tin. Kan tin tak nain thinlungah erawh kan la tin thei chuang lo tun thlengin! Ka permit tawp rualin in ka thleng hman chiah kha ka vannei khawp mai!!

kawlhawk..chhunzawm ve tawh teh, ka tawp thiam dawn lo tlat :lol:

Similar Posts:

• Lunglei MI chu hei ngei hi.
• Hei le, mi(sual) Mo Lawm Chu le!
• Hmuifang Mi{5ual} MI titi
• Zanlai thleng thlenga MI tak chu!! (Part II)
• Hei le Hmuifang MI thlalak chu…

Recent Posts:

• Ka chhun mumang…………..
• Skin cell atangin lungphu!
• Kan nun hlui
• Ti fuh lemlo angreng!!
• India ramah Kakuk tih ngona an zuar

This entry was posted on Tuesday, August 10th, 2010 at 5:07 pm and is filed under More than words. You can follow any responses to this entry through the RSS 2.0 feed. You can leave a response, or trackback from your own site.