mi(sual).com

Hmuifang MI a awm tur thu ka hriat tirh chuan ka kal ve ang tih rin ngaihna reng reng ka hre lo; mahse, ka kal miau mai. A tirah chuan ka inthlahrung a, ka huphurh bawk. A hun a hnai telh telh a, ka châk tial tial a, ka huphurh telh telh thung.

Tichuan, Pangtichawr nen kan inbepawp a, ani’n,’I kal loh chuan ka kal lo vang,’ a ti, keiin ka ti bawk. Pu Kawlhawk lahin Pu Shaia te, Pu Mz, Pu As_khiangte leh Pu Chawnghilh te phawk zia leh ka khawhar loh zia tur min lo hrilh a, Lunglei lam atangin Caribou lah chuan mi rawn vaukhan chhen a, Pu Thaiboy duhsakna te nen ka hnar phal ta ngang lo va, ka kal ve ta a nih kha! Ka khawhar lo.

Tennis Court innghahkhawmna atangin ka zàm nghal a. Pu Mz, Maisek & friends, Pu Chhawnbura & Pu Kawlhawk, Pu Shai & Pangtichawrte nen kan chhuak ho va, Hmuifang thlengin ka zàm tluanchhuak zak a nih kha!

A hmunah As_khiangte, lalpeace-a, ZerO te an lo awm dim diam tawh a. Pu Chawnghilh leh Ainawn an rawn thleng a, Pu Thaiboy pawh a rawn thleng; ka lo rin lawk ang erawh chuan naute a rawn hruai lo. Ninja a rawn zuang lut bawk a, a han ‘ninja’ loh zia kha aw…!

Lunglei lam atangin tlai dar 4 velah K’u Muanga, Saitawk, chhimkeite, mparalte, Diktea Pa, K’u Kawnga te ho an rawn thleng a, banner an rawn keng bawk a, kawng an rawn zawhpui; boruak a hot tan! Ka hmuh tum Pu muantea, Caribou leh midang hmel erawh kan hmu lo.

A hmaa comment-a hlau baksaklova kan lo hnial thinte nena hmaichhana inhmuh chu a nawm ka lo ring vak lo va, mahse, chutiang a ni teuh lo! A lo nuam hlei hlei.

A tlai telh telh a, a hot tulh tulh a, kan phur telh telh. Khatia thawnthu tawi inziahsiak result atanga misual celebrity rawn ni chho, Ainawn khan thuziah mai ni lovin zai pawh a lo thiam hle a ni tih kan hre chho va, Pangtichawr pawh a chawr mai mai bik lo; Sap hla leh Mizo hlain a lungleng kawp thei a ni tih kan han hriat belh a, mparalte làm han thiam dar dar zia te kha..

Engtik lai maha inkawma inhmu ngai hlei lo, Pangtichawr leh Pu Mz han titi vel te ngaihthlak a nuam a,  Pu Chawnghilh leh Ainawn inngeih zia te kha hmuhnawm a tling! Maisek & friends buai zia te khan ril a titam ngawih ngawih a, Pu Shaia’n a camera a rawn hmeh lai vela rilru hlim si zia te kha! Ni e, kan zai a, Pu Mz te meuh pawh an zai!

Riltam hnápa kan zaia kan làm hnuah chaw kan ei a, arsa leh bawng sa nen, Pu Shaia khuaino leh thil tuihnai chi tinreng nen kan ei a, kan tha tlàng khawp mai!

Haw leh lamah Pu Thaiboy nen midang haw hmain a motor-in kan haw a, kalkawnga Mizoram hma lam hun te kan sawi dun a. A thusawi pakhat ka la hre reng. “Kan Zoram hi nakina kan tuten chhuang taka ‘hei hi ka pu te hnathawh a nih hi’ an tih theihna tura kan siamthat a ngai a ni,” a tih kha.

Tichuan, zan dar 10-ah in kan thleng a, kan hawsan takte chu dar 12 velah thlengin Lunglei lam pawh zing dar 5 velah harsatna tawk lovin an thleng tih kan hria. Lung a leng nghal veng veng a, rilruin MI leh hun tur a thlir reng a, a khamawm loh takzet a ni.

Ni e, dam takin kan inhmu leh ang. Theihtawpa a kal lo te awhfik thiam ka va han châk tehreng em!

Similar Posts:

• Mi{5ual} hnatlâng – A hlimawm zâwngin
• Tha Ainawn
• Hmuifang MI Chu Hei le !!!
• Hei le Hmuifang MI thlalak chu…
• Midum-kham leh Hmuifang Tour Diary

Recent Posts:

• ENGVANGIN NGE CHAKMA TE HI AN RAM AȚANGA TLANCHHIA IN MIZORAMAH AN RAWN PUN LUAI NA CHHAN HI.
• MIN PHATSAN SI!
• Misual Apps
• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games

This entry was posted on Saturday, November 6th, 2010 at 3:30 pm and is filed under Event, Mizoram, Travel. You can follow any responses to this entry through the RSS 2.0 feed. You can leave a response, or trackback from your own site.