Kan zinga tu emaw hi eng tikah emaw chuan Hospital-a damlo riahpuiin kan awm a la tul mai thei. Chutih hunah chuan heng hi kan hre reng dawn nia…
1. Dam lo chu kan thlamuan tur a ni. Tar dam lo awmpui hian an hriatthiam ve phak loh Saptawng thumal eng eng emaw an bulah sawi fo loh tur. An natna hming emaw tiin ngaihtha lo takin an lo awm ru reng thei. Natna khirhkhan tak amah kan hriattir duh si loh anga ngaiin an lo mangang chiam thei.
A natna dik tak chu thup a tul a nih lem loh chuan, a hriatthiam theih ngei tura simple-in tha takin kan hrilh tur a ni a, an enkawl dan kalphung pawh hriattir a, a damdawi hnathawh dan pawh mawlmang taka hrilhfiah an tul thin.
2. Dam lo hriat theih loh tawk vela in biak ruk ser ser loh tur. Dam lo chau tak muhil ni-a kan ngaih kha a lo harh ru reng thei a. Tih harh hlauh avanga zawi te te-a ti ti ser ser hian a chungchang sawiah a lo ngai palh thei. Tul miah lohvah ngaihthatlohna kan inthlen chiam thei. Fimkhur a tha khawp mai. Ama chungchang ni lo, amah ang deuha na chanchinte hi sawi kher a tul loh chang a awm thin. A lo dam leh tak dan sawia amah thlamuan nana kan sawi a nih lem loh chuan.
3. Ngaihsak hluau a tul ber lo thei. A hma-a duat em em ngai lovin a lo dam loh tak avanga over khawpa duat hi a awm ve thei. A tawk a awm tih hriat tur. An mamawh tihsak a, an harh changa kawm hlim satliah hi a tawk viau.
4. Inthlahrungin kan siam tur a ni lo. Damdawi man to thu te, senso a hautak thute sawi chiam chiam loh tur. A theih phei chuan kan senso zat leh damdawi man hi hrilh kher loh a tha zawk. Min zawh luih tlat paw’n a tlem lam zela sawi hi a fuh zawk. Natna tawrh tawh baka inthlahrung taka la siam zui hi a tha lo a ni.
5. Beiseina kan neihtir tur a ni. Dawt hlang hlak hrilha beiseina beidawnthlak fah chiam a fuh lo a, chutih laiin a rem dan ang anga beiseina siamsaka thlamuan a pawimawh hle.
Sawi tur a tam mai. Hre zawk leh tithang zawk ten chhunzawm teh u.
Similar Posts:
- Cancer damdawi
- Daktor dawt sawi hrat? (Thu dik nge i duh dawt?)
- Beiseina
- Thak
- Tui hmanga inenkawl dan
hairehai
August 7th, 2010 at 3:58 am
Ava tlai tawh ve. Zun zunga thawh pawh hian misual.com luh leh zawk hi angai tlat zel. Zinga chhiar chi..
[Report abuse]
August 7th, 2010 at 5:50 am
A dik a ni damlo an ni a duat tak a enkawl hian an dam hma bik thin
[Report abuse]
August 7th, 2010 at 6:17 am
Damlo enkawl chuan duat hle tur a ni. Hospitalah anih chuan damlo dang mitmei veng chung leh thawktute thu zahngai thiam a tha bawk.
[Report abuse]
August 7th, 2010 at 6:25 am
Damlo bula fiamthu thawh vak hi a thra lo……
[Report abuse]
August 7th, 2010 at 6:52 am
Mizote hi (a tam zawk chu) damlo awmpui/kan hi kan thiamlo thin ngawt mai. Damlo bulah a natna te tuarpuia tawngtaisak a hnekin titi mawlh2 a nui leh chiam thin kan ni nuk hlawm.
Damlo chu a chauh viau phei chuan kan turin kal ve mah la, a hmel zuk hmuh phet tum kher suh ang che, i tawngtaisak dawn te anih ngawt loh chuan.
[Report abuse]
August 7th, 2010 at 7:17 am
A dik khawp mai, damlo awmna banga tar chi a nih hi.
Fiamthu hun leh hmun te hi hriat a tha khawp mai, damlo ti thlamuang zawng a tawng thiam pawh a tha khawp mai.
[Report abuse]
August 7th, 2010 at 8:01 am
Rei tak khum beta na hi an taksa a kham/sil thum fo a chuvangin malis/massage thin tur, a bikin dar, nghawng-thluk, leh hnungzang bawr vel.
[Report abuse]
August 7th, 2010 at 9:15 am
Damlo kan hian anmahni biak kher a tul loh chang a awm. Nangmah ang bawkin mi tam takin an kan ve thin a nih phei chuan damlo chau tak khan a sawi ngai vawi engzat emaw a sawi nawn chhen a tul dawn a, a tan a ninawm bakah a chauh phah thei bawk.
A damlo taka tan engmah tih theih kan neih loh pawhin a chhungte zawk khan tanpui an mamawh hle thei tih hriat a tha. Damlo buaipuiin chhun leh zan an buai thin tih hria la, chhawk zangkhai dan i hriat chuan an lawm khawp ang.
[Report abuse]
August 7th, 2010 at 9:20 am
damlo enkawl hi ka thiamloh lam tak a ni a,ka hriat loh ka hriat belh leh ta teuh mai.
Good post, Kawnga
[Report abuse]
August 7th, 2010 at 9:49 am
Post hlutak a va ni em
Damlo ka kana ka hmuhchhuah –
1) Dr Cancer vei Mumbai atranga an lo hawng kan turin an in-ah inti bengvar takin ka kal. A nupui a lo chhuak an pa thuziak min chhiar tir ka la recall theih ang ang – “Chemo la chau tak kan ni a, natna kan do theihna pawh a tlahniam. Min kan avangin ka lawm, mahse hmaichhana inhmuha inbiak kher hi chakawm mahsela, ka vei mek bak natna dang ka kai a hlauhawm avangin tumah hnaih lo thei ang bera ka awm a trul. Kan sitting room pawh pheikhawk bun luh kan phallohna chhan chu kan Aizawl hi a bal trop sia, pheikhawk bal khan natna a rawn ken tel kan hlau a. Heti chung pawh hian thianghlim thei ang berin kan in vawng ani… ” tih ang deuh hian. He Dr Cancer vei hi tunah chuan a dam chiang bal tihtur ang hi zuk nia mawle. A imporvement pics erawh an nu khan min entir.
2)Dr damlo kan ka zui meizial an lo zu khu luih luih an lo khat hung an hau nghal phot. Dr ang mai khan an expi an lo sawi laih laih tihian Dr chuan an khak nghal ” Trongtrai dam thei hi chu damlo tan an hlauhawm nep deuh, mimawl thiamna engmah neilo damdawi chawh hi chu hlauhawm mai ani lo jail a khung tlak an ni” a ti ta phiar phiar mai. Dik hi ka lo ti lutuk ka hallelui trep. “Damlo boruak thra hip tur in meizial khu khan inti chhia damlo bula awm hung te hian natna dang in kai belh tir thei tih te hre ta che u” a la ti ta deuh deuh.
3)A dang leh interview type in auh –
Dr: enge kapi chu a natna
Pitar fanu:Ani hi chu asthma vei ania hei tunlai hi a hritlang khawsik deuh a
Dr: Hritlang khawsik chu i proof em ni?
Pitar fanu: Ani turah kan ngai ve mai …
.
.
Dr: chutiang ani ngawt lo kan en vel ange mawl lutuk thrin suh u. Kapi i khawsik chhan hi kan hmuh angai damdawiin ah i luh a investigation rang taka tih vat a ngai. Hei ka zung tamlo i ti lehnghal si a zanin la la hian in admit nghal rawh u.
He pitar hi an han admit chu Sugar level 400+ Kidney a lo fail tran tawh, Pneumonia a neih bakah Urinary Tract ah hnai tamtak a lo awm kha a lo nia. “hriltang khawsik” te kan han tih ve ngawt te hi an lo serious riau zel thei ani tih ka hrechhuak. Hrechhuak ve lo an chhungte boral ta mai hi an va tam dawn em :?: tih hi kei misual rindan ani
[Report abuse]
August 7th, 2010 at 10:46 am
Tha ka ti hle mai.. A dang pawh han ziak zel teh.
Belh lawks:
Damlo: Ka pu, Kunga saw room dangah sawn daih teh u.
Doctor: Engati nge?
Damlo: Electric bulb emaw a inti ziah a..
Doctor: Chu chu eng nge a pawina?
Damlo: Zânah êngah ka muhîl thei thîn lo va..
[Report abuse]
August 7th, 2010 at 10:54 am
ka hriatloh thiltha ka hre ta,post tha tak a ni
[Report abuse]
August 7th, 2010 at 11:03 am
good post. Kan belh ve zeuh.
Damlo kan hian mahni buaina/rilru hah na te hrilh chiam loh tur, an natna tawrh lai mek kha an buaipui tawk em em a ni. Nu ho hian an ching zual thin.
[Report abuse]
August 7th, 2010 at 11:24 am
Tha lutuk. Hman tangkai hun a la awm anga; hriat teng tur a nih hi.
[Report abuse]
August 7th, 2010 at 11:58 am
Tha ka ti hle mai.. A dang pawh han ziak zel teh.
[Report abuse]
August 7th, 2010 at 3:20 pm
post tha tak ani e..dam lo kan re re in biak tralh tum kher loh tur!
[Report abuse]
August 7th, 2010 at 3:38 pm
Ni e, kan bawr tuau zel ringawt a, a boruak tha hip tur te kan hip zawh sak zo ang tih te pawh a hlauhawm alawm, thawhah a nei te a nih ngat phei chuan.
[Report abuse]
August 7th, 2010 at 6:57 pm
Kan vengpa damlo ve chuan a khum lu chung zawnah Damlo kan tute tana hriattur tih a la tar hram nia mlawle
[Report abuse]
August 8th, 2010 at 1:01 am
Rin aiin thawh belh tur in hre tlem tlat mai. Nia, a field-a chen phawt loh chuan he’ng thil hi ngaihtuah thiam a harsa phian thin. Rawn thawh belh tu leh Comment bervarthlak tak tak rawn thawhtute chungah lawmthu ka sawi e.
Damlo enkawl dan lam hre vak lova kan la awm avang hian lawmthu sawi na chang erawh hre tlang ila.
[Report abuse]
August 8th, 2010 at 7:02 am
Tar damlo hi Phai-ah ka hruai zing a, interpretor nih a namai lo! An sawi dan dik taka lehlinsak thiam loh leh tlin loh hi ka ngah mai! Mizo tawng hausak em em zia hi!
Dam lo hi ka hnemt hiam hran lo nain, ka tinui hnem ve tawk bawk! Chu zawng chu ka talent!
[Report abuse]