mi(sual).com

Mizote phai leh hmun dangah awm kan tam ve tawh hle a. Tuna phaia la awm tum ve mekte tan fimkhur a ngai ta hle mai. Tunlaiin Mizo zirlai thenkhat Aizawl Edufest,etc atangin vaiho in an college luhna tur admission hmuhsak anga insawiin an bum thla a. An sum an theih ang anga eisakin an admission lah tifel lok thei leh si lovin an awm a. An hmuhsak chhun lah Instution lar lo leh tha lo ah an hmuhsak a.

Hetianga harsatna kan Mizopuiten an tawh thin avang hian phaiah leh hmun danga awm tum mekte pawhin kan kalna tur hi chiang takin ngaituah hmasa sela, Mizo lo awm thin an awm tawh em? Tunah awm an la awm em? tihte chhuichian hmasa phawt a tha hle mai.

Tunah pawh Chennai ah Mizo zirlai engemawzat vaihovin an bum thla a ni. Chuvang chuanin kan awmna tur hmuna lo awm mekte a theih hram chuan thil zawh chian hmasak a tha. Mizo leh Mizo theuh theuh chu kan inpui hreh ngai lo tih kan hriat tlan kha.

Misual-a ka thil post pakhat chu a post-tuin ka chhiar ve hmain kan Admin. lamin an lo la thla daih mai a, a chhan nia ka rin chu Comment pakhat dengkhawng zet mai an dawn vang a ni mai thei. Kha thil ka post kha Mizo hming tihchhiat tumna emaw, a hming lang leh veng hming lang te tihhmingchhiat tumna avanga post ka nilo tih in lo hriat sak ka duh a.

Pathian leh sorkar zarah Hamara desh leh kan Zotlangramnuam hmun engemaw zat hi fang ve tawhin ka inhria a, chutiangah chuan Mizo hmai tibal thei thil engemaw ka hmuh hian ka rilru a na thin a, chungtiang mite in lo awm ve takin – siamtha tur chuan a chhia hi tarlan a tul thin nia ngaihna avang chuah a ni e.

Hnam dangin Misual hi an chhiar ka rin loh avanga Mizo zingah inthlahrung takin kan tih loh (Ziah ve loh) atan ka tih avang leh midang hmu ve remchang pawhin in lo nawhreh atan ka rawn tih vang a ni e. Kar hmasa (28.8.2010) pawh khan ka kal leh a, ka hmu tawh lo; mahse, hmun dangah Mizo tawng ngeia thil inziak erawh ka la hmu fan a, ka theih chin chu ka’n nawhreh kha !

(more…)