March ni 23, 1994-a Forensic Medical Examiner-in thihna chungchâng pakhat a chhui chu a maksak khawp mai. A thil chhui chhuah chu mitthi Ronald Opus-a chu a lu-a silai kah avângin a thi tih a ni. Hemi chungchanga thil mak tam tak awm chu hetiang hian a intan a ni. He pa Ronald Opus-a hi mahni intihlum turin inchhawng sang tak chhawng sawmna atangin a zuang thla a, chhawng kuana zawn a thlen chuan in chhung atanga silai kah chuan a lu takah fuhin lei a thlen hmain a thi a ni.
Hetah hian silai kaptu hian he pa rawn zuang thla lai mek hi kah a tum lâwk reng reng lo! Thil mak dang awm leh chu, he in chhawng sang tak chhawng riatnaah hian tukverh tifaitute tlâk dâwm an lo siam reng mai a, hei hi silai kaptu leh intihhlum tumpa hian an hre lo bawk. He pa hi a tlâk mek laia silaia kahhlum ni lo sela chu, lên hian a lo dâwm ang a, a thi dawn lo tihna a nih chu! Lên hi lo awm ta lo se, silaia kah a ni emaw, ni lo emaw leia a insawhna avanga thi ngei ngei tura ngaih a ni.
A thih dan hi engpawh ni se, amah intihhlum a tumna kal zel a nih avangin mahni intihluma ngaih a ni. Amaherawhchu, lên chu a lo awm tlat avangin mahni intihhlum a tumna ngau ngauah chuan a thi dawn lo tihna a ni a, a thihchhan chu mi dang kahhlum a ni ta. A nih chuan tualthahna a thleng tihna a nih chu!
He silaimu lo chhuahna room-ah hian nupa upa tawh lam hi an awm a, an inhnial thinrimnaah a mipa zawk chuan a nupui rikrap nan silaiin a kap a, a kap thelh leh si chuan tukverh zawna Ronald Opus-a lo tlathla mek chu a kap fuh chat a ni! Dân hnuaiah chuan miin mi pakhat thah a tumna lamah a tum miah loh mi dang a tihhlum palh pawhin tualthat a ni thei tho. Hetia tualthata inpuh a nih takah chuan chumite nupa chuan silai chu a mu a awm a ni tih an hriat miah loh thu tanchhan-ah tih tak zetin an hmang a; putar chuan hetia silaimu awm lova a nupui a rikrap fo thu leh kahhlum tumna a nei ngai lo tiin Ronald Opus-a thihna pawh tihpalh thilthu liau liau a ni tiin an tang fan fan a ni.
Hemi chungchang an chhui zui zelnaah chuan thuhretu pakhat chuan silaimu lo thuntu chu an fapa ngei a nih thu leh mit ngeia a hmuh thu a sawi leh ta tlat mai! He nu hian a fapa chu pawisa a pe duh lo va, a fapa thinrim chuan a pain a nu chu silaiin a rikrap thin tih hriain, a nu thih theihna ngaihtuahin silaiah chuan a rukin a mu a thun a lo ni a. Chuti a nih si chuan Ronald Opus-a thihnaa mawhphurtu chu hemite nupa fapa chu a lo ni ta a. Amaherawhchu, hetah hian a thu a la tawp lo!
An chhui zui zelnaah chuan hemite nupa fapa lungngai beidawng chu intihhlum tumin March ni 23, 1994 khan in chhawng sáng tak chhawng sawmna atangin a zuangthla a; mahse, chhawng kuana a thlen chuan in chhung lam atanga silaimu lo chhuak chuan a lu-ah fuhin a thihphah ta a ni! Tichuan, Ronald Opus-a chu amah leh amah silaia inkaphlum (suicide) nia ngaih a ni!
(He thu hi Dr. Lalrozama lehkhabu, ‘Hnuchhuina Puitu’ tih atanga lakchhuah a ni.)
Similar Posts:
- Silaimu !
- Assassination Guns
- So you think you can Kroak?! :-)
- Puakruk kah nâ!
- Chota Review: The Water Diviner (2014)
August 31st, 2010 at 12:05 am
va mak tak ve
Report this comment
August 31st, 2010 at 12:10 am
Suicide ka hriat tawhah chuan a la mak dangdai ber âwm e!
Report this comment
August 31st, 2010 at 12:10 am
an thihdan hlawm chu va mak teh nuai ve leh
Report this comment
August 31st, 2010 at 12:10 am
Eekhaia, a mak!! #3 dingtea, pakhat chiah alawm thi..
Report this comment
August 31st, 2010 at 12:13 am
mak hle mai
Report this comment
August 31st, 2010 at 12:14 am
mak hle mai a…
Report this comment
August 31st, 2010 at 12:15 am
#4 lalmi5ualpa, pahnih maw ka lo ti sin, kan chhiar leh chhin teh ang
Report this comment
August 31st, 2010 at 12:18 am
Mr.ts i post a ni sia comment leh ngei chu a ngai sia. .a mak hle mai maw.
Report this comment
August 31st, 2010 at 12:20 am
Ronald Opus-a hian ama silaimu thun ngei a thihpui em? Ka’n chiar tha leh lawk
Report this comment
August 31st, 2010 at 12:25 am
Ka sawi dikin ka hria.
@Mr.TSA, dik em???
Report this comment
August 31st, 2010 at 12:29 am
@sisen: A dik e. Ama thangkam ngeiah a âwk a ni.
Report this comment
August 31st, 2010 at 12:33 am
Eh, ka va’n hre thei :intithei:
Report this comment
August 31st, 2010 at 12:34 am
First…. Em aw….??
Report this comment
August 31st, 2010 at 12:39 am
ka chhiar nawn leh a ahma aiin a mak leh tawh zawkin ka hria
@D_auachwgthu..chuh, hehe va mak ve aaa hihi
Report this comment
August 31st, 2010 at 12:40 am
mak hle mai a…
Report this comment
August 31st, 2010 at 12:41 am
#13 D_auachwgthu Says:
August 31st, 2010 at 12:34 am
First…. Em aw….??
Nia, first mai rawh :lol: :lol:
Report this comment
August 31st, 2010 at 12:47 am
Story phuahchawp te pawh a ang lek lek zawk a lawm le. Midang chhiatna duhtu chu amah leh amah a inti boral thin tih a zirtir a nih dawn hi!
Report this comment
August 31st, 2010 at 12:50 am
Hei hi sitawri tak tak a ni e. “Van ek khum tum chu mahni kaah kan e” tih ang deuh kha a ni mai e.
Ka lawm e.
…khrum
Report this comment
August 31st, 2010 at 12:51 am
a thawnthu hi a mak em mai, kan copy ve hrim hrim teh ang, ka ngaisang leh hnuhnawh tlat, thumak ka sawi nin theih loh chu….tih atana mawi anih hi a…
Report this comment
August 31st, 2010 at 12:52 am
Mut nachang hre lova thawh nachang hre lo pawh ni ila, a ‘mak’ ka ti kher mai.
Report this comment
August 31st, 2010 at 12:54 am
@Dingtea chu i va han hrethiam tlaikhawhnu ve a……..hahhahahhaa
Report this comment
August 31st, 2010 at 12:59 am
@D_auachwgthu, kei hi chu tet te trang a lehkha thiam lo tih takah ka hrethiam lawk thrin lova, mi in fiamthu an thawh pohin an niuh hnu zelah ni ka nuih thirn ni hehe
Report this comment
August 31st, 2010 at 12:59 am
Mi tualthah tir a tum a. Amah thih a tum bawk a. Mahse a pakhat zawkah chiah a hlawhtling ta a nih khi.
Inthah a tum a, thi lo tur a nia. Mahse a sual vangin a thi leh ta si, a ni deuh nuaih.. a mak khawp mai.. Paranormal
Report this comment
August 31st, 2010 at 1:08 am
A va ngaihnawm mai mai ve le. A hmuhnawm hialin ka hria. He he
Report this comment
August 31st, 2010 at 1:20 am
a tawp dan chu ka rin loh dan daih. . a phuah kual thiam khawp mai. .movie a siam chi tak ni. .
Report this comment
August 31st, 2010 at 1:26 am
Ka insum zo thlawt lova kan google hram pek a…min ngaidam mawlh te u
“Ronald Opus is a fictional man in an urban legend about a hypothetical suicide.”
https://en.wikipedia.org/wiki/Ronald_Opus
Report this comment
August 31st, 2010 at 1:39 am
keipwh k rinloh danin a twp…..
Report this comment
August 31st, 2010 at 1:46 am
Mak tak a ni
Report this comment
August 31st, 2010 at 2:00 am
A phuah pawh an phuah kikawi peih mai mai mang e a :evil: A thawnthu kalphung chu, an tum an inhlen sak kual vel a nih ber chu a hairehai :lol:
Report this comment
August 31st, 2010 at 10:26 am
He thawnthu-ah hian siam that chak deuh ka nei, 4th para khi–
“…an inhnialthinrimnaah a mipa zawk chuan a nupui rikrap nan silaiin a kap a, a kap(kah) thelh leh si chuan tukverh zawna…” tih lai tak hi– rikrapnan anih chuan a kah thelh ngei2 tur a ni. Kah fuh loh palh kam ni loin, kah fuh/ kah hlum a tum tur ani lo. Khi ti khi chuan kah fuh ngei tum, thelh palh a ang lutuk.
“…an inhnialthinrimna lamah alo tih fo tawh thin angin, a nupui rikrapnan tukverh lam hawiin silai a hmetpuak leh ta a. Tukverh zawn a…” tih ni zawk se, a fuh ang nge fuh lo zawk ang le?
Report this comment
August 31st, 2010 at 10:37 am
@Pu Kawlhawka: Hehehe.. A lawmawm e. Ka siamtha lem lo va, a nihna ang ang deuhthawin ka rawn lachhuak a.. I lo chîk a, a lawmawm takmeuh.
Report this comment
August 31st, 2010 at 10:40 am
;-
;-
Report this comment
August 31st, 2010 at 12:18 pm
va dangdai ve
Report this comment
August 31st, 2010 at 1:21 pm
Tukverhj atanga zuang thla hi lo kap lo pawh nise a thi thovang.
a chhan chu a hnuai a rawng hnawihtute tlak dalna an dah kha a lo rei deuh tawh a, a mawih tawh avangin mihring rit takin a zuk delh khan a dawl ta lova a thler ta a, a tlang thla a a zuk in sawh darh vek thovang… hahahahahahah
Report this comment
August 31st, 2010 at 8:10 pm
CSI, eng episode berah emaw en tawh ni tlata inhriatna ka nei…
Report this comment