Vawiin chu “in nu hi a nu lamah Vanapa thlah ani a. Hei Aizawla Vanapa thlah te kan in zawng khawm meka” tiin inleng kan neih nawlh chu le :!: Vanapa hi pasaltha ani a zaidam hle tih bak hi ka hre thui lo hle. Internet velah te kan dap chawp nghala, ka hmuh chhun chu ka han bel kai nghala.
Pasaltha Vanapa Tawngkam
Mizo Pasaltha hmingthang Vanapa hi Mizoten kan chhuangin kan ngaisang em em a. A huaisenna leh tlawmngaihna piahlamah hian khawvel miropui dangte ang bawkin a ni pawh hian tawngkam ropui tak tak a chher chhuakin a lo tawngchhuak tawh thin a. Chung a tawngkam thenkhatte chu i han thlir ho teh ang u. Hmanlai chuan in do reng reng thin an ni a, rawlralin an che bawk thin a. Feh kal tla fal deuh chu hmeichhia pawh nise an thah loh vek pawhin sal atan an man thin a.
Thlawhhma hla ber neitu tan chuan a ralmuang lo va, chu bakah buh seng hunin a kawng a thui bika, hei ringawt pawh hi khaw lian deuhah chuan huphurhawm tham a tling a ni. Chutiang bawkin vengtawp bera in chu zanah a ral muang lo em em a, Sapui (Sakei etc) a hlauhawm a. Tin engtik lai pawhin ral lo kal thut sela insaseng ve hman lova tawng hmasa ber tur an ni a, a ral muang duh lo khawp ang, tunlai ang hian electric te an lo nei ve si lo.
A tlangpui thuin michhe veng a ni bawk a vengtawpa awm ai chuan mi zawng zawngin Lal mual kil phaa awm theih chu an duh em em vek a, Zawlbuk pawh Lal mualah hian an sa thin a, a bul hnai a mi te tan a thlamuan thlak hle a ni. Heng neuh neuh ka ngaihtuah hian, “Keiin thlawhhma tawp berah sadai ka theu ang a, hmeithaiten dai hnai neiin lal leh upaten a laiah thlawh hma la rawh se. In pawh veng tawp berah ka sa ang a, dai ka do ang e. Lalin a lai takah in a sa ang a, upaten lum rawh se,†ti a Vanapa thu sawi hi a lo ril raih raih hle mai. A rilru hi a va lo ropui tak em tih loh rual a ni lo. Kan mizo pasaltha ho ten an khua leh tui chhan nan an nun an ui loh zia leh huaisen zia ngaihtuah hi chuan tunlai kan politician tam zawkte nen hi chuan an va in ang lo tak em!!
He a tawngkam atang hian Vanapa hian hmeithai te pawh a lo ngaihsak hle a ni tih a hriat theih a, Lal leh upate a zahin a duhsak hle tih a lan tira, ram leh mipuite tan a huaisenna leh tlawmngaihna pawh a lang chiang hle a ni. Lal leh khawnbawl ho nupuiten zu in an chinga chu chu pa ho chuan tha an ti lo va, Lal nu leh Pasaltha Vanapa nupui te chu a phusa ber an ni bawk sia, hauhngam chi mai an ni bik si lo va, a tawpah chuan Vanapa an han rawn ta a, tichuan “Chawngkhum dan tlang huat loh†tih tawngkam mawi tak hi a lo chher chhuak ta a.
Lal leh khawnbawl upate nupui, chhungpui nu berin zu an in fo chuan hnam chawm leh hmeichhe dang pawhin an ching ve mai anga Mizo nun kal chho zel tur kha ngaihtuah awm tak a ni dawn a, a tihreh nan Vanapa hian a nupui pawnfen chu lo hlim sak turin upa pakhat chu a tir ta tawp mai a ni. Helaia a chet duh dan hi a mak ang reng hle a, mahse a hlawhtlin zia hmuh hian Vanapa hi a lo fing hle tih loh chi rual a ni lo. Pasaltha Vanapa nupui meuh pawh a pawnfen an hlim sak ngam chuan tiin hmeichhe dang phei chuan an hlau ta em em a, an zu inho thin pawh an sim ta a ni. Hei hian hnam nun siam thatnaah pawh Vanapa duai loh zia leh thawhhlawk zia a lantir a ni.
Hmanlai kan mizo pasaltha te kha tlawmngai tak tak vek leh huaisen em em mai an ni vek a. Vanapa a chungchuanna bikna erawh chu; ral rel a thiamna leh a finna hi a ni a. Rammut nikhua a ral rel mai pawh ni lo vin Lal leh khawnbawl ho rorelnaah pawh Vanapa a tawng ve hma chuan Lalin thu tawp a sawi mai mai ngai lo hle a ni an ti, a thu chhuak hi a fing tlat thin a vangin.
A nunah insum theihna leh mahni inthunun theihna a neih hi a ropui thlawt a. Hei ringawt pawh hi ha hipa sawi tham a tling reng a ni. Mi thinchhe tawp thanga an sawi kha mi zaidam berah a rawn chhuak thei hi chu thil mak tak a tling a ni. Pasaltha Title a hmuh hma reng a tangin hei ringawt pawh hi a chanchin hmalamah a hunlaia mite mak tih a tling reng a. Mi pakhat tak zawng a la ni ang tih kha rin pawh a harsa lo viau ta ve ang.
Zawhna
1) Vanapa thla nih hi kan inchuh nuk nuk duh hmel ka tia. Chuti nitase Vanapa hi Mizo hnam chi peng eng ber nge anih ang le ? Chawngthu Vanchiau ani thei em? nge Khawlhring zawk ? Nge Chhakchhuak Hualngo?
2) Vanapa hi Vanhnuailiana pasaltha ani ngei maia, a boralna hmun pawh hi khaw tamtakin kan inchuh leh duh mai lawng maw le? “Inlam pana a hawng kha bawk khupin a boral a silai a hmalamah” tih te hi sawi a awm. khawilai hmun tak nge a thihna hmun hi le? Eng silai nge a ken ang le? Khawilam silai nge niang le? Manipur Raja an han runa Vanapa te hoin silai 60 lai an han laksak ami kha emniang? Nise eng siliai nge ni ang?
3) Vanapa hi a hming dik tak hria kan awm em ? Tunge a nupui hming. A fapa Vana thlah zel te hi chhuina kawng khat chu Family Tree ka dawng dawn. ka dawn hma hian misual hre ril deuh te’n min han hrilh teh u.
misual-ah Vanapa : https://misual.life/2007/04/07/vanapa-thurochhiahte/
Similar Posts:
- Pasaltha dik tak chu
- Zoluti
- MIZO TE HI HNAM DAWIHZEP TAK KAN NI.
- Mitthi chhûngte tâna thingfâk khawn tobul
- Aizawl/Mizoram/Mizo thil thenkhat!
August 30th, 2010 at 5:41 am
Pu HV: I comment kha i edit thei em? Kei chu a theih ve miah loh. :sad:
[Report abuse]
August 30th, 2010 at 5:56 am
Mr.TSA, minute 5 hnuah a theih loh
[Report abuse]
August 30th, 2010 at 6:17 am
Tualcheng leh Hnahlan chu VanaPa khawsakna atan chuan a pawm awm ve ve in ka hria. Khaw inthenawm, inhlat vak lo annih bakah, an hunlai chuan ramvahna atan pawh a in tlawhpawh harsa vak lo a ni a. Tuithoh kama VanaPa thlan ni a sawi pawh hi Hnahlan leh Tualcheng atang pawhin, an hunlai ang a han hisap pawh in, a hla lo ve ve.
[Report abuse]
August 30th, 2010 at 6:22 am
Shai, good morning em em
harh chiang maw 
[Report abuse]
August 30th, 2010 at 6:23 am
Pu HV: Kei chu a theih loh tawp.
[Report abuse]
August 30th, 2010 at 6:23 am
Admins-te’n ‘tawng fimkhur deuh rawh’ min tihnaah ka ngai. Nizanah ka hnial vei pang pang ale..!
[Report abuse]
August 30th, 2010 at 6:24 am
HV, morning , morning… zin turin ka inbuatsaih mek e… :lol:
[Report abuse]
August 30th, 2010 at 6:26 am
E hiau, bei hma angreng ve aw, tluang deuh khan
Mr.TSA, mak awm ve, engemaw kal sual mai2 aniang
[Report abuse]
August 30th, 2010 at 6:32 am
Tlai khawhnu ah kan comemnt ve hrim2 teh ang..(comment hmasa lam ka chhiar lem lo). Vanapa Hming tak chu Thangzachhinga tih kha kan zir dan chu a nia.. A thih dan tak chu ka hre tawh lo. Mizo pasaltha zingah chuan a lar ber berte zinga mi a ni. (a bak sawi thui tur ka hre lo..) Post tha leh bengvarthlak tak a ni.
YMA section ah chuan Vanapa Section ah kan awm a! Vanapa hi kan lam reng mai zawng a nih hi maw.. :roll:
Thlahtu bul chhui leh hnam bil uar hi Mizote tan hian thil tul ber leh thil tha ber a ni lem lo.. research leh history a tan a ni lem loh chuan… hetia kan inhriat chian tumna lamah hian kan inpumkhatna te hi a ti nghingtu mai a ni zawk fo.
Vanapa thlahte an awm rual rualin, pasaltha dang (eg Khuangchera, Taitesena, Chawngbawla etc..) thlahte an rawn chhuak ve lo ang tih a sawi theih loh..
[Report abuse]
August 30th, 2010 at 8:19 am
@Admin
Vanapa hriatchian duhin ka tuihal lai ani, keimah anga Vanapa chanchina tuihal hi an awm zel ang. He post pawh hi a awm reng ang, mahse Vanapa chungchang nilo comment hi chu Admin te hian min delete sak se ka ti hle # 160 nen.
He Post-a Vanapa chungchang rawn thawhtute in chungah lawmthu ka sawi mawlh mawlh e. Vanapa chanchin in hriat ang te min share duh chuan mzvisionv@gmail ah min han email keuh thei ula ka lawm leh zual ang
[Report abuse]
August 30th, 2010 at 10:00 am
@mzvision: Vanapa thlahte Ngopa khuaah khian an la awm reng alawm, i duh chu i zawh theih ka van ring e.YMA hruaitu a ka awm ve laiin( Hnahlan ah) kan buaipui nasa tawh a sin. I duh chuan Pu Lalaudinga Ramhlun Vengthar hi contact la. Mahse, Rabung lam thlir dan nen chuan a dang hlauh. Vanapa thlahten an chhui tawpna leh thutlukna chu Hnahlan lam chhuina hi anih avangin a pawm tlak zawk turah ka ngai..
@ Sailo: Ka email senamizo@gmail.com ah min han contact ta che. In hriat chian a chakawm e.
[Report abuse]
August 30th, 2010 at 11:56 am
@Mr TSA.. @2, Enge I hming? tih hi mizo tawng dik ani lo.. english kan rama a rawn luh hnu ah what is your name? tih mizo tawng in ti thiam lo in an rawn lak luh chuah ani..Mizo tawng dika taka i hman duh chuan..Tun nge I hming ? tih hi a dik zawk e,
[Report abuse]
August 30th, 2010 at 11:58 am
#161
Ka hre nual tawhe Vanapa thlah te chu mahse a inkhaidiat dan fel taka neiin min han pe dawn. Chaw te pawh an eikhawm tawh ani awm asin :
Rabung ho hi Rule out ngawt chi an ni bik lovang uluk deuhin i chhui ang u keini misual hian :rawtna:
[Report abuse]
August 30th, 2010 at 12:01 pm
@Pu MZ: Chu chu a rawn pek hunah che rawn post leh rawh aw.. Ka hre zau lo em a, ka beng a verh riau a nia.
[Report abuse]
August 30th, 2010 at 12:24 pm
“1) Vanapa thla nih hi kan inchuh nuk nuk duh hmel ka tia. Chuti nitase Vanapa hi Mizo hnam chi peng eng ber nge anih ang le ? Chawngthu Vanchiau ani thei em? nge Khawlhring zawk ? Nge Chhakchhuak Hualngo?”
Kei pawhin Chawngthu Vanchiau niawm takin ka lo ngaih laiin, “Mizo Chanchin” Pu Hrangthiauva leh Pu Lalchungnunga ziakah chuan “Ralte thlah kal zel Vanchiau” hnam an ni(P-142). An fa hming koh chu an hnam hming chawiin “Favana” a sa a, Chuvang chuan Vanapa ti a koh a lo ni ta zel a ni.
Vana chu a puitlin hmain a thi ta si a, thlah dang pawh a nei ta lo. (P-149)
Tin, amah hi tlangval upat hnu a nupui leh fa nei anih avang hian a fapa a thih hnuah hian fa dang, sawn emaw tal a neih hriat ani lova, a farnu lam a a thlah nite kan lo awm anih pawn a chhuanawm em a. Mahse ka ngaih ve dan chuan Vanapa hian thlah a nei lo tih hi ani.
[Report abuse]
August 30th, 2010 at 12:33 pm
Sailo Says:
August 29th, 2010 at 10:48 pm
OT lawks..Pu Benjamin Rtk-a hi a awm em aw? A thlalak thenkhat dil ka duh tlat mai…A email tal…
>>
flickr a mi chu creative license – Attribution – Noncommercial- Share Alike in ka dah vek
https://creativecommons.org/licenses/by-nc-sa/2.0/
[Report abuse]
August 30th, 2010 at 1:00 pm
#mz: thlahte ho inkhaidiat dan kha ka sawi tawh Pu Lalaudinga hnenah i hmuh theih ka ring. Kei zawng ka awm bo rei ta deuha doc.mumal ka kawl tlatlo. Pawi ka ti..
[Report abuse]
August 30th, 2010 at 3:50 pm
#167
Ngopa khawchhuak ka ni ve a Vanapa thlah Upa *****liana te pawh ka hria an fapa pawh Bawngkawnah sawn an awm alawm, ka dap zel dawn.
Han hmuthei ila manipur Raja silai an man sak kha han tawng nawlh mai ila Museum a dah turin.
#165
I lehkhabu chhiar chu a dik leh dik loh fiah hei kan tum mek zel chu ania. hun kal tawh hi thu inchuh a awl dawn khoops
[Report abuse]
August 31st, 2010 at 3:02 am
Ka hriat ve dan chuan “Vanapa” hi a hming satu hian Chawngthu zawng zawng khum turin tiin, “Chawngzachhinga” a sa a, mahse, a lo puitlin meuh chuan Chawngthu mai khum lovin thang zawng zawng a khum tak avangin, “Thawngzachhinga” tiin an ko ta huai haui ta zawk a ni.
A fa hming koh hming chu , ” Vanchiau-a” tih a ni, chumi atang chuan ” Vanapa” tih hi a lo chhuak ta, an ti.
Kum kaltaa Misual member regu ve tak thin Puibawiha kha Vanapa thlah niin Vana Pa tupa ti te paw’n NICK a hmang thin.Tin,amah hi Mizo thu leh hlaa tuimi tak a ni a, hrechiang duh chuan a blogs HE TAH hian leng lutin in zawt mai theiin ka ring.He tah pawh hian chhiar tur a awm.
[Report abuse]
August 31st, 2010 at 6:34 pm
#169: Tupa tih hian a huam zau duh ang reng khawp mai a, Kan farnu fate pawh hi kan tute an ni ve tho mai a, Kan fate fa leh chhawng chauh hi a huam lem awm love!
Vanapa fapa Vana thih thu hi ziaktute ziah dan a in zul hlawm hle in ka hria! Kei pawh ka awm bo rei deuh tawh avangin lehkhabu han refer zung zung tur ka nei thei bik lova, mahse Pu Mzvision sawi ang han chhui chho zel sela thil tam tak chhuichhuah tur a awm ngei chuan ka ring. Ka duhsak bawk!
Amaherawhchu hnialhrat sabawpah han la ta ila, Fapate chi kal zel bak hi thlahte ti a chhiar ngai a ni si lova, Chi thlah lovah ka lo ngai ve ringawt a. Chawngthu Vanchiau hnam hi chu Mizo zingah chuan a tam pawl tak an ni awm e. Hnam a inan vang a thlahte tihna pawh a kawk ber chuang lo te hian ka hre ve mai mai!
[Report abuse]
September 21st, 2010 at 7:31 am
[…] chungchâng hian khel a hlawh hrep a. Hmânni-ah pawh Pu MZ-a post, Vanapa hrechiang kan awm em? -ah a topic mil lo lutukin kan inhnial chiam a, a zahawmin ngaihdam kan indîl leh hnuhnawh ni se. […]
[Report abuse]