I
Thliah leh mai turin khúavel kan chhim a,
Lênlâi chên turin sial ang kan múr lian;
Nunphúng kawlkalhah thil thar kan chúan a,
That leh sualna bûklung chuan min âwi lian.
II
Hringnun hi zotlâng bâwmtu romei iang niin,
Hun reiloté tán chauhva dûan a ni e;
Hringnun thingzâr zawng hi hlún tur awm lovin,
A mawina zawng nen a la tliak dawn e.
III
Hun a liam, kan nghah naktuk lo thlengin,
Vawiin hian nunhlúi a chang mêk zél e;
Tûn hi mahni tâna Chakâi khawrh hun niin,
Bei nasa apîang man hnem hun a ni e.
IV
ÊNG beisei là ia THIM lo thleng thin hian,
Hringnun kalsiamah chakna thar min pe se;
Thlafà m chan hnu chuan ami lêngzawng pawh hian,
Sârhu lái bak hriatréng an hlawh nêm le.
V
Mi sák tawh thiahsaktu nih loh tumin,
Thûam thatpui záwkin dikna kal zêl se;
Kan chunga an tiha kan duh tur ang bawkin,
Midang chungah pawh tih ve ni rawh se.
VI
Kum sûl mah hléite’n lo dáng zêlin,
Kan nunkhûa pawh a ngái reng bik lovang;
Dikna, rinawmna leh hmangaihnain,
Midang tihek silo va hlâwkna kan hmu ngei ang.
……………
Similar Posts:
- Paws mai mai – (Hringnun hi…)
- Hringnun (Chapter-II)
- Dikna humhim duhlo tu chu dikna dodaltu a ni
- I Ramin A ko Che
- Hringnun
September 21st, 2010 at 3:04 am
Phuah thiam hle mai…
Chang hmasa ber atanga a tawp thlengin a inphamar tha khawp mai.
[Report abuse]
September 21st, 2010 at 3:24 am
1st. tum ve pawn-thawt thawt a che.I hla thu hman chu-i thiam ka va’n ti em.
[Report abuse]
September 21st, 2010 at 4:14 am
Sial ang kan mur lian
[Report abuse]
September 21st, 2010 at 6:46 am
‘múr’ tih hi ka man lo. A bak chu a tha khawp mai, hla ah hian thu zawng zawng sawi kim kan tum hian a hla hi a inthuam tha leh lutuk a, ngaihtuah zawm tur hi a awm lo thin i ti ve em?
[Report abuse]
September 21st, 2010 at 6:50 am
iang niin … iangin -poetic diction tharlam deuh ka chhar belh tlat! Dik chiah maw? I thiam reuh e, nuthlawi lungleng tan phei chuan pan ruak ruak i awl ngawt ang!
[Report abuse]
September 21st, 2010 at 7:03 am
I pian leh murna min hrilh teh.
Ka pianna chu Vankal, ka murna chu Sairang! Hep hep mai a! :lol: :fiamthu:
[Report abuse]
September 21st, 2010 at 7:20 am
Sial ang kan mur lian……
hlimten nau ang kan nui…. 
[Report abuse]
September 21st, 2010 at 7:47 am
Lênlâi chên turin sial ang kan múr lian;
Nunphúng kawlkalhah thil thar kan chúan a,
That leh sualna bûklung chuan min âwi lian.
‘mur lian’ ‘kawlkalh’ ‘thil thar kan chúan’ ‘âwi lian’. Heng thumal hi i phuahthar ho emni?
[Report abuse]
September 21st, 2010 at 8:36 am
A va tha muah muah ve le.
[Report abuse]
September 21st, 2010 at 8:45 am
A tha hle mai
[Report abuse]
September 21st, 2010 at 9:39 am
######chawnghilh chu Sairangah chuan i lo mur chhuai 2 mai thin ani maw.noi.
Murva iangin sairang tlawng kamah i lo mur thin nimaw ka lo ti mai mai hahahahahah
tiam phian mai.
[Report abuse]
September 21st, 2010 at 11:16 am
Hlathu tha tak a ni e. Mite la hman zen zen loh thu thenkhat i hman te khi erawhchu a inhmeh chiahlo te pawh awmin ka hria.
[Report abuse]
September 21st, 2010 at 12:17 pm
tha ve a
[Report abuse]
September 21st, 2010 at 12:55 pm
Heng hi paste vel mai mai….
Lênlâi chên turin sial ang kan múr lian;
….bûklung chuan min âwi lian.
A mawina zawng nen a la tliak dawn e.
Tûn hi mahni tâna Chakâi khawrh hun niin,
Bei nasa apîang man hnem hun a ni e.
Sârhu lái bak hriatréng an hlawh nêm le.
Midang tihek silo va hlâwkna kan hmu ngei ang.
[Report abuse]