Mizo te hi kan tuanna mual theuh ah tih tak zeta kan beih chuan kan lo thleng sang thei khawp mai. Vai leh mingo te hi keini aia lo thiam hmasa leh kum tam tak zirna in a chiah hneh tawh an nih avangin kan phak lo angin a lang mai mai thin niin ka hria a, kei chuan kan tluk bik lohna ka hmu lo. Tun tumah pawh Mizo tlangval chhuanawm tak chanchin hi post loh theih niin ka hre lova, vai tena an tluk loh he Mizo tlangval hi feet 5 pawh tling tha thum lo a ni. Mahse, Mathematical Sciences khawvelah chuan palian tak a ni tan tawh a. Mizo te min ti hmingtha thin tu, pasaltha te hi chawimawi thiam an tha hle in ka hre bawk a ni.
Tv Ramdinmawia (Mawitea), Pu Vanlalngaia fapa, Vaphai khua chuan CSIR-UGC NET exam 20. 6. 2010 a neihah Mathematical Sciences atangin India ram pumah pakhatna dinhmun a hauh a. Hetiang dinhmun hauh thei hi hriat theih chinah North East atang chuan amah deuh chauh a la ni. Tunah hian MSc (Mathematics) NEHU atangin 90% chuang hmuin a pass chiah a, pakhatna dinhmun a hauh. National Board for Higher Mathematics in exam an buatsaih chu kum 2009 khan pass in MSc a zir chhung hian thla tin stipend Rs 5,000/- an pe nghe nghe a. NBHM in PhD ti turte tana exam an buaisaih tho pawh pass in Institute of Mathematical Sciences, Chenai ah seat a hmu bawk a ni.
Tv Ramdinmawia hian Govt. Chhaktiang High School, Vaphai atangin pawl 10 a pass a, pawl 12 chu BHSS, Serkawn atanga pass in BSc chu Pachhunga University College atangin a pass thung. Heng zawng zawng hi first class ah a pass vek a ni.
Nikum December thla CSIR-UGC NET exam ah khan JRF hi a lo hmu tawh a, hemi tum pawh hian top ten ah a lang nghe nghe a, Shyama Prasad Mukherjee Fellowship dawng thei tur a interview tura koh zingah a tel a. Mahse, hemi tum hi chuan a kal ta lo a, tun tumah hi chuan kal ngei a tum. MSc result a chhuah hma atangin NEHU a a zirtirtute chuan research admission an pe nghal a, hmun danga a zawm hma chu chambang hrih a tum a ni. Class room chhunga an zirtirtu ten an chawh dik theih loh te pawh amah hi an solve tir mai thin a ni.
Nakum kumtir hian Tata Institute of Fundamental Research, Mumbai ah PhD tak hi chu tih tan tak tak a tum a, post doctoral research ti tura France a kal pawh a tum ruh hle mai. Mizo hnam tan theihtawp chhuah zel a tum a, khawvel hriata mi ropui tak a la nih theih a beiseiawm. A kal zelna turah duhsakna ka hlan a ni.
A chanchin danglam ve deuh te: 1. M.Sc a zir tirh atanga a thawmhnaw ngai deuh char char a la ha. 2. A tir kha chuan a inkhawm ve thin a, tunah chuan Mathematics chawh a thlang ta zawk a, puipunna ah a kal khat hle. 3. A tawng tlem hle a, midang a kawm ngai mang lo, thian kawm deuh dik pahnih khat erawh a nei ve. 4. A lu hi a buk deuh chhap reng a, a met ngai mang lo. 5. En mai chuan a hmel chu tlawm ve tak a ni. 6. A piantirh ata ngaihzawng a la nei ngai lo reng reng (hemi kawngah chuan tluk loh a ngah khawp mai).
Similar Posts:
- CSIR-UGC Test for JRF
- 3000 PG Scholarships for university rank holders
- Mathematics leh Pathian Hmangaihna!
- Mizoram School Examination Policy
- Mizo Nula Chhuanawm, Dr. Rinmuanpuii Ralte
hairehai
September 20th, 2010 at 7:42 pm
‘Mizo nula chhuanawm’ ve thung rawn post tur hria kan awm em…
[Report abuse]
September 20th, 2010 at 7:49 pm
Ava han bawn ve…May God be with him… hetiang mi hi ka ngaih sang zawng tak, mahni hnathawh a rin awm hi arah tha dawn na ani..True christian:0
[Report abuse]
September 20th, 2010 at 8:37 pm
E thianpa Ramdina nge nge ti tha e. Mizo in hmathlir pawimawh tak kan neih theih phah e. Ka lawm pui hle mai che. PhD te tha taka ti chho zel turin duhsakna ka hlan a che.
Tunlai thangthar mizo ah te hian zirlai fel tak tak Ram tana tangkai thei tur an awm nual a nia.
IISc lamah te,IIT Mumbaiah te,IIT Kanpur ah te,IIT Guwahati ah te, Hyderabad ah leh Delhi lamah te an awm nawk a nia. Hmana kan mizo mithiam te an tluk ka ti hran lo a. Mah se an thiam na level hi a tha ve tawk viau ania.
Pu Alchemist i beng var iti tha hle mai.
MIZO KAN NI KAN HMEL A THA.
[Report abuse]
September 20th, 2010 at 9:14 pm
IICB kolkata ah k kal thin a rualawh na duh khop mai…hetiang mizo tlangval an awm hi ka chhuang tak meuh2 a ni…midang pawh lo post zel teh u
[Report abuse]
September 20th, 2010 at 9:19 pm
@ 47 funny… foreign a a awm theih chu kei pawn ka duhpui khawp mai. A bik in France ah. Mathematical science ah phei chuan France hi an tha deuh ber niin ka lo hre ve deuh a, ama hnenah pawh ka hrilh nghe nghe. Mahse apply vel hi buaithlak a la ti deuh a ni mai thei. TIFR chu thra tho turah ngaih sak ang.Hetiang mi hi chu keimah ngei pawn ka duhsak em a, a tawp thleng zir thei se ka duh a ni! Mizoram leh hnam tan…
[Report abuse]
September 20th, 2010 at 9:25 pm
Ka chhuang e.
[Report abuse]
September 20th, 2010 at 9:27 pm
Maths lam hi chu ka thiamlo bawka, hetiang khawpa thiam ta chu a ngaihsanawm khawp mai!
Mizorama kan Maths teacher ka hriat ve te hi chu mipa thau lam deuh, kuhva heh deuh tak, fiamthu (zahmawh rawng kai deuh hlek zel) duh tak, en maia ‘hence proved’ tih mai theih tur niawm tak mize pu hi an ni duh tlangpuiin ka hria ! Kan thiana hi chu anih ve hmel loh a, tihtak zetin zir sela, Hilbert’s problem te hi a chawkchhuaktu rawn ni teh se !
[Report abuse]
September 20th, 2010 at 10:19 pm
India ram pum a Mathematical Science ah Mizo tlangval pakhatna maw? Ka chhiar dik maw? Mibik ani chiang. Central/All India Service Exam a tribal quota a a mawngphahna lam a tling aiin ka dah sang veu veu.
Chhaktiang H/S a Maths teacher tunge? Ka van ngaisang ve le. Serkawn HSS saw chu Mizoram HSS ah chuan an hniam lo hrim hrim sa a.
Social development chu a chhelo thei lo.A kalna lam a kal fawr nalh rawh se. Hetiang mi hi alawm mizo hnam hian kan tlakchham le. ‘Jack of all trade’ chu kan tam lutuk. Khawtlang leh kohhran a inhman hi fel leh thlarau mi intehnan a hmantlak loh.A ruh lang a sawi phei chuan kan inhmang lutuk hi kan ram leh hnam thanmawh bawk ani zawk.
Tv Ramdinmawia ‘thutheng’.
[Report abuse]
September 20th, 2010 at 10:43 pm
A taima awm kher mai a.
[Report abuse]
September 20th, 2010 at 11:37 pm
Keipawh ka chhuang e.
[Report abuse]
September 20th, 2010 at 11:50 pm
Nuthlawi hmèl leh pumrà w tituaia la keu hem hawm —chhuanawm ve te …?
[Report abuse]
September 21st, 2010 at 1:08 am
A va han chhuanawm tak ve! Thluak nei tak hi chu Govt. Chhaktiang High School atang pawn an dawk zawk mai lawm. Ngaihsanawm reuh khawp mai.
[Report abuse]
September 21st, 2010 at 1:25 am
Chawnghilh… enge i ron sawi khi ??
Ramdina nen chuan kan titi thui theilo ve khuups ang..
God bless u!!
[Report abuse]
September 21st, 2010 at 1:33 am
a va han chhuanawm ve le. vaiho bulah ka va chhuang dawn em..
[Report abuse]
September 21st, 2010 at 2:11 am
Tin, hetiang mi te hi a ni kan Zoram CCbu te pawn “Chhuanawm” tih a, an tial tur dik tak chu.
An background leh history pawh a “questionable” em tih zir chiang si lova, sapram a awm emaw, pawisa rawn nei deuh thut “Mi Ngaihsanawm” an rawn ti leh tawp mai thin hi thalo ka lo ti thei lutuk a.
“Questionable” han tih tak ah hian “Zu a in thin” etc.. tih lam a ni lo. A chhuanawm, ngaihsanawm kan tihna din hmun thleng turin fair takin kailawn a zawh em tih lam zawk a nia.
[Report abuse]
September 21st, 2010 at 3:48 am
Ngaihsanawm hle mai. I kalzelna turah duhsakna ka hlan a che.
A lehkhazir chhuahna han en hian mi chhuanawm tak a ni lehzual. Mizoram chhunga College thleng zir chhuak si a, India rama pakhatna a ni thei hi, a tu-ru khawp mai. Hetiang mi ngaisang chi ka ni bawk a, Mizote a tihmingtha-in, Mizo thalai/zirlaite tan role model dik tak a ni e.(Icon/Idol diktak chu..
)
Serkawn zirtirtu(eg.. Mama_B te) an fakawm a. BSc a zirlai-a PUC zirtirtute pawh an fakawm e. PUC ah hian Mathematics bikah chuan an HOD kha L Thangmawia niin ka hria a.. a ni pawh hi mi turu tak chu a ni ve chiang a nia.. (kan zirtirtu thin a nih vangin kan sawi tel ve lawk a ni e..)
Mathematics hi Mizoten kan harsatna ni-a kan ngaih a ni a, kan chawh tam tawk loh vang a ni tlangpui. (Han insawi thei lawk ila, High school to XII thlengin Math hi a thiam pawl ka ni thin a, a chhan pakhat chu ka thiante tam tak ai khan ka chawk tam tawk ve bawk a ni…)
Mizo zingah hian Mathematician turu hi an la tam vak lo a. PhD pawh hi chhiar tham lek an la ni awm asin.. A hmasa ber chu Pu LN Tluanga (Missionary kha) a nia.
Hei tuna Ramdinmawia pawh hi Mi vantlang chunglam kan neihte zinga mi a ni leh a, a chhuanawm thlawt e.
[Report abuse]
September 21st, 2010 at 7:02 am
Chuti fakaua thiam chu khawvela mathematics zirna tha ber khawimaw berah hian zir ve sela a tha ang chu, india rama Phd tih a tuma chue kha e loh leh hriat loh, resume pawh a tarlan ngam mangloh tur university entirnan NEHU, Mizoram University , IIPM, Manipal tih vel ai chuan.
Chubakah belhchian dawl ngei anih ka beisei, hman deuha indian physics prodigy ti a chanchinbu in hahip a an chhuah, kum 8 nge kum 10 a NET pass tih vel Bihari naupang kha, India aiawh in Europe ah an tir ve a engmah sawitur hre ve hek lo a hawi lawl lawl mai e an tih kha
https://en.wikipedia.org/wiki/Tathagat_Avatar_Tulsi
Khawvela University tha ber ranking – Mathematics 2010.
1Princeton University USA
2University of California, Berkeley USA
3Harvard University USA
4Stanford University USA
5University of Cambridge UK
6Pierre and Marie Curie University – Paris 6 France
7University of Oxford UK
8Massachusetts Institute of Technology (MIT)USA
9University of Paris Sud (Paris 11) France
10University of California, Los Angeles USA
11University of Chicago USA
12University of Minnesota, Twin Cities USA
13University of Wisconsin – Madison USA
14New York University USA
15University of Michigan – Ann Arbor USA
16Texas A&M University – College Station USA
17University of Washington USA
17Yale University USA
19University of Maryland, College Park USA (Vangchhia te khua)
20Georgia Institute of Technology USA
complete ranking https://www.arwu.org/SubjectMathematics2010.jsp
[Report abuse]
September 21st, 2010 at 7:04 am
funny-a a thiam zawk daih ang!
[Report abuse]
September 21st, 2010 at 7:11 am
nia ..@CH. Funny a nge nge..
a re a research leh mai ag..
khawvel a mathematics University tha ah poh chuan USA ava tam teh lol ve..
[Report abuse]
September 21st, 2010 at 9:47 am
A va han chhuanawm tak ve le.A ropui ngei mai hetiang ang thiamna nei tha zofa kan nei thin hi chu chhuan tak te in chhuang hlawm teh ang u.
[Report abuse]
September 21st, 2010 at 9:56 am
@ Aryan 67.. i rawn sawi bengvar thlak e. Khing University pakhat ah tal khian kal thei se a duhawm khawp mai a. Puih theih dan emaw kawng kawhhmuh dan emaw i hriat chuan i contact no min lo pe la, ka rawn contact tir ang che. Helai atang chuan tihngaihna hriat a har khawp mai. Nangni khaw hawi zau deuh ten tihdan in hre mahna. Misual.com kan hmang thiam ve trawk chauh a nia. Belhchian pawh a dawl khawp mai. Nizan mai pawh khan mathematical problem pakhat chu an solve kha.
@ Benjamin 65.. I thil sawi hi ka pawm zawng tak a ni. Mi tam tak tan chuan achievement ropui tak chu a ni lo mai thei, mahse Vaphai atanga India ram pum a thiam berte zingah a tel hi a ropui a ni.
[Report abuse]
September 21st, 2010 at 11:58 am
Ka lo hre tlaikhawhnu ve a. A va ropui ve! … mahse,… kan cheibawl nasa mah2 deuh lo maw!? A post-tu hian thu a uar lutuk deuh em? Hriat a va chakawm ve! Hetia an prof-te aia a thiam chuan. . . khawi ramah pawh ka dilpui ngam ang, thei ila chuan. Mahse ka dilpui ngai lovin an prof-te’n an tihpui ngei ang, tak2 a nih chuan!!!
[Report abuse]
September 21st, 2010 at 12:28 pm
@ 72 Uar lutuk lem lo e. A thiam khawp mai. Mahse Professor te atang hi chuan beisei neih vak theih pawh a nih ka ring lo. Kei pawn ka experiance tawh a, midang hi an rawn dingchhuak ve ang tih hi kan hlau deuh thrum chu a nih hi.
[Report abuse]
September 21st, 2010 at 12:40 pm
@72 kalo in rawlh ve lawk. Ramdina hi Maths ah chuan chhuanawm ang reng,thiam tak a ni. A post tu rawn sawi pawh hi a dik ang. Foreign book lo chu Colege ah pawh khan zir ve ngai lo. Problem Solving attemp a nei tha em em bawk. An sawi tawh angin thil dangin a ti buai vak lo a.
Chuan Funny sawi ang deuhin an Professor then khat an tlaw deuh a ni mai. “Very straight forward” ti keuh keuh professor hnuaiah chuan awm ve se a puih a ngai vak nang. Mahse a thiam tih chu kan pawm tlana tha. Mi dangdai tak a ni.
Sir Mama_B sawi ang deuhin Pathian tihmi a ni tih hi kan hriat tel tlat a tul ang.
[Report abuse]
September 21st, 2010 at 2:39 pm
GRE leh TOEFL lo inbuatsaih tel sela tha tur ania, tun November ami turah hi chuan theih tawhloh ang, nakum novermber anih loh chuan singapore a han pek angai tawh ang.
Tiangah hi chuan mahni zirlai mai bakah thildang ah pawh tlema bright tel deuh hlek hi a tha khawpmai.
Professor te aia thiam tih chungchang hi chu, kan tehna a zir niin ka hria, Professor techuan Master zirlai chuti teh vakin an rawn buaipui nasa vaklo ang. Mizorama class 10 a topper hian class 10 zirlai ro ro chu ani aia zir sang lo kal pel tawh ho aipawhin a hrechiangin a thiam daih ang.. tih angvel ani in ka hria.
Publication tepawh lo nei tawh professor te nen chuan tekhin vak chi ah ka ngailo. India rama top a ni thei erawh hi chuan khawvel institution tha ah pawh lut sela a zahpuiawm a rinawm loh.
leh lawk: Comment #68 leh #69 khi report abuse
[Report abuse]
September 21st, 2010 at 4:04 pm
Mah reng reng se, an prof-te chuan an lo nghak thin meuh maw? Tutenge an prof-te chu? NBHM tih te,… topper … ka ringhlel a ni lo; mahse thu uar deuh chu a awmin ka ring… pawh ni lovin, a mak ka ti luuu deuh!!! Thusawi chin tawk hi thiam a pawimawh ka ti khawp mai, kei ngei pawh hi! Ka lawmpui reng2. Inkhawm tih vel kha chu… lo zir zel zawk rawh se!
[Report abuse]
September 21st, 2010 at 4:13 pm
zualbonez a pawh hi “zawhte” exam a pek dawn lai khan ka tibbuai thin
…a tling ve hlol mai ..an zirchiah chu a sam te a tla vel lolzzz…broke apiang in hmuihmul a zuah thin zui 
…. Badboy pawh hi lekha a zirlai chuan an sir ai in zu a in hnem theih zawk duh hmel …. 
Ramdinmawia hi ka chhuang takzet e…ngalfim in dam rawh se
[Report abuse]
September 21st, 2010 at 5:31 pm
Boruak a san hma in Zoiitian leh Alchemista te thulai ka lo sa e… Lawmna tur hlir a ni kan thil post hi. Tumah in sel lo ila. A post tu hian a tih dik ka ring zawk viau e. Ringhlel tu a nei pawh hi a thiam awm e. Mizo hian thu kan uar a, a ni leh ta emaw te pawh ti ni mai thei a sin. Ramdina hi NEHU a kal a ni a. An professor te nen paw’n an in chaw be riau a ni.
[Report abuse]
September 21st, 2010 at 5:36 pm
eheu helai chu a va lo hot ve
[Report abuse]
September 21st, 2010 at 5:39 pm
Hepa hi a chhuanawm ka ti em em ani. Congrats to Ramdinmawia !
[Report abuse]
September 21st, 2010 at 9:04 pm
He post chu alo HOT leh hnuhnawh animaw.
ZoIITian sawi hi kei ka pawm zawng tak ani, Master zirlai atanga Professor te aia thiam hi khawvelah an pian awm pawh ka la hrelo.. Ramanujan-a, born Mathematician leh one in a million, te meuh pawh professor te aia thiam ang zawnga an sawi ngai ka hrelo e. Bakah, Professor-te, Tuna kan topper naupanlai (NEHU a a zir hma daih) atanga teaching experience lo nei tawh chuan an nghah vel kava ring hleilo em aw… Bakah Professor te chuan publication tepawh an nei nual tawhin a rinawma, chung te nen chuan MSc Zirlai hi chu uncomparable anni e… hehehe
Sawi tawh angin a zir chin ah a thiam hle a, a ngaihsanawm takzet a, han zir zui leh zel pawhnise ala thiam chho zelin a rinawm… khawvel zirna tha ah pawh zir sela a sit awm lo tawp ang, mahse Proifessor leh MSc zirlai chu, they are not on the same page…
NEHU te, Delhi te, etc, a master zir ka hriat ve tawh ho chuan, an mahni subject-a journal lar leh tha pawh hi a hming takngial pawh an hre ngailo, chutih laiin IIT ho techuan hetiang journal lar leh tha ami tehi assignment ah te neiin a hming an hre mai pawh nilovin an zir ve thin. Professor te zirtir dan hi in advance hleih ve thei tak ania aw a institution a zir in… Amaherawhchu hetianga thiam chuan syllabus advance tak pawh zir sela midang nena compare in a thiam dawn tih a hriat reng… chu chu a ngaihsanawm nalai tak niin ka hria.
[Report abuse]
September 21st, 2010 at 9:13 pm
Mizo kan ni kan hmel a tha. Kudos Ramdinmawia!
Heng hi a hmu lawk chu a ni bik lo, mah se mizo dik tak chu Pu Rokunga khan a lo hmu a lo ni.
“Mizo kan ni alawm kan hlim ang chu.”
[Report abuse]
September 22nd, 2010 at 12:36 pm
E khai o… ka awm loh laiin in lo sawi nasa hle mai maw… Hun kal tawh deuh pawh ni se, kan thar thawh leh teng. ZoIITian leh funny chuan in rinthu in rawn sawi nasa hle mai. Rinthu sawi chiam hi in hrat ve hrim hrim niin ka hria e. Ralkat atanga lo pawngpaw sawi ve chiam hi in tih theih tawk pawh a nih thin ka ring. A ni ka tih chuan a ni mai. Chubak sawi tur a awm lo. In duh leh Shillong ah zin ula, an Professor te pawh han zawt mai rawh u. Rinthu rawn sawngbawl chiam lo khan.
Funny pawh hian i hriat ka ring a, subject reng reng chu in upadate ngai vek a ni. Nih loh chuan a thring hma. Mathematics pawh chutiang tho. Professor tam tak chu in update peih tawh lo an ni. Journal chhuak thar ami phei chu an hre thiam mang tawh bik hlei nem a thren ho chuan. Chutiang mi vel chu an ni e. In sawi ang hian, hmun dang ami te ai hi chuan an thiam lo alawm.
[Report abuse]
October 28th, 2010 at 11:59 pm
@Pu alchemist, minbe teh i add ka hre si lo marema_28@yahoo.co.in
[Report abuse]