State Institute of Rural Development, Mioram, Kolasib hnuaiah Backward Region Grant Fund hnuaia Helpline staff hna 1 thla khata Rs. 6000 (Fixed) a hlawh turin a ruak a, Mi(sual) zingah dil duh kan awm takin ka rawn tarlang a ni. Dil buai a ngai lo, Walk -in – Interview anih avangin Dt. 1.9.2010-ah SIRD hmunpui, Kolasib Vengthar-ah kal tawp mai tur. A kimchanga hre duh tan he link-ah hian a en theih e.
Archive for September, 2010
Hnaruak Dil Theih
Wednesday, September 29th, 2010Criticism of Biblical criticism: Bible bihchianna bihchian veleh chhawnna
Wednesday, September 29th, 2010Pathian thu zirnaa (Theology) pêng pawimawh tak mai chu Biblical criticism an tih hi a ni a, mi thenkhat ngaihdan anga Bible sawiselna emaw chinpawrna ngawr ngawr emaw ni lovin, chÃk taka Bible bihchianna tiin a sawi theih awm e. Biblical criticism thil tum ber chu Bible thuziakte belhchian an dawl em, tu nge a ziaktu, eng huna ziah nge, eng nge a thu ken tih zirchian a ni. Kum zabi hmalamah kha chuan Biblical criticism hi pênghnih-ah then a ni a, lower criticism leh higher criticism tih a ni thin.
Lower criticism (Textual Criticism an tih bawk) chuan Bible tawngbul, thumal leh kutziak (manuscripts) hrang hrang leh Bible version hrang hrang zir chiangin, atira a ziaktu rilru ang thlapa thu remkhawm a tum a. Higher criticism (historical criticism an tih bawk) erawh chuan Bible hi history anga pawm tlak a ni chiah em tih finfiah a tum ber. Bible-a bu hrang hrangte tobul leh aziaktute a chhui bakah a hun laia Bible pâwn lama thuziakte nen an inmil em tihte a khaikhin thin a ni.
Lower criticism chungchangah hi chuan Pathian thu zirmite an lungrual tlanga, sawiselna pawh a awm meuh lo. Chuvangin tun tuma kan thlùrbing tur pawh hi Higher criticism hi a ni dawn a ni. Higher criticism sawiseltu leh dodaltu hi Conservative Christian-te zingah an pung chho mêk a, a bik takin inerrancy of Scriptures doctrine vuantute (Bible hi diklo thei lo a ni tih pawm tute) hian an helh em em a ni (helhna chhan tha tak pawh an nei ve reng a).
Misual Damlo Awmin!
Wednesday, September 29th, 2010Misual ho hi member damlo zual deuh te awm ta ang ila, thawhlawm thawh khawmin inkan dan hi i ngaihtuah tlang ang u hmiang. Hetah innel takin kan inkawm khawm a, athalam kan rilru ah a lang tlangpui ang mahse, mihring kan nih angin damlo (nazual) te pawh a awm theih. Chumi hunah chuan thawhlawm hi thawh khawm ila, cheng hnih khat lek lek pawhin, in kan thin thain ka hria!
Overseas Scholarship House-ah sawifiah
Tuesday, September 28th, 2010source – Mizo Daily, Vanglaini
MNF Member C Ramhluna zawhna chhângin Higher & Technical Education Minister Lalsawta chuan,ram pawn lam zirlaite tan Overseas Scholarship-ah kum 2009-2010 leh 2010-2011 atan Rs. 20,000/- ve ve dah a nih thu a sawi.
Lalsawta chuan he Scheme atan hian Central atanga sum hmuh a awm loh thu sawiin, “Scholarship dawng tur hian Mizoram Overseas Scholarship Rules 2009-in a huam chinte thlan an ni a, Rules in a phal angin Post-Graduate zirlai tan an senso 50% leh Under Graduate tan 40% pek an ni,” a ti a, scholarship pe theitu chu Higher & Technical Education Secretary a nih thu a sawi a ni. Overseas Scholarship dawngtu mi 20 te hming leh an thil zir leh an zirna hmunte chu Minister Lalsawta chuan House hrilhin, heng mi 20 tan hian Scholarship pek chhuah hi a vaiin Rs. 77,46,568/- a nih thu a sawi.
Zakaia
Tuesday, September 28th, 2010Zakaia anga Lal Isua hmuh tumin vawiengzat nge i beih ve tawh? He pa hi pa te tak te ani a, Lal Isua an khua a lo kal khan mipui zingah a awma, a tet em avangin a hmu pha ve lova, theipui kungah a lawn ta ani. Kha tah chiah khan Isuan, “Zakai, lo chhuk thuai rawh, vawiinah hian i inah ka thleng tur a ni†a ti a. Lal Isua hmuh tlat a tumna kha mipui zi luai luai leh a tet em avanga hmu ve phak lo rignawt avang khan a thil tum kha chu a thulh hauh lo anih kha. Chuan a hmu ta renga, Lal Isua pawn a hming lam meuhvin a ko ta lawl mai ani.
He tiang chiah hian Pathian hmuh ve tum hian kan bei nasa tawk em? Kan buaina leh harsatna te, engmah kan nih ve loh avang te, kan eiruk hnem em avang te, thlemna kan do hneh chuang lovang kan ti rignawt avang te, ka sim thei chuang lovang ti rignawt avang te, thil tha tak tak leh it awm tak tak avangte, etc.. heng te hi Isua hmel hliah tuah tan tir lo ila anih lo vek pawn chhuanlamah siam lo ila chuan Isua hi kan hmuh ve ngei ka ring.
Pu Zakai a ngei pawh khan, “Keichu ka hniam em mai ka hmu pha ve chuang lo ka haw deih ang” ti ta se chuan, a hmu lo kumkhua anga, chuan a sualna a thih pui ngei a rinawm ani mahse a tum tlat avang khan a hmu ta a, chuan a sual a sim boka, chatuana nunna a neih phah bawk ani kha. Kan tum tak tak thin loh avangin kan hmu lo reng ani. Sacrifice ngam lo tan chuan hmuh ve chu beisei awm lo tak ani………
Luke 19:1-10
Dan phakar
Tuesday, September 28th, 201023.9.2010-a Assembly in a pass tak ‘The Mizoram Public Servant’s Personal Liability Bill, 2010’ kha han thlir chiang teh ang u –
He Dan thar tur hian Minister te, Parliamentary Secretary te, Mizoram sorkar hnuaia officer leh hnathawk dang zawng zawng te, leh sorkar agency hrang hrang-a thawk te, leh sorkar atanga tanpuina (grants-in-aid) dawng pawl-a thawk zawng zawng te a huam dawn mai bakah heng miten sorkar atanga hamthatna an dawn sak theih an dependant zawng zawng te a huam dawn a.
Heng mite zingah hian sorkarin mipui pawisa a hloh/hman theihna chi hrang hrang- hlawh leh hamthatna dang- allowances, leave salary, leave encashment, medical benefit etc. te, grant-in-aid te, zangnadawmna te ang chi pek tura diklo taka appointment pek te, engagement siam te, MOU ziah te, contract pek te, work order pek te leh a hrang hrang lo ti an awm chuan he Dan thar hmang hian chhuichian leh action lak theih a ni dawn a.
‘Dam’ vangin hmar khaw 14 chhe dawn!
Tuesday, September 28th, 2010
28th September, 2010: Vawiin chawhma dar 11.00 khan Sinlung Indigenous People Human Rights Organisation leh Mizoram hmar lam tlangdung mite huaihawtin Chanmari kawn atangin kawng zawh a ni a, Tuiruang leh Tuivai khuah tur chuan hmar lam tlangdung khaw 14 a khawih chhiat dawn avang leh tuikhuahin hmar mipuite tawrhna nasat tak a thlen dawn avangin tuikhuah tumte hi titawp turin an ngen a. Vawiin hian Chief Minister Lal Thanthawla hnenah Memorandum an thehlut nghal bawk.
An memorandum thehluhah chuan Mizoram hmar lama awm Sinlung Hills huam chhunga lui te leh lui lian zawng zawng- Tuiruang leh Tuivai-Tipaimukh Dam (1500 MW), Tuivai (210 MW), Tuirial (60MW), Serlui (12MW), Tuivawl (40MW) te khuap vek tura sawrkar hmalakna chu a hmun luahtu mipuite hnena chhiatna rapthlak tak thlentu a nih dawn avangin ti tawp turin sawrkar an ngen.
CWG Official song
Tuesday, September 28th, 2010Common Wealth Games lam kan sawi hnem tawh bawka, hei le an official song chu. A R Rahman a phuah ngei. Crore 5.5 vel a hlawh a ni awm e. Hei hi official video ni awm tak chu a ni…
Lam thin ila….khamoins
Tuesday, September 28th, 2010Commonwealth Games hawn an inchuh
Tuesday, September 28th, 2010India ram President Pi Patil i leh Prince Charles chuan nasa taka Commonwealth Games hawn an inchuh hnu ah an inremsiam thei ta ni in Indiatimes chuan a sawi.
NEW DELHI/LONDON: In a compromise over the contentious issue of inauguration of Commonwealth Games on Sunday, Prince Charles will declare the Games open while President will say ‘let the Games begin’.
Tradition leh convention ang chuan Commonwealth Games hi Queen Elizabeth i hawn tur ania, mahse India ram a rawn zin peih loh vangin a fapa Prince Charles hi a ai awh turin a tir a. Heihi vai hovin India a hmuhsit/ngaihthhah vangah ngaiin leh India President hi Prince Charles aia ropuina leh mahni rank, position hre ran vai hovin india ram protocol a a san zawk vangin President hian a hawng tur ani an ti. Mahse Buckingham Palace hian Commonwealth hi British institution anih vang leh Queen hi Head of Commonwalth anih avangin a ai awh tu Prince Charles hian a hawng tur ani an ti ve thung.
in va lut...
