Kan Mizo zirlaite chophur nan US a zirlaite lehkha zir dan chanchin tlem i thlirho teh ang u. US ah chuan high school (pawl 12) an graduate a, college an luh hian an seilenna hmuna university/college kai hi an tum lo tlang pui a. An seilenna hmunah college tha tak pawh awm mahse, hmun hla takah emaw state danga college kai hi mi tamtak tih dan a ni. Mahse September 11, 2001 a New York khawpuia Wold Trade Center Tower pahnih misualin thlawhna a an sutchhiat atang kha chuan state danga lehkha zira chhuak an tlem ta deuh niin an sawi.
Zirlaiten nu leh pate chawmhlawm nih an duh lo va. Mahni kea dingin lehkha an zir thin. Tanpui ngai nih an duh lo va, anmahni hringtu nu leh pate ngei tanpui nih pawh an duh lo em em thin. Nu leh paten an fate college zirlai an puih dan ber chu pawisa fai an puk tir thin, bank a loan kan puk ang deuh hian. Tichuan, an graduate a hlawh an neih that deuh hunah an in rul leh thin. Chuti a nih loh leh nu leh paten an fate tet lai atangin an fate lo len huna college an kaina tur sum tlem te te a khawl/invest an neih sak thin. Chutiang ti thei lo nu leh pa pawh an tam em em.
Engpawh nise, fate college admission fee, tution fee, in luah man leh ei leh in tur, zin vahvelna a senso zawng zawng bakah pocket money thlenga in chawmhlawm tawp ang chi kha chu a awm ve lo. An ni chuan mahni ke a din theih leh mite tanpui ngai lo nih theih hi an in zirtir nasa a. Chu chu an seilen pui a, an nun pui bawk. Keini chuan tanpuitu neih that hi kan intihtheih pui ve thung thin a ni lawm ni?
Lehkha an chhiar nasa. Class lehpeka zir tur an lo chhiar lawk vek thin. Class an neih hian chutia an lo chhiar lawk sa chu an sawiho ang lek chauh a ni tawh thin. Zir tur chhiar lawk ve lo tan chuan sawihona a bo deuh hu a, thiante aia hnufual mai a awl khawp.
Zirtirtuten class chhungah zawhna siamna hun an hawng tam a. Zirlaiten zawhna an siam tam a. Sawiho nan hun an hmang tam em em thin. Zirtirtute an inti zahawm renrun lem lova, lecture chauh kha an hna a nih loh zia an hria a, inhawng takin zirlaite an dawr thin. Zirlaiten zirtirtute an nel em em a, an hmingin an ko ve mai. Chu chu zirtirtute duh dan zawk pawh a ni. An first name ngatin. Mahse high school leh a hnuai lam zawngah chuan Mr. or Mrs. an last name hmaah dahin an inko thin thung.
Zirlaiten lehkha an ziak tam em em. Paper project/assignment neuh neuh a tam. Keini lam aia lehkha an ziah tam dan sawifiah nan India rama Bible college thenkhata an lehkha ziah dan nen han tehkhin lawk ila. India rama Bible college thenkhat a B. D. graduate-na atana research paper kum pui lingleta an sual, kum tawpa an ziah zawh chauh thin ang kha an ni chuan thlakhatah pakhat ang vel an ziak tlangpui. Mahse major a zirin lehkha ziak tam leh ziak tam lo an awm bawk.
Zirlaiten part-time or full-time in hna an thawk a. Student loan-te an puk bawk a. Sorkar laipuiin college zirlaite tan kum tin pawisa fai tlem a thlawna pek a nei thin bawk. Chutiang chuan nu leh pate tanpui ngai lovin lehkha an zir thin. Amaherawh chu college an zir zawh meuh chuan student loan leh credit card avangin leiba an nei ve teuh thin. Mahse an degree phu tawk hna an han hmu leh a, hlawhte an lo nei tha ve tan deuh a, an student loan-te an rul ve leh tak tak thin.
Zirlaiten library-ah hun an hmang tam em em a. Weekend-a han party ve bawk bawk tawk chu lo awm thin mahse zirlaiten hun awl an nei tlem em em a. Pathianni chawhnuahte hian library-ah va kal ila, zirlaite hi tul em emin an lo phu mur mur thin. Hna thawk chunga lehkha zir chu hun awl a tlem duh em a ni. Mahse lehkha zir chunga hna thawk lo chu mi tlemte an ni thung si. Hna nei lo nih hrim hrim hi thil zahthlak leh mi nikhualo nihna a ni.
Lehkha zir lai hian hna hi thawh loh tur emaw ka lo ti thin a. Ka kum hnihna thlengin hna thawk lovin ka zir a. Ka kum hnihna tawp lamah part-time a thawh tur hna ka han zawng tan ve ta a. Ka classmate pakhat hnenah intithei takin hna thawh tan ka tum tawh thu leh hna ka zawn tan tawh thu ka han sawi a. Mahse hna pahnih a neih thu min lo hrilh ve thung a. Zahthlak ang reng khawp mai. Part-time a hna thawh tur zawn chu intihtheih pui chi vak a ni lo.
Similar Posts:
- MZU Sports-ah buaina chhuak leh ta!
- Ka Hrilh Hriat Hmaih!
- Mizoram Pawn – Ka thil huat te
- Thawk tha peih lo chuan hna tha thawk ve suh se!
- MZP in sikul naupang inchei dan ngaimawh
September 30th, 2010 at 9:01 am
Chhiar teh phawt ang..
Zir leh tur ni ila’ng, min tiphur viau dawn hi a..
[Report abuse]
September 30th, 2010 at 9:14 am
Keini lah scholarship/stipend an hmuh bak chu Full support kan la pe si a.
[Report abuse]
September 30th, 2010 at 9:24 am
mizoram college leh public library ho hi dawr an hrehawm em a tin ni, zirlai te tan chuan mamawh tawpkhawk an nih loh chuan library hi an tlawh zen zen lo.
[Report abuse]
September 30th, 2010 at 9:29 am
Ummmm, ava in an loh theih haih haih ve. :lol:
[Report abuse]
September 30th, 2010 at 9:38 am
Mizoramah pawh hian tive duh zirlai anawm nual ang, mahse part time a thawhna tur hi avang em a,mi bankhur threka a laih etc a nimai a laih zawhah an quit der bok si, zan lam a han thawhtur hi kan neilova, nei pawh niila,city bus te hi zanah an service bok silova… buaithlak a ni..
[Report abuse]
September 30th, 2010 at 10:04 am
A bengvarthlak hle mai.
[Report abuse]
September 30th, 2010 at 10:05 am
@zon: US-ah chauh lo pawh Europe leh ‘Land Down Under’ lamah pawh an system niin a lang.
Mizoramah hian kan tlin ve ka ring lo, kan thatchhe hlawm em mai!
Tin, in leh lo pawh hi an in rochun ve mai mai lo niin ka hria! Pa te zarah a in chhek arbawm theih vak dawn loh a nih chu!
[Report abuse]
September 30th, 2010 at 10:11 am
Mahni inchawm chunga Lehkhazir hi chu kan ram ah hi chuan a la har deuh ni in ka hria mihring kan tlem a thawhtur a tlem a nitin a muttia a tang lawp lawp duh kan awm silo,englaipawh a inhlawhna awm chu muttia hi ni deuh mai a mahse vai ho tan kan kian vek a maw ni le tlemte bak mizo an awm silo,tum ila chuan kawng erawh a awm a ni
[Report abuse]
September 30th, 2010 at 10:20 am
Aryan-a sawi hi a dik khawp mai, a bik takin public library ho hi. Member nih paw’n lehkhabu hawh chhuah hi thil nuam lutuk a ni ngai lo. Bakah an lehkhabu a hlui tlangpui hlawm.
[Report abuse]
September 30th, 2010 at 10:26 am
Ka ngaihdan chuan keini 80’s chho vel a, computer chu Khawl thluak nei a nia, engkim a hria hriatloh pawh a neilo kan tih vel lai khan,anni chuan Window Operating system changkang tak tak hmuchhuakin, Rambuaia hun kan hman laiin THLA leilung an rap pha daih tawh..Ka sawi duh tak zawk chu engtikahemaw chuan, an moral hi kan la umpha ve mahna..Tunah chuan khaikhin tham kan la ni emaw chu ????
[Report abuse]
September 30th, 2010 at 10:42 am
Rualawh a va na ve le!
[Report abuse]
September 30th, 2010 at 10:47 am
#10 ..i thusawi hi ka pawm zawng tak a ni..
[Report abuse]
September 30th, 2010 at 11:00 am
@12: motor kawng tha pawh kan neih hmaa, thlawhna a lo thlawk tawh te er hi chu a hathlak khawp mai. Mahse, tih theih chu kan neive a ni.
[Report abuse]
September 30th, 2010 at 11:09 am
USA chu a dang hle mai maw! A bengvarthlak hle mai.
Kan society, culture, leh education system hian a la zir lo em a ni. Chu aia pawimawh zawk chu kan economy hian hmasawnna tur a la ngah LUTUK bawk. Khitiang khi chu kan DUH, kan CHAK, kan hmathlir pawh a ni ang, min ti thuanawp tu a la tam lulai em a ni.
Ka lawm e.
…khrum
[Report abuse]
September 30th, 2010 at 11:45 am
Post TRANGKAILO tak ani e!! Keini India rama lehkha zirlaite tan chuan a tih ve theih tlat lo ani tih kha ilo hre chiang zok don nia!! Esp for Medical, engineering students.
[Report abuse]
September 30th, 2010 at 12:10 pm
Kan va in-ang lo tiah2 ve! Anni zawng an inzirtirna leh kaihhruai danah puitling awm reng anni e. Mahse, rilru nei lo tan chuan nun hloh a awl ve ngawtin ka ring.
[Report abuse]
September 30th, 2010 at 12:38 pm
A bengvarthlak hle mai.
‘Zirlaiten zirtirtute an nel em em a, an hmingin an ko ve mai. Chu chu zirtirtute duh dan zawk pawh a ni. An first name ngatin,’ ka awih khawp mai. Hnam dang hrim hrim hi u, nu/pa emaw pi/pu hi an rem tlat lo. Kan chheh vel vai ho pawh tar deuh tawh pawh nise an hmingin kan ko lawl lawl mai zawng a nih hi. Mizote’n zah taka kan in ko thin hi Mizo nih nawmna a ni.
[Report abuse]
September 30th, 2010 at 12:49 pm
I ziahtu ziah hi chu ideal world, ideal student a nih hmel. Article tam tak a ka chhiar ah, leiba tam tak nen graduate hi a hlawk ber em tih hi an question fo a ni.
Mi tamtak in an sawi thin sapram thalai chu kum 18 hnu ah mahni in an awm hrang a tih hi chu, state danga college an kal vang a nih tlangpui hmel. Drop out an tam tam nen, na veng a community college ah kal ve mai se. Dorm ah emaw, inluah emaw ten an awm ang chu.
Tin, India/Mizoram ah chuan nu leh pa/chhungte in min chhawmthei a nih phawt chuan, ka hun neih zawng2 hi zirlai atan tangkai taka hman a hlawk ber, part-time a hna hlawk tak a tam lo. Full time in pawisa tlemte hlawh a thawk tur an tam lutuk. Chuvang chuan compare fo chi a ni lo.
Kan rama student loan la zir te pawh, an zir zawh hnu ah an mahni in an rul ve bawk ang chu.
Chhiar duh tan
Declining by degree
Will America’s universities go the way of its car companies?
https://www.economist.com/node/16941775
US ah chuan kum 4 a graduate lo hi an tam viau. Source above link. University pawh hian graduate lawk lo mahse pawi a ti lem lo a niang. A chhan chu zirlai te hi revenue an ni tlat!!
Hei pawh hi ngaihnawm khawp mai
How Universities Work, or: What I Wish I’d Known Freshman Year: A Guide to American University Life for the Uninitiated
https://jseliger.com/2010/09/26/how-universities-work-or-what-i-wish-i%E2%80%99d-known-freshman-year-a-guide-to-american-university-life-for-the-uninitiated/
Ka sawi tum ber chu compare fo chi a ni lo. Kan ram thalai te pawh darkar reilote part-time thawh-a six pack man hlawh theih ni ve se chuan a thawk nasa sa an ni ang chu.
Chuti rualin an system hi tha ti em em tam tak ka ngai.
Disclaimer: Typo a tam viau mai thei.
“Lehkha zir lai hian hna hi thawh loh tur emaw ka lo ti thin a.”
Thlawk lovin i awm thei (financially in) vang a niang.
[Report abuse]
September 30th, 2010 at 12:55 pm
Thlawk -> thawk
Thlawk lova awm chu a har vak lo
[Report abuse]
September 30th, 2010 at 1:04 pm
benjamin, #18 khi ngun takin chhiar nawn leh la, #19 chauh lo pawh, type sual i la hmu nual maithei :lol:
[Report abuse]
September 30th, 2010 at 1:13 pm
“Disclaimer: Typo a tam viau mai thei.” tih hi ngun takin i lo chhiar lo mi? Ka nuih pawh a za lo.
[Report abuse]
September 30th, 2010 at 1:18 pm
American Pie ang kha maw ka lo ti mai asin… :mrgreen:
[Report abuse]
September 30th, 2010 at 1:19 pm
#21 :evil:
[Report abuse]
September 30th, 2010 at 1:26 pm
American Pie
anih chuan hei hi kawlhawk-a
https://www.imdb.com/name/nm0506405/
[Report abuse]
September 30th, 2010 at 1:34 pm
#24 :lol: (benji, ka damkawr hi ka kut a hlei teh ania aw… :tihthaih: ) :smile:
[Report abuse]
September 30th, 2010 at 1:41 pm
tunah tak hian kut hlei deuh nih ve ka va chak, ka bul a thu hi a chhe lo bawk si… :evil:
[Report abuse]
September 30th, 2010 at 1:51 pm
Pu shai chu engemaw i tih bik le awww…??
Zirna hi kan nunphung leh kan eco mil a, a tha thei ang bera kalpui mai hi tha ka ti. Sap ho entawn kher loin. An tumruhna leh pachanna erawh entawn ila…
[Report abuse]
September 30th, 2010 at 2:00 pm
Ram dang leh hnam dang zirdan system hi chu kan lak pawh atha mahna. Mahse Kan ram anih miau loh avangin kan ramah chuan kan hman vek theih lohna chin a awm. Tin, ram dang a lehkha zir leh cheng te hian hei hi in ngaihtuah em le “Kan ram hi”. Ram danga inbengbela, kan ram kan hnam changkan khuma, ka ram tan engtinnge ka thiamna leh theihna te hi ka chhawr theih ang tih ngaihtuah miah lo ho hian( in ni vek e ka tihna a ni lo) enge hlutna an neih ang le?
[Report abuse]
September 30th, 2010 at 2:17 pm
Ka ngaihtuah chhuah tak mai mai chu..kan state sorkar in Quota hmangin MBBS leh Engineering student tam tak a tir liama, sorkar pawisa chu chu Zoram mipuite sum tho a ni. Heng zirlai te hi an lo zir chhuaka, zir chhuak lo pawh an tam, an zirna senso tum sak tu, tax payer ho tan nge thil tha nge an tih let? A aia tam sum um in ram dangah an kal thin hi chu ka ui takzet a ni. Doctor zirchhuak thenkhat thingtlanga awm an duh lo, khawpui ah pawh khawpui lai takah, clinic hnaih LOL
Zirna hrim hrim bakah hian keini Mizo te hian ‘Ethics’ kan tlachham tulh tulh anih hmel.
[Report abuse]
September 30th, 2010 at 3:40 pm
An ni chu an ni an ni a, kan dinhmun a in ang lo tih hria ila. Amaherawh chu kan tlin ang leh phak tawkin hmasawn tum ila. Hetiang post bengvarthlak tak tak te hi inzir nan leh min fuihtu atan hman tangkai i tum ang u.
[Report abuse]
September 30th, 2010 at 4:34 pm
@ lushai_er: In leh lo an in rochun ngai lo a, mi hausa fate pawn, ” ka nu leh pate chu an hausa mahse kei chu ka la hausa ve lo” an ti mai. An nu leh pate ta kha an ta a ni ve mai lo. Chu chu an nun dan, an culture a ni ve mai.
[Report abuse]
September 30th, 2010 at 5:01 pm
Post tha tak a ni e. Ngaihnawm hle mai. ‘anni leh keini compare chi loh’ tih lam ai kha chuan, anni paw’n inhlawhfa chungin an zirchhuak a, kei nu leh pa chawmhlawm hi ka ral dawn bik em ni? i ti zawk ang u.
[Report abuse]
September 30th, 2010 at 5:12 pm
A tha khawp mai.
Pathian thu tih lohah chuan Zirna tluka ngaihsan ka nei lo.Zirna avanga thiamna leh hriatna ka ngaisang.Mahni thiam leh hriat thil ti-te hi ka ngaisang takzet.
[Report abuse]
September 30th, 2010 at 6:34 pm
aizawl ah hian state library lo hi library mumal deuh in hre mial em? ka mamawh ang reng khawp maia
[Report abuse]
September 30th, 2010 at 7:05 pm
Ho deuh anga lang mahse pawimawh ve mai mai chu, kan standard mil – Institute/School-a zir hi.
[Report abuse]
September 30th, 2010 at 7:09 pm
Entawn tur lai leh entawn tlak lai ni a a hriat, a thra lam a ziaktu hian uar takin a rawn thailang niin a lang . A ti thra khawp mai. Hetiang ram, Freedom ngaihlu ber tu te zinga mi, ah chuan a chhe lam pawh a sawi duh tan chuan sawi tur a tam ang tih chu chiang sa.
American Pie vel lo en thrin tan chuan nia, mitdel ho Sai (elephant)an hmuh/hriat dan sawifiah tum ang lek khan, pangkhing deuh a thil thlir pawh awm thei tak ani ang.
American nula pakhat pawhin ram pakhata a zinnaah ( a ram hming chu sawi lo mai la ila) American nu/nula ho an lo en dan kha a lungawi loh thu a sawi chiam ka hre tawh. Hollywood Movie leh Daytime Soap vela an lo hmuh thrin ang nuna nung turah deuh vek khan American nu/nula ho chu an lo ngai thla rawk pek ani awm e heng ram a mi ho hian. A duh tan chuan, entawn tur thra lai pawh Ram Pui ah nge nge chuan a tam teh meuh maile, a chhe lai tam tak awm bawk mahse.
[Report abuse]
September 30th, 2010 at 8:06 pm
An nun dan kan duh zawng a nih lohna tam tak sawi tur a awm. Entirnan, an ni chu nupui pasala an inneih hmain in khatah an awm dun tawh thin. Fate pawh an nei lawk a. Kan hre vek ang. Chu chu anni chuan tha an ti. Keini chuan tha kan ti lo mai thei, kan sakhuana leh kan culture atangin.
Tin, ngaihzawng neih leh sex hman hi. Anni ngaihah chuan mi ang pangai nih chuan hmeichhia pawh mipa pawh, ngaihzawng neiha sex hman reng tur a ni mai. Chu chu an ngaihah chuan a THA a ni. Keini ngaihah chuan a THA lo mai thei. Ngaihzawng (boyfriend/girlfriend) nei ngai lo leh sex hmang ngai lo chu, chian lohna neiah an ngai nghal mai. What’s wrong with you an ti mai.
Thil hi a tha leh tha lo kan sawi hian mi thenkhat/hnam thenkhat tana tha anih lai khan hnam dang or culture dang tan chuan a tha ve lo thei. THA kan tih hi a inanglo nasa hle thei. Inneih hmaa awm dun hmasa THA an tihna chhan chu, nupa anga in khata khawsak chhin hmasak phawta chhungkaw hlawhtling an siam theih dawn leh dawn loh (intiamkama inneih hmain) an in enchhiin phawt duh. Hei vang hian nupa inthen an tlem phah em? hnai lo ve. Khawvelah US hi nupa inthen tam ( tamna ber a ni mai thei?)ram a ni, inthen % hi 50 % zuk han nia. Nupa tuak hnih an awm chuan tuak khat chu an inthen tihna a nih chu. Sawi tur atam mai.
[Report abuse]
October 1st, 2010 at 8:40 am
Zofate hi Taima Rinawm Pathian tih ti hian hnmadang hian min hria se a duhawm. Chumi lam chu kan tum a tul. Chutiangin kan zirlai te hi taima takin chhel takin an zirlai hi zir sela, kan hnam hming an titha ang.
Aizawlah zirlai inhlawh chawpa zir an awm nual, a then chu mi ina awmpui a awma college kal pawh an awm, a then inhlawhna dap chawpin. VaiVa ngei pawh hi insawi duh se chutianga bul tana tuna hlawhtlinna hi thleng ani. Lilyparmawia hi example dang ani bawk loan a la investment tenau tihpahin a zir. Hemite hi kan misual entawntlak an ni. Ka chhuang ka sawi fo mai.
USA leh ram CK-ah hian risk puitling laa kal Zofate an awm nual hlawhchham chu an tlem hle.
[Report abuse]