Vawiin chu Barcelonia khua in fang kual teh ang. Barcelona hi Spain ram a khaw lian ber dawt tu (an khawpui Madrid dawt), Europe khawmualpui a, tourist tlawh tu ngah ber pawl a ni. A hmun a thengthaw nuamin zin vak te hip thei tur thil hrang hrang a tam hle. Mediterranean climate a neih avangin October thla-ah pawh a la vawt hre awm lo. He khawpui hi economy, trade, sports, tourism lamah te a pawimawh em avangin Global City tih a hlawh chawk. Gothic architecture a tam avang hian Gothic city an ti bawk. In fang tan ang aw !
A khawpui lai li tak El Born area-ah kan thlen avangin, zin mi te’n an hmaih ngai lo Les Rambles (Street hming) kan va chuang chhuak nghal a, street performers ho leh hmuhnawm dang a tam khawp mai
click for larger size
Thalai in thirsakawr chuan an uar hle
An old city, Barri gothic leh Catherdral te kan tlawh thuak thuak hnu in, an Town Square (Europe khawpui ho hian khawpui lai takah Town’s Square an nei chawk) Placa de Catalunya hmun zau leh theng thaw nuam tak kan chuang chhuak a, heta tang hian Hop-on Hop-off Bus in kan han kual tan ta a.
Barcelona hmingthanna pakhat chu Architect dang lam leh hming thang Antoni Gaudi a sak building ho te hi an ni awm e.
Chuan heng building mawi tak tak kan fan zawh chuan, Gaudi a plan/siam bawk, Parc Guell kan han fang leh a,
Chuan, zin mi tena Barcelona a, an hmuh chak ber mai, Sagradia Familia kan tlawh leh a. Hei hi biak in a ni a, kum 1882 a sak tan ni in la sak mek zel a ni. Hei pawh hi Gaudi kut chhuak bawk a ni, a mawi dang dai khawp mai.
Museum tlawh tur a tam hle, Picasso Museum tlawh tu an tam ber awm e.
Ni khat a fan zawh mai chi a ni lo, a tukah kan chhuak tha leh a, Barcelona hi a danglamna chu, khawpui hmun rem zau tak a ni a, beach nuam tak a neih bakah a bul maiah hian tlang nuam tak tak pahnih an awm a, Montjuic tlang lam ah kan chho ta a. Barcelona Olympic 1992 kha kan la hre reng ang a, Montjuic –ah hian, a main stadium leh a dang engnge maw zat a awm bak-ah park mawi leh nuam a tam hle. Barcelona khawpui thlirna hmun nuam tak a ni.
Cable carin Monjuic tlang lam kan pan
Olympic Stadium
Chawhnu her lam-ah chuan, Spanish/Catalan hovin Camp Nou an tih, kei ni tan Barcelona Football Club stadium leh museum kan tlawh leh a, hei hi chu post dang-ah a hran a sawi chi a ni.
Barcelona Beach hi a fai tha in a hmun a nuam hle, October thla chuan a lun lutuk tawk lova, tlai lam hun hman nan a nuam hle.
A bul velah hian night club, pub leh restaurant a tam hle. Misual ho zingah Flemanco lam tui deuh tan chuan . .
Barcelona by night
Similar Posts:
- English Premier League and Man City
- Black Hill Regional Park
- Arsenal FC ah Indian Player
- Chelsea FC ka tlawh ve a
- Ka Zin Kawng – V
October 31st, 2010 at 11:03 am
Thlalak va tam ve
October 31st, 2010 at 11:10 am
Nou camp chu la rawn post leh ngei la a tha ang. FC Barcelona players ho ka lo en zo chiah a. Messi, Xavi, Iniesta, Keita, adt te ho chetvelna hmun chu tlawh ve a chakawm ngei mai!
October 31st, 2010 at 11:18 am
Thlalak tam hi en a nuam.
Paeia,kala hruai ang che. hehehe
October 31st, 2010 at 11:19 am
A hmuhnawm cher cher lutuk..! Good post!
Kal ve ka lo tum ran ran asin le, khitia i rawn post kan hmuh vek takah chuan kal lehlo mai te’ng..! :mrgreen:
October 31st, 2010 at 11:27 am
signl muang deuh tan chuan a nghahchhuah chhung ava rei ve le, a lem chanve ten a lang a. Hmuhnawm hmel khawp mai.
October 31st, 2010 at 11:45 am
Picture tam lutuk a a load zo thei thlawt lo,a then a lang a,a then a phe nuaih mai :mrgreen:
October 31st, 2010 at 11:46 am
Tar khup bil a kan dam te nih chuan,belte phai thei lo pawisa neih bawk ila ka ram kal chak na zingah tel. :mrgreen:
October 31st, 2010 at 11:59 am
A nawm hmel hlawm hle mai. Mahse a then chiah ka hmu thei a :roll:
October 31st, 2010 at 12:03 pm
hmuhnawm hle mai aaa…
October 31st, 2010 at 12:03 pm
a va ‘Gothica’ ve
October 31st, 2010 at 12:17 pm
Thlalak ka lo dah tam deuh em ni le, in hmuh kim theih lo le ? Publish tawh chuan ka paih then thei tawh si lo, pawi hle mai.
Shai, thlalak hi admin te duh dan thlapin 1024 x 768 in ka resize ve vek a sin maw le. Comment ang hian ka lo dah uar lutuk deuh vang a ni ber ang.
Zeus, thlalak gothic zual deuh chu ka la khek tha zawk maw le !
October 31st, 2010 at 12:35 pm
Lemonvale chu nuam awm bik ve aw…
Thlalak a hmuhnawm hlawm khawp mai. Kal ve a chakawm mange aw…!
October 31st, 2010 at 12:53 pm
Lemonvale, a tha tho tho e. Pics a tam a, a lawmawm. Mahse hmanhmawh deuh hian a nghahhlelhawm deuh a. 800X800 vel hi load a nuam khawp mai.
October 31st, 2010 at 1:19 pm
Ka hmu kim thei chiah e,a hmuhnawm hlawm khawp mai :lol:
October 31st, 2010 at 1:55 pm
@lemonvale : Nizan chu kan chhungte Australia, Florida, Paris leh California, India-a mite kan in-call kual hlawm a. Hun nuam tak kan hmang tlang. Photo a va mawi hlawm ve.
October 31st, 2010 at 2:05 pm
#11, Lemonvale, picture chu ka hmu kim nghal thei vek asin, i dah hnem a, mit a titlai e, i ti tha hle mai.
October 31st, 2010 at 2:06 pm
15@Chawnghilh : Tunlai intlawhpawhna/inbiakpawhna changkang tak nen chuan khawvel a zim sawt teh e. I Himalaya Yatra thlalak ho kha han pho chhuak la maw le.
#16 paeia, Thanks,
October 31st, 2010 at 2:07 pm
ka rawn leng lut ve
October 31st, 2010 at 2:20 pm
#18, Ngawih reng awih lauh… :lol:
October 31st, 2010 at 2:34 pm
@19,ngawi reng lau e..
Ropui dup dup ve,post tupa zarah kal ve tluk ah ka in ngai.
October 31st, 2010 at 3:32 pm
nawm hmel hle mai!
October 31st, 2010 at 3:41 pm
Bacelona hi chu nuam ngawt mai, lung i ti leng reuh e aw, mahse Madrid nuam ka ti zawk
October 31st, 2010 at 3:51 pm
A lem tam hi a tha, en tur a tam bik.
‘ti hian correspondence-in Barcelona kan fang a ni mai alawm. 
Rual-awh a va na duh thin ve aw… An cable car te mawlh mai hi, engtikah tak kan Zoram hian nei ve ang i maw… :?
“Barcelona” Freddie Mercury leh Montserrat Caballé sak kha ka rilru-ah a awm tlat thung.
October 31st, 2010 at 4:44 pm
Barcelona tih chuan mitthla-ah football a lang nghal. A va hmuhnawm ngaihnawm em! Hetaing rama ka lo piang lo hi ka inchhir :lol:
October 31st, 2010 at 4:57 pm
Muante, Camp Nou FC Barcelona stadium leh museum chu kan tlawh ngei a sin, hmanni hmuifang tlang in thianfai kha ka comment ve hman lova, in ti tha hle mai, way to go, my alma mateur
October 31st, 2010 at 5:37 pm
Post tha khawp mai, rawn chhunzawm zel teh khai.
October 31st, 2010 at 5:45 pm
lunga va ti leng ve..han ti ve ngawt ila..metro ah ka bo chiam tawh a.. :wink:
October 31st, 2010 at 6:42 pm
@ Lemonvale a va hmuhnawm tehlul ve leh.
October 31st, 2010 at 7:38 pm
@Lemonvale: En a nuamin, kal a chakawm hle mai a.. Sapram-a ka piang lo hi ka inchhir telh telh mai ka ti.. :roll:
October 31st, 2010 at 10:41 pm
Lemonvale, thanks! La Liga ah chuan Barca hi ka tan ber an nia, chuvangin i pics pawh hian ka mit a la khawp mai.
October 31st, 2010 at 11:25 pm
Nuam thei.Hmuhnawm bon top top.Barca tihvel hian kan veng field ah engtiknge an rawn khelh ve ang lee…
November 1st, 2010 at 12:12 am
Mit a ti tlai e.
November 1st, 2010 at 6:36 am
Mit a va tlai ve. hetiang lam hian rilru a tiharh adang kan lo beisei zel ange
November 1st, 2010 at 6:40 am
Zawlaidi sawisel vak vak aiin a hmuhnawm in a hahdam thlak daih mai, theh chhuak tha khawp mai. :wink:
November 1st, 2010 at 3:00 pm
Nawm hmel hle mai, thlalak pawh i thiam e